حوار صريح جدا بين اعضاء منتدي الكنيسة(متجدد)

[treaz]

لا اسا انت على لو عندك اسئله ليا وبعدها انا هكون حضرت اساله كبيرة تناسب تفكيرك

 

[Kerlos-love-Jesus]

لا اسا انت على لو عندك اسئله ليا وبعدها انا هكون حضرت اساله كبيرة تناسب تفكيرك

بس كدة ؟؟؟؟؟؟؟؟
دي متعتي ف الحياة الاسئلة دي

استنيني باة

 

[treaz]

من الواضح كرهك للاسم عمل عداوة وهطلع عقدة الاسم عليا

 

[Kerlos-love-Jesus]

1- قولتي انك بتقري في كتب علم النفس ، من دراستي 4 سنين لأداب علم النفس ، اعرف حاجة ، كل اللي بيقرا في كتب علم النفس ، اما حابب للعلم دة ، او مريض نفسي ، ترجحي انتي انهي حد من الاتنين ؟ ولا حابه العلم بتحبي اية فية ؟ وهتستفادي بيه في بيتك وتربية ولادك ولا لا ؟ وازاي لو ينفع بشكل مختصر ؟ يعني مبادئ عامة ف التربية اقصد .

2- لو توقيعك تقصدي بيه نفسك ، مش مقولة وخلاص ، فكرك التظاهر بالقوة بينتهي امتى ويبان ضعف الانسان ؟ لحد فين وامتى الانسان يقدر يتظاهر بأنه قوي رغم ان جواه عالم يبكي ؟

3- اية هدفك في الحياة ؟ وعارفة هتحققية ازاي ولا سايباها على الله ؟ ولا زي بنات كتير هدفها هو الاستقرار والبيت بحكم اللي بيفرضه المجتمع عليهم ؟

4- كلمة صريحة لأعضاء المنتدى ومشرفيه ، واول ايجابية حساها ، واول سلبية حساها ف المكان هنا ؟

5- كلمة صريحة جدا ليا ، شايفاني ازاي ، اية الايجابية والسلبية برضو ؟

ليكي حق متجاوبيش اخر سؤال باستفاضة ، او خالص ، لأنه يخص شخصي ، ولكن انا عايز اسمعك ...

ــ

 

[treaz]

[ قولتي انك بتقري في كتب علم النفس ، من دراستي 4 سنين لأداب علم النفس ، اعرف حاجة ، كل اللي بيقرا في كتب علم النفس ، اما حابب للعلم دة ، او مريض نفسي ، ترجحي انتي انهي حد من الاتنين ؟ ولا حابه العلم بتحبي اية فية ؟ وهتستفادي بيه في بيتك وتربية ولادك ولا لا ؟ وازاي لو ينفع بشكل مختصر ؟ يعني مبادئ عامة ف التربية اقصد .
:11_9_10[1]: لا انا بدرسه لانى فعلا بحبه وباذن يسوع لو اتيح ليا هكمل دراسه مفتوحه علم نفس وانا بقرا فيه هو والمشورة لانى بدرس فى معهد المشورة فاغلب الدراسه فى الفرع دة وعلشان كدة انا بحب قرايه الكتب دى وازاى اقدم مشورة سليمه لو حد احتجنى فى خدمتى وخصوصا فى تعاملى مع الاطفال.وكمان علشان بجد نفسى اخلى اولادى طالعين بصورة نفسيه سليمه ودى مرحله النمو للانسان
1/مرحله المهد :الثقه *عدم الثقه
2/مرحله الطفوله من2:6سنين :الاعتماد على النفس *الخزى والعجز
3/مرحله الطفوله المتاخرة :من6*9سنين:المباداه *الشعور بالذنب
4/مرحله ماقبل المرهقه 9*13:الانجاز *الشعور بالنقص
5/مرحله المراهقه من13*18:الهويه *اختلاط الادوار
6/مرحله الشباب 18*25:الالفه * العزله
7/مرحله الرشد 25*55:الخصوبه *الركود
8/مرحله الكبر50سنه فما فوق :التكامل * الياس

بحب العلم دة لانه فعلا بيعرفك ازاى تعرف نفسك من جوه وازاى تتعامل مع مشاعرك السلبيه بمعنى مختصر ازاى افهم نفسى واقبل عيوبى واطور منها وكمان اهم شى عرفتنى بجد ازاى اتعامل مع كل الشخصيات بمختلف تفكيرهم وازاى اتاقلم مع الى حواليا بمختلف شخصياتهم واتقبلهم واحبهم من غير ميتغيرو

2- لو توقيعك تقصدي بيه نفسك ، مش مقولة وخلاص ، فكرك التظاهر بالقوة بينتهي امتى ويبان ضعف الانسان ؟ لحد فين وامتى الانسان يقدر يتظاهر بأنه قوي رغم ان جواه عالم يبكي

المقوله عاديه بس عجبتنى اوى والتظاهر بالقوة بيختفى لما الانسان بيكون مع نفسه وقصاد ناس فعلا عارف انهم هيقبلو بضعفه وعيوبه والتظاهربالقوة علشان احيانا ناس بتستغل الضعف الشخصى وكمان ضعفى والامى مش صيت ولا اذاعه لحدولا تباهى بحس انها من خصوصياتى

3- اية هدفك في الحياة ؟ وعارفة هتحققية ازاي ولا سايباها على الله ؟ ولا زي بنات كتير هدفها هو الاستقرار والبيت بحكم اللي بيفرضه المجتمع عليهم ؟
هدفى ياسيدى انك هكمل كليتى فى مجال علم النفس وباذن يسوع قدامى سنتين على مقدم وكمان هدفى انى ارتبط بشخص يكملنى ويساعدنى فى بناء اسرة صغيرة كويسه لكن لو مش هتكون بالشكل دة يبقى مش هيلزمنى الارتباط خالص

4- كلمة صريحة لأعضاء المنتدى ومشرفيه ، واول ايجابية حساها ، واول سلبية حساها ف المكان هنا ؟
كلمه للاعضاء والمشرفين: مرسى ليكو لتعبكو ومحبتكو
والشغل الحلو الى فى المنتدى
الايجابيه: انى فعلا بلاقى مواضيع كتير تهمنى وبستفيد منها
السلبيه:لا مفيش لان مش متعمقه فيه اوووووى

5- كلمة صريحة جدا ليا ، شايفاني ازاي ، اية الايجابية والسلبية برضو ؟
لا انت انسان محترم جدا وعندك ثقه بنفسك ومتابع لكل الى بيحصل والاهم انى حسيت انك بتعمل اى شى انت مقتنع بيه بغض النظر عن الاراء الى حواليك
بس هو فى سلبيه صغيرة مش عارفه صح ولا انا وصلتلى غلط انك عندك عدوانيه هل دة عموما ولا بسبب الاسم الى عمل فيك كدة :fun_lol:
ليكي حق متجاوبيش اخر سؤال باستفاضة ، او خالص ، لأنه يخص شخصي ، ولكن انا عايز اسمعك ...

ــ




[/QUOTE]

 

[Kerlos-love-Jesus]

وكمان ضعفى والامى مش صيت ولا اذاعه لحدولا تباهى بحس انها من خصوصياتى

متفق معاكي جداً
في ناس بتعمل من ضعفها و ألامها شيء من التباهي ، او الإذاعة فعلا .

هدفى ياسيدى انك هكمل كليتى فى مجال علم النفس وباذن يسوع قدامى سنتين على مقدم وكمان هدفى انى ارتبط بشخص يكملنى ويساعدنى فى بناء اسرة صغيرة كويسه لكن لو مش هتكون بالشكل دة يبقى مش هيلزمنى الارتباط خالص

Big like

بس هو فى سلبيه صغيرة مش عارفه صح ولا انا وصلتلى غلط انك عندك عدوانيه هل دة عموما ولا بسبب الاسم الى عمل فيك كدة :fun_lol:

في الفترة الأخير فعلاً بأيت عدواني ، بحكم نزولي للشارع كتير والتعامل مع كتير من الشخصيات اللي بتاكل برسيم :new6:
بس بحاول اسيطر ع نفسي واشيل دة لأني عارف انو غلط
وبالنسبة للعدوانية معاكي فدة هزار ، بس اسمك فعلا مش بحبه خالص

ــ

في انتظار اسألتك الكبيرة ، ياتريز
ياتريزة

 

[treaz]

1/ قولى كلمه توصف بيها الكلمات دى

الحياة / الطموح / الصداقه / الحب /الياس / المراة/ الناس الى بتاكل برسيم

2/ ايه مفهوم المسئوليه من وجهه نظرك

3/ ايه هى خبراتك فى الحياه

4/ ايه هى اولوياتك واهدافك فى الحيااااااااااااة

5/ نفس سوالك الاخير ليا ولك برده كامل الحريه فى الاجابه او لا

ومرسى كتير ليك ومبسوطه بمعرفتى بيك وبشكر روزى كتير للقاء دة مرسى يا روزى ياسكرة

 

[Kerlos-love-Jesus]

1/ قولى كلمه توصف بيها الكلمات دى

الحياة / الطموح / الصداقه / الحب /الياس / المراة/ الناس الى بتاكل برسيم

الحياة : قناة ع النايل سات
ألش بألش بأة

الطموح بأة هو الحياة ، بس مش ع النايل سات

الصداقة ، جميلة

الحب ، حلو ، حلو الحب

الياس مين ؟ ، انا اعرف اليأس ، اللي هو عكس الأمل . ودة اللي هو أول طريق الفشل .

المرأة ؟ كائن ربنا خالقه ، اية يعني مش فاهم

؟؟؟

الناس اللي بتاكل برسيم ؟ دة تعريفي الخاص للبشر اللي بيعملوا كل شيء هدف في حد ذاته ، مش عشان هدف تاني
يعني بيكرهني عشان يكرهني ، وبيدي لنفسه أسباب أتفه من التفاهه ويصدقها
بينصحني عشان هو عايز يمارس هوايته في النصح ، مش عشان بيحبني او عايزلي الأفضل
بيتغابى عشان يتغابى ، مش عشان هو غبي
بينتخب ابو الفتوح ، المرشح الوحيد اللي مش باينله هوية واضحة ومرجعية محددة :new6:
فهمتيني ؟

2/ ايه مفهوم المسئوليه من وجهه نظرك

تبدأ بالرضا ، تمشي بالرجولة ، تستمر بالحب ، تنتهي بالنجاح
يعني البني ادم لو معندوش رضا عن ظروفه اللي حملتوا المسؤولية مش هيتحملها
وعشان يأقلم حياته عليها لازم يكون راجل ، راجل كصفه مش تصنيف جنسي ،
تستمر بحب للناس اللي شايل مسؤولية عشانهم ، تخيلي اب بيكره ولاده ، يشيل مسؤوليتهم أزاي ؟
تنتهي بالنجاح ، وهو ان ربنا مبيضيعش مجهود حد ، والراجل " سواء كان واحد او واحدة " اللي بيرضى بظروفه ويتحملها ـ، ربناا بيكافؤه بنجاح ، ودة انا اختبرته في حياتي كتير .

3/ ايه هى خبراتك فى الحياه

بعيدا عن المعاني الكتير للسؤال دة

الا انه سؤال عايم ! ، إلا لو كان كلمة خبرات ليها مفهوم نفسي مختلف جواكي عن المفهوم اللفظي للكلمة
معنى سؤالك بالمفهوم اللفظي ، والإجابة الفياضة او المسترسلة اني افضل اكتب هنا 20 سنة او اكتر .

4/ ايه هى اولوياتك واهدافك فى الحيااااااااااااة

أولويات اية ؟ ، اشخاص ولا عادات ولا صفات ولا ولا ولا ؟؟؟
لو اشخاص ف أمي واخواتي ونفسي
لو عادات ، فالعادات المعقولة المتزنة ، مش اللي بتحافظ على تراث ، لا ! ،،، اللي بتحافظ ع الانسان ، وفي فرق شاسع بين النوعين
لو صفات يبأة إحترام الجميع بدون خنوع ، الأمانة ، حب الناس وخدمتهم ، بس حب يفيدهم مش ع ورق او من منابر . لا بالواقع .

اهدافي
اعيش راضي بنفس كمية الرضا اللي عندي دي
حد عزيز عليا كدة مشاكله تتحل وتتظبط دنيته المتعقده
امي تكون بخير
اكبر ف شغلي شويتين ، شويتين صغنتتين كدة
اشوف مصر بلد كويس متقدم .

5/ نفس سوالك الاخير ليا ولك برده كامل الحريه فى الاجابه او لا

ايجابية فيكي ، احترام خصوصياتك ، تفكيرك من ناحية هيئة بنت مسيحية ف مجتمع متخلف
سلبية عندك ، حاسك من انصار I Don't care ، يعني مش مهم اللي بيحصل حواليا ، المهم اني عايشة تمام وكويسة ،
بإختصار نوع من الأنانية الإجتماعية .
ـــ


حوار جميل
شكرا ليكي
وشكرا لروزي
وللناس اللي تابعت

سلام .

 

[treaz]

الحياة : قناة ع النايل سات
ألش بألش بأة

الطموح بأة هو الحياة ، بس مش ع النايل سات

الصداقة ، جميلة

الحب ، حلو ، حلو الحب

الياس مين ؟ ، انا اعرف اليأس ، اللي هو عكس الأمل . ودة اللي هو أول طريق الفشل .
ههههههههههههه يانهار اللش انت ايه الايجابات الموذجيه دى ياراجل
المرأة ؟ كائن ربنا خالقه ، اية يعني مش فاهم

؟؟؟
هههههههههههه مانا عارفه انها كائن حى يعيش ويتعايش
بس اقصد من وجهه نظرك فى مجتماعنا كنظرة شخصيه
الناس اللي بتاكل برسيم ؟ دة تعريفي الخاص للبشر اللي بيعملوا كل شيء هدف في حد ذاته ، مش عشان هدف تاني
يعني بيكرهني عشان يكرهني ، وبيدي لنفسه أسباب أتفه من التفاهه ويصدقها
بينصحني عشان هو عايز يمارس هوايته في النصح ، مش عشان بيحبني او عايزلي الأفضل
بيتغابى عشان يتغابى ، مش عشان هو غبي
بينتخب ابو الفتوح ، المرشح الوحيد اللي مش باينله هوية واضحة ومرجعية محددة :new6:
فهمتيني ؟ ههههههههههههه اة الحمد لله فهمت



تبدأ بالرضا ، تمشي بالرجولة ، تستمر بالحب ، تنتهي بالنجاح
يعني البني ادم لو معندوش رضا عن ظروفه اللي حملتوا المسؤولية مش هيتحملها
وعشان يأقلم حياته عليها لازم يكون راجل ، راجل كصفه مش تصنيف جنسي ،
تستمر بحب للناس اللي شايل مسؤولية عشانهم ، تخيلي اب بيكره ولاده ، يشيل مسؤوليتهم أزاي ؟
تنتهي بالنجاح ، وهو ان ربنا مبيضيعش مجهود حد ، والراجل " سواء كان واحد او واحدة " اللي بيرضى بظروفه ويتحملها ـ، ربناا بيكافؤه بنجاح ، ودة انا اختبرته في حياتي كتير .
لالالالالالالالالالالالالالايك جدا


بعيدا عن المعاني الكتير للسؤال دة

الا انه سؤال عايم ! ، إلا لو كان كلمة خبرات ليها مفهوم نفسي مختلف جواكي عن المفهوم اللفظي للكلمة
معنى سؤالك بالمفهوم اللفظي ، والإجابة الفياضة او المسترسلة اني افضل اكتب هنا 20 سنة او اكتر .
سورى ان كنت معرفتش اوضح بس اقصد خبراتك الحياتيه من تعاملاتك مع المجتمع الى غيرت فى شخصيبتك


أولويات اية ؟ ، اشخاص ولا عادات ولا صفات ولا ولا ولا ؟؟؟
لو اشخاص ف أمي واخواتي ونفسي
لو عادات ، فالعادات المعقولة المتزنة ، مش اللي بتحافظ على تراث ، لا ! ،،، اللي بتحافظ ع الانسان ، وفي فرق شاسع بين النوعين
لو صفات يبأة إحترام الجميع بدون خنوع ، الأمانة ، حب الناس وخدمتهم ، بس حب يفيدهم مش ع ورق او من منابر . لا بالواقع .

اهدافي
اعيش راضي بنفس كمية الرضا اللي عندي دي
حد عزيز عليا كدة مشاكله تتحل وتتظبط دنيته المتعقده
امي تكون بخير
اكبر ف شغلي شويتين ، شويتين صغنتتين كدة
اشوف مصر بلد كويس متقدم .




ايجابية فيكي ، احترام خصوصياتك ، تفكيرك من ناحية هيئة بنت مسيحية ف مجتمع متخلف
سلبية عندك ، حاسك من انصار I Don't care ، يعني مش مهم اللي بيحصل حواليا ، المهم اني عايشة تمام وكويسة ،
بإختصار نوع من الأنانية الإجتماعية .
ـــ
ههههههههه لا خالص بامانه بس انا تعبت من كتر الاحداث السلبيه وحابه انى اريح دماغى علشان افكر صح بعيد عن الدوشه بتاعه العالم دة لسه حد قايلى مشكلتك انك مش بتفكرى فى نفسك اصدق مين انا بقى:new6:

حوار جميل
شكرا ليكي
وشكرا لروزي
وللناس اللي تابعت

سلام .

سلالالالالالالالالالالالالالالالالالام

 

[روزي86]

شكرا كيرو وتريز

نورتوا الموضوع بالاسئلة والاجابة الواضحة والصريحة

ربنا يفرحكم دايما
​

 

[treaz]

العفوووووووووووووووووو يا روزى ومرسى ليكى انتى ولتعبك حبيبتى

 

[روزي86]

اهلا وسهلا بيكم في حلقة جديدة وضيوف جداد

في حوار صريح مع اعضاء منتدي الكنيسة

انهاردة الضيوف جامدين جدا ودمهم خفيف وجنس ناعم بقي هههههههههه

معايا المشرفة الجميلة

جيلان

والعضوة المباركة المتألقة دائما بمشاركاتها

بنت موسي الاسود

اهلا وسهلا بيكم نورتوا الموضوع وعايزه اشوف التقطيع بقي ههههههههه
​

 

[جيلان]

منور بصاحبه يا حبيبتى
بصو من اولها كدة انا خايبة فى موضوع الاسئلة ده اوى يعنى غالبا هتقطع ومش هقطع فياريت ولاد الحلال يغششونى اسئلة اقطع البت بيها
الى عنده سؤال يبعتهولى فى البروفايل وله عندى تقييم لو السؤال عجبنى هههههههه

 

[بنت موسى الاسود]

جى جى حبيبه قلبى وحشانى صدقينى يا حلوة

 

[روزي86]

منور بصاحبه يا حبيبتى
بصو من اولها كدة انا خايبة فى موضوع الاسئلة ده اوى يعنى غالبا هتقطع ومش هقطع فياريت ولاد الحلال يغششونى اسئلة اقطع البت بيها
الى عنده سؤال يبعتهولى فى البروفايل وله عندى تقييم لو السؤال عجبنى هههههههه

ههههههههههه ميرسي لزوقك يا قمر

وانا هغششك بقي اي خدمة

بس هاتي جنيه:love34:

 

[بنت موسى الاسود]

ها المفروض انا اللى اسال ولا بقى

 

[روزي86]

ها المفروض انا اللى اسال ولا بقى

اي حد يبدأ بأول خمس اسئلة

 

[جيلان]

جى جى حبيبه قلبى وحشانى صدقينى يا حلوة

هههههههههه تحفة ان حظنا جه فى بعض اصلا :love45:
دى عشرة سنين الكلية يا روزى يعنى فضايح اوعى وشك
خفى عليا شوية يا دودو بقى ماشى وانا هحاول اخف عليكى وده هيعتمد على الاسئلة الى هيغششوهالى :scenic:

 

[روزي86]

هههههههههه تحفة ان حظنا جه فى بعض اصلا :love45:
دى عشرة سنين الكلية يا روزى يعنى فضايح اوعى وشك
خفى عليا شوية يا دودو بقى ماشى وانا هحاول اخف عليكى وده هيعتمد على الاسئلة الى هيغششوهالى :scenic:

ههههههههههه يعني عشرة كلية وعايزه نغششك كمان لالالالالالا ده اتي اللي تعرفينا بيها بقي يا جيلان ههههههه

 

[جيلان]

ابدئى انتى يا دودو