حمد لله ع السلامة ...
عمرى ما أتخانقت ولا ضربت حد ولا أنضربت والحمد لله ...كبيرى شتايم بجاعورة لو حد مس أهل بيتى ...وكلام من اللى بيوجع لو حاجة تانية وبأبتسامة وهدوء قاتل مع برود مش عارف بييجى منين ساعتها
كلها ...مافيش نقاوة ...فيه الحلو والمُر ..أتعودت آخد الحلوة وارمى المُرة وده سر نجاحى - صحيح مش أنا عارف ناجح فى أية بالظبط - لكن هو ده السر وخلاص ...
يعنى أية دى ؟؟؟ مش فاهم السؤال بجد ؟
بعيد عنك حياة بؤس وشقاء ...فيها حاجات حلوة كتيررررر وحاجات أجارك الله ..أستفدت من اللى ( أجارك الله ) ده خبرة ..وأستمتعت بالباقى
كدهون كان بيحب ( أكداه) فى الفيلم الهندى أعلاه مش بتابعى سينما ؟
أنا مستنى السؤال بقى لى تلات أيام !!!!!
احم احم ...
كدة خلصنا والا لسة فيه حصة تانية ؟
منورة يا تريز ، وانا كمان منور طبعا
خليني اقولك ان لو دة اسمك ، فانا مش بحبو خالص ولا بحب انطقه
ــ
نرجع بأة للسؤال
،
اسمي كيرلس ، شاب مصري في العشرينيات ، اتولدت في اسرة مرتاحة مادياً شوية ، لظروف كتير اوي بأت الاسرة دي متوسطة مادياً ، وبأيت بعولها من الألف للياء
وظيفتي ، مصمم دعايا وإعلان ، ويب ، .. GFX & Web Designer
صريح ، عصبي ، مغرور جدا وواخد مقلب كبير ف نفسي
رجعي جداً جداً جداً ، تقريبا انا شاب من 1920 ، ودة ف تفكيري ف الارتباط ، او عن اختي فقط ، غير كدة ف انا شاب 2012 عادي زي الناس
ماليش اي فضل ع نفسي ف اي حاجة ف حياتي ، ولا حد له فضل عليا ، ربنا فقط هو اللي ف المكان دة ..
راضي جداً عن حياتي ، شكلي ، بيتي ، تربيتي
بحب : ربنا ، امي ، الكتابة ، بس كدة
بكره جدا جدا جدا جدا : الغباء ، التقلب ( المزاجية ) ، الفيس بوك ، الناس اللي بتاكل برسيم
الأسئلة العايمة زي السؤال اللي انتي سألتية دة كدة بالظبط
ياريت لو هنكمل مع بعض يكون اسئلتنا واضحة ومحددة ،
ـ
سؤالي عشانك
خدت بالي من وجودك 3 مرات بس تقريبا ً ، بحسك بتحبي تحافظي جدا على خصوصيتك ، هل دة وراة سبب معين ؟ ولا مجاتش فرصة تتقربي من الاعضاء ؟ ولا انا اللي مغيب ؟
السؤال بإسلوب أوضح ، اية تعريفك للكلمة دي " خصوصياتي " ، ومسموح لمين وازاي انه يتكلم فيها ؟
ـ
منورة تاني
وشكرا يا روزي لإختيارك