حوار خاطئ مع نفسه

+Roka_Jesus+

الاميرة الشقية
مشرف سابق
إنضم
10 نوفمبر 2008
المشاركات
30,213
مستوى التفاعل
417
النقاط
0
الإقامة
في قلب حبيبي *_*
--ازاى نرتاح فى دنيا غريبه عننا

ازاى نرتاح و احنا حاسين بغربه بين ناسنا و اهلنا

--ازاى نعيش مع ناس تاه عنها الطريق

ازاى نرتاح مع بشر لا يمكن تنقذ اى غريق

--ازاى نحس بالأمان و احنا كل يوم بنشوف قسوه من البشر

ازاى نعيش فى فرحه مع ناس قلوبها حجر


--كل واحد ماشى فى سكته و بايع القضيه

مفيش حد بيحب بجد و لو لقيته تبقى قضيه

--تقعد تفكر ازاى و ليه و امتى و فين

و ساعتها تضيع سنين و سنين و سنين

--طب ايه الحل ؟؟؟ قل لى يا عم غريب

قلى اعمل ايه عشان مبقاش زيك غريب؟؟

--عم "غريب": هاقولك بس ركز معايا و فتح عنيك

هاقولك خبرة سنين و هاديهالك بين ايديك

--بس مادام عرفت لازم يا شاطر تتصرف

عشان متبقاش زى غيرك، د انت جدع و عايز تعرف

--انا قعدت سنين و سنين بدور على الطريق الصح

و لقيت كل واحد فى الدنيا ديه بيقول" يا عم انا اللى صح

--امشى معايا و انت ترتاح و تبقى سعيد

و كنت بجرب و اقول يمكن الاقى فى يوم الامل البعيد

-- و جربت و جربت و سافرت و اتغربت

فى عقول الناس و قلوبهم و ياما تعبت...........

--لحد ما فى يوم بصيت لواحد ماشى بعيد اوى

غرقان فى دمه و مجروح و شايل حمل شكله تقيل اوى

--بقوله انت ايه اللى عمل كده فيك

دا انت شكلك ضعيف و مردول و حملك يكفيك

--قالى بصوت غريب قوى لكنه ملوش مثيل

صوت مليان حنيه و الم و فرحه و مشاعر كتير

--قالى :"انا الوحيد اللى ممكن انى اشيل عنك كل الاحمال

عشان انت و اخوك و ابوك ترتاحوا من الاثقال

--انا الوحيد اللى لما مت كان موتى حياه

انا الوحيد اللى غليت و بقى فى ايدى مفتاح الحياه

--مكانش ليا اى ذنب و انا البار الوحيد

بس لما الأب امر اطعت بلا تأجيل ولا تحديد

--جيت و قلت يا ناس انا كل اللى عايزه انكم تكونوا احباب

انا كل اللى بقوله انكم تفتحوا فى قلوبكم باب

--افتح فى قلبك باب للحب و افهم ازاى و ليه انا اديتك حياه

افهم انك لو مش هتحب غيرك ملكش اى فرصة نجاه

--انا كل اللى عايزه انى اكون حبيبك و الهك و العريس

اكون انا بس اللى معاك و جواك و انا بي الانيس

--قلت لك من زمان ملكش شبع من غيرى

قلت لك دور و لف و شوف لو لقيت معين غيرى

--دورت و لفيت و شفت ما لقيت و جريت و جريت

و اتمنيت و حلمت و رجعت و ندمت و بكيت

--جيت لى صارخ و طالب فرصه تانيه للنجاه

قلت لى راجع يا الهى يا اعظم و احن اله

--قلت لى : بدموعى و بجراحى انا جاى و كلى امل

انك تمسح دموعى و تقول لى ايه العمل

--تقول لى بعد اتساخى ازاى ارجع تانى ابيض و نظيف

تمسكنى ايدك و تشيل منى كل غش و زيف

--لو رضيت انى اكون معاك و بتاعك من تانى

هترجع لى الحياه و اعرف ساعتها فين مكانى

--مكانى الوحيد كان جوا جروحك و مكان دق المسمار

كان فى جنبك الطعين على ايدين خسيس جبار

--كانوا فاكرين انك كده حياتك خلصت و ان مصيرك هيكون زى غيرك بين نيران

مكانوش عارفين انك غلبت الهلاك و افنيت سلطان الشيطان

--اللى صلبك مكانش عارف ان بصليبك الخلاص هيتم

و ان الحياه رجعت لينا تانى و ادفع فيها عالصليب دم

--انا بس عايز اسال :هتقبلنى و ترجعنى ليك تانى ولا مش هاينفع "
​
 

فادية

ديفيد حبيبي
مشرف سابق
إنضم
19 أكتوبر 2006
المشاركات
9,073
مستوى التفاعل
44
النقاط
0
الإقامة
منقوشة على كفيه
كلمات اروع من الروعة
تسلم ايديك عزيزتي
ربنا يبارك موهبتك وحياتك ​
 

KOKOMAN

.
مشرف سابق
إنضم
9 سبتمبر 2007
المشاركات
122,434
مستوى التفاعل
414
النقاط
0
الإقامة
ALEX
رووووووووعه يا روكا
ميرررررسى على الموضوع
ربنا يبارك حياتك​
 

النهيسى

مشرف سابق
مشرف سابق
إنضم
27 يوليو 2008
المشاركات
92,326
مستوى التفاعل
3,201
النقاط
113
الإقامة
I love you Jesus
شكـــــــــــــرا

جــــدا


حوار رائع جدا


الرب يسوع معااكم

​
 
أعلى