حد بيفهم هنا فى الطيور ؟؟؟؟؟؟؟؟؟؟؟؟؟؟؟

[YOYO JESUS]

سلام ونعمة
انا امبارح بليل جابت عفصورين
هما من نوع طيور الفيشر
لو حد بيفهم فى الطيور ممكن يقولى ازاى اقدر اعتنى بيهم
؟؟؟؟؟؟؟؟؟؟؟؟؟؟؟؟؟
​

 

[candy shop]

العصافير جميله جدا وانا بحبهم اوى
عندى بس خليهم فى بلكونه لانهم بيبهدلوا الدنيا من الاكل
المهم العنايه بنظافه القفص واعى تنسى الاكل والميه
بصى حطى فى القفص من تحت حته كرتونه او اى حاجه ينزل ليها الاكل او اى حاجه انا عندى القفص ليه فتحه بسحب منها الكرتونه ارميها واحط غيرها وبس
​

 

[YOYO JESUS]

طيب انا قريت ع النت بيقولى مش عارفة اكليهم بيض مسلوق ع الطبح
وع الساعة 3 الظهر
تحطيلهم فاكهة او حاجة وخضروات
الكلام دا صح
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ولا هما ليهم اكل واحد ومعين
​

 

[+KiMO+]

جيبتي عصافير
الف مبروك


بس للأسف انا مبفهمش في الطيور خالص

هتسميهم ايه ^_^

​

 

[YOYO JESUS]

لسة مش سميت قولى اسامى
​

 

[+KiMO+]

ابراهيم و ممدوح

^_____________^
​

 

[candy shop]

فى اكل مخصوص للعصافير
حبوب عند بتاع العصافير
هو انتى بتربى بيبى هههههه
​

 

[+إيرينى+]

أنا عندى نوع من البغبغانات إسمه كوكتيل

دا بياكل لب نى إسود و فلارس

حبو بتفهم أوى فى الطيور إسأليها

 

[YOYO JESUS]

فى اكل مخصوص للعصافير
حبوب عند بتاع العصافير
هو انتى بتربى بيبى هههههه
​

ايوة الحبوب دى عندى
بس خايفة افتح القفص احطها يطيروا منى هههههههههههههههههههههه
صدقينى لقيت تحط ليهم خضروات وفاكهة ههههههههههههههه

​

 

[YOYO JESUS]

ابراهيم و ممدوح

^_____________^
​

لا دى بنوتة
وجوزها
جيبلى اسم بنت :t33:
​

 

[YOYO JESUS]

أنا عندى نوع من البغبغانات إسمه كوكتيل

دا بياكل لب نى إسود و فلارس

حبو بتفهم أوى فى الطيور إسأليها

يارب حبو تتدخل تلحقنى انا خايفة يموتوا منى ههههههههههههههههههههه
​

 

[حبو اعدائكم]

بيحبوا ايوا البيض المسلوق-- خصوصا العصفوره الانثى
بس مش كتير-- يعنى ممكن مره كدا فى الاسبوع او مرتين و مش بيضه بحالها فى اليوم--
ممكن نص بيضه فى الاسبوع تسلقى واحده و تقطعيها اربعه مرتين فى الاسبوع تديهم ربع--
مش كنت بحب اكتر--
فى الصيف اوقات يحبوا خياره ينقوروا فيها- او حتت تفاحه- ده كدا تفاريح جنب الحبوب بتاعتهم

 

[YOYO JESUS]

طيب عشان انضف اقفص قولى الخطوات كدة براحة هههههههههههههههههه
احسن دلوقتى لقيتهم منيلن الدنيا مكان الاكل
​

 

[YOYO JESUS]

هو انا لو اكتفيت بالحبوب بس اللى بشترها من عند الراجل
يجرى حاجة ؟
​

 

[+KiMO+]

لا دى بنوتة
وجوزها
جيبلى اسم بنت :t33:
​

سعدية
​

 

[YOYO JESUS]

سعدية
​

امشى ياولا من هنا
انا عاوز اسامى روشة
مثلا شرين وتامر :t33:
​

 

[حبو اعدائكم]

هو انا لو اكتفيت بالحبوب بس اللى بشترها من عند الراجل

يجرى حاجة ؟​

لا مش يجرى حاجه خااالص--
بس ممكن تبقى تديها حتت بيضه لما الفطار يجى و يبقى فى البيت فيه بيض
خصوصا الانثى بتحتاجها او بتحبها--- دى معلومه من المتابعه و المراقبه لهم --
و تبقى تديهم ودان الخيار الى بتقطعيه و ترميه ينقوروا فيه كدا -- تفاريح

 

[YOYO JESUS]

هو لازم البيض دا ؟
ههههههههههههه
اصلى مستخسرة فيهم بصراحة ههههههههههههههههه
طيب هو انا لازم احطهم فى الشمس كل يوم صوح ؟
​

 

[حبو اعدائكم]

طيب عشان انضف اقفص قولى الخطوات كدة براحة هههههههههههههههههه

احسن دلوقتى لقيتهم منيلن الدنيا مكان الاكل​

هو القفص بتاعك له درج بيتشد ولا مش له؟؟
بصى عمتا افرشى جرنال على ارض القفص او لو عندك كراسات قديمه خدى الكرتونه البرانيه بتاعتها و حطيها جوه--
و لازم يبقى عندهم البيت الخشب الى مخروم ده و متسبت فى القفص...
بردوا علشان الخصوصيه لازم يبقى لهم اوضه مقفوله عليهم ههههههههههههههههههه

 

[حبو اعدائكم]

هو لازم البيض دا ؟

ههههههههههههه
اصلى مستخسرة فيهم بصراحة ههههههههههههههههه
طيب هو انا لازم احطهم فى الشمس كل يوم صوح ؟​

ينهاااااار عليكى بقول لك نص بيضه فى الاسبووع هههههههههههههههههههه
او نص بيضه كل اسبوعين--
او فى الشهر نص بيضه-
او لما تفطرى تبقى تقطمى قطمايه و اديها للعصفوره تتسله معاكى ههههههه

تحطيهم فى الشمس ايوا بس مش تحرقيهم هههههههههههههه
خدى بالك دايما تخلى القفص نصه ضله و نصه شمس -- ممكن تغطيى نصه بقماشه علشان لو غصب عنك نستيهم ميموتوش من الشمس---أو لو واحده تعبت تروح بنفسها للنص الى فيه ضله ---