جوزك على ما تعوديه

[R.O.R.O]

[/CENTER]
حلوة ( أفشتى ) فى كلمتين دى ...أعتراف صررررريح من حواء بالأفش والعكننة
بس لية ( بعد الشر ) ؟؟ ....بالعكس ...الخناقات دى بتبقى لذيذة كدة وحلوة ...
أمال الجيران تسمع أية طيب ؟؟؟
دى حتى تبقى الحياة مُملة ورتيبة ....
بصى يا ستى ...لو الأتنين على مستوى من النضج والوعى (أو) على مستوى راق من الحُب ...
بيطنشوا القصة كانها ما حصلتش من أصله ...لا دة يعتذر ولا دى تعتذر وتمشى الحياة حلوة ولذيذة ..مجرد مشادة عادية جداً
أرمى ورا ضهرك ..ولا تتفتح سيرتها تانى ...
اللى خاطب أو متجوز يجرب كدة ويقولى النتيجة
ربنا يبعد عنكم الخناقات اللى بتوصل للأقسام :t33:

ده مش اعتراف يا عبود لان الافش ده مش مقتصر على الستات بس كمان على الرجالة
حلو اوى كلامك فى نقطة انهم يعدوا ويطنشوا فعلا ياريت ده يحضل هتلاقى الدنيا مشيت وكان مفيش حاجة حصلت لكن للاس ده قليل اوى لما بيحصل
هههههههه ان شاء الله مش هتوصل للقسم
ميرسى لمشاركتك الجميلة عبود
​

 

[R.O.R.O]

لا لو الشد العاتييييي زى بتاع الاخوات ومادراك بأفش الاخوات :t33: ... خلاص لان كدة هنقضى اليوم كله اعتذارات :spor24:
بس لو الموضوع يستحق ان طرف يعتذر يبقى المجنى عليه يتقل لحد ما الجانى يقر ويعترف بجريمته ويعتذر عنها ...


ماقولنا عايزاه بينور وبيمشى على الحيط ... وبلاش الاوبشن التالت عشان رورو ماتنتحرش كفايا عليها حماتها :smil12:
وحياتك انت لما ييجى سعيد الحظ هدلعه واقوله يا باثم ... رغم ان الاسم وحش :new2:
​

مالك ومال حماتى يا وايت دى بلسم يا حبيتى
تتحط عل الجرح يوووووولع بس
​

 

[R.O.R.O]

من اجل ان تستمر الحياة ونعيش فى سعادة ونبعد عن النكد لا نكبر المشاكل ونعطيها اكبر من حجمها وكل واحد تاخده كرامته والبيت ينهار ما فيش فرق بين الرجل وزوجته ابدا الاتنين هما جسد واحد وروح واحدة

ميرسى جدا لكلامك الجميل حبيب يسوع
​

 

[R.O.R.O]

يعنى علشان تكسر روتين الحياة تتخانق !!!
يعنى علشان تتطلع من ضغوط الحياة ......... تشد وتتخانق مع زوجتك

ولا علشان تكسر روتين الحياة من ضغوط وخلافة تقوم برحلة ترفيهية ( خروجة يعنى )


المهم

أنتا بتقول الخناق لذيذ ؟؟
فسر أجب أوضح
وبلاش تهرب منها وتقول أصل الخناق بيكسر الروتين

قوللهم يا ملكة ويرجعوا يقولوا احنا اللى بنحب النكد
​

 

[R.O.R.O]

اظن انا لو اتجوزت واحد هادى شبهى كدة :t33:... هيبقى طول النهار بننكش فى بعض و نشد و نجذب .. بينى و بينك المشادات الكلامية دى اظرف ما فيها المصالحة :love34: و الدلع و تعملى غضبانة و هو يعمل تقيل و مرة تستهبلى و تسوقى فيها و يصالحك هو و مرة انتى تدلعيه و تصالحيه :08: المهم الدنيا تمشى فى الاخر .. متبقيش دايما قافشة عليه و لازم هو اللى يصالح ولا انتى على طول اللى بتدلعى و تصالحى تبادل الادوار بيخفف الموضوع شوية :kap:

هههههههه هادى شبهك طيب ما علينا
فى فرق يا شقاوة بين الشد اللى هو هدفة الهزار والضحك
لكن احنا بنتكلم على المشدات اللى بتحصل بين الزوجين كمشكلة بينهم لكن انا معاكى فى اننا نشد فى شعر بعض طول النهار دى هههههههه ممكن اخليه يقرع كمان لو عاوزة

​

 

[R.O.R.O]

على رأى آلست أليسـآ
ع بآلى تجرحنى .. لحتى تصآلحنى :love34:
إحم

جرح صغنون .. مش عميق وينتهى فى آلقصر آلعينى


آلمشآكسة يآ رورو تقريباً بتبقى روح آلحيآة
خصوصاُ لو كآنت آلحيآة آلزوجية إللى بتقلب ملل بعد شهرين

فلو مجرد خلآف بسيط .. وهم عآيزين يخلوهـ بسيط .. فـ مش فآرقة مين يبدأ
ممكن من مجرد نظرة أو آفشة بسيطة هيتصآلحوآ

لكن لو وصلت لإهآنة أو خلآف صعب
مهم إن إللى غلط يعترف بخطأهـ .. لإن دى بدآية آلحل
من غير شوكة وآلآ بتآع ( هو أنآ هتجوز سمكة )..

دآ زوآج وشركة مقدسة مش حرب





.،
​

ملل بعد الجواز بشهرين لا يا سيكرت تقدرى تقولى بسنة
اوقات كتير المشاكل البسيطة بتادى للحب اكتر بينهم صدقينى
كل واحد بيحاول يبين للتانى هو بيحبه اد ايه وميقدرش على زعله
حلوة سمكة دى يا سيكرت هههههههههه
ميرسى يا قمرة لكلامك الجميل
​

 

[R.O.R.O]

اللى غلط يعتذر سواء هى او هو مش هتفرق
الغلطان فيهم يعتذر ويخلص الموضوع على خير
لكن لوحد بيعتذر طول الوقت او د بيتصالح طول الوقت ده حرام بصراحة
والاعتذار لما الواحد يغلط مش ضعف بالعكس ده قمة القوة

المشكلة يا انجل انه محدش بيعترف انه غلطان اصلا كل طرف بيرمى المسئولية على الطرف التانى وده اللى بيخلى المشكلة تزيد
وتكبر لكن من الاول لو كل واحد اعترف انه غلطان واعتزر الموضوع هيخلص بسرعة
والاعتزار عمره ما كان ضعف لكن ناس كتير بتشوفه ضعف وخصوصا الرجالة
​

 

[kalimooo]

اختصار مفيد
الاعتذار عند اللزوم قوة ومرؤة وكرم نفس وحكمة
اي الذي اخطاء وجب عليه على الاقل ان يبتدىء بأعتذار او ما اشبه ذلك
شيء متعود فيه ترطيب الجو لان الزوج والزوجة واحد

 

[R.O.R.O]

اختصار مفيد
الاعتذار عند اللزوم قوة ومرؤة وكرم نفس وحكمة
اي الذي اخطاء وجب عليه على الاقل ان يبتدىء بأعتذار او ما اشبه ذلك
شيء متعود فيه ترطيب الجو لان الزوج والزوج واحد

احيك جدا يا كليمو على الكلمتين دوووول
ميرسى ليك اوووووووووى
​