جوزك على ما تعوديه

[R.O.R.O]

عايزاكم فى موضوع بس خصوصى
ها خصووووووووصى حبتين

يعنى هنشرب شاى

والكلام يحلو

انتى ونصك الحلو يعنى جوزك او خطيبك
كنتم قاعدين ورايقين

والكلام جر بعضه افشتى انتى فى كلمتين

رد عليكى بكلمتين حصل بعد الشر
خناقه

خد بعضه وعملها زعله

قعدتى انتى زعلانه

السؤال هنا بقا
تقدرى تيجى على نفسك وتروحى تصلحيه
ولا كرمتك على طول بتنئح عليكى
وابدا لازم هو الى يجى ويصلحنى

سواء غلطانه ولا هو الى غلطان
لازم اكسر شوكته
ده انا حلوه وزى القمر

لو مشفتش نفسى عليه اومال هدلع على مين

​

 

[white.angel]

لا ... مش صح طبعاً ... لا صح انى اروح اجرى عليه واكلمه سواء غلطان او مش غلطان ... ولا صح انى غلطانه او مش غلطانه اسيبه هو اللى يعتذرلى ويصالحنى

لان معلش ... انت بتكسرى شوكة مين ...؟؟
دة هيبقى جوزك او هو بالفعل جوزك .... يعنى انتِ ...

انما المفروض انت مرتبطه بأنسان حكيم ومحترم وعاقل وناضج وفاهم
لو انا غلطانه هعترف بغلطى واقوله حقك عليا ... ولو هو اللى غلطان من نفسه هاييجى يصالحك ...

والاهم بقى ان لما الطرف يعترف بخطأه بلاش الطرف التانى يعيش الدور ... ويترسم بقى ... ويقعد يقول المهم ان دة مايتكررش تانى ... وتكون عرفت غلطتك ...

لان محدش مش بيغلط ومن الرائع ان يكون حد بيعترف بخطأه ... ولازم احنا كمان نتسامح ونعدى عشان الدنيا تمشى ...
​

 

[سور]

بين الزوجين مافيش فرق كبير مين اللى يصالح التانى
المهم انكم ماتنموش غير لما تكونوا صافيين من ناحية بعض
ولما نصفى المواضيع اول باول ما تكبرش وتفضل المحبة وتكبر بنكم
بس ساعات فيه تصرفات لازم نقف عندها وتحسسى الزوج انك زعلتى واتجرحتى منها
علشان مش تتكرر مره تانية
يعنى مش كل حاجة ممكن نعديها لازم يكون فيه وقفات
و الزوجة العاقلة لازم تعدى وما تكبرش حاجات صغيره وسورى بتكون عبيطة ولكن بنعمل منها مشكلة كبيره
نفكر دايما بمحبة وربنا يبارك كل بيوتنا

 

[عبود عبده عبود]

والكلام جر بعضه افشتى انتى فى كلمتين

رد عليكى بكلمتين حصل بعد الشر

خناقه
​

​

​

​

​

حلوة ( أفشتى ) فى كلمتين دى ...أعتراف صررررريح من حواء بالأفش والعكننة
بس لية ( بعد الشر ) ؟؟ ....بالعكس ...الخناقات دى بتبقى لذيذة كدة وحلوة ...
أمال الجيران تسمع أية طيب ؟؟؟
دى حتى تبقى الحياة مُملة ورتيبة ....
بصى يا ستى ...لو الأتنين على مستوى من النضج والوعى (أو) على مستوى راق من الحُب ...
بيطنشوا القصة كانها ما حصلتش من أصله ...لا دة يعتذر ولا دى تعتذر وتمشى الحياة حلوة ولذيذة ..مجرد مشادة عادية جداً
أرمى ورا ضهرك ..ولا تتفتح سيرتها تانى ...
اللى خاطب أو متجوز يجرب كدة ويقولى النتيجة
ربنا يبعد عنكم الخناقات اللى بتوصل للأقسام :t33:

 

[white.angel]

[/CENTER]
حلوة ( أفشتى ) فى كلمتين دى ...أعتراف صررررريح من حواء بالأفش والعكننة
بس لية ( بعد الشر ) ؟؟ ....بالعكس ...الخناقات دى بتبقى لذيذة كدة وحلوة ...
أمال الجيران تسمع أية طيب ؟؟؟
دى حتى تبقى الحياة مُملة ورتيبة ....
بصى يا ستى ...لو الأتنين على مستوى من النضج والوعى (أو) على مستوى راق من الحُب ...
بيطنشوا القصة كانها ما حصلتش من أصله ...لا دة يعتذر ولا دى تعتذر وتمشى الحياة حلوة ولذيذة ..مجرد مشادة عادية جداً
أرمى ورا ضهرك ..ولا تتفتح سيرتها تانى ...
اللى خاطب أو متجوز يجرب كدة ويقولى النتيجة
ربنا يبعد عنكم الخناقات اللى بتوصل للأقسام :t33:

كلامك صح بخصوص الطناش ... ولازم نطنش على حاجات كتير
بس بيبقى فى مشاكل او "افشات" لازم الغلطان يعتذر لان فى اعتذاره هيرجع عن قرار خاطئ كان هيتخذه مثلاً

يعنى لا ينفع نطنش طول الخط ... ولا نعتذر طول الخط ... ولا حد تتكسر شوكته او كبرياؤه يعنى ... كله بالعقل يمشى ..

وابقى فهم الكلمتين دول لباثم :t33:
​

 

[عبود عبده عبود]

كلامك صح بخصوص الطناش ... ولازم نطنش على حاجات كتير
بس بيبقى فى مشاكل او "افشات" لازم الغلطان يعتذر لان فى اعتذاره هيرجع عن قرار خاطئ كان هيتخذه مثلاً ​

وايت ..أنا باتكلم عن المشادات العادية بتاعة البيوت بين الزوج والزوجة ...يعنى اللى مش توصل لدرجة السب واللعن أو قلة أدب طرف على التانى
دى بتحتاج الى وقفة طبعاً ...
رور بتقول ( أفشت ) فى كلمتين ...يعنى واضح انه كلام الشد والجذب العاتتيى

وابقى فهم الكلمتين دول لباثم :t33:

باثم بتاع الـ 128 البيضا ؟؟؟؟:t33:
دة جدع أبن حلال ...خديه على ضمانتى أنا
باقولك ...فيه منه ( أبيض فى بنى ) وألا أحجز لك المشمشى ؟؟؟

 

[white.angel]

وايت ..أنا باتكلم عن المشادات العادية بتاعة البيوت بين الزوج والزوجة ...يعنى اللى مش توصل لدرجة السب واللعن أو قلة أدب طرف على التانى
دى بتحتاج الى وقفة طبعاً ...
رور بتقول ( أفشت ) فى كلمتين ...يعنى واضح انه كلام الشد والجذب العاتتيى

لا لو الشد العاتييييي زى بتاع الاخوات ومادراك بأفش الاخوات :t33: ... خلاص لان كدة هنقضى اليوم كله اعتذارات :spor24:
بس لو الموضوع يستحق ان طرف يعتذر يبقى المجنى عليه يتقل لحد ما الجانى يقر ويعترف بجريمته ويعتذر عنها ...
​

باثم بتاع الـ 128 البيضا ؟؟؟؟:t33:
دة جدع أبن حلال ...خديه على ضمانتى أنا
باقولك ...فيه منه ( أبيض فى بنى ) وألا أحجز لك المشمشى ؟؟؟

ماقولنا عايزاه بينور وبيمشى على الحيط ... وبلاش الاوبشن التالت عشان رورو ماتنتحرش كفايا عليها حماتها :smil12:
وحياتك انت لما ييجى سعيد الحظ هدلعه واقوله يا باثم ... رغم ان الاسم وحش :new2:
​

 

[AL MALEKA HELANA]

[/CENTER]
(
( ) ...بالعكس ...الخناقات دى بتبقى لذيذة كدة وحلوة ...

معلش أخ عبود فسرلى النقطة دى علشان مش فهماها ؟؟

 

[عبود عبده عبود]

معلش أخ عبود فسرلى النقطة دى علشان مش فهماها ؟؟

الشد والجذب بيبقى مفيد لكسر روتين الحياة الزوجية
هى مابتبقاش مقصودة لكن فيه شحنات بتتراكم من ضغوط الحياة والشغل وتربية الآولاد والمواصلات ووووو ....الخ
وماتبقاش الحياة رتيبة كدة مالهاش طعم ...بتكسر الروتين شوية

 

[حبيب يسوع]

من اجل ان تستمر الحياة ونعيش فى سعادة ونبعد عن النكد لا نكبر المشاكل ونعطيها اكبر من حجمها وكل واحد تاخده كرامته والبيت ينهار ما فيش فرق بين الرجل وزوجته ابدا الاتنين هما جسد واحد وروح واحدة

 

[AL MALEKA HELANA]

الشد والجذب بيبقى مفيد لكسر روتين الحياة الزوجية
هى مابتبقاش مقصودة لكن فيه شحنات بتتراكم من ضغوط الحياة والشغل وتربية الآولاد والمواصلات ووووو ....الخ
وماتبقاش الحياة رتيبة كدة مالهاش طعم ...بتكسر الروتين شوية

يعنى علشان تكسر روتين الحياة تتخانق !!!
يعنى علشان تتطلع من ضغوط الحياة ......... تشد وتتخانق مع زوجتك

ولا علشان تكسر روتين الحياة من ضغوط وخلافة تقوم برحلة ترفيهية ( خروجة يعنى )


المهم

أنتا بتقول الخناق لذيذ ؟؟
فسر أجب أوضح
وبلاش تهرب منها وتقول أصل الخناق بيكسر الروتين

 

[AdmanTios]

يعنى علشان تكسر روتين الحياة تتخانق !!!
يعنى علشان تتطلع من ضغوط الحياة ......... تشد وتتخانق مع زوجتك

ولا علشان تكسر روتين الحياة من ضغوط وخلافة تقوم برحلة ترفيهية ( خروجة يعنى )


المهم

أنتا بتقول الخناق لذيذ ؟؟
فسر أجب أوضح
وبلاش تهرب منها وتقول أصل الخناق بيكسر الروتين

يا سلام يا ملكة لما موضوع يمخمخ معاكي
مش ح تسيبيه .......... ما ينفعش نتفك بكلمة :smil12:

 

[AL MALEKA HELANA]

يا سلام يا ملكة لما موضوع يمخمخ معاكي
مش ح تسيبيه .......... ما ينفعش نتفك بكلمة :smil12:

ههههههههههه منور يا مدحت
عبود اللى جابة لنفسة ::spor22:
قال بيقولك الخناق لذيذ ::a82:
تعرف تفسر العبارة أستاذنا مدحت

 

[AdmanTios]

ههههههههههه منور يا مدحت
عبود اللى جابة لنفسة ::spor22:
قال بيقولك الخناق لذيذ ::a82:
تعرف تفسر العبارة أستاذنا مدحت

عزيزتي الملكة هيلانة
أفتقدك جداً صدقيني لن أقول أكثر من ذلك

لندخل بصلب الموضوع
أعتقد بأن أخونا الغالي عبود
قصد أنها بهارات المحبة التي تُعضدد و تُدعم
و ليس تهدم و توخر ..... ببعض الأحيان صدقيني
و عن حقائق و أحداث حقيقة تكون بعض المناوشات
بسماح قطعاً من ربنا بتُزيد من المحبة و الإرتباط و الحنين

منها علي سبيل المثال و ليس الحصر قيمة الطرف
لدي الأخر خصوصاً حينما ينتبه الغلطان منهم لغلطُه
و تفهمة و إكتساب خبرة تلافيه مقدماً ... تكون الخلاصة
مكسب بالأخير و زيادة و تدعيم لرباط رب المجد بالمحبة

هذا ببساطة الخناق اللذيذ

تقبلي مودتي

 

[AL MALEKA HELANA]

عزيزتي الملكة هيلانة
أفتقدك جداً صدقيني لن أقول أكثر من ذلك

لندخل بصلب الموضوع
أعتقد بأن أخونا الغالي عبود
قصد أنها بهارات المحبة التي تُعضدد و تُدعم
و ليس تهدم و توخر ..... ببعض الأحيان صدقيني
و عن حقائق و أحداث حقيقة تكون بعض المناوشات
بسماح قطعاً من ربنا بتُزيد من المحبة و الإرتباط و الحنين

منها علي سبيل المثال و ليس الحصر قيمة الطرف
لدي الأخر خصوصاً حينما ينتبه الغلطان منهم لغلطُه
و تفهمة و إكتساب خبرة تلافيه مقدماً ... تكون الخلاصة
مكسب بالأخير و زيادة و تدعيم لرباط رب المجد بالمحبة

هذا ببساطة الخناق اللذيذ

تقبلي مودتي

شكراااااا مدحت كدة إنتا كدة جبت the end

 

[sha2awet 2alam]

اظن انا لو اتجوزت واحد هادى شبهى كدة :t33:... هيبقى طول النهار بننكش فى بعض و نشد و نجذب .. بينى و بينك المشادات الكلامية دى اظرف ما فيها المصالحة :love34: و الدلع و تعملى غضبانة و هو يعمل تقيل و مرة تستهبلى و تسوقى فيها و يصالحك هو و مرة انتى تدلعيه و تصالحيه :08: المهم الدنيا تمشى فى الاخر .. متبقيش دايما قافشة عليه و لازم هو اللى يصالح ولا انتى على طول اللى بتدلعى و تصالحى تبادل الادوار بيخفف الموضوع شوية :kap:

 

[إيمليــآ]

اظن انا لو اتجوزت واحد هادى شبهى كدة :t33:... هيبقى طول النهار بننكش فى بعض و نشد و نجذب .. بينى و بينك المشادات الكلامية دى اظرف ما فيها المصالحة :love34: و الدلع و تعملى غضبانة و هو يعمل تقيل و مرة تستهبلى و تسوقى فيها و يصالحك هو و مرة انتى تدلعيه و تصالحيه :08: المهم الدنيا تمشى فى الاخر .. متبقيش دايما قافشة عليه و لازم هو اللى يصالح ولا انتى على طول اللى بتدلعى و تصالحى تبادل الادوار بيخفف الموضوع شوية :kap:

على رأى آلست أليسـآ
ع بآلى تجرحنى .. لحتى تصآلحنى :love34:
إحم

جرح صغنون .. مش عميق وينتهى فى آلقصر آلعينى


آلمشآكسة يآ رورو تقريباً بتبقى روح آلحيآة
خصوصاُ لو كآنت آلحيآة آلزوجية إللى بتقلب ملل بعد شهرين

فلو مجرد خلآف بسيط .. وهم عآيزين يخلوهـ بسيط .. فـ مش فآرقة مين يبدأ
ممكن من مجرد نظرة أو آفشة بسيطة هيتصآلحوآ

لكن لو وصلت لإهآنة أو خلآف صعب
مهم إن إللى غلط يعترف بخطأهـ .. لإن دى بدآية آلحل
من غير شوكة وآلآ بتآع ( هو أنآ هتجوز سمكة )..

دآ زوآج وشركة مقدسة مش حرب





.،
​

 

[Desert Rose]

اللى غلط يعتذر سواء هى او هو مش هتفرق
الغلطان فيهم يعتذر ويخلص الموضوع على خير
لكن لوحد بيعتذر طول الوقت او د بيتصالح طول الوقت ده حرام بصراحة
والاعتذار لما الواحد يغلط مش ضعف بالعكس ده قمة القوة

 

[R.O.R.O]

لا ... مش صح طبعاً ... لا صح انى اروح اجرى عليه واكلمه سواء غلطان او مش غلطان ... ولا صح انى غلطانه او مش غلطانه اسيبه هو اللى يعتذرلى ويصالحنى

لان معلش ... انت بتكسرى شوكة مين ...؟؟
دة هيبقى جوزك او هو بالفعل جوزك .... يعنى انتِ ...

انما المفروض انت مرتبطه بأنسان حكيم ومحترم وعاقل وناضج وفاهم
لو انا غلطانه هعترف بغلطى واقوله حقك عليا ... ولو هو اللى غلطان من نفسه هاييجى يصالحك ...

والاهم بقى ان لما الطرف يعترف بخطأه بلاش الطرف التانى يعيش الدور ... ويترسم بقى ... ويقعد يقول المهم ان دة مايتكررش تانى ... وتكون عرفت غلطتك ...

لان محدش مش بيغلط ومن الرائع ان يكون حد بيعترف بخطأه ... ولازم احنا كمان نتسامح ونعدى عشان الدنيا تمشى ...
​

عندك حق يا وايت فى كل كلامك لازم نعدى لبعض علشان الدنيا تمشى وكمان فى حاجة عاوزة اقولك عليها لما الزعل بيطول بين الاتنين بتبقى حياه مملة وكمان فى الاخر هيرجعوا لبعض يبقى مش لازم نطول ونعدى الموضوع كانه محصلش
ميرسى يا وايت على كلامك الجميل
​

 

[R.O.R.O]

بين الزوجين مافيش فرق كبير مين اللى يصالح التانى

المهم انكم ماتنموش غير لما تكونوا صافيين من ناحية بعض
ولما نصفى المواضيع اول باول ما تكبرش وتفضل المحبة وتكبر بنكم
بس ساعات فيه تصرفات لازم نقف عندها وتحسسى الزوج انك زعلتى واتجرحتى منها
علشان مش تتكرر مره تانية
يعنى مش كل حاجة ممكن نعديها لازم يكون فيه وقفات
و الزوجة العاقلة لازم تعدى وما تكبرش حاجات صغيره وسورى بتكون عبيطة ولكن بنعمل منها مشكلة كبيره
نفكر دايما بمحبة وربنا يبارك كل بيوتنا

ميرسى جدا لكلامك الجميل ده
وانا معاكى جدا ان فى حاجات بتبقى مهينة لكرامة الزوجة دى اللى لازم تقف عندها لكن مش تقف على اى سبب تافه
ميرسى ليكى جدا
​