اموت واعرف ليه لحد النهاردة في الافلام لسه فيه الحركة الخايبة بتاعت وهم بيفكوا قنبلة...لازم يختار السلك الاحمر مثلاً والا هتنفجر
بعيد عن ان ان تصميم القنابل مفهوش الحكاية دي وان اصعب حاجة في الموضوع هي فتحها اساساً...بس خلينا ورا الهُبل واوكي لازم يختاروا السلك الصح والا هتفرقع وتقتلهم...
طيب هو اللي حطها يعني...ماحاولش يلخبط الاسلاك ابدً؟ يلونها بلون واحد حتى...كابسط حاجة يعني!
اللي فكرني كان موقف شبه ده في مسلسل Human Target
بس ده كان كوميدي بصراحة....واحد (وينستون) بيفك وبيسأل التاني (جيريرو) بالتليفون...الاحمر ولا الازرق؟
التحفة التاني راح رامي عملة (بيجرب حظه) وقال له: الازرق
- انت رميت عملة دلوقتي؟ (بغيظ + دهشة)
- لا
- انا سمعتها....بترمي عملة وتقولي بناء عليها يا بني ادم؟ (بغيظ)
- وينستون...فيه اوقات لازم فيها تعتمد على حدسك
التاني بقى فضل يفكر وكالعادة فكها قبل ما تفرقع بثانية....بس كمالة الكوميديا:
- لمعلوماتك .. كان السلك الاحمر (بغيظ برضو...بمعنى: كنت هتوديني ف داهية)