بصى يا رورو
اولا لما تكونى منزله ناس فاهمه انها بتحمى الاسلام بحركتها من السهل انك تثيريهم انهم يحرقوا الطرف اللى فكرينه انه مهدد وجود الاسلام
والناس اللى بالشارع دى مش فاهمه اصلا هما بيعملوا ايه مشيين وراء قاده هما اصلا مشيين وراء قااااده اكبر
ثانيا انا بمنطقتى من كام يوم مش انهارده حصل هجوم على جامع وكان حفل بيه اطفال فايزين بحفظ القرآن وبيوزرعلهم الهدايا دخلوا عليهم وضربوهم وفى انهارده جامع اتحرق مش فاكره اسمه بس سمعت بالتلفيزيون وزى ما انا سمعت ممكن حد يسمع ويقموا يقولوا ان المسحيين بتنتقم لحرق كنايسه بس ده محلصليش لان اصلا كارت الفتنه اتحرق والناس كانت واعيه للموضوع ده
ثالثا يا رورو هما هدفهم اثاره الفزع بكل حته بالبلد والداخليه متقديرش تسيطر فيجبر الجيش ان يدخل تدخل مباشر[/QUOTE]
انا مليش فيه هما فاهمين بيعملوا ايه ولا مش فاهمين
كل اللى انا فاهماه انهم بيحرقوا كنيستى وبيت عبادتى الى ملهاش دخل فى اللى بيحصل
انا بحاول على اد ما اقدر متكلمش فى المواضيع اللى زى دى لكن بصراحة مش قادرة امسك نفسى
لان اللى بيحصل مبقاش حد يستحمله ولو فرضنا انه جامع اتحرق قصاد كام كنيسة اتحرقوا
وناس اتطردت من بيوتها واطفال وستات اتهانوا واتبهدلوا كل ده مش سهل يا سوسو
وخلاص بقى مبقناش نقدر نستحمل
ونيجى على نفسنا اكتر من كدا ونقول ده تدخل خارجى هدفه اشعال الفتنة
لا الفتنة دى موجودة هنا فى وسطينا وانا مش معاكى انهم مش عافيين بعملوا ايه لا هما عارفيين
وكويس اوى كمان بجد كفايانا بقى نيجى على نفسنا اكتر من كدا بسلبية ونقول
دى فتنة ومش عارف ايه
فكرى كدا معايا بصوت عالى كام مرة تحصل اعمال حرق الكنايس وهدمها من غير اى ذنب للاقباط
احنا هنا مش حاسيين بحاجة مجرد اننا بنسمع عن الكنايس بتتحرق وقلبنا وجعنا
فكرنى بقى فى البيوت اللى اصحابها اطردت راحوا فين
عملوا فيهم ايه حرام بقى اللى بيحصل كفاية
احنا كتير بنقول لينا اله قوى وبيدافع عننا واحنا ساكتين
بس على الاقل بلاش نكتم صوت الحق جوانا ده اقل حق لينا اننا نتكلم
سامحينى يا سوسو لو انفعلت بس بجد مبقتش قادرة استحمل اللى بيحصل ده
عقلى مبقاش مستوعب
