تخيل كده معايا لو صحيت في يوم الصبح ونازل من بيتك عادي لقيت فيه قهوة جديدة اتفتحت قدام بيتكم , بتبص علي اليافطة تلاقي مكتوب عليها (قهوة الكنيسة لصاحبها المعلم روك) , انت طبعاً هتستغرب اوي تقوم داخل القهوة تشوف ايه الحكاية....اول متخش هتلاقي واحد بينزل الطلبات اسمه كوبتك مان , وواحدة ماسكة الدفتر بتاع الحسابات اسمها فراشة....هتقوم انت قاعد وطالب واحد شاي وبعدين تلاقي واحد قاعد علي الترابيزة اللي جنبك عمال يتكلم ويشرح والتاني اللي جنبه يرد عليه فانت تميل كده علي كوبتك مان وهو بينزلك الشاي تقوله مين اللي عمال يتكلم ده يقولك ده اسطفانوس بيحاور......شوية وتلاقي واحدة جات وسلمت علي فراشة اوي وقعدت علي ترابيزة طلعت قلم وورقة وقعدت تكتب , طبعاً هتقول يا تري مين دي يا كوبتك؟؟؟ كوبتك هيقولك الاسئلة هنا بالمشاريب يا حبايبي اطلب شاي تاني واقولك , هتضطر انت طبعاً انك تطلب كركديه وبعدين يقوم كوبتك يقولك دي دونا بتكتب موضوعها الجديد.....شوية وتلاقي كام واحد كده عمالين يتكلموا بلغة غريبة وانت مش فاهم منها حاجة وبعدين تقوم مميل تاني علي كوبتك وتقوله : خواجات دول يا سطي كوبتك ولا ايه؟؟؟ يقولك لا يا عم ده جروب تعليم السيريانية مع فادية وامجد .... طبعاً بعد كده هتطلب سحلب تاني علشان تقعد , وبعدين تلاقي واحد جاي ماسك في ايده اعلانات عمال يوزعها علي الناس , تيجي تقرا الاعلان تلاقيه (تعالوا شيشوا معانا في قهوة الطريق الي الخلاص مع تحيات المعلم غريغوريوس).....شوية وتلاقي واحدة داخلة وجره وراها 300 عيل وعيلة , تسأل يا كوبتك يقولك دي كاندي بتاعت قسم العائلات اللي عندنا في القهوة....وشوية تلاقي واحدة داخلة القهوة مبتسمة علطول , طبعاً من غير ما تسأل دي ميرو مرمر ..... وبعدين تبص شوية تلاقي واحدة ماسكة ريشة وعمالة ترسم بالفكاكة كده هتعرف انها اروجة......ولسه بتشوف باقي اللي قاعدين في القهوة تلاقي ناس مربين دقونهم وماسكين في ايديهم جنازير وجايين يقفلوا القهوة , قال ايه الزباين بتوع القهوة بيسبوا الرسول , ومرة واحد تلاقي واحد رفع عليك الجنزير ولسه هيشوهك يقوم داخل المعلم روك ويمسك الشومة بتاعته وياخدهم في الاوضة بتاعته يزبطهم وينادي كوبتك مان يرميهم بره القهوة.....بس وبعد كده اكتشفت اني مغطتش رجلي قبل ما انام
اخوكم في المسيح بيشوي
