بلاش نرمى غلطنا على الناس والظروف ...

[+بنت الكنيسة+]

لما بنت تتعرف على شاب مش كويس وتحبه وتتعلق بيه
بحجه انها ملقتش حنان من مامتها او فى بيتها
ده مش صح
لو انتى بنت بجد
ومبادئك 100 100 مش هترمى مشاكلك وغلطك على ناس تانيه
اصل لو ماما كانت بتتفاهم معايا مكنتش اتكلمت مع حد تانى

المبادئ هى المبادئ مهما كانت الظروف والمشاكل المحيطه بينا
لو انا بنت صح وبعيده كل البعد عن اهلى
متعرفش على شاب من وراهم لان انا عارفه ان ده غلط
ومن مبادئى انهم مهما عملوا معايا انا بقى مش هعمل حاجه من وراهم

وانت كمان
بتتطلع انسان مش كويس
او انسان فاشل الفاظك كلها بيئه
وترجع تقول اصل اهلى ربونى كده
حتى لو كانوا ربوك على كده
انت كبرت عارف الغلط من الصح
خلى عندك مبادئ واخلاق
وقول هغير من نفسى حتى لو كانت الظروف اللى كنت فيها كانت كده

البنى ادم هو البنى ادم مبيتغيرش مع الظروف
والمبادئ هى المبادئ مبتغيرهاش لا الناس ولا الظروف

خليكى وخليك ثابتين على مبادئكم
وبلاش حجه ملقتش حنان
انا طلعت كده
الظروف
الاهل
الناس
انت اللى بتقنع نفسك بالاسباب ديه

عارف اعد مع نفسك انت وهى
واسأل نفسك سؤال واحد بس وفكر فيه كويس
وجاوب انت على نفسك

" انا مبادئى هى ايه ؟؟ "

ولو لقيت الاجابه سهله يبقى انت ماشى تمام
ولو لقيتك الاجابه صعبه ومش عارف ترد يبقى انت شوف بتتصرف ايه الغلط وايه اللى حصل

على فكره : خليك فاكر انك انت وحدك اللى مسؤل عن تصرفاتك مش الظروف والناس​

​

 

[+sano+]

على فكره : خليك فاكر انك انت وحدك اللى مسؤل عن تصرفاتك مش الظروف والناس

فعلاا ساعات كتير بنهرب من اخطائنا ونعلقها على شماعه الظروف والناس مش بنبص لاخطائنا ونقط ضعفناااا
موضوع جميل ربنا يبارك حياتك بنت الكنيسه ​

 

[!! MR.BeBo !!]

عندك حق
شكرا ليكي جدا
احلي تقييم
ربنا يباركك
​

 

[Critic]

لما بنت تتعرف على شاب مش كويس وتحبه وتتعلق بيه
بحجه انها ملقتش حنان من مامتها او فى بيتها
ده مش صح

انا مختلف معاكى شوية , هى طبعا حاجة مش كويسة , بس الحرمان وحش , ولو حد كان محروم من الحنان او الحب فى صغره فعلا اغلب الظن بيدور عليه برا ,وغالبا متهمهوش كل المبادئ ولا الكلام النظرى ده ده لأن الأولية لنفسية البنى آدم فى الحالة دى انه يملى الفراغ اللى جواه ويحس بالحب والحنان وشيئ من السعادة (زى أولوية الجعان انه ياكل ويشبع) , وانا شخصيا بلتمسله العذر فى الحالة دى ,درب من القساوة انه يكون محروم ومش لاقى حب لا فى بيته ولا فى اى حته وارجع الومه انه دور عليه برا , اومال المروض يموت نفسه (ده لو فعلا محروم منه مش بيدعى كدة)
ميرسى لطرح الموضوع الجميل

 

[Desert Rose]

كلامك مظبوط ياجميلة وفعلا الواحد لازم يكون ثابت على موقفه وليه مبادئ واضحة وثابته مش بتتغير
بس عايزة اقولك كمان ان الانسان كائن بيتواصل وبيتأثر بكل شئ واليه وانه مش عايش منعزل تماما عن اى حاجة بتحصل حواليه
علشان كده اوقات لازم نلتمس العذر للناس لما تسقط تحت ضغط الظروف الظاغطة عليها
لان الانسان شخصيته بتكون نتيجة خليط اكتر من عامل
منها البيئة اللى حواليه , اللى اتربى فيها طريقة تربيته , الاسرة اللى اتربى فيها ديه كلها حاجات معقدة جدا بتأثر فيه وفى شخصيته وبتأثر اوقات كتير على طريقة ياته واختياراته كمان
فلاز نلتمس العذر للناس لاننا منعرفش الظروف ايه
وحاجة كمان كل واحد قدرة احتماله للظروف وقدرته على التعامل معاها تختلف من واحد للتانى واحد ممكن ينهار بسرعة وواحد تانى ممكن يصمد ديه بتختلف من شخص للتانى

 

[+بنت الكنيسة+]

فعلاا ساعات كتير بنهرب من اخطائنا ونعلقها على شماعه الظروف والناس مش بنبص لاخطائنا ونقط ضعفناااا
موضوع جميل ربنا يبارك حياتك بنت الكنيسه ​

امممممممممم
ميرسي سانو
مرورك اجمل
ميرسي كتيييييييير
ربنا يباركك
​

 

[+بنت الكنيسة+]

عندك حق
شكرا ليكي جدا
احلي تقييم
ربنا يباركك
​

ميرسي كتييييييير لمرورك يابيتر
وميرسي للتقييم
ربنا يباركك
​

 

[+بنت الكنيسة+]

انا مختلف معاكى شوية , هى طبعا حاجة مش كويسة , بس الحرمان وحش , ولو حد كان محروم من الحنان او الحب فى صغره فعلا اغلب الظن بيدور عليه برا ,وغالبا متهمهوش كل المبادئ ولا الكلام النظرى ده ده لأن الأولية لنفسية البنى آدم فى الحالة دى انه يملى الفراغ اللى جواه ويحس بالحب والحنان وشيئ من السعادة (زى أولوية الجعان انه ياكل ويشبع) , وانا شخصيا بلتمسله العذر فى الحالة دى ,درب من القساوة انه يكون محروم ومش لاقى حب لا فى بيته ولا فى اى حته وارجع الومه انه دور عليه برا , اومال المروض يموت نفسه (ده لو فعلا محروم منه مش بيدعى كدة)
ميرسى لطرح الموضوع الجميل

اه ماشي انا معاك في كلامك
بس علي كدا اي بنت تمشي مع ولد سواء كويس او لا
ويضيعها سواء السمعه او حاجه تاني اعتبر ان مفيش حب ولاحنان في بيتها او حواليها
دا مش عزر طبعا لما تضيع هنقول ان دا لا هي مظلومه وغصب عنها
ان مفيش حب وحنان عندها لالا طبعااا
كل واحد مسؤل عن تصرفاته
ماشي مفيش حب وكدا حواليها ماممكن تملي حياتها وقلبها
بحب ربنا ودا يكفي
............

​

 

[+بنت الكنيسة+]

لان الانسان شخصيته بتكون نتيجة خليط اكتر من عامل
منها البيئة اللى حواليه , اللى اتربى فيها طريقة تربيته , الاسرة اللى اتربى فيها ديه كلها حاجات معقدة جدا بتأثر فيه وفى شخصيته وبتأثر اوقات كتير على طريقة ياته واختياراته كمان
فلاز نلتمس العذر للناس لاننا منعرفش الظروف ايه
وحاجة كمان كل واحد قدرة احتماله للظروف وقدرته على التعامل معاها تختلف من واحد للتانى واحد ممكن ينهار بسرعة وواحد تانى ممكن يصمد ديه بتختلف من شخص للتانى

اووك طبعا
بس انا بعترض علي موضوع البيئه وكدا
مش كل الناس المفروض بتتأثر بالبيئه
لان اعتبري مثلا البيئه اللي حوايه مش كويسه هو كمان هيكون مش كويس لاطبعا
مثلا لوط لما كان كل سدوم وعموره مش كويسه وكلها نجاسه
هل هو اتأثر ؟؟
فا مش ضروري لو احنا قلنا الظروف البيئيه
دا بندي للواحد حجه يتحجج بيها
​

 

[Critic]

ماشي مفيش حب وكدا حواليها ماممكن تملي حياتها وقلبها
بحب ربنا ودا يكفي

طيب هسألك سؤال
لو حب ربنا يكفى لوحده ومش محتاجين حب الناس
ليه ربنا خلق لآدم حوا , وقال "ليس جيدا ان يكون آدم وحده" , هو مش ربنا وحب ربنا كفاية لآدم ولا إيه ؟

 

[+بنت الكنيسة+]

طيب هسألك سؤال
لو حب ربنا يكفى لوحده ومش محتاجين حب الناس
ليه ربنا خلق لآدم حوا , وقال "ليس جيدا ان يكون آدم وحده" , هو مش ربنا وحب ربنا كفاية لآدم ولا إيه ؟

مش معني كدا يعني لازم يكون ادم مع حوا
مافي رهبان وراهبات
وعادي كل حياتهم وقلبهم مليان بحب ربنا فقط
بس بقصد حب القلب بيكون مليان بحب ربنا لحد ماييجي النصيب
وقتها بيكون في جزء ليه هو ...بس من وجهه نظري
عادي ممكن الانسان يعيش عادي من غير حب بين الجنس الاخر
طالما في قلبه مليان حب اهله واصدقائه والاول والاخير ربنا
​

 

[Critic]

مافي رهبان وراهبات
وعادي كل حياتهم وقلبهم مليان بحب ربنا فقط

ده كلام جميل , انتى بتقولى "ما فيه" , وليه مش كل الناس رهبان وراهبات ؟ علشان كل واحد حسب طاقاته واحتماله اللى اتولد بيها واكتسبها ومش كله يقدر يعيش العيشة دى , فمش كل الناس تقدر تعيش مدى الحياة بدون زواج او حب شريك حياة , مينفعش نعمم بقا ونقول كل واحد يقدر يكتفى بحب ربنا لوحده , اذا كان ربنا نفسه شاف ان آدم "مش حسن" يكون لوحده , يبقى احنا هنزايد على كلام ربنا !!

طالما في قلبه مليان حب اهله واصدقائه والاول والاخير ربنا

لا ده مكنش اتفاقنا خالص
انتى قولتى انه حتى لو مفيش حب خالص حب ربنا كفاية , ودى النقطة اللى اختلفت معاكى فيها , لأن ده مش بينطبق مع كل الناس حتى لو حاولنا نحققه بالعافية مش بيحصل
لو حد محروم من حب اهله واصحابه ومش لاقى حب لا فى بيت ولا كنيسة ولا اى حتة اكيد هيدور برا , والحالات الواقعية الكتير اثبتت كدا , وساعتها انا بلتمسله العذر , لأنه لو معملش كدة هينتحر , او هيجيله اكتئاب مزمن , هيكون ميت نفسيا يعنى !
لما نوفرله حب اصدقاء واحتضان كنيسة ساعتها هيبقى عندك حق و ملوش حجة , فيما عدا ذلك يبقى احنا بنردد كلام نظرى , وهيدور برا لا محالة !

 

[النهيسى]

موضوع جميل جداااا ... شكرااااا​

 

[+بنت الكنيسة+]

ده كلام جميل , انتى بتقولى "ما فيه" , وليه مش كل الناس رهبان وراهبات ؟ علشان كل واحد حسب طاقاته واحتماله اللى اتولد بيها واكتسبها ومش كله يقدر يعيش العيشة دى , فمش كل الناس تقدر تعيش مدى الحياة بدون زواج او حب شريك حياة , مينفعش نعمم بقا ونقول كل واحد يقدر يكتفى بحب ربنا لوحده , اذا كان ربنا نفسه شاف ان آدم "مش حسن" يكون لوحده , يبقى احنا هنزايد على كلام ربنا !!

لالا انا مش بقصد ان الانسان يفضل طول عمره من غير حب
من الجنس الاخر
انا بقول ان ممكن يعيش لفتره معينه لحد ماييجي النصيب
بس قلبه بيكون مليان بحب الاهل وربنا
​

لا ده مكنش اتفاقنا خالص
انتى قولتى انه حتى لو مفيش حب خالص حب ربنا كفاية , ودى النقطة اللى اختلفت معاكى فيها , لأن ده مش بينطبق مع كل الناس حتى لو حاولنا نحققه بالعافية مش بيحصل
لو حد محروم من حب اهله واصحابه ومش لاقى حب لا فى بيت ولا كنيسة ولا اى حتة اكيد هيدور برا , والحالات الواقعية الكتير اثبتت كدا , وساعتها انا بلتمسله العذر , لأنه لو معملش كدة هينتحر , او هيجيله اكتئاب مزمن , هيكون ميت نفسيا يعنى !
لما نوفرله حب اصدقاء واحتضان كنيسة ساعتها هيبقى عندك حق و ملوش حجة , فيما عدا ذلك يبقى احنا بنردد كلام نظرى , وهيدور برا لا محالة !

ايووووووووه هو دا
النقطه دي بنختلف مع بعض فيها
انا مش بنكر ان كان وجهه نظري من فتره او قبل كدا
كنت بعزر سواء البنت او الولد ان لو مفيش حب وحنان في البيت او الكنيسة او او او
بقول كان لازم هيدور برا لكن ...!!
وجهه نظري تغيرت تمام من كذا تجربه حواليا في بلدي حصلت
اصل هقولك حاجه سواء البنت او الولد
لما بيدوروا برا هتكون عباره عن ايه ؟ عن علاقه
بين الجنسين في ناس بتتخذ العلاقه صح ودا قليل جدااااا
وفي ناس بتتخذ خطأ ودا الاكتر
بالذات الاولاد هو اه في الاول هيكون بيدور عن الحنان والحب
لكن مع مرور الوقت هيتحول الحب دا لمصلحه لرغباته مش اكتر
او اها تضييع وقت او او



​

 

[+بنت الكنيسة+]

موضوع جميل جداااا ... شكرااااا​

استاذي الغالي مرورك حضرتك
اجمل ربنا يباركك
ميرسي كتييير
​