يازيكو ببساطة
هديك حاجة ممكن تحصل معاك او مع اى حد
لو طلعت اتوبيس وقعدت مكانك وعدى محطة واتنين وجيه راجل عجوز بعكاز ضربك بالعكاز وقومك بالعافيه واخد مكانك
هتبقى مبسوط ان الراجل الكبير قعد
ولا هتقول ما انا كنت هقومله اول ما اشوفه
نفس الموضوع بالظبط الناس تتعب وتدفع علشان توصلنا حاجة بجودة كويسه ويجى واحد يروح حاطط الشريط على النت وهو مكملش توزيعه داخل القاهرة اصلا
امال باقى المحافظات هيتوزعلها ازاى
من خلال الانترنت
والمرنم او المنتج هيستفاد ايه
نشر اسم المرنم او المرنمة
طيب ما هو لو البوستر بقى فى مكتبات الكنايس الاسم هينتشر
دة مش مبرر اننا نحط اى شريط جديد على الانترنت
نشكر ربنا عندنا ترانيم قديمة وترانيم تراثيه مش لاقيه الوقت اللى تتسمع فيه
بس الواحد اتعود على ابو بلاش
وليه اشترى سي دى وهو هينزل على النت قبل ما افكر اشتريه
وحصلت معايا كتير صدقنى
انزل اجيب السي دى
واجى اعمل سيرش الاقيه على النت
وهو لسه فى المكتبة
واندم انى دفعت فلوس فى حاجة قدامى ببلاش
لكن بعد ما اتقابلت مع المنتجين فى مؤتمر ايد واحدة الصورة وضحت والامر اختلف
هى خدمة اه
ولكن اما البير اللى مليان فلوس يفضى مين هينتج انتاج مسيحى ؟؟
ماهى الفلوس بتروح فى عمل الشريط
والشريط مبيجيبش حقه
الفلوس هتقل
والانتاج هيقل
ولو لاحظت هتلاقيه قل جدا عن 2008 مثلا
فمش ربط ان الترانيم خدمة انها تبقى ببلاش ومتوفرة على النت
لانه فيه تكاليف ومفيش دعم لانتاج الميديا المسيحية علشان الامور تمشى كويس
وعدد اللى بيشتروا بيقل تدريجيا
تفتكر على 2015 هنلاقى شرايط نسمعها ؟؟
