بتسمع اية فى عربيتك

[asmicheal]

بقلمى مش منقول

طبعا بمصر
ممكن مشوار 10 دقائق بالعربية يستغرق نصف ساعة
لو المرور ماشى والدنيا فاضية


فياترى هذا الوقت

بتسمع فية اية

كمثال هبدا بنفسى
كنت بسمع موسيقى العبقرى المتجدد ينى
وجيتارات الحياة الافضل
حاليا نزلت كل تراتيل زياد شحاتة mp


رايكم شباب

طبعا اللى مش معاة عربية ما يهربش
بتسمع اية على ال mp
او الايبود

 

[النهيسى]

شكرا للأفكار الحلوه الرب يباركك



أنا بحب الترانيم القديمه .... وكل شيئ



لـــــ


( فيـــــــــــــــــــــــــــــــوز )​

 

[kalimooo]

مبدئياً بسمع فيروز

لانها دوبل فاس

يعني عندها اغاني حلوة

وتراتيلها رائعة بصوة ولا اجمل..

اشهر من ان تعرف...

 

[HappyButterfly]

انا عن نفسى بحب ترانيم كتيرة بسمعها على الموبايل او الام بى
بسمع فاديا وزياد شحاتة وفيفيان السودانية وترانيم كتيرة حلوة
​

 

[asmicheal]

شكرا للأفكار الحلوه الرب يباركك​

أنا بحب الترانيم القديمه .... وكل شيئ ​

لـــــ​

( فيـــــــــــــــــــــــــــــــروز )​

:download:
اختيار رائع
فيروز كان عندى لها شرائط
بوظتها من كتر ما سمعتها
صوت ملائكى فعلا

والتراتيل القديمة اصيلة فعلا
شكرا ا النهيسى لمشاركتك الرائعة دائما

 

[vetaa]

انا مش عندى عربيه
هاتيلى عربيه واسمع اللى انتى عايزاة
هههه

على الام بى ثرى بقى
ترانيم كتير لكن اكتر اللى بحبهم فاديا وزياد
واغلب الترانيم الهاديه والحزاينى
وبطلت اغانى تبت هههههه

 

[ABOTARBO]

فاديا بزى + فيروز + أيرينى أبو جابر + مريم بطرس + ماهر فايز + سركيس + ليديا شديد
​

 

[asmicheal]

مبدئياً بسمع فيروز

لانها دوبل فاس

يعني عندها اغاني حلوة

وتراتيلها رائعة بصوة ولا اجمل..

اشهر من ان تعرف...

فيروز دى حكاية
بحس برهبة وروحانية وانا بسمعها

حتى فى اغانيها

مبدئيا بوظت كل شرائطها من كتر ما سمعتها
وبعدين جة زياد شحادة

اسرنى بصوتة القوى وعودة الشجى البهى
بس هنزل فيروز بى ام

تانى

شكرا ملك الرومانس كليمو
لمداخلتك المميزة دائما

 

[Mason]

ثانكس يا قمر على الفكرة الحلوة دى
بحب الترانيم الحزينة جداااااااااااااا

 

[+GOSPEL OF TRUTH+]

بسمع اغاني هارد روك

 

[asmicheal]

انا عن نفسى بحب ترانيم كتيرة بسمعها على الموبايل او الام بى

بسمع فاديا وزياد شحاتة وفيفيان السودانية وترانيم كتيرة حلوة​

:94:

اللة ذوقك حلو اوى ديدى

نورتى بمشاركتك الحلوة

 

[zama]

أنا بئى بحب أسمع موسيقى رومانسية بس لـ
( yanni + motsart+ bethoven+zamfir ) ..

أنا مش بحب أسمع أى تراااااااااانيم نهائى لأنى تقريباً كرهتهم ..

البيت زهئونى 24 ساعة ctv و أخواتى بيعزموا الأساقفة فى بيتهم فى الأعيااد ..

التدين مش كدا ..

أنا مخنووووووووووووووووق أووووووووووووووووووووووووووووووووووووووووووووووووووووووووووووووووووى ..

شكراً ..

 

[+GOSPEL OF TRUTH+]

يا بختك

اومال المولود في بيت غير مسيحي و لا نصيب لاهله في النعمه و معرض للموت من اجل ايمانه يعمل ايه يا زاما

فكر تاني في حال العابرين المتنصرين و انت تعرف انت مولود في النعمه ازاي

انت معمد من طفولتك

انا اقول ايه

بس اهلك بيبالغوا شويه انا معاك لان ساعه لقلبك و ساعه لربك و انا بسمع اغاني و بشوف افلام عاديه و بلعب جيتار

بس يا بختك اهلك فاتحين سي تي في و رجال دين عندكم في البيت اومال الي عيلته بتفتح الشعراوي غصبن عليه و لو اعترض يبقي كافر يعمل ايه

فكر فينا و انت عمرك ما تتخنق اطلاقا

بس رفه عن نفسك شويه بالموسيقي و الخروج و الافلام و انت ترتاح جدا لان الترفيه من ربنا برضه بس الترفيه الائق مش زي البعض

و ربنا يباركك يا سيدي و يبارك اهلك و اولاد المستقبل

سلام و نعمه

 

[bent el noor]

باسمع الحان معظم الوقت
بس اوقات باغير واسمع قداسات او ترانيم على حسب المناسبه والمود
ميرسي على الموضوع

 

[bent el noor]

أنا بئى بحب أسمع موسيقى رومانسية بس لـ
( yanni + motsart+ bethoven+zamfir ) ..

أنا مش بحب أسمع أى تراااااااااانيم نهائى لأنى تقريباً كرهتهم ..

البيت زهئونى 24 ساعة ctv و أخواتى بيعزموا الأساقفة فى بيتهم فى الأعيااد ..

التدين مش كدا ..

أنا مخنووووووووووووووووق أووووووووووووووووووووووووووووووووووووووووووووووووووووووووووووووووووى ..

شكراً ..

عندك حق فعلا التدين الزيادة عن اللزوم بيخنق
حاول تدخل اوضتك واسمع حاجة تانيه مختلفه
ولو الاساقفه فى العيد مضايقينك ابعتهوملى
عندى اوضة ضيافه للاساقفه بس ههههههههههه

 

[+sano+]

انا بقى مدمن حفله يانى 2006 تقريبا كل يوم لازم اشغلها ......... ودلوقتى بقيت مدمن ترانيم فريق المس ايدنا فريق تحفه بصراحه
شكرا للموضوع المميز ربنا يباركك ​

 

["خْرْيْسْتْوْفُوْرُوْسْ"]

.مفيش بتسمع أيه فى الميكروباص.​

 

[bent el noor]

الحان البصخة المقدسه
كل سنة وانتم طيبين

 

[soso a]

هههههههههه

معنديش عربيه خاصه بيا لما يبقى عندى ابقى اجى اقولك

من ناحيه السمع بسمع كل حاجه واى حاجه ههههههههههههه

​

 

[واثقه فيك يارب]

اما بكون في حاله روحانية بسمع تأملات للبابا شنوده بتريحني كتير او القداس الحبشي بحبه خالص

انما لو الغزاله رايقه وبسمع اغاني
بسمع جورج وسوف او نجاه او فيروز او ورده واحيانا ام كلثوم

موضوع جميل