باعتذر بشدة لكل من طلب مني اكمل الموضوعات او أرد في تعليقات

[thebreak-up]

تروح وترجع لنا بالسلامة يا أجمل أخ، سنشتاق لك وللمستك في المنتدى، لكن ما يعزينا هو متابعتك لنا حتى دون مشاركة.

صلواتي من أجلك وتعود لنا بألف سلامة وصحة.

 

[aymonded]

ربنا يخليكم
ويا خادم البتول انا مش قادر اضحك هههههههههه
​

 

[Dona Nabil]

ربنا يشفيك ويرجعك لخدمتك من تانى فى اقرب وقت يا أجمل اخ حلو منور منتدانا بخدمته وبمشاركاته اللى من دهب

 

[aymonded]

ربنا يخليكي وانتوا كلكلم اللي قلوبم من دهب
​

 

[+بنت الكنيسة+]

أستاذي الغالي عندي اووووي ^_^
الفففففففف سلامه علي حضرتك
ويااارب ترجع تاني لخدمه حضرتك قريب
وتكتب وتمتعنا بقلمك الرائع اللي مش بيختلف عليه اتنين ^_^
ريح نفسك شويه وكفايه بس اننا نشوف حضرتك موجود تحت
علشان نطمن
وان شاء الله ترجع لخدمتك قريب
ربنا معاك والشفاء العاجل
بشفاعه ام النور وكل القديسين


​

 

[candy shop]

احنا ممكن نسمحلك بيومين ترتاح فيهم وترجع تمتعنا
بمواضيعك الشيقه والقيمه
منتظرين رجوعك اخى العزيز الغالى
ربنا معاك ويشفيك ويدبر امورك ويرعاك
​

 

[girgis2]

سلامتك يا أستاذنا

​

 

[أَمَة]

قلبي معك يا ابني بصليلك بأنات لا ينطق بها.

 

[أَمَة]

نسبة مع النوع المنقرض من النساء اللي لسه بيقروا. ​

إزاي نوع منقرض وموجود ويقرأ كمان :thnk0001:​

مش راكبة!

 

[+ ميلاد العجايبى +]

الف الف سلامة على حضرتك
راجيين من ربنا يسوع المسيح بأتمام شفائك وتعود وتكتب لنا مواضيعك القيمة

 

[خادم البتول]

إزاي نوع منقرض وموجود ويقرأ كمان :thnk0001:​

مش راكبة!

هاهاهاها.. أهي دي ملاحظة ماتجيش غير من واحدة بتقرا! :smile01

أيوه يا أمي منقرض.. زي الباندا كده.. الموجود منه عدد محدود جدا.. حتى عمليات التزاوج مش دايما بتنجح.. وعشان كده النوع ده عموما بنشيله ف عنينا..

وبعدين نروح بعيد ليه: اسأليهم هم نفسهم! إذا كان يا أمي الأولاد دلوقت بطلوا يقروا، البنات ح تقرا؟


مشكلتنا إننا مانعرفش من الغرب غير أمريكا، وهي من أجهل شعوب الأرض! لكن في باريس ـ على سبيل المثال ـ ربة المنزل العادية تشتري خضار وهي راجعة ع البيت تلقط أي كتاب ولو ديوان شعر.. مفيش أسبوع واحد يعدي من غير كتاب جديد في البيت.. السوبر ماركت نفسه فيه جزء للكتب.. الإعلانات اللي في الشارع نفسها، لو عن حليب للأطفال ـ مثلا ـ تلاقي البيبي ماسك كتاب لـ"سارتر" بيقرا فيه، دليل يعني على الذكاء اللي بيسببه اللبن! تعالي النهارده حطي إعلان زي ده في بلادنا السعيدة، حتى لو بدل سارتر حطينا أي فيلسوف أو كاتب عربي، أضمن لك دي ح تكون نهاية اللبن ده والشركة المنتجة بالكتير شهر وتفلـّس!

قال سارتر قال! أصلا لو اللبن ده ح يخلي الواد يطلع يقرا سارتر يبقا يغور أصلا مش عايزينه. :smile01

* * *
​

 

[aymonded]

أنا حقيقي عاجز عن الشكر لكل واحد فيكم حقيقي
واشكر الله أنا النهادرة افضل شوية من الاسبوع الي فات
وأكثر تحسن من أمبارح طبعاً
وكفاية كلامكم اللي يخفف اي حد مريض بأي شكل من الأشكال
ويا خادم البتول انا رايح اجيب سارتر بقى علشان اتثقف شوية واشرب اللبن هههههههههههه
​

 

[أَمَة]

يا رب من أحسن لأحسن يا أيمن وتكون المرة دي آخر مرة تعيا فيها.

 

[aymonded]

ربنا يخليكي يا أمي ، هي بس المشكلة كلها في حساسية الصدر، وأكتر وقت بتعب فيه في الربيع والخماسين وتغيير الفصول
​

 

[أَمَة]

مشكلة الحساسية صارت موضة يا أيمن في هذا. مفيش واحد نتكلم معه والا عنده نوع من انواع الحساسية.
ربنا قادر يشفيك ويرفعها عنها ويعطي جسدك المناعة ضدها.

 

[aymonded]

ربنا يخليكي يا أمي، وفعلاً انا مش فاهم ليه انتشرت وزادت بكثرة اليومين دول على الأخص، ومشكلتي زادت من يوم ما شميت قنابل الغاز اللي اترمت قريب من بيتنا، وبعدها صدري حصل له دمار شامل هههههههه، ما علينا ربنا يسامحهم بقى
​

 

[أَمَة]

مش مصدقة، قناديل غاز تترمي في الشوارع!!!!!
هو لسه في ناس تستعملها في مصر؟

ليه ما تجرب يا ايمن تلبس قناع من اللي يستعملون الأطباء، يديك شوية وقاية. عنا في امريكا ناس كثير اوي عندهم حساسية يلبسوه في الأماكمن العامة والمفتوحة.

 

[Coptic4Ever2]

الف سلامة عليك استاذى ربنا يمد ايده ويشفيك وترجع بالف صحة وسلامة

 

[aymonded]

مش مصدقة، قناديل غاز تترمي في الشوارع!!!!!
هو لسه في ناس تستعملها في مصر؟

ليه ما تجرب يا ايمن تلبس قناع من اللي يستعملون الأطباء، يديك شوية وقاية. عنا في امريكا ناس كثير اوي عندهم حساسية يلبسوه في الأماكمن العامة والمفتوحة.

شكلك يا امي مش عارفه أحوال مصر، دول شغالين فيها من ساعة الثورة لما اتعمينا كلنا، بصراحة انا كنت ماشي مروح البيت وشامم ريحة غريبة ولما وصلت البيت لقيتهم مش طايقين نفسيهم وانا تعبت جداً، وساعتها مش كان عندي واقي احطه في هذا الوقت، فتعبت قوي وبعيدن رحت المستشفى وبدئت علاج لأن الحساسية مع مشكلة الدخان عملتلي أزمة صعبة قوي قوي.. بس اشكر الله على كل شيء... بس للأسف جبت قناع صغنون بس مش باحتمله علشان التهاب الجيوب الأنفية
​

 

[aymonded]

الف سلامة عليك استاذى ربنا يمد ايده ويشفيك وترجع بالف صحة وسلامة

الله يخليك يا جميل، فقط صليلي كتير، النعمة تكون معك
​