اه ولا لا

[جيلان]

من المواضيع الى شغلانا اليومين دول طريقة العلاقة بين الولاد والبنات سواء فى الجامعة او الكنيسة
وكنت عيزة اعرف رئيكو فى الوقفات الى بنشوفها فى الجامعة
وكل واحد يروح رئيو بصراحة
هل موافق عليها ولا لا
وايه حدود العلاقو بينهم
وهل ممكن بنت تدى تليفونها لولد ولا لا
كمان الاميل بيكون بنفس اهمية التليفون يعنى البنت غلط لما تدى لحد ولا لا
اسئلة كتير بتدور فى دماغى وعيزة اعرف رئيكو فيها

 

[جاسى]

رد على: اه ولا لا

بوصى يا جيلان
هى اراء كتير اوى
بس بتختلف حسب التربيه مش فكره ان ده متربى وده مش متربى لا حسب طريقه التربيه ان فى عائلات تقبل ان بناتها او اولادها يعملوا صدقات ويخرجوا مع بعض عادى والدنيا فرى
فى عائلات تانيه مش بتقبل ابدا بحاجه زى كده وبرضوا مش فكره ثقه هما بيكونوا واثقين جدا فى اولادهم بس علشان هما بيخافوا عليهم من كل حاجه ومنها كلام الناس ومش بيقتنعوا ب ان طول مانا مش بعمل حاجه غلط يبقى مش يهمنى الناس لا الناس هما المجتمع اللى احنا عايشين فيه فلو صورتنا اتهزت فى عنيهم مش هنعرف نعيش
ديه نقطه الخروجات والوقوفات وانا عن نفسى برفضها لانى من نوع تربيه العائلات النوع التانى
بالنسبه لنقطه التليفون والميل انا عن نفسى برفضهم بحس ان مفيش حاجه مهمه تستدعى ان ادى نمرتى او تليفونى لولد اصلى هنقول ايه يعنى مفيش حاجه مابينى وما بين اى ولد تستدعى ان اتكلم معاه لوحدينا سواء بالميل او النمره لكن اوعدكم لما اتخطب هكلمه فى الموبيل والتليفون والميل وكل حاجه هههههههههههه
بس باعتقد ان لو احنا فى شات ممكن اتكلم عادى واهى هتكون مره وخلصنا لكن مش يفضل بقى كل ما ادخل اكلمه
وده رائى وعارفه ان فى كتير مش بيوافقونى بس معلش بقى اتربيت كده
هههههههههههههه
واشكرك جدا جيلان على موضوعك واتمنى اكون فيدك باى حاجه
وربنا يباركك​

 

[جيلان]

رد على: اه ولا لا

ميرسى يا عسل على الرد الجامد ده
انتى عندك حق فى كلامك
ربنا يعوض تعب محبتك

 

[سيزار]

رد على: اه ولا لا

مشكوره جيلان على سؤالك
واشكر الاخت جاسى كتير على رائيها .. وعلى اسلوبها الرائع
تعليق
--------------------------------------------
اثق واامن بأن التربيه اساس كل شىء لانالطفل وهو صغير عباره عن كمبيوتر بيخزن اسلوب ومعامله وطريقه تفاهم وعلم كمان ..يعنى لو اتأسس صح وكبر الواد او البنت ... متهأيلى لو هرميهم وسط وحوش كاسره هيرجعوا ليا سالمينا لانهم متأسسين صح ..
تمام
اما الكلام والعلاقات داخل الكنيسه بين الشباب والشبات لازم تكون بمقدرا صحيح ولا يترك الحبل على الغارب ولكن فى حدود الصداقه اكيد ... ولكن لو توافر نيه خالصه فى شىء .. فى ان واحد من الجروب عايز يتقدملك ما المانع مثلا وكدا افضل لانه شافك وكلمك وعرفك .. الا اذا كانت البنت ليها رائى تانى فى ذاك الشخص ..
انا بشجع علاقه الميل والبنت الواعيه اكيد بتكون حريصه جدا فى اسلوبها وكلامها لانها متربيه على اساس .
وعلى فكره فى عصرنا هذا لازم نفهم تفكير بعض اكيد لان فى مشاكل بتحصل مع عدم تفاهم البنت للولد وقله المعرفه هنا ممكن تضيع منا احلى فرص ممكن تعدى علينا فى حياتنا ... ولكن احزرى من المعرفه التى هى فوق الطبيعيه .. مش حلوه

وفى الاخر لازم البنت او الولد يملكون شخصيه مستقله واعيه وتحت رجلين المسيح الرب ودايما يضع المسيح الرب امامه وبكدا اظن ان ما فيش مخاطره على نفسك لان المسيح حاميك وحاميها ..
اشكركم
م/ سيزار

 

[جيلان]

رد على: اه ولا لا

ايه يا سيزار ده
انت كدى جبت من الاخر
هو ده الكلام
انا معاك بجد فى كل كلمة قلتها
ميرسى عالمرور والكلام الكبير ده
وبجد كلامك اقنعنى اوى عشن كتير بيقولو مفيش علاقة مع ولد حتى عالاميل علاقة كويسة يعنى بنية صافية بس انا شايفة انك لو اتخنئتى من واحد اعملى اجنور
هى نمرة التليفون بس الى شايفة ان مش اى حد يا خدها
وميرسى يا سيزار يا جامد على رئيك

 

[سيزار]

رد على: اه ولا لا

مشكوره الاخت جيلان
المشكله تكمن فى الاعلام والطريقه الفاضحه وتأثيرها على الشباب والشبات .. عشان كدا لازم نحافظ على بعض كا مسحيين حقيقى ..

 

[Dona Nabil]

رد على: اه ولا لا

عارفه يا جيلان انا فى مقوله فى الكتاب المقدس بحبها جداً وبخليها قدامى دايماً وهى ( نسعى كسفراء عن المسيح كأن الله يعظ بنا ) ..........لو فكرتى فى معناها كويس هتعرفى ايه اللى ينفع يتعمل ويتقال وايه اللى ميصحش للسبب اللى بدأت بيه كلامى .......سفراء عن المسيح ....شايلين اسمه .......بيتهيألى دلوقتى فهمتى انا اقصد ايه ؟؟؟؟ .......لو اقتنعنا بالكلام ده يبقى لازم هناخد بالنا أووووووى من كلامنا وتصرفاتنا وطريقة لبسنا وتعاملتنا مع الناس كلها ......ميرسى ليكى يا حبيبتى انك عملتى الموضوع ده لانه أكيد هيفيد كتير .

 

[جيلان]

رد على: اه ولا لا

ايوة انا فهمت قصدك
ميرسى يا عسل على مرورك
وربنا يعوض تعب محبتك

 

[سيزار]

رد على: اه ولا لا

عارفه يا جيلان انا فى مقوله فى الكتاب المقدس بحبها جداً وبخليها قدامى دايماً وهى ( نسعى كسفراء عن المسيح كأن الله يعظ بنا ) ..........لو فكرتى فى معناها كويس هتعرفى ايه اللى ينفع يتعمل ويتقال وايه اللى ميصحش للسبب اللى بدأت بيه كلامى .......سفراء عن المسيح ....شايلين اسمه .......بيتهيألى دلوقتى فهمتى انا اقصد ايه ؟؟؟؟ .......لو اقتنعنا بالكلام ده يبقى لازم هناخد بالنا أووووووى من كلامنا وتصرفاتنا وطريقة لبسنا وتعاملتنا مع الناس كلها ......ميرسى ليكى يا حبيبتى انك عملتى الموضوع ده لانه أكيد هيفيد كتير .

------------------------------------
الاخت دونا باركك ربنا بس ممكن اقول رائى بصراحه .. انا مش فاهم حضرتك عايزه تقولى ايه ..
كون ان احنا سفراء لدا المسيح اى نكون على صوره الله ومثاله اى ماهو رائى الدينا فى الصداقه مع اظهار امثله من الكتاب المقدس فى حكايه الصداقه دى وهل ممكن ان نكون منغلقين على انفسنا ام نكون مبحبحنها قوى يعنى ..ياريت التوضيح صدقينى انا تهت من كلامك وشكرا ليكى وربنا يبارك هذا العمل

 

[جيلان]

رد على: اه ولا لا

هى تقريبا يا سيزر قصدها اننا نراعى ربنا فى صداقتنا
يعنى ما يليق وما لا يليق
من غير انغلاق
ونحس ان ربنا واقف ادامنا على طول واحنا بنعمل اى حاجة

 

[tina_tina]

رد على: اه ولا لا

عارفه يا جيلان انا فى مقوله فى الكتاب المقدس بحبها جداً وبخليها قدامى دايماً وهى ( نسعى كسفراء عن المسيح كأن الله يعظ بنا ) ..........لو فكرتى فى معناها كويس هتعرفى ايه اللى ينفع يتعمل ويتقال وايه اللى ميصحش للسبب اللى بدأت بيه كلامى .......سفراء عن المسيح ....شايلين اسمه .......بيتهيألى دلوقتى فهمتى انا اقصد ايه ؟؟؟؟ .......لو اقتنعنا بالكلام ده يبقى لازم هناخد بالنا أووووووى من كلامنا وتصرفاتنا وطريقة لبسنا وتعاملتنا مع الناس كلها ......ميرسى ليكى يا حبيبتى انك عملتى الموضوع ده لانه أكيد هيفيد كتير .

ميرسى اوى على الموضوع وربنا يباركلك فيه
وعجبنى كلام دونا وكلامها مظبوط
وزى ما قالت احنا اولاد المسيح اى كلمة هتطلع او اى تصرف بنعملةة ده بيرجع لتربيتنا اللى هى تربية المسيحية
واحنا مقولناش منكلمش ولاد ولا نتعامل وع بعض لا طبعا مينفعش لان بحكم الدراسة والتطور اللى احنا فيه والانفتاح لازم نتكلم مع بعض بس فى حدود منعدهاش ولازم نحترمها وده فى الاخر بيرجع لنشأه البيت نفسه
ياريت يكون كلامى مفهوم
شكرا لتعبك

 

[Kiril]

رد على: اه ولا لا

انا متفق معاكم في اللي قلتوه بخصوص اننا نكون كويسين مراعين ربنا تصرفاتنا تعكس اننا ولاد ربنا بجد
بس مختلف مع الاخت جاسي
لما واحدة تدي نمرتها لولد و يتكلموا مع بعض زي اي اثنين بني ادمين بيتكلموا
(انا مقلتش يحبو في بعض من 12 بليل لستة الصبح)
الحدود واجبة برضه
بس برضه انا تصرفاتي بتعكس اخلاقي
ما انا ممكن اكون ابن ناس اوب امام الناس و من وراهم اكون بتاع حشيش و بانجو و (نسوان)
سوري في اللفظ
التصرفات بتعكس اخلاق البني ادم و انا من نوعية اللي ميهمنيش الناس ببصلة
الناس نيتها وحشة بمجرد بتشوف واحد وواحدة ماشيين في الشارع
انا بالنسبة لي مفيش مشكلة ان ولد يكلم بنت في التليفون او الميل بس بحدود
"كل الاشياء تحل لي و لكن ليس كل الاشياء توافق"
او يمشوا مع بعض في الشارع عنديش مشكلة
بس الظاهر سيادتك اتأثرتي بالثقافة الشرقية كتير

وانا اتفق معك يا دونا في كل ما قلتيه

 

[جيلان]

رد على: اه ولا لا

ميرسى يا دونا على رئيكانتى وكيرو
بس يا كيرو انا مختلفة معاك فى حاجة
الولد والبنت ممكنيكلمو بعض فى الجامعة او فى الكنيسة او فى مجال العمل او الاميل وموضوع التليفون ده نسبى لكن المفروض ده يتم فى اماكن فيها شباب بس زى الجامعة مثلا او يعنى بمعنى اصح مفهاش ناس يفهموك غلط بس بردو الواحد لازم يعمل حساب للبيئة الى عايش فيها يعنى موضوع الشارع ده صعب شوية انا عرفة ان الناس اوقات المفروض منهتمش برئيهم لكن بردو لازم تراعى المجتمع الى انت عايش فيه
وميرسى ليك على مرورك يا كيرو

 

[Kiril]

رد على: اه ولا لا

اخ\اخت جيلان
كما قلت سابقا المجتمع الشرقي مجتمع معياره الاخلاقي المظهر الخارجي
و اوضحت مثال اني ممكن اكون امام الناس حاجة و من وراهم حاجة تانية خالص
المجتمع الشرقي بالذات مش كويس في ظنه دائما يتسرع بالظن السئ
*مثال عملي
لدي صديق كان يقول لي من اول سنة في الكلية مفيش حاجة اسمها صداقة بريئة بين ولد و بنت
لم تمر السنة الثانية و كان مصادق بنت و دائما معا (يسيرون لوحدهم \يذاكرون لوحدهم)
وقتها لم اعلق علي شئ لانها حياته الشخصية و ميهمنيش في حاجة انه يعرفها او لا

بس بقول ان الناس بتحاسبك لما تعمل حاجة و لما تعمل الحاجة دي متحبش تتحاسب
يحللوا الحاجة لنفسهم ويحرموها علي غيرهم

موضوع الكلام في التليفون زي ماذكرت بحدود و يكون ببساطة المسيحية اللي معودانا عليها

الناس بتحب تفهم غلط و تدين اللي حواليها و لللأسف اخدنا الحكاية دي من اخواتنا البعدا زي ما اخدنا منهم عدم احترام المرأة و تصورهم بان الزواج لافراغ الطاقة الجسدية فقط و اهمال تكوين كنيسة صغيرة لانشاء ابناء للمسيح يشهدون له في كل ما تمتد اليه ايديهم

 

[جاسى]

رد على: اه ولا لا

طيب مانا من المجتمع الشرقى اللى انت بتكلم عنه ده فاكيد هتأثر بى واكيد الناس اللى بيحكموا عليا بيتأثروا بى
وتفتكر على كلامك انى ده وضع كويس اللى انت بتكلم فى عن صاحبك
اشكرك لتعليقك​

 

[جيلان]

رد على: اه ولا لا

ميرسى يا جاسى وكيرو عالمرور

 

[gigi angel]

رد على: اه ولا لا

انا من رائى انى اتعامل مع الكل بحدود فى الكليه او الكنيسه
احنا اصدقاء فى المكان ده
لكن بمجرد خرجنا الشارع خلاص كل واحد فى حاله

 

[Kiril]

رد على: اه ولا لا

دي حسب دماغ كل واحد و زي ما يستريح
و يا جاسي
انا لا ادينه فهو حر
ولكن اقول ان الناس تقول لك ما لا تفعل و هم يفعلونه و لا يريدون من احدهم محاسبتهم حتي لو ذكرتيهم بما يفعلونه

فقط ذكرت القصة كمثال فأنا ليس من طبيعتي انا ادين احد
يعني عن نفسي لما بشوف واحد ماشي مع واحدة مبصلهمش اساسا
لكن من اصحابي يقعدوا يتكلموا عليهم
طيب ليه
اللي اعرفه الناس اللي بتتكلم عن اي حد تاني بتبقي دماغها فاضية و مفيش حاجة تشغلههم
فأنا شرقي ايضا و لكن اعرف الذي يليق والذي لا يليق

 

[جيلان]

رد على: اه ولا لا

ميرسى يا تينا وجيرمين وكيرو على المرور
وزى ما قلنا الموضوع نسبى بس انا براحة رئيى اننا لازم نتعامل مع بعض عادى بس بحدود لكن يا كيرو انت قلت حاجة مهمة
انت مش بتعلق ولا بتتكلم على الى ماشين فى الشارع لكن الناس الى دماغها فاضية بتتكلم وانت عارف ان مجتمعنا فى كتير دماغهم فاضية والواحد بيحاول ميعرضش نفسه للكلام من حد خصوصا البنت
وميرسى على ارائكم الجامدة وربنا يعوض تعب محبتكو

 

[Kiril]

رد على: اه ولا لا

عارفين قصة جحا و ابنه و الحمار
جحا ماشي هو و ابنه و ماشيين جنب الحمار
الناس اتريقوا
ركب جحا ابنه
الناس قالوا الولد قليل الذوق سايب ابوه يمشي
ركب جحا و نزل الولد
الناس قالوا جحا قاسي علي ابنه
الاثنين ركبوا
قال الناس معندكوش رحمة ع الحمار
اخيرا جحا و ابنه شالوا الحمار
و دخلوا مستشفي المجانين

ادي اخرة اللي يمشي وراء كلام الناس