أنا مسيحي ... وأفتخر
مسيحي وأفتخر ..
وبرشم إشارة الصليب ..
وبعلن توحيدي بإلهي الحبيب ..
الثالوث الأقدس الملوكي الآب والآبن والروح القدس الإله الواحد آمين.
مسيحي وأفتخر ..
وبعلن حماية الدم الكريم دم المسيح يسوع ..
دم ابن الله العظيم ..
الدم اللي بحمينا وبطهّرنا من كل شرٍّ أثيم.
مسيحي وأفتخر ..
وبمتلىء من نعمة الروح القدس الأمين ..
روح الله الحيّ ..
المعزي، القدوس، المعين روح الحق اللي بنوّر طريقي، وعنده النصر المبين.
مسيحي وأفتخر ..
وبعلن إلهي يسوع الحنّان يسوع الملك ابن الله ..
مخلص الإنسان يسوع ربي وإلهي ..
اللي مالي قلبي بالإيمان.
مسيحي وأفتخر .. بكنستي السّماويّة ..
وبكنستي الأرضيّة ..
في سماء المجد كنيسة أمي مريم العذراء..
أمي الحنونه ..
اللي بتسكن وسط تسبيحات شعبي المسيحي المقدس .. كنستي الأرضيّة ..
وسط التسبيحة الملائكية ..
وسط التسبيحة السلطانة الوردية ..
وسط شعبي المسيحي اللاتيني، الكاثوليكي، الارثوذكسي، القبطي البابوي ..
وسط كل نفس بترشم إشارة الصليب ..
وبتسبح إسم إلهي يسوع الحبيب ..
مسيحي وأفتخر.
مسيحي وأفتخر ..
بالراعي الصالح الآمين ..
يسوع راعي الخراف العظيم ..
اللي بسمّي خرافه بأسماء ..
وإسمي اليوم ..
يهوياكين: ربي يسوع إلهي ثبتني بالبر والخلاص ..
وسكب عليّ روحه القدوس ..
وبركات روحية سماوية كاملة لكل النفوس ..
لكل من قال ..
أنا مسيحي وأفتخر ..
