- إنضم
- 30 يوليو 2013
- المشاركات
- 1,239
- مستوى التفاعل
- 161
- النقاط
- 0
انا مخنوقة جدا وحرفيا بعيط وانا بكتب البوست و مش عارفة اذا كان مكانه الصح هنا ولا لا اصلا انا خلاص اتخرجت وخلصت دراسة ومش دى المشكلة المشكلة هى أن ابويا مش عايزنى أتعامل مع صحباتى زى ما كنا أيام الكلية بمعنى انا دلوقتى بكلمهم فيس بوك و هو مش عايز يسمحلى بأكثر من كدة يعنى مثلا في بنت من الشلة بتاعتى هتتجوز يوم الخميس الجاى و الفرح هيبقى ف الخصوص وانا ف شبرا الخيمة و بابا رفض بحجة أنه ميعرفش الكنيسة وان المشوار بعيد مع أن كل البنات هيحضروا وفي اللى بتيجى من حدائق حلوان واللى بتيجى من شبين القناطر دمى محروق ابويا بيقولى عاجبك تكلميهم فيس بوك وخلاص ماشي مش عاجبك يبقى انسيهم هو حال الدنيا كدة مفيش صاحب بيدوم هو يعنى حد من صحابك كانت جت زارتك طب يا بابا ماهو أنا مبسبقش وبمجاملش هما هيجولي على اى أساس وبعدين انا معنديش مناسبات هييجوا ليه و بعدين البنت اللى هتتجوز دى جابتلى هدية عيد ميلادى اللى فات مش ده برضه واجب لازم يترد يقولى خلاص انتو خلصتو ومش هتشوفوا بعض مش لازم يعنى وبعدين انا كان ليا صحاب ف الجيش كتير وكنا زى الأخوات وأكثر ومع ذلك خلاص راحوا ومحدش بيسأل ف حد طب انت صحابك بعدوا عنك انا ذنبي ايه انا صحابى عايزنى و بيعزمونى ف افراحهم طب انا أرفض ليه ليه البعد انا اللى ابدا بيه انا طول عمرى لوحدى وتعبت نفسي يكون لي صحاب وانت بطريقتك دى مش هتخلى لى حد ابدا قعد بقى يقولى انتى نكدية و بتفركى ع الحزن وخلاص و غضب وسابلنا الاوضة وخرج قعد لوحده وطبعا بعد كل ده بقيت انا اللى غلطانة انا مخنوقة ومن ساعتها وانا كل ما اقعد لوحدى شوية اعيط معلش طولت عليكم بس ده يمكن يريحنى شوية