امثال مصرية

[وردة يسوع]

هاااااااااااااي عندي اقتراح واتمني انكم تشاركوني فيه وينول علي اعجابكم ان شاء الله وهو الامثال المصرية الجميلة اكيد كل واحد منا عارف مثل مصري فياريت تكتبوها شاركوني اللعبة دي ((((( ايد لوحدها ما تسقفشي )))))

 

[واثقه فيك يارب]

انتي كاتبه ينول فكرتها بتول

اللعبه جميله انتي جيتي في ملعبي بحب اووي الامثال انا

بيقولك ياستي
ياواخد القرد علي ماله يروح المال ويفضل القرد علي حاله
​

 

[zaki]

والى يخاف من بنت خالته ميجبش منها خضار ​

 

[وردة يسوع]

من طلب العلا نام الليالي ......وشد اللحاف و (قال) انا مالي

 

[soul & life]

اكفى القدرة على فمها تطلع البنت لامها

 

[وردة يسوع]

يا داخل بين البصلة وقشرتها ما ينوبك غير ريحتها

 

[وردة يسوع]

اللى معاه قرش محيره يجيب‏ حمام ويحمره

 

[عبود عبده عبود]

مثل لراجل بخيل ...أبنه بيسأله :
يا با أية أحلى من العسل ؟
قاله : " الخل " لو كان ببلاش
​

 

[عبود عبده عبود]

مثل عن الحموات ....بتقول :
تجينى بوشها أقول دى " بنتى "
تدينى قفاها أقول دى " مرات أبنى "
​

 

[وردة يسوع]

خد الاصيلة و لو كانت على الحصيرة

 

[وردة يسوع]

اللي تحسبه موسى يطلع فرعون.

 

[وردة يسوع]

اللي يخاف من العفريت يطلع له .

 

[وردة يسوع]

الفلوس تخلي العجوز ننوس

 

[+ماريا+]

كان فى واحد دخل بيته فلقى راجل مع مراته
اول ما شوف جوزها نط من الشباك فالزوج بقى يجرى وراه
لغاية اما خبط فى شوال عدس ووقع والزوج بقى يضرب فيه
فالناس بقيت تقوله حرام عليك هتموت الراجل كل ده علشان شوال عدس
والزوج مش قادر يقول فى ايه
فقالهم اصل اللى ميعرفش يقول عدس

اصل اللى ميعرفش يقول عدس

 

[وردة يسوع]

ليس كل ما يحفظه الطالب يفهمه وتأتي الاختبارات بما لا تحتويه الكتب

 

[وردة يسوع]

لاقيني ولا تغديني

 

[+ماريا+]

اللى يقول لمراته يا عوره يلعبوا بيها الكوره
واللى يقولها يا هانم يستنوها على السلالم

 

[وردة يسوع]

عصفور في اليد خير من عشرة على الشجرة

 

[mary naeem]

يا واخد القرد على ماله
يروح المال ويفضل القرد على حالة

 

[وردة يسوع]

طمعنجى بناله بيت000فلسنجى سكنله فيه