اليمامة العامية

[عبود عبده عبود]

وسط أحداث الدستور والمليونيات والأخوان والآعلان الفشخورى للدكتور ...
وسط غضب الجميع وأحداث جِسام تمر بالبلد​

ألتقطت موضوع عجيب غريب بين عضوتين من أجمل عضوات المنتدى
بين ( ملاك المنتدى ) المُلقبة بـ حوبوا
وبين ( شقاوة المنتدى ) وطبعا أنتوا عارفينها
طبعا انا ماكانش قصدى ألمع أُكر خاااالص...​

كنت بالصدفة بأرد على رسالة وول عادية
وهى عبارة عن الأصطباحة الجميلة اليومية من حوبوا التى ترسلها للجميع مدعومة بالزهور والملائكة والصلوات ...:flowers:​

ماعلينا ...​

الموضوع يدور حول ( يمامة ) متربية فى بيت العائلة لدى ملاكنا الجميل حوبوا
كما شدنى الحوار الدائر عن الحمام المُنتحر على ضلفة شباك شقاوتنا :shutup22:
ثم حوار عن حمامة متربية فى بانيو الحمام عند حوبوا
هددتهما بأننى سأفضح السر ....إلا إذا
أيووووة هى إلا إذا دى ..
إلا إذا أية ؟ :t17:​

رشونى بباكو شيكولاتة كادبورى بالمكسرات من اللى قد الدراع تتييى :blush2:
الأتنين ( بما لهما من قُحط وبُخل ) رفضتا رفضاً قاطعاً
الخضوع لأبتزازى المعنوى لهما وهددانى بفضح بُخلى الشديد
على أعتبار انى وعدت إحداهما بقرطاس ترمس مُزدان بعدد ثلاثة حبات من حمص الشام على كورنيش الأسكندرية
الكلام دة كان شم النسيم اللى فات ​

أما الأخرى فقد وعدتها بأيس كريم من أبو خمسة جنيه بتاع الأعلان دة
اللى بيقول ( أبووويا عملت أأأية ) ؟؟
ماعلينا

نرجع لليمامة
حوبوا كانت مربية يمامة ...
عادى ؟؟
طبعا عادى وبيحصل فى أرقى العائلات ...لكن :fun_oops:
طبعا بنحط تحت لكن دى ألف خط لو الموضوع جاى من عند حوبوا :shutup22:
اتضح لى ان اليمامة ( عامية ) ولما بتطير وترتفع كدة لفوق تقوم طايرة لورا ...!!!!:love34:
أى والله لورا ( حسب رواية حوبوا ) لشقاوتنا
واتضح لى فيما بعد أن اليمامة عمرها 12 سنة ونص ..!!!!!!!!!!!​

طبعا انسحبت من لسانى كالعادة وقلت لها هو أنتى مربية فيل ؟؟
أول مرة أسمع عن حمامة أو يمامة بتعيش 12 سنة ؟!!!!!​

بعد سؤالى هذا
( ماتت اليمامة ) رحمها الله وأسكنها من فسيح جناته :shutup22:
سألت حوبوا
هو أنا ( نقيت ) ع اليمامة ؟
وألا طبيعى أنى أستنكر عُمْر اليمامة اللى وصل لـ 12 سنة ونص ؟
هل طبيعى انى أضحك وأستلقى على قفايا من كتر الضحك على يمامة بتطير لورا ؟
هل طبيعى أن أقع من على الكرسى لما أقرأ :
( هى صحيح كانت عامية لكن الله يرحمها كانت بتسمع كويس ) :shutup22:
!!!!!!!!!!!!!

أحكموا أنتوا ​

:blush2::blush2::blush2:​

 

[حبو اعدائكم]

سرررك باااتع يا عبووود
اليمامه مكملتش الليله بعد ما لقبتها بالفيل --:yaka:
ايوا كانت تطير فوق تقوم جايبه للخلف فكانت تخبط فى الحيطه طبعا:dntknw:

 

[sha2awet 2alam]

هى وصلت للتشهير بينا كمان ؟؟؟؟؟؟؟ نهار مش فايت

طيب ايه رأيك بقا ان كلامك غلط !! اينعم غلط
احنا مقدمناش رشاوى لحد ( لعن الله الراشى و المرتشى ) .. انت طلبت الرشوة بنفسك و احنا رفضنا الابتزاز :dntknw:...

و بعدين المنتدى كله عارف انى انا بس اللى بيتجابلى شيكولاتة:blush2: .. على آخر الزمن انا اللى هجيبها ؟؟ هٌزِلَتْ !

و بعدين اليمامة 12 سنة و نص ولا حتى 15 ( فى وش العدو ) انت مالك ؟؟ ايه اللى تاعبك ؟؟ البنت كانت مستحملاها بجلد و قوة و بتخدمها و مريحاها 24 قيراط و حتة .. و ردًا على سؤالك هل انت نقاق ؟؟ نترك الاجابة للقارئ :fun_oops:

ياسادة .. يمامة 12 سنة و نص متعايشة فى سلام و امان فى احضان حبيبتى حبو:love45: .. يجى البيه فى دقيقة يقر عليها يجيب اجلها و يرقد جثمانها هامدًا بلا حركة ولا حتى رفرفة :dntknw:... قتلها المفترى الظاااااااااالم :smil13:

و بناءًا عليه .. هرفع عليك قضية سب و قذف ( عشان تبقى تقولنا بخل و قحت دى تانى )
و قضية تانية عشان وعدتنا و خليت بينا ( مش هسكت غير اما اخد ترمسى و الايس كريم بتاعها )
و قضية تالتة تعويض ( عشان تتشطر و تشهر بينا تانى ) و قيمة التعويض 36 .. يوووووة اقصد باكو شيكولاتة من اللى اد الدراع دة بالبندق و جلاكسى مش كادبورى :t17:..

و بعد كل دة .. هلم عليك كل نون فى المنتدى دة و نعرفك ان الله حق يا اسكندرانى مغشوش انت :smil15:

و الله الموفق و المستعان​

 

[R.O.R.O]

البقية فى حياتك يا حبوا
بس انا ضحكت اوووووووووى
على اليمامة اللى بتطير لورا يا حرام
هى كدا ارتاحت بس انتى مقولتيش يعنى فى المنتدى
كنا عملنالها نعى وجينا قومنا بالواجب معاكى يا حبوا
​

 

[!! MR.BeBo !!]

اليمامه رخصتها علي ورا
انتو مالكم ^___^
​

 

[+إيرينى+]

ههههههههههههههههههههههههه

ديه صدفة لا أكثر و لا أقل

هههههههههههههههه

حصل معايا موقف أنأح من دا

كان فى واحد زميلنا فى الشغل جاب ساعة جديدة فخمة جدا

المهم هو كان بيتعمد يشمر ذراعه عشان كلنا نشوفها

أنا مالى بأة

المهم بصيت للساعة نظرة مدورة مكورة هههههههههههههه

و قولت :إش إش إيه الساعة الفخمة ديه و إيه الأوستيك المحترم دا ؟

بس هو دا كل اللى قولته

جه تانى يوم من غير الساعة

طبعا أنا ما قدرتش أمسك نفسى و قولت : فين الساعة ؟؟

قال : إتكسر الاوستيك

هههههههههههههههههههههههههههههههههههه

أنا مالى :bud:

 

[حبو اعدائكم]

هههههههههههههههههههههههههههههههههه يا إرينى اكيد صدف طبعا--
بس بردوا مننكرش إن سرررك باااتع زى عبوووود هههههههههههه
السااعه يا إيرو حرااام علييكم- ههههههههه
بس اكيد مش لوحدك ده اكيد حصل تجمع لطاقات عيون المكتب كله ههههههه
بس عمتا انا مش بسدق الحسد و لا بحطه فى دماغى اصلا...

 

[عبود عبده عبود]

البقية فى حياتك يا حبوا ​

بس انا ضحكت اوووووووووى
على اليمامة اللى بتطير لورا يا حرام
هى كدا ارتاحت بس انتى مقولتيش يعنى فى المنتدى
كنا عملنالها نعى وجينا قومنا بالواجب معاكى يا حبوا ​

أمال لو كنتى شفتى الحوار اللى داير بينهم بقى ع الووول
كنتى عملتى أية ؟؟؟
حوار كااااارثى​

اليمامه رخصتها علي ورا​

انتو مالكم ^___^​

ورا ودخول فى الممنوع وطيران عكس الأتجاه -كله يعنى​

ههههههههههههههههههههههههه

ديه صدفة لا أكثر و لا أقل

هههههههههههههههه

حصل معايا موقف أنأح من دا

كان فى واحد زميلنا فى الشغل جاب ساعة جديدة فخمة جدا

المهم هو كان بيتعمد يشمر ذراعه عشان كلنا نشوفها

أنا مالى بأة

المهم بصيت للساعة نظرة مدورة مكورة هههههههههههههه

و قولت :إش إش إيه الساعة الفخمة ديه و إيه الأوستيك المحترم دا ؟

بس هو دا كل اللى قولته

جه تانى يوم من غير الساعة

طبعا أنا ما قدرتش أمسك نفسى و قولت : فين الساعة ؟؟

قال : إتكسر الاوستيك

هههههههههههههههههههههههههههههههههههه

أنا مالى :bud:

لأ طبعا مالكيش دعوة
:smile01
بس هى دى أول مرة أكتشف ان الساعات الفخمة بيتكسر أستيكها
الا إذا
أيووووووة
هى إلا إذا دى
كانت ساعة مضروبة
أو يعنى مثلاً مثلاً حد بص لها بصة كدة وألا كدة
:smile01​

 

[عبود عبده عبود]

و بعد كل دة .. هلم عليك كل نون فى المنتدى دة و نعرفك ان الله حق يا اسكندرانى مغشوش انت :smil15:

و الله الموفق و المستعان​

أنا برضه اللى مغشوش يابتاعة طب من منازلهم ؟
دة الحمام اللى هو الحمام
اللى هو رمز السلام
بيتخبط فى شباكك يموت
ولا تعليق
​

 

[sha2awet 2alam]

أنا برضه اللى مغشوش يابتاعة طب من منازلهم ؟
دة الحمام اللى هو الحمام
اللى هو رمز السلام
بيتخبط فى شباكك يموت
ولا تعليق
​

طب هو بينتحر انا ذنبى ايه :giveup:
حجج فارغة صحيح :act23:

 

[R.O.R.O]

أمال لو كنتى شفتى الحوار اللى داير بينهم بقى ع الووول
كنتى عملتى أية ؟؟؟
حوار كااااارثى
هههههههههه انا ضحكت ومت من الضحك من مجمل الموضوع
وانا اليمامة بتطير لوراء قاعدة عمالىة اتخيل موقف اليمامة وهى بتدخل فى اى حاجة بموت من الضحك
ما بالك بقا لو شفت الحوار
​

​

 

[عبود عبده عبود]

هههههههههه انا ضحكت ومت من الضحك من مجمل الموضوع ​

​

مجمل موضوع أية ؟
لالالالالالالا
دة ولا حاجة ..اقريه بلغة حوبوا
وأسئلة شقاوة كدة
مالهوش حللللللللللللل
:smile01​

 

[zama]

عظيمة روح حضراتكم لـ حياتكم الخفيفة " تُنسجوا من الحرف مُزحة و سمر جميل بـ الإدلاء المُتبادل

بالأدوار " ، إحترامي لذلك ..

==

جميل أسلوب الطرح بـ تجسيده لِـما بداخلنا من قصد إيماءات تعبيرية _ مُحددة _ نُداعب بها الرفاق ، موفقون ..

==

إجتماع (( الطرح ، أسلوب الحياة هذا )) رغد الشعور و مسأب الحس المُكتسب إنعكاسه ..

==

مُتشكر ..

 

[حبو اعدائكم]

عظيمة روح حضراتكم لـ حياتكم الخفيفة " تُنسجوا من الحرف مُزحة و سمر جميل بـ الإدلاء المُتبادل

بالأدوار " ، إحترامي لذلك ..

==

جميل أسلوب الطرح بـ تجسيده لِـما بداخلنا من قصد إيماءات تعبيرية _ مُحددة _ نُداعب بها الرفاق ، موفقون ..

==

إجتماع (( الطرح ، أسلوب الحياة هذا )) رغد الشعور و مسأب الحس المُكتسب إنعكاسه ..

==

مُتشكر ..

يا زاما اشكرك على المرور و التعليق---
اعتقد انت تقصد من الكلام الى مكتوب فوق ده إن الموضوع مجمله عجبك ههههههههههههههههههههههه
ليه بس الكلمات الصعبه دى -- شكلك متسوس هههههههههههههه مبعوت من عبوود -
انزل بالترجمه لو سمحت خصوصا رغد و مسأب دى هههههههههههههه
الجهل وحش :vava:

 

[عبود عبده عبود]

يا زاما اشكرك على المرور و التعليق---
اعتقد انت تقصد من الكلام الى مكتوب فوق ده إن الموضوع مجمله عجبك ههههههههههههههههههههههه
ليه بس الكلمات الصعبه دى -- شكلك متسوس هههههههههههههه مبعوت من عبوود -
انزل بالترجمه لو سمحت خصوصا رغد و مسأب دى هههههههههههههه
الجهل وحش :vava:

لأ مش مبعوث عبود أبداً
أنا عن نفسى مابفهمش منه حرف واحد
رغد = هناء وراحة
يعنى لما تسمعى حد يقولك رغد العيش
دة مش بيشتمك ...تؤ
دة بيقولك عيشة حلوة ورحرحة صوح
أما مسأب دى
ماكانتش على " أيامنا " ..
أحتمال يكون منهج لغة عربية جديد نزل على " أيامهم "
:smile02​

 

[حبو اعدائكم]

لأ مش مبعوث عبود أبداً
أنا عن نفسى مابفهمش منه حرف واحد
رغد = هناء وراحة
يعنى لما تسمعى حد يقولك رغد العيش
دة مش بيشتمك ...تؤ
دة بيقولك عيشة حلوة ورحرحة صوح
أما مسأب دى
ماكانتش على " أيامنا " ..
أحتمال يكون منهج لغة عربية جديد نزل على " أيامهم "

:smile02​

شكرا يا عبوود -- لحقت الموقف اديك شرحت--
كنت رايحا انادى استاز ايمن يشرح من كتب شعر ذو القفا إبن قر مز ههههههههههههههه

 

[عبود عبده عبود]

شكرا يا عبوود -- لحقت الموقف اديك شرحت--
كنت رايحا انادى استاز ايمن يشرح من كتب شعر ذو القفا إبن قر مز ههههههههههههههه

وأنتى ملقتيش غير ( أجمل أخ حلو )
علشان يشرح لك من أبن القفا المقفع ؟
يعنى بتفهمى العربى العاتييى
لما هتفهمى بتاع القفا ؟
:smile02​

 

[حبو اعدائكم]

وأنتى ملقتيش غير ( أجمل أخ حلو )
علشان يشرح لك من أبن القفا المقفع ؟
يعنى بتفهمى العربى العاتييى
لما هتفهمى بتاع القفا ؟​

:smile02​

يا عبووود اصله العربى بيبقى عجججيييب غريييب بحس إنه شبه العربى بتاعى
بالعكس العربى بتاعى احسن كمان -- على الاقل ممكن يتفهم...:08:

 

[Strident]

طب معلش عشان انا قريت بسرعة ومافهمتش ايه الموضوع....يمامة ايه اللي بتعيش 12 سنة؟ مافهمتش النكتة حد يشرح معلش

 

[حبو اعدائكم]

طب معلش عشان انا قريت بسرعة ومافهمتش ايه الموضوع....يمامة ايه اللي بتعيش 12 سنة؟ مافهمتش النكتة حد يشرح معلش

نكته!!!!!!!!!!!!!!
يا جونى دى يمامتى!! بس ماتت خلاص