اليك انت

[قيروانى]

انا جربت وفشلت​

مفيش فايده من النحاح فى الموضوع ده​

كلمات دايما يخاطبنى بها لسانى ولسان الغير​

الخطيه غلبانى غلبانى ومفيش ليا منها مهرب ..​

اطلق يارب شعب ليعيد فى البريه​

فين الروح القدس اللى جواك اللى يديك النصره ورفعه الراس​

مالك فيه ايه جرالك ؟؟​

وان بقيت فى العنقود حبه فما تزال فيه بركه​

رائحه المسيح اللى فيك لازم تعود انفك عليها​

وانا فى عز الخطيه بقول يامن مت لاجلى اقمنى​

وانا فى عز الموت بقول يا من مت لاجلى انقذنى​

اوعاك واليأس اوعى تسيب نفسك مهما كانت ظروفك قوم اقف دلوقتى وقول له انا مستنيك يا رب​

ثقتى فى نفسى صفر لكن فيك يايسوع ملهاش حدود​

جربت كتير وفشلت عشان بتجرب.. خلى المسيح هو اللى يجرب ويقوم بالعمل​

اسكت ساكت اطلب بصمت وانتظر هو يعمل فيك قول له انا مليش دور​

قله انا مليش دور جربت وفشلت اطلقه جواك خليه يشتغل خليه يقيمك ويقمنى​

انا كمان حيلى اتهد وجربت ومفيش فايده دايما بفشل لكن روح الفشل مش هتسكن فيا لان الهى ادانى روح النجاح غير عنوانك واكتب "انسان عايش بيسوع" وشوف اللى هيحصل​

اطلق يارب شعبك ليعيد فى البريه خر 5:1​

قوم الان اترك العمل ليه كله وارمى الحمل عليه قله فين ايام الخير مين يعوضنى عن سنين القحط اللى اكل فيها الجراد كل الاخضر واليابس ؟ انا تعبت مليش دور كل اوراقى خلصت وكل حيلى خلصت وجربت كل الطرق ومفيش فايده .. اصل طرقى قصيره ونهايتها بتبدأ قبل بدايتها !! اما طرقك فابعد عن الفحص والاستقصاء ..​

خلاص انا بعلن ليكى استسلامى الكامل الى بكل وعى وبكل اراده بسلملك حياتى تعمل فيها وتقودها وتكون انت ابوها ومليكها امين ....​

ربى لست اعلم ما تحمله لى الايام ولكن سيدى الحبيب يكفينى شيئا واحد ثقتى انك معى تعتنى بي وتحارب عنى​

 

[†gomana†]

جميلة اوى كلماتك دى اخى الزيز
ربنا يباركك

ممكن بعد اذنك تكتب انه بقلمك

 

[قيروانى]

العين وقعت منك يا جومانه العزيزه ..... معلش
مقدرش اكتب انها بقلمى بعد اذنك اكتب بصوابعى على الكيب ورد هههههههههه
بصى لما بنقل من حاجه او بقتبص من حاجه بقول انه منقول غير كده كله مش بكتب لانه بيعبر عن اللى جوايا

 

[†gomana†]

اوك سورى على العين اللى وقعت دى ههههههههه

بس ده كتاباتك وكلها رائعة جدا واكيد حاسة انها نابعة من جواك
بس الاحسن انك تكتب بقلم: اخوكم قيراونى

 

[قيروانى]

منا قلتلك القلم مش هو اللى بيكتب ................. الروح بتتكلم يا جومانه
القديش غريغوريس النزيانزى قال ايه ::
"لست ثرثارا حتى اتكلم حينما يريدنى الروح ان اصمت ولن اصمت مدام الروح يحثنى على الكلام"
معلش مش هو ده النص الحرفى لقوله لكن على ما اتذكر
ابونا كيرلس دير البراموس هو اللى علمنى مذكرش اسمى فى اى كتابه هو دلوقتى الانبا مكاريوس ربنا يبارك خدمته ......... على العموم انا بكتب ليا وللى يقرا وانا مازلت صغير بين اخواتى ....صلى لاجلى كثيرا

 

[†gomana†]

صلوات القديسين تحفظك اخى العزيز
وربنا يباركك

 

[blackguitar]

تأمل قوى جدا يا قيروانى ....... فعلا احنا محتاجين نعتمد عليه فك حاجه وهو اللى هيخلصنا ....مش احنا اللى هنخلص نفسنا
خلاصنا لانفسنا خلاص مؤقت ....وخلاص الرب لنا خلاص ابدى

 

[قيروانى]

شكرا يا بلاك جيتار على مديحك .......... صاحب كل مجد يسوع المسيح نسبحه كل حين امين

 

[ميرنا]

رد على: اليك انت

تسلم ايدك بجد يا قيروانى ​

 

[قيروانى]

رد على: اليك انت

تسلم ايدك بجد يا قيروانى ​

بلاش تسلم ايدك لحسن اقطعها

خليها سلمت يداك
او
تسلم من كل ردى
او
الله لا يسلمك
طبعا ليد اعدائك

شكرا لمحبتك

 

[ميرنا]

رد على: اليك انت

بلاش تسلم ايدك لحسن اقطعها

خليها سلمت يداك
او
تسلم من كل ردى
او
الله لا يسلمك
طبعا ليد اعدائك

شكرا لمحبتك

كل ده علشان كتبت كلمة يلهوى :ranting:​