الى Kerlos-love-Jesus Kerlos-love-Jesus

[lo siento_mucho]

انا مش عارفه مالك وليه موضوع السفر ده..والوداع ده
بس احب اقولك ع العام ان اي فكره وحشه مش هتنفعك ولا هتفيدك
وانت عارف انا فات عليا ايه.. ولساتني عايشه اهو

وفي ايه طالما مش عايز ترد ع حد ولا تفهمنا..لينا حق نعرف كلنا طالما عرفتنا كلنا وكل الناس هنا بتحبك وعايزاك وانا اولهم...
يبقى ليه الوداع وليه الكلام ده...
ليييييييييييييييييييييييييييييييييييه!!!!!!!
هسجل خروووووووج للابد من هنا لو مش رديت وقولت في ايه؟؟
​

 

[Kerlos-love-Jesus]

لية مكبرين الموضوع
ومليتولي ام الرسايل الخاصة

هسافر يا لوسينتو زي ماكل الناس بتسافر
بس كدة

هسجل انا خروج للابد
ربنا معاكو

 

[مسرة]

هنخسرك ..

 

[lo siento_mucho]

لية مكبرين الموضوع
ومليتولي ام الرسايل الخاصة

هسافر يا لوسينتو زي ماكل الناس بتسافر
بس كدة

هسجل انا خروج للابد
ربنا معاكو

برضو...

 

[حبو اعدائكم]

فى إيه!!
ماله كيرلس!!! ؟هو انت كنتى عايزا تسجلى خروج من الدنيا بردو!!!!
مش لوحدى-- شكلنا كلنا كدا فى نعيييم-(مش انت يا كيرلس انا بتكلم على لوسين و انا-- علشان متمسكش فى زمارت رقبتى تانى )
مالك يا كيرلس--- له مش بترد على الناس الى بيحبوك؟؟؟
تعاله و قول لى "و انت مالك بيا يا لزقه" هههههههههه
بكتب لك باللون الاخضر الى انت بتحبه اهو----
ليه بتقلقونا عليكو يا ناس بس-- كلنا فى ضغط كلنا شوفنا سواد و شوفنا الويل فى الدنيا-- بس بنقع و نقف تانى-- بننتحر و ربنا بيزقنا فى الدنيا تانى---
عارفا انك جامد و عارفا انك قدها و قدود-- و عارفا انك راجل و شايل احمال على كتافك كتير--
بقا عندك عضلات و بقيت اقوا---- دلوقتى لما تشيل هتلاقى التقيل الى غيرك ممكن يقع منه انت شايفه خفيف--
و كنت عايزا اقول لك ابقا حط المنبه بعيد عنك و اظبته برن كل 10 دقائق علشان لما يرن الصبح تطر تقوم من السرير و تاخد كام خطوه علشان تقفله و لو رجعت نمت تانى يرن تانى و تقوم و تقف و تقفل علشان مش تروح عليك نومه و تروح الشغل متئخر تانى----

و بعدين فى تهديد فوق----- و انا الحقيقه بحب لوسين جدا جدا و مش عايزاها تسيب المنتدى ابدا علشان هتوحشنى و هيقا قلقانه عليها اوى --- فياريت تيجى و تطمنا عنك---

ربنا يحميك اخى و يقويك و يشددك و يبارك بك حياتك و عملك و يسكن دائما بروحع المقدس فى قلبك---
سلام ربى يملائك

 

[حبو اعدائكم]

انا بطيئه اوى !!! لغايه ما كتبت كانتم دخلتو رضيتو مشيتو!!

 

[lo siento_mucho]

انا بطيئه اوى !!! لغايه ما كتبت كانتم دخلتو رضيتو مشيتو!!

انتي طيبه و جميله قوي وقلبك اجمل واطيييب

 

["خْرْيْسْتْوْفُوْرُوْسْ"]

انا بنصح تحولوه لأمنا أمه تهديه وتحكي معاه..

كيرلس طيب جدا جدا..

ربنا معاك ..ولو مصمم تسافر وشايف ان دا هيريحك سافر ..بس السفر مش هيمنعك تدخل الكنيسه هنا..فى ناس بتحبك ..وأكيد هتقلق عليك بعد فتره من غيابك..
أكيد طيبتك ومحبتك هتخليك تفكر ف قلقهم عليك..
فعلا فى ناس بتقلق عليك وممكن تبكي من رحيلك اوغيابك..لازم تحس بمحبتهم ليك..
وكمان حضرتك علشان محبوب غيابك هيسبب فراغ كتير لأخواتنا اللي بيتواصلو معاك
يمكن انا مقصر فى حق اخوات كتير ليا ومش بسئل عنهم ..
ويمكن انا متعرفتش بحضرتك قوي
لكن بمجرد ما بشوف مشاركتك او اسمك بعرف ان الموضوع دا كلو دحك وفكاهه لأني لمست من مشاركاتك ان روحك جميله بس يمكن محبتك الزياده وعفويتك الناس فهمتها غلط فى بعض الأحيان.,.
لكن بقول لحضرتك بأمانة المسيح لا تجعل أحد يقلق عليك.
أنت لا تتخيل كم هو صعب شعور أن تقلق علي أحدهم ولا تعرف عنه أخبار وهو لك بمثابة شخص مهم وغيابه يسبب الوجع والحيره والضيق
ربنا يرعاك يا أخي الحبيب

 

[lo siento_mucho]

لو بتشوف مشاركاتنا وبتابعنا شوف الناس بتحبك قد ايه ...
منتدى الكنيسه انت عرفتني عليه ..وكان بالنسبه ليا بيتي الحقيقي اللي كنت برتاح فيه .. والجأ ليه في اي وقت..حطيت فيه كل حاجه ايماني شهادتي شكوكي..فرحي زعلي..بس كل ده وانت موجود فيه..
يصعب عليا جدا اني اسيب المنتدى بس مقدرش افضل فيه وانت مش موجود.. وبقولها اهو ع العام...
يكفيني المتابعه كزائره واستفيد منو كما استافدت من قبل لكني كفرد منو وانت مش موجود .. مش هكون.. ربنا معاك دايما مطرح ما انت موجود..
لو هتكون عند ربنا قولو ياخدني عشان نفسي اسالو اسئله كتيره وقولو ليه سابني لوحدي كده .. واهو اشوفك بالمره:94:
سلام يا احلى اعضاء...​

 

[حبو اعدائكم]

!!!! استنى فيه إيه بس---

 

[حبو اعدائكم]

طب خشى على بروفايلى و بعدين اطلعى تانى--

 

[Kerlos-love-Jesus]

ياجماعه لية الموضوع كبير وناس بتسيب المكان ؟
حسيت فجأة اني عمرو دياب
هههههههههه

وعياد كلمني دلوقتي وقالي لوسينتو سابت المنتدى
وانا داخل عشان اطلب من لوسينتو متسيبش المنتدى ، عشان عياد اتصل قالي هي هتسيب

انت دماغ يا عياد
ــ

اللي ساب المكان يرجع يا جماعه ،
حاسس اني بخطب ع منبر الرئاسة

ربنا معاكو
بس انا مش هكون موجود
ودة غصب عني مش بمزاجي

شكرا ياعياد لاتصالك
ومتقلقلش لوسينتو راجعه

 

[حبو اعدائكم]

عياد كلمك!!
قول له روح كلم "بعض" فى موضوع دردشه الاعضاء

و يا رب يكون الى غصب عنك ده خير-- ابقا طمنا عنك--- يا ريت لوسينتو ترجع-- وماله المنبر بتاع الرئاسه لسا فاضى ههههههههههه بس خلى بالك تاخد ساروخ ارض ارض من الاخوه بتوع مورسى--
ربنا يحميكم كلكم و يطمنا دايما عليكم--