الى ...اتفضلي هنا ومشكوره sha2awet 2alam

[lo siento_mucho]

ده اقتباس من ردك ع عضو عندو مشكله وهي انجدابو للفتيات المسلمات..

QUOTE=sha2awet 2alam;3202291]

فاهماك و حاسة بيك ... ربما يكون انجذابك ليهم لانك شايفهم اجمل شكلا او بيهتمو بنفسهم
اكتر او بيعاملو انوثتهم بطريقة كويسة عكس
بعض البنات المسيحيين بيتعاملو مع الانوثة
على انها ضعف و قلة ادب و نادرا ما بيبصو فى مراية ..



اولا اسفه لاقتباسي لكلامك ومنزلاه هنا ف موضوع مستقل

وليكي الحق تطلبي انك تحذفيه لو ازعجك...

بس بجد النقطه اثارتني جداا ويمكن استغربت الكلام..

فممكن توضيح منك للكلام ده ونقطة الانوثه دي..

وكمان عايزه اشوف ردود الشباب لو زي فكرتك وكمان ردود البنات لو هما بيبصو لانثوتهم ع انها ضعف و ...

​

​

 

[Kerlos-love-Jesus]

-----------------------------------

 

[يوليوس44]

انا فى راى الشخصى شوفى راء عدو المراة ان الجمال الحقيقى هو الروح والقلب اما الشكل فهو مش ثابت متغير مع الزمن اقصد الشكل الخارجى اما حكاية المسلمات الانوثة عندهم اجمل من المسيحيات اعتقد حضرتك غلط
لان الانوثة واحدة ونفس الصفات موجود فى كل بنات حواء وكل فتاة اكيد ميلون المية بتحاول بتكون فى اجمل صورة . فى حاجة كل فتاة فيها حاجة اجمل من الاخر بالدليل مثلا الفتاة فى افريقيا سمراء ومع ذلك فى شباب بيحبها دة حاجة حسب العين الشخص ممكن واحد يشوف واحدة تبقى ملكة جمال امامة واحد تانى يشوفها على انها قردة ومع انها نفس الفتاة حسب نظرة الشخص . وعايز الصراحة الراجل اللى يقيم فتاة على الشكل الخارجى يبقى تافه بجد وعبيط لان الشكل بيتغير مش ثابت دور على القلب والروح هو اساس الحياة وياتى الشكل فى اخر حاجة اسف للتطويل

 

[lo siento_mucho]

الاول ترد هي عشان هتوضح النقطه دي
اللي عايز يقول رئيو مش يوجه كلام ليها غير لما تدخل وتقول .. يمكن ترفض اصلا طرح الموضوع...

 

[lo siento_mucho]

الراجل لما بيحب ، او بيفكر ف حب ، اخر حاجة بيبصلها الشكل الحلو دة والانوثة

امال ليه معظم الشباب بيشتكو ويقولو البنت بقت بشنب وفقدت انوثتها و و و و ....
طالما الانوثه اخر حاجه يتبصلها؟؟

 

[Kerlos-love-Jesus]

الراجل لما بيحب ، او بيفكر ف حب ، اخر حاجة بيبصلها الشكل الحلو دة والانوثة

امال ليه معظم الشباب بيشتكو ويقولو البنت بقت بشنب وفقدت انوثتها و و و و ....
طالما الانوثه اخر حاجه يتبصلها؟؟

لأن اخر حاجة الراجل بيفكر فيها هو الارتباط :new6:

 

[حبو اعدائكم]

اعتقد اعتقد إن الكثير الكثير مننا بيقع فى نفس الغلطه...
إننا لما نيجى نتكلم او نقول وجه نظرنا للاسف بنجمع او بنعمم....
و الجمع ده او التعميم ده اكبر غلط... فى كتير بنات بتهتم و زيهم مش بيهتم.. بغض النظر عن دنهم....
و كمان على كلامك يا كيرلس ممكن يكون ده وجه نظرك إنت و طبعا الواحد يحترمك عليه..بس صدقنى صدقنى صدقنى مش كل الرجال بيفكرو مثلك..
اما بئا إن الانوثه ضعف.. فلا و لا و لا ده سلااااح هههههههههههههه

 

[Kerlos-love-Jesus]

الاول ترد هي عشان هتوضح النقطه دي

هتوضح اية مش فاهم ؟
مالكلام واضح جدا !! وبالعربي !

عموما رأيك يحترم
انا منسحب

 

[lo siento_mucho]

لأن اخر حاجة الراجل بيفكر فيها هو الارتباط :new6:

مهو عشان راجل في البطاقه بس...متردش عليا

 

[oesi no]

الشاب اللى يقولك انه مش بيبص على جمال البنت اللى بيحبها مش تصدقيه

اعتقد قصد شقاوة هنا مجموعه من البنات المسيحيه الملتزمة واللى بتعتبر اهتمامها بنفسها نوع من الترف الزائد غير المطلوب وغير المحبب لفتاة ملتزمة دينيا
ودة طبعا تفكير غلط منهم
على فكرة بيطلق عليهم فى الاوساط الشبابيه ( عرايس المسيح )
الى هما البنات اللى بتنزل من غير ميكب وبلبس مش ماشي على بعضه وبتسرح شعرها تسريحات انتهت من الاربعينات ده لو سرحته
وفيه شباب كمان من النوع ده على فكرة
طبعا انا مش بتكلم عن اخلاقهم او تدينهم هما اكبر من ان واحد زيي يتكلم عنهم
انا بتكلم عن انه مظهرهم واهتمامهم بنفسهم عمره ما يكون خطيه

 

[حبو اعدائكم]

لأن اخر حاجة الراجل بيفكر فيها هو الارتباط :new6:

:new6::new6: تعجبنى الصراحه.

 

[Kerlos-love-Jesus]

مهو عشان راجل في البطاقه بس...

لما الراجل يطلع مع واحدة ف البطاقة بس
اعرفي ان هي كمان محترمة قدام الناس بس

 

[Critic]

على فكرة مش قاعدة , الطرفين فيهم دة , هنا فيه منقبات ومحجبات متزمتات , وهنا فيه عدم اهتمام , الموضوع ملوش علاقة بدين اد ما هو ثقافة ! , وعموما "ألجمال او الاهتمام" مش مبرر ابدا ان حد يبص برا ولا جوا , لأن الحلوين فى كل ملة !

 

[lo siento_mucho]

لما الراجل يطلع مع واحدة ف البطاقة بس
اعرفي ان هي كمان محترمة قدام الناس بس

ايش جاب ل جاب..
مش انت انسحبت...

 

[Kerlos-love-Jesus]

ايش جاب ل جاب..
مش انت انسحبت...

انسحبت من الرد ع شقاوة وكلامها ومسحت ردي عليها
ولا تحبي انسحب من الموقع كلو ?

حاسس اني قاتلك قتيل :new6:

 

[lo siento_mucho]

انسحبت من الرد ع شقاوة وكلامها ومسحت ردي عليها
ولا تحبي انسحب من الموقع كلو ?

حاسس اني قاتلك قتيل :new6:

ع راحتك...متحسش مره تانيه لانو غلط
واهو منور..

 

[حبو اعدائكم]

الشاب اللى يقولك انه مش بيبص على جمال البنت اللى بيحبها مش تصدقيه

اعتقد قصد شقاوة هنا مجموعه من البنات المسيحيه الملتزمة واللى بتعتبر اهتمامها بنفسها نوع من الترف الزائد غير المطلوب وغير المحبب لفتاة ملتزمة دينيا
ودة طبعا تفكير غلط منهم
على فكرة بيطلق عليهم فى الاوساط الشبابيه ( عرايس المسيح )
الى هما البنات اللى بتنزل من غير ميكب وبلبس مش ماشي على بعضه وبتسرح شعرها تسريحات انتهت من الاربعينات ده لو سرحته
وفيه شباب كمان من النوع ده على فكرة
طبعا انا مش بتكلم عن اخلاقهم او تدينهم هما اكبر من ان واحد زيي يتكلم عنهم
انا بتكلم عن انه مظهرهم واهتمامهم بنفسهم عمره ما يكون خطيه

كلامك مظبوت يا اوسى -- و اعتقد نفس نوع البنات دى تلاقيهم فى المسلمات بردو..الى بيبقو متدينااات اوى...
للاسف بيفتكرو إن مظهرهم و اهتمامهم ده خطيه... و ممكن كمان يبوصو للبنات إلى مهتميات بنفسهم إنهم بعااد جدا جدا عن ربنا... و فى الحقيقه ممكن يكون العكس( وده عن تجربه شخصيه )

 

[هيفاء الهاشمي]

ايش دخل التدين في عدم الاهتمام بالمظهر؟ هو هلكل غير متدينات يهتمن بمظهرهن؟ هذه امور شخصيه وتتفاوت بين الناس انا اللي اعرفه ان المنقبه مثلا تكشخ وتلبس وتحط المكياج وتعمل تسريحات في بيتها ولزوجها هذا ما يعني انه هي متخلفه ليش انها ما تعمل نفس شئ لما تخرج؟ في ناس الخروج بالنسبه لهم قضاء مصالح مش استعراض لبس ومكياج وشعر مادري عن المتدينات عندكم لكن حرام الظلم والتعميم على انه ما يهتمن بنفسهن عند الخروج هو يعني ايه الاهتمام؟

 

[Alexander.t]

واضح ان الموضوع كبيير اوى ومتاخد ع الاعصاب
وانا ع اعصابى لوحدى
تتمسو بالخير

 

[sha2awet 2alam]

يااااااااة اخيرا اتعمل موضوع موجه لى شخصيًا:new6: بغض النظر طبعًا عن التقطيع اللى نص البنات عايزين يقطعهولى و بغض النظر عن انى بكره انى افسر كلامى كلمة كلمة و كإنه شبهة جنائية .. بس المضطر يركب الصعب و عشان خاطر عيون لولو بس:t23:

كلامى كان نصه كالآتى : " شايفهم اجمل شكلا او بيهتمو بنفسهم اكتر او بيعاملو انوثتهم بطريقة كويسة عكس بعض البنات المسيحيين بيتعاملو مع الانوثة على انها ضعف و قلة ادب و نادرا ما بيبصو فى مراية .. "

نفصصه بقا ...
اولا .. اللى اتكلم عن انى عممت الكلام على كل البنات المسيحيين مقراش كلامى بدقة .. انا قولت بعض البنات المسيحيين .... بعضهم يا ناس ... معممتش خالص .. دة نشكر ربنا اول خطأ موقعتش فيه الحمد لله :t13:
ثانيا .. اللى اتكلم عن ان الانوثة متساوية فى المسيحيين زى المسلمين .. هو انا قولت ان فيه واحدة بايد زيادة عن التانية ؟ انا كلامى كان واضح قولت " بيعاملو انوثتهم بطريقة كويسة " يعنى الانوثة واحدة فى الكل بس الفرق فى طريقة التعامل معاها ... طريقة النظر ليها .. واحدة شايفة انها ند للراجل و بتكلمه زيه زيها فين الانوثة دى ؟؟ ليه اصل هى لو اتعاملت بهدوء معاه هتتفهم غلط و يبقى عيب ؟؟ و متقوليش مفيش بنات بتقول كدة .. لان فيه و انا اعرفهم شخصيًا ...
ثالثا .. اللى هيقولى اخر حاجة الراجل بيشوفها فى البنت شكلها .. كداب فى اصل وشه .. و اللى مش مصدقنى يروح يشوف موضوع اشياء الرجل ينفر منها فى المرأة و يقرا الردود عن عدم اهتمام البنت بنظافتها و شكلها و يقرا رد جوجو هنا( فكرنى اجيبلك حاجة حلوة ردك عجبنى :fun_lol: ) ... و اسال نفسك انهى بنت تلفت نظرك .. بنت محترمة و مسرحة شعرها بشكل كويس ولابسة شيك و ميكب هادى خالص ولا واحدة مش غاسلة وشها و منكوشة بس محترمة ؟؟
رابعا .. انا مقصرتش الموضوع على المسيحيين فقط .. بس انا اتكلمت عن البنات المسيحيين لان صاحب الموضوع كان قايل انه مش بينجذب للبنات اللى بيشوفهم من المسيحيين و انجذب لواحدة غير مسيحية و كان دة احتمال من ضمن الاحتمالات الواردة مش حقيقة مؤكدة يعنى .. و اكيد البنت اللى بتحبه مش بنت متشددة بالدرجة اللى تخليها متهتمش بشكلها و تلبس لبس فضفاض او تهمل جمالها و انوثتها و الا لو هى متشددة كدة هتحب واحد مسيحيى ازاى يعنى ؟ مش منطق اكيد
خامسا .. كلامى بقا فى المجمل ان فيه بنات مش بتهتم بشكلها تحت مسمى التدين او التشدد و بتعامل الراجل زيها زيه على اساس ان الانوثة دى دلع و مياصة و عدم احترام .. الكلام دة مش من الهوا الكلام دة بيحصل على ارض الواقع و انا اعرف بنات بالشكل دة .. تقولها اهتمى بشكلك سرحى كويس البسى محترم طبعا بس شيك تقولك المظهر مش كل حاجة الجوهر اهم .. على عينى و على راسى الجوهر اهم طبعا و الاخلاق بس الشكل و الاهتمام بيه مطلوب مش عشان الشباب حتى بس عشان نفسك .. عشان انتى تستحقى الافضل .. تستحقى تكونى جميلة .. انتى بنت العدرا بنت الملك .. لازم تكونى فى افضل صورك الممكنة فى حدود الحشمة .. مينفعش تكونى ملكة منكوشة ولا لابسة شوال تحت مسمى الاحترام ... الاحترام و الاخلاق و التدين لا ينتفى مع الجمال و النظافة و المظهر الحلو ... الفكرة كلها انها فكرة خاطئة مترسخة فى نفوس بنات كتير .....

بس كدة اهو و انا تحت امركم فى اى نقاش