المعاكسات وطرق عملية للقضاء عليها

[بيترالخواجة]

شكرا يا مينا على الموضوع الرئع دة
ارب معك

 

[جاسى]

شكرا ليك على الموضوع ده
بس صدقنى كل كلمه اتقالت فى الموضوع ده صعبه اوى سواء اللى بيحصل للبنت او اللى مطلوب منها تعمله لانى اى بنت او انا عن نفسى بقعد افكر لو حاجه حصلتلى هعمل ايه واعد اقرر حاجات لكن بمجرد ما الايد بتتمد حتى الزعيقه بتطلع بالعافيه ومش بكون قادره اتحرك وبكسف كانى انا اللى عملت حاجه وحشه مش هو وهو بيكون عادىىىى جدا وفرحان
اما بالنسبه للناس فمبقاش فى حد ليه دعوه بحد مع العلم انى ساكنه فى القاهره شبرا
لكن الناس بقيت جدعه اوى
وصدقونى مبقاش ليها دعوه باللبس او الشكل ديه بقيت حركه بيعملوها وخلاص
وربنا يبارككم ويحفظنا

 

[christ my lord]

الموضوع دة مهم جداا .. وانا بلاحظة كتير جداا وبالاخص فى المواصلات العامة والاتوبيسات .. شباب كتير بيحاولوا يزنقوا على الستات والبنات فى الاتوبيس .. وحصل معايا موقف قدامى لبنت مسيحية (انا شوفت الصليب فى ايدها) كانت واقفة فى الاتوبيس ومكنش زحمة للدرجة يعنى كان فى مساحة لليعدى بدون ما يذنوق حد .. وانا كنت واقف بعيد عن البنت دى بس لاحظت ان فى شاب واقف جمبها وعمال يتمايل علشان يلمس البنت دى .. فهى بعدت عنة ومشيت بعيد .. وهو راح وراها ووقف جمبها .. وسمعتها وهى بتقولة ابعد كدة شوية بس بصوت واطى باين عليها انها كانت مكسوفة ومش عارفة تتصرف .. روحت للود دة قولتة هو فى اية انت تعرفها .. البنت رددت قالت لا انا معرفهوش وهو مدايقنى .. البنت قالت الكلام دة وانا من غير ما اشعر لاقيت نفسى بارفع ايدى و بالالم على وشة .. الود اخد القلم من هنا وكان فى حالة ذهول للحظات .. ولما فاق قعد يشتم شتايم قذرة .. وانا عاليت صوتى جداا وقولت للسواق يوقف الاتوبيس دلوقتى حالا واخدت الولد دة من قفاة و نزلتة من الاتوبيس وانا حاطت دراعى حولين رقابتة بكل قوة ووقفت قدام تاكسى فى وسط الشارع وقولتلة ودينى للاقرب قسم شرطة بسرعة .. وركبت الود دة بالعفية و هو طبعا عمال يضرب فى كل حتة فى جسمى بس انا متبت فى رقابتة جامد مش عارف يفلفص منى .. ورحت قسم الشرطة ودخلتة وكتبت فية بلاغ بالتحرش الجنسى وانا شاهد على الحدث .. وطبعا اخد ليلة محترمة فى القسم .. وكان بالصدفة فى ظابط انا اعرفة وحكيت لة الحصل .. فطبعا وجب معايا وخدم الواد دة خدمة حلوة وظبط المحضر تظبيطة تمام .. وعلى فكرة الواد دة كبير مش صغير عندة 24 سنة .. وفعلا المفروض البنت متكسفش وتصرخ لما يحصل لها اى معاكسة وخصوصا لما يكون حوليها ناس كتير هتلاقى حد يساعدها ​

 

[جاسى]

وانت تفتكر انى علشان انت عملت كده يا يوساب فى كتير هيعمله كده كان فى كام حد فى الاتوبيس اللى انت كنت فيه طبعا اكيد عدد وقدره بس تلاقى ان شخصيه هى اللى اتحركت
وغالبا مبقاش فى كتير من الشخصيات ديه

 

[mrmr120]

ياجماعة حكاية المعاكسات دى
موجودة على طول ولا يمكن
ان تغيرو ولا الشباب تتغير
طول مايلقوا بنت حلوة
حتى لو لابسة حجاب لازم تتعاكس
وكترت جدا جدا جدا الحاجات دى اليومين
دول ربنا مع كل بنت بقى​

 

[meraaa]

احب احييك يامينا على الموضوع الراع ده
بس يامينا موضوع انى لازم اصرخ واشتمه انا بحس انها صعبه عارف ليه...لانى ببقه مكسوفه جداااااا رغم انى هو اللى شخص مش كويس ومش محترم بس مش عارفه ليه انا اللى بتكسف..بتكسف اصوت ازعق او اشتم عشان الناس ماتخدش بالها بحس انها كاسفه اوى بجد...وعاوزة اقولكم حاجه ان الموضوع ده مش بيبقه فى الشوارع الفاضيه بس ده بيبقه فى شارع عمومى وفى عز النهاااااااار بامانه دى بتحصل كتير ..تخيل بقه لما دى تحصل لبنت وفشارع عمومى وولا حد من الرجاله(اللى بيسموهم رجاله يعنى) يفتح بقه يبقه يامينا عاوزنى انا اللى افتح بقى ...هو انا اه ممكن لو زادت ممكن ازعقله..بس انا مش بفضل خااااااالص الزعيق فى الشارع ...هو موضوع معقد وليه جوانب كتير ..بس ربنا يحفظنا جميعا بنات وولاد لان بردو الزمن ده بقه بيحصل مصايب للولاد كمان فربنا يحرسنا كلنا ويحافظ علينا ويحمينا
وشكرااااااااااا تانى يامينا على الموضوع وربنا يباركك ومعلش انى طولت​

 

[mrmr120]

فعلا فى بنات بتتكسف وكتير اوى
وانا منهم وانا عمالة اقول لو عمل لى حاجة
هطلع علية شوية الكونغ فو لكن فى الحقيقة طلعت كتكوت مبلول
هههههههه
فا البنت هتقول فى عقلها هفرج الناس عليا
وفى بنات بتسكت مش جريئة​