المصطبه الرجالى

[Samir poet]

ممكن ناخد
رايكم
فى الحب
من النظرة الاولة واسبابو اية
وعلاجو ازاى

 

[عبود عبده عبود]

الحُب من أول نظرة مالوش أسباب ...
ومالوش علاج الا اذا تزوجت ممن أحببتها
لو ما تزوجتش يظل ذكرى جميلة للأبد تتمنى عودة لحظتها من جديد
أو
تنام مع " الوسادة الخالية " ...

 

[Samir poet]

الحُب من أول نظرة مالوش أسباب ...
بالعكس الاسباب هى
اولاممكن تعتمد على شكل البنت
طريقتها اسلبوها
بتجذب للواحديحب من اولنظرة
ومالوش علاج الا اذا تزوجت ممن أحببتها
بيبقى النسيا نصعب
خصوص لوتحول الى حب من
طرف واحد
لو ما تزوجتش يظل ذكرى جميلة للأبد تتمنى عودة لحظتها من جديد
وسوف تظل ذكرى جميلة فعلان
أو
تنام مع " الوسادة الخالية " ...

وسوف تنزل الدموع عليها ايضا

 

[oesi no]

الحب من اول نظرة مالوش علاقه بشكل البنت او اسلوبها
انت اول ما بتشوفها بتلاقى مزيكا حسب الله جوه ... خلاص
لا بتلحق تشوف شكلها ولا بتعاملها
وبعد ما تعاملها تقول استغفر الله العظيم انا شكلى حبيت ابن عمى
ومع ذلك الحب بيجبرك انك تكمل وبينسي كل عيوبها
وبعدها يا تكمل بجواز وتتنكد بقيه عمرك
يا تسيبها وهى تتجوز ويبقى معاها عيال وانت جنب الحجة بتقشر البصل
وتقعد تغنى يااريتنى
لغايه ما تلاقى واحده تخطفك
ساعتها هتفتكرها وتقول يااااااااااااااااااه
انا كنت بحب صندل زمان

 

[Critic]

مفيش حاجة اسمها حب من اول نظرة
فيه افتتان او انجذاب من اول نظرة
انما تحب حد مجهول ما عدا شكله الخارجى ده مسموش حب !

 

[عبود عبده عبود]

أفتتان + أنجذاب = أعجاب من أول نظرة
أعجاب من أول نظرة + تعامل = تثبيت الأعجاب
تثبيت الأعجاب + تبادله = حب من أول نظرة
تجيبها كدة تجيلها كدة ...هى كدة
خد لك وردة :flowers:

 

[Critic]

كل دى مراحل انت كتبتها , بدأت بأعجاب بأول نظرة , وانتهت بحب (واخد بالك بدأت وانتهت يعنى اخر حاجة حصلت الحب مش اول حاجة) , ووارد تبدأ باعجاب من اول نظرة ومنتهيش بحب والقصة تنتهى عند الاعجاب, يبقى مفيش حاجة اسمها حب من اول نظرة , ومنطقيا مينفعش تحب كيان مجهول متعرفش حاجة عنه غير شكله , دى قناعتى الشخصية

 

[عبود عبده عبود]

كل دى مراحل انت كتبتها , بدأت بأعجاب بأول نظرة

لو على الأعجاب من اول نظرة ...كان زمانى باحب نص بنات البلد
فيه واحدة بتخطفك
عارف يعنى أية بتخطفك ؟؟
تلقى نفسك ماشى وراها لغاية باب بيتها
وهى شايفاك وعاملة نفسها من بنها ...مش واخدة بالها
وتلقاها تقولك ( بعد حوالى سنتين كدة )
يااااه ...
مش دة القميص اللى كنت لابسه أول مرة شفنا بعض فيها ...!!!!!!!!!!!!!
هو لسة عندك ؟؟؟
خد لك وردة تانية :flowers:

 

[Samir poet]

هههههههههههههههه
هههههههههههههههههه
هههههههههههههههههه
ههههههههههههههههههه
هههههههههههههههههههه
طيب رايكم اية فى الحب المجنون
اى يعنى حب اللى بنشوفة
فى الافلام الهندى
ربنا يسترها
استاذى عبود
خد لك وردة تانية :flowers:

 

[Critic]

عارف يعنى أية بتخطفك ؟؟
تلقى نفسك ماشى وراها لغاية باب بيتها

ده طبقا لقناعتى تعريفه "الافتتان" , وفيزيائيا دى مواد كيماوية وتدفق هرمونات , طبعا دى مشاعر حلوة وانا مجربها , بس ده مش الحب بالنسبة لى ,
الحب بالنسبة لى يتطلب معرفة اعماق اللى قدامك , وبالتأكيد اعماقه دى مش حاجة تعرفها من شكله او جسمه , و"المعرفة" متجيش من غير بعنصر "الوقت" مش من أول نظرة:flowers: , وخدلك وردة

 

[عبود عبده عبود]

ده طبقا لقناعتى تعريفه "الافتتان" , وفيزيائيا دى مواد كيماوية وتدفق هرمونات , طبعا دى مشاعر حلوة وانا مجربها ,

يبقى انت كنت بتجرب فى معمل كيميا ...:smile02
وانا باتكلم عن تجربة شخصية حدثت بالفعل ...
معرفش حكاية الهرمونات دى بصراحة مش هقدر أفيدك يعنى

بس ده مش الحب بالنسبة لى ,

ياجدع دة بيبقى لذيذ وحلو وحاجة كدة ماتعرفش لية ولا امتى
بالنسبة لى انا عمرى ماحسبتها كدة ...
رايى الشخصى ان الحب دة مش صفقة تجارية ...
الصفقات التجارية بتبقى جافة واحد + واحد = اتنين ( مخصوم منهم ضريبة المبيعات ) :smile02

 

[عبود عبده عبود]

فكرتنى بفيلم ( جرى الوحوش ) بتاع نور الشريف ومحمود عبد العزيز وحسين فهمى
لما بيجوزوا بت موزة زى فلقة القمر ...وليلة الدخلة عايز يكلمها عن مشاعره
فبتقول له البوسة مش بوسة !!!!
دى عبارة عن تدفق هرمونات وكربوهيدات ....هههههههه
رقد فيها ماقامش :new6::new6::new6:

 

[Critic]

رايى الشخصى ان الحب دة مش صفقة تجارية ...

ولا ده رأيى , بس انا شايف فيه معايير معينة للحب علشان يكون ناضج والا هيبقى لعب عيال ورومانسية حالمة وشغل افلام غير واقعى
ومش علشان مختلفين تسخر من قناعتى
وخدلك وردة تانى وكفاية عليك كدة :flowers:

 

[عبود عبده عبود]

ولا ده رأيى , بس انا شايف فيه معايير معينة للحب علشان يكون ناضج والا هيبقى لعب عيال ورومانسية حالمة وشغل افلام غير واقعى
ومش علشان مختلفين تسخر من قناعتى
وخدلك وردة تانى وكفاية عليك كدة :flowers:

مين اللى قال انى باسخر من قناعتك ؟ بالعكس
الفكرة انى ماليش فى الكيميا ومتعقد منها بسبب دروس الواد :smile02
وعلى فكرة ساعات الأفلام وشغلها بيتحقق على أرض الواقع من غير ما ندرى
بنت راجل مليونير عنده مجموعة شركات شوف مواصفاتها : جميلة جداً- شيك - بنت ناس - متربية
( غير ) - عربية بى أم 318 - فيلا فى التجمع بتاعتها - بتصيف كل سنة فى أوروبا ..!!!!
حبت ولد محاسب بسيط فى شركة مافيهوش اى ميزة عن أى شاب تانى - راتب بسيط - أبن ناس - معندوش عربية ...!!!!
شايف الفروق قد أية ؟؟؟
تزوجته ( بمباركة أهلها طبعاً ) وخلفت منه ولد ووبنت
أتعين فى شركة من شركات والدها ( الله يرحمه ) زيه زى أى موظف عادى ووصل لدرجة مدير حسابات
لو شفتهم هما الأتنين ( حالياً ) تقول دول لسة مخطوبين أو عروسين فى شهر العسل
أنا عن نفسى ما عرفش بأى معايير هى أختارت الولد دة !!
دى قصة واقعية مش من خيالى ....

 

[ahm@d n@bil 1]

مين اللى قال انى باسخر من قناعتك ؟ بالعكس
الفكرة انى ماليش فى الكيميا ومتعقد منها بسبب دروس الواد :smile02
وعلى فكرة ساعات الأفلام وشغلها بيتحقق على أرض الواقع من غير ما ندرى
بنت راجل مليونير عنده مجموعة شركات شوف مواصفاتها : جميلة جداً- شيك - بنت ناس - متربية
( غير ) - عربية بى أم 318 - فيلا فى التجمع بتاعتها - بتصيف كل سنة فى أوروبا ..!!!!
حبت ولد محاسب بسيط فى شركة مافيهوش اى ميزة عن أى شاب تانى - راتب بسيط - أبن ناس - معندوش عربية ...!!!!
شايف الفروق قد أية ؟؟؟
تزوجته ( بمباركة أهلها طبعاً ) وخلفت منه ولد ووبنت
أتعين فى شركة من شركات والدها ( الله يرحمه ) زيه زى أى موظف عادى ووصل لدرجة مدير حسابات
لو شفتهم هما الأتنين ( حالياً ) تقول دول لسة مخطوبين أو عروسين فى شهر العسل
أنا عن نفسى ما عرفش بأى معايير هى أختارت الولد دة !!
دى قصة واقعية مش من خيالى ....

نايس

 

[عبود عبده عبود]

نايس

دة بجد يا أحمد وحصل
والبنوتة زى فلقة القمر كمان ...يعنى أى شاب متريش وغنى يتمناها ...لدرجة فى فرحها كانوا بيسألوا مين دة ؟
وعشان أية وأزاى باباها وافق على دة .....ووووووووو
لكن تقول أية فى الحب وسنينه

 

[فادي الكلداني]

انتو هربتوا من عند الستات ولا ئيه؟

 

[!! Coptic Lion !!]

فعلا الواحد ملوش غير مصطبته
احنا نهزر هناك وهنا نتكلم في مواضيع هادفه


تعلم ايه يا شب منك ليه
لو الحته اللي انت ماشي معاها اتعاكست
كتير هيقولي لازم احافظ عليها ومتخانقش وهي معايا


بس انا واحد من ضمن الناس مش بعرف امسك نفسي وبتخانق

​

 

[R.O.R.O]

انتو هربتوا من عند الستات ولا ئيه؟

اطردوا ههههههههههه
​

 

[R.O.R.O]

مع السلامو عليكم يا شباااااااااب
​