المصطبه الرجالى

[عبود عبده عبود]

[

حنبث ببنت شفه !! هههههههههههههه لو سمعتنى و انا بحاول اقرا التلات كلمات دول اعتقد هتلاقى نفسك مش قاعد على الكرسى....

ما أنا كاتبها مخصوص عشان أعرف قرتيها ازاى :smile01

و تعرف منين لو متفهمه او لاء-- هتديها الاخبار بالتدريج-- من التقيل إلى الاتقل؟

آآآآآآآآآآآآآآه
كدة دخلنا بقى منطقة ( الدراثات المتخثثة ) بتاعة ( ثوعاد )
لو هى زنانة ورزيلة ...دى يتحكى لها بشرط أنها ماتفتحش الموضوع تانى أبداً :smile02
لو هى خبيثة وعاملة نفسها من بنها ...دى ما يتحكلهاش حاجة لما تتنطط
لو ساذجة وبرية وعلى نياتها يتحكى لها
لكن حذارى ...النوع دة بيسمم البدن فيما بعد على " اللونج رن "
يعنى ع المدى البعيد ولو بعد عشر سنين هتفضل فاكرة وتسأل برضه نفس السؤال اللى سالته فى الخطوبة
وهو : ( إنت بوثتها ) ؟ :smile01

 

[هيفاء الهاشمي]

تقعدون بالسنه ماتفتحون موضوع ولما يتكرم عليكم ويفتح لكم موضوع تطنشون؟ نبغي نشوف رايكم في ذا الموضوع

هيييه وبعدين ؟؟؟!!

طيب أنا هفتح موضوع وأمري لله
فكرة الموضوع ده جاتلي من خلال نقاش سابق ليا مع الأخت ايريني هنا في المصطبة الرجالي

الموضوع هو عن الزوجة الطموحة

يعني لما الزوجة تجيلها شغلانة كبيرة مثلاااا في شركة أو مصنع وبمرتب كبير ولكن الشغل ده من 9 ص الى 9 أو 10 مساءااا

وهيخليها تسيب شغلها الحكومي واللي كان ليه عدد ساعات عمل أقل وبمرتب حكومي طبعاااا على أده

وفي نفس الوقت هي هتطلب من جوزها انه يسيب شغله التاني اللي بعد الظهر عشان هو اللي يكون مسئول عن شغل البيت ورعاية الأولاد ومذاكرتهم وغيره من الأعمال المنزلية

وهنا الزوج مثلاااا ممكن يشوف مراته انها مش انسانة قنوعة لأنها عايزة تعيش في مستوى أعلى

طبعاااا الطموح مش وحش وتحسين مستوى المعيشة ده شيء مطلوب ولكن كل حاجة هيبقى ليها سلبياتها برضة الى جانب ايجابياتها

ومن سلبيات حاجة زي كدة الآتي:

1- هيبقى في مشكلة عند الزوج وهو انه صعب على الراجل انه يحس بأنه مشارك بمقدار أقل في مصروف البيت
2- كونه يسيب شغله التاني عشان زوجته الطموحة دا هيخليه مش مطمن على نفسه وعلى مستقبله منها لو حصل خلاف بينهم وانفصال في يوم من الأيام (حرية الانسان وكرامته تبدأ من استقلاله المادي)
3- من المعروف ان المهنة بتتطبع على صاحبها وتزود عنده - الأنا - فلو حصل أي اختلاف ما بينهم في أي قرار والنقاش ممكن ميكونش سهل بينهم ودا طبيعي وبيحصل بين أي زوجين ولكن هنا ممكن الزوجة تقوله وسط الكلام كدة : (أنا اللي بصرف عليك وعلى البيت دلوقتي) ودي طبعاااا اهانة صعبة للراجل وكرامته لأن الأصل في الحياة هو ان الراجل (أولاااا) ليه شغله وماديات البيت والمرأة (أولاااا) ليها بيتها ومودتها ورحمتها على أولادها وزوجها
ولكن طبعاااا الظروف بتتغير في زمننا الأغبر ده اللي ملوش ملامح

آرائكم ؟؟؟؟

ملحوظة : كل واحد مسئول عن قناعاته الشخصية ومحدش ليه حق التقليل أبدااا من شأن أي رأي معارض لأن كل واحد حر في قناعاته

​

 

[عبود عبده عبود]

البيت هو مملكة الست ...ولايجوز للملكة الغياب عن مملكتها 12 ساعة فى اليوم !!
فإذا أردت ان تنظر الى تربية الأطفال ...فتش عن الأم
أى أم ستعطى وقتاً لأطفالها وهى فى الشغل من 9 لـ 10 مساءاً ؟
وحتماً ستعود الى المنزل مُستهلكة بدنياً وفكرياً وعصبياً ..
ومهما كان المقابل المادى لن يعوض أطفالها غيابها
إذن المبدأ يجب أن ترفضه الست نفسها ولاداعى للخوض فى حدوتة مصروف البيت
لأن المبدأ مرفوض
لا زلت أتمسك بمقولتى مهما قال المعارضون
( الست هى كل حاجة )

 

[تيمو]

هو الحقيقه عايزا اقول شىء----- معرفش يمكن الموضوع ده بيفرق فى الثقافات و البيئه...
اعتقد إنه من الطبيعى إن الرجل يحاول يقرب لخطيبته ده لإنه راجل !!مش قديس!!
اكيد لاذم يحاول ياخد قبله ولو حتى خلسه و ينتظر ضربه بعدها..
و اكيد هى حتى لو ضربته هتكون فرحانه من داخلها لإنه ده تعبير عن حب و مشاعر مش قلت ادب و مش معرفش إيه الى الاغلب عمال يحكى عنه..
ارض الواقع غير الكلام--

و غير كدا بئا عندى قصص كثيره...
اقول لكم قصه -- واحده قريبه ليا كانت مخطوبه و جت والدتها بعد فطره سئلتها هل حاول تقبيلك او الإقتراب--
فقالت لها لا يا ماما ده مؤدب جدا جدا-- ده بيخاف عليا زى اخته قمه فى الإحترام.
و قبل الجواز عرفم إن القمه فى الإحطرام ده طلع عنده مشاكل و بيتعالج لعجز جنسى!!
فزى ما البنت عايزا تعرف هتتوافق معاه فكريا و إجتماعيا و اسلوبا -- لاذم بردو تعرف إن فى اشياء اخرى و تعطبر لو فاشله بالتالى كل الجوازا و كل الدراسات الى عملتها هتبقا فاشله ---
طبعا دى ربنا وفقها و كشفه قبل الزواج-- فى غير كدا بئا مبيكتشفوش الادب الزياده اوى ده سببه إيه غير بعد الزواج--
و بتبقا كارثه و دمار حياه...
انتظر تفهمكم لرأيى-- مثل تفهمى لرأيكم...

يعني كل شب ما بعمل حركات ولا حركشات بخطيبته الموضوع مش أدب ولا إحترام ، إنما الموضوع عجز

ولو كان بيتحركش وبيعمل حركات معناتو نسونجي وعامل السبعة بذمتها وعيونو زايغة ولعوب وغير مسؤول وما ينفعش يفتح بيت

كم أنتَ مظلوم يا شاب

ولكن بحسب منطقك مسموح للتعدد ، لأنه كده الراجل يحب يعدد ويكون مع ألف أنثى بنفس الوقت ، عشان لو ما عملش كده ولا فكّر بكدة يبقى عاجز


ملاحظة على الهامش: إنتي حرف التاء مظلوم معك: فطرة ، تعطبر المفروض يكونوا : فترة ، تعتبر

 

[girgis2]

البيت هو مملكة الست ...ولايجوز للملكة الغياب عن مملكتها 12 ساعة فى اليوم !!
فإذا أردت ان تنظر الى تربية الأطفال ...فتش عن الأم
أى أم ستعطى وقتاً لأطفالها وهى فى الشغل من 9 لـ 10 مساءاً ؟
وحتماً ستعود الى المنزل مُستهلكة بدنياً وفكرياً وعصبياً ..
ومهما كان المقابل المادى لن يعوض أطفالها غيابها
إذن المبدأ يجب أن ترفضه الست نفسها ولاداعى للخوض فى حدوتة مصروف البيت
لأن المبدأ مرفوض
لا زلت أتمسك بمقولتى مهما قال المعارضون
( الست هى كل حاجة )

لا زلت أتمسك بمقولتى مهما قال المعارضون
( الست هى كل حاجة )

ممكن تشرح مقولتك الأخيرة دي أكتر ؟؟

وشكرااا ليك أستاذ عبود

​

 

[marcelino]

لما المناقشه فى الموضوع دة تخلص حد يبقى يقولى
​

 

[Alexander.t]

فكرة ان مراتى تشتغل اصلاً مرفوضه تماماً

 

[girgis2]

بالنسبه لموضوعك يا جرجس
عاوز اقولك حاجة واحدة بس
لو الست اشتغلت شغل حكومة وهتسيبه علشان شغل خاص علشان المرتب اعلى هرفض تماما الفكرة مش علشان عدد ساعات العمل اكيد ولكن علشان الحكومة امان ليها ومناسب لظروفها ومحدش هيقولها مع السلامة بعد سنة
لو شغلها اصلا قطاع خاص نص يوم وهتنقل لشغل قطاع خاص برضه بس يوم كامل هرفض بكل حزم علشان هى ليها بيت واسرة وزوج وليهم حقوق عليها
لكن مبدأ ان الست تشتغل نفسه معنديش ادنى مشكله فيه
بس الشغل المناسب اللى ميخلهاش تقصر فى واجباتها مع بيتها ومع جوزها
​

متفق معاك

شكرااا لردك أخ جورج

نورتني


​

فكرة ان مراتى تشتغل اصلاً مرفوضه تماماً

ده رأيك ويحترم طبعاااا يا أستاذ مينا

نورتني بمشاركتك

​

 

[عبود عبده عبود]

ممكن تشرح مقولتك الأخيرة دي أكتر ؟؟​

من عينى ياغالى ...
الست فى ايديها يكون البيت دة زى الجنة
وفى ايديها يكون جحيم لا يُطاق ...
الراجل مننا اليومين دول بيشتغل فحت وطحن ان ماكانش بيشتغل شغلانتين ..محتاج يرجع البيت يلاقى راحته فيه
مش معنى كدة أن فيه جارية مستنياه ....لأ
على الأقل يلاقى ست مراعية أولادها وبيتها وتراعيه لما يرجع
هو كمان يراعى البيت و مش يقصر ..
كنت اسمع من جدتى الله يرحمها كانت دايما تقول لأمى :
يابنتى الست تعمل حاجتين ( يا تعشش ياتطفش )
يعنى تعمل بيتها عش جميل ليها ولأسرتها
أو تطفش الراجل ما يبقاش طايق يدخل البيت
الأنثى كيان ناعم رقيق لو ضحكت البيت كله ضحك ولو كشرت أجارك الله ياجرجس ...عيشة لا تُحتمل
الراجل كبيره كبيره يجعر له جاعورتين ويهبد باب الشقة وينزل
شوف مشاركة مينا البطل ...وانت تعرف قصدى
لية مينا مش عايز مراته المستقبلية تشتغل ؟
عايز يحافظ عليها كونه راجل دة واجبه ...ماذا ينتظر منها فى المستقبل ؟
ممكن تسأل أى عضو هنا متجوز وهتلاقى أجابته ضمن أجابتى
أى أستفسار تانى او نقاش ...تحت أمرك

 

[girgis2]

من عينى ياغالى ...
الست فى ايديها يكون البيت دة زى الجنة
وفى ايديها يكون جحيم لا يُطاق ...
الراجل مننا اليومين دول بيشتغل فحت وطحن ان ماكانش بيشتغل شغلانتين ..محتاج يرجع البيت يلاقى راحته فيه
مش معنى كدة أن فيه جارية مستنياه ....لأ
على الأقل يلاقى ست مراعية أولادها وبيتها وتراعيه لما يرجع
هو كمان يراعى البيت و مش يقصر ..
كنت اسمع من جدتى الله يرحمها كانت دايما تقول لأمى :
يابنتى الست تعمل حاجتين ( يا تعشش ياتطفش )
يعنى تعمل بيتها عش جميل ليها ولأسرتها
أو تطفش الراجل ما يبقاش طايق يدخل البيت
الأنثى كيان ناعم رقيق لو ضحكت البيت كله ضحك ولو كشرت أجارك الله ياجرجس ...عيشة لا تُحتمل
الراجل كبيره كبيره يجعر له جاعورتين ويهبد باب الشقة وينزل
شوف مشاركة مينا البطل ...وانت تعرف قصدى
لية مينا مش عايز مراته المستقبلية تشتغل ؟
عايز يحافظ عليها كونه راجل دة واجبه ...ماذا ينتظر منها فى المستقبل ؟
ممكن تسأل أى عضو هنا متجوز وهتلاقى أجابته ضمن أجابتى
أى أستفسار تانى او نقاش ...تحت أمرك

تسلم عينيك يا أستاذ عبود

منك نستفيد

معلشي بقى أنا عايز أستغل الفرصة في سؤال آخر:

الزوج عايز يحافظ عليها من آيه ؟

مهو مش بالضرورة برضة ان كل واحدة بتشتغل يبقى مش هتعرف تنتج في بيتها

ولا آيه رأيك ؟؟؟

أصل البنات دلوقتي تفكيرهم اتغير ومش بالسهولة تقنع واحدة انها تسيب شغلها خصوصاااا لو هي واخدة شهادة عالية وتعبت سنين في المذاكرة عشان تاخدها ولو كانت بتشتغل بيها قبل الجواز ومش مقتنعة بأنها تسيب شغلها لأنها بتعتبر ان استقلالها المادي حماية ليها في المستقبل ضد أي ظرف وبالشكل ده هي مش هتكون سعيدة بأنها تسيب الشغل وعدم سعادتها هتنعكس على الزوج والبيت كله زي ما بتقول

​

 

[عبود عبده عبود]

متفق معاك أن التعليم العالى وبعدها تقعد فى البيت أمر غير مُستحب ..
لكنها ترجع الى أتفاق الطرفين ..ولاحظ ان الأتفاق دة ممكن يتعدل بعد سنة والا أتنين والا حتى أربعة بعد الزواج
فى ظل الظروف الأقتصادية المهببة اللى كلنا عايشينها
لو هى مش مقتنعة أنها تسيب شغلها من الأول
يبقى ما فيش أتفاق من أساسه:flowers:
ولو هى كانت بتشتغل وبعد الزواج رفض الزوج أنها تنزل
هنا لابد يكون فيه أتفاق ومحاولات أقناع من الطرفين حتى تستمر الحياة
أن لم يتفقا يتدخل الكُبار لحل المسألة
المفترض انه يكون أتفاق واضح وعلى بينة ونور من قبل ما تقع الفاس ف الراس
ومن يخل به يتحمل مسئولية الأخلال

 

[white.angel]

ومن يخل به يتحمل مسئولية الأخلال

السطر دة جميل اوى :flowers:
​

 

[حبو اعدائكم]

ومن يخل به يتحمل مسئولية الأخلال

المشكله إن لو حدث زواج مسئوليه الإخلال دى بتقع على دماغ الطرفين و لو فى اولاد هتبقا على دمغهم بردو!!

 

[girgis2]

متفق معاك أن التعليم العالى وبعدها تقعد فى البيت أمر غير مُستحب ..
لكنها ترجع الى أتفاق الطرفين ..ولاحظ ان الأتفاق دة ممكن يتعدل بعد سنة والا أتنين والا حتى أربعة بعد الزواج
فى ظل الظروف الأقتصادية المهببة اللى كلنا عايشينها
لو هى مش مقتنعة أنها تسيب شغلها من الأول
يبقى ما فيش أتفاق من أساسه:flowers:
ولو هى كانت بتشتغل وبعد الزواج رفض الزوج أنها تنزل
هنا لابد يكون فيه أتفاق ومحاولات أقناع من الطرفين حتى تستمر الحياة
أن لم يتفقا يتدخل الكُبار لحل المسألة
المفترض انه يكون أتفاق واضح وعلى بينة ونور من قبل ما تقع الفاس ف الراس
ومن يخل به يتحمل مسئولية الأخلال

متفق معاك في كلامك
لكن ليا تعقيب بسيط :

​

أن لم يتفقا يتدخل الكُبار لحل المسألة

الكلام ده في المجتمع القبلي أو في نظام العائلات بقى
لكن في المجتمع المدني أو الحضري ممكن يكون العكس :smil13:

لأن مش دايماااا الكبار بيكونوا عندهم حكمة في حل الأمور بل على العكس دول ممكن يعقدوها ويكبروها أكتر !!!

​

المفترض انه يكون أتفاق واضح وعلى بينة ونور من قبل ما تقع الفاس ف الراس
ومن يخل به يتحمل مسئولية الأخلال

كلام جميل بس لازم يكون الاتفاق ده بين اتنين عندهم مرونة عشان يتفقوا ويكونوا على أد المسئولية والا هنلاقي المسئولية هتيجي على دماغ الكل برضه مش بس الطرف اللي أخل بالاتفاق

لكن بما انك متزوج وليك خبرة سابقة فأنا معلش هتعبك شوية وعايز أعرف منك غير شغل الزوجة آيه هي الحاجات الأساسية اللي المفروض يتفق فيها الخطيب مع خطيبته قبل ما تقع الفاس في الراس ؟؟؟

​

 

[عبود عبده عبود]

الكلام ده في المجتمع القبلي أو في نظام العائلات بقى
لكن في المجتمع المدني أو الحضري ممكن يكون العكس :smil13:​

لأن مش دايماااا الكبار بيكونوا عندهم حكمة في حل الأمور بل على العكس دول ممكن يعقدوها ويكبروها أكتر !!!​

أنت تقصد التدخل فى الحياة الزوجية بصفة عامة
كلامك صح دة كارثة فى حد ذاته وبيخرب بيوت كثيرة
ما أقصده هو الحاجة الى ( رأى - أستشارة - جلسة صُلح لتقريب وجهات النظر ) ودة شئ شرحه يطول

لكن بما انك متزوج وليك خبرة سابقة فأنا معلش هتعبك شوية وعايز أعرف منك غير شغل الزوجة آيه هي الحاجات الأساسية اللي المفروض يتفق فيها الخطيب مع خطيبته قبل ما تقع الفاس في الراس ؟؟؟

​

أى أتفاق لابد وأن يشمل - عمل الزوجة - عدد الولاد - متى سيكون الأنجاب
- هنتصرف ازاى فى مصروف البيت ( التفاصيل الدقيقة فيما بعد الزواج )
هل ستساهم ( زوجة المستقبل ) فى مصروف البيت من عدمه ؟
مش محتاجة كسوف ...اللى هتتكسف منه دلوقتى هييجى على دماغكم فيما بعد
طبعا سبق الأتفاق على الشبكة والمهر والعفش ..ألخ ألخ قبل الخطبة​

 

[عبود عبده عبود]

المشكله إن لو حدث زواج مسئوليه الإخلال دى بتقع على دماغ الطرفين و لو فى اولاد هتبقا على دمغهم بردو!![/QUOTE]

الإخلال بييجى نتيجة لحاجات كتيرة قوى ..
منها معيلة الزوج لو الأخلال من طرفه ( مايبقاش راجل أصلاً )
ولو من طرفها هى تبقى دلوعة وما تربتش ( الدلع هو سوء تربية أيضاً وله أشكال عديدة بخلاف اللى بيجى فى المسلسلات والأفلام )

 

[girgis2]

أنت تقصد التدخل فى الحياة الزوجية بصفة عامة
كلامك صح دة كارثة فى حد ذاته وبيخرب بيوت كثيرة
ما أقصده هو الحاجة الى ( رأى - أستشارة - جلسة صُلح لتقريب وجهات النظر ) ودة شئ شرحه يطول

أى أتفاق لابد وأن يشمل - عمل الزوجة - عدد الولاد - متى سيكون الأنجاب
- هنتصرف ازاى فى مصروف البيت ( التفاصيل الدقيقة فيما بعد الزواج )
هل ستساهم ( زوجة المستقبل ) فى مصروف البيت من عدمه ؟
مش محتاجة كسوف ...اللى هتتكسف منه دلوقتى هييجى على دماغكم فيما بعد
طبعا سبق الأتفاق على الشبكة والمهر والعفش ..ألخ ألخ قبل الخطبة​

مش مسألة كسوف ولكن مسألة ان الحاجات دي ممكن تكون موجودة في دماغ الواحد وناسيها ومش بيفتكرها غير لما حد يرتبها أو يقولها أمامه

شكرااا كتير على سعة صدرك أستاذ عبود

تعبتك معايا

بس ياريت حضرتك تعملنا موضوع حلو كده عن دور الكبار في تقديم الرأي وجلسات الصلح

ولك جزيل الشكر

​

 

[عبود عبده عبود]

تعبتك معايا​

بس ياريت حضرتك تعملنا موضوع حلو كده عن دور الكبار في تقديم الرأي وجلسات الصلح​

ولك جزيل الشكر​

ولا تعب ولا حاجة
وعد منى أول مافضى هفتح موضوع ...لو نسيت أبقى فكرنى :flowers:

 

[girgis2]

ولا تعب ولا حاجة
وعد منى أول مافضى هفتح موضوع ...لو نسيت أبقى فكرنى :flowers:

:flowers: :flowers:

​

 

[Samir poet]

ممكن نتكلم عن
فترة الخطوبة ولامش ممكن
بمعنى اصح
مااهى الحدود بين
الطرفين اثناء الخطوبة
والغيرمسموح نعملو
خاص على حد معلوماتى
البوسة ومسك اليدين
وكانو شى عادى
قرات اكتر على النت
رايت انو يجب حضن الخطيبة
تحت مبدا اشعارها بالحب والرتايح والحنان
مستنى ردكم