المصطبه الرجالى

[oesi no]

مش متابع النقاش السابق
بس عندى حاجة كدة على جنب
هو لامؤاخذة يعنى فيه حد خاطب مش بيبوس خطيبته ؟ ولا بيبوسها فى حفل الخطوبه بوسه على راسها على اساس الواد مؤدب يعنى وكدة وتيجى للتورته وتلاقى ابو العروسه او عمها او خالها واقف بيغمز للى بيدير الحفله بلاش الكريزة اللى هياكلوها سوا دى فيروح الراجل بكل بلاهه يقولهم بصوا العصفورة وياكلها هو !!!
واكنهم عمرهم ما لمسوا بعض قبل كدة
خلينا واقعيين مع انفسنا ...
انا طبعا مبقولش ان ده صح
ولكن خلينا نعيش الواقع

بالنسبه لموضوعك يا جرجس
عاوز اقولك حاجة واحدة بس
لو الست اشتغلت شغل حكومة وهتسيبه علشان شغل خاص علشان المرتب اعلى هرفض تماما الفكرة مش علشان عدد ساعات العمل اكيد ولكن علشان الحكومة امان ليها ومناسب لظروفها ومحدش هيقولها مع السلامة بعد سنة
لو شغلها اصلا قطاع خاص نص يوم وهتنقل لشغل قطاع خاص برضه بس يوم كامل هرفض بكل حزم علشان هى ليها بيت واسرة وزوج وليهم حقوق عليها
لكن مبدأ ان الست تشتغل نفسه معنديش ادنى مشكله فيه
بس الشغل المناسب اللى ميخلهاش تقصر فى واجباتها مع بيتها ومع جوزها
​

 

[Samir poet]

مش متابع النقاش السابق
بس عندى حاجة كدة على جنب
هو لامؤاخذة يعنى فيه حد خاطب مش بيبوس خطيبته ؟ ولا بيبوسها فى حفل الخطوبه بوسه على راسها على اساس الواد مؤدب يعنى وكدة وتيجى للتورته وتلاقى ابو العروسه او عمها او خالها واقف بيغمز للى بيدير الحفله بلاش الكريزة اللى هياكلوها سوا دى فيروح الراجل بكل بلاهه يقولهم بصوا العصفورة وياكلها هو !!!
واكنهم عمرهم ما لمسوا بعض قبل كدة
خلينا واقعيين مع انفسنا ...
انا طبعا مبقولش ان ده صح
ولكن خلينا نعيش الواقع


​

اناهخطب قريب
وهغيظ ابوها وعمهااااااااا
ايةمش انا برضو مرتبط بيها وكذا شخص عارف كدا
ابوهاموافق عليا خلاص نخطبهلك
منناحيةالبوسشى طبيعى يكون بى احترام

 

[girgis2]

المخلوق الأنسانى لديه أحاسيس ومشاعر...شئنا أم أبينا
يمكن يكون كلامك تقصد أنه يتحكم فيها ؟!

مين دة اللى بيغربل ويكتشف ...؟؟؟
كلام منتديات لا وجود له على أرض الواقع ...دة رسم
مجرد رسم بألوان زاهية ...

طبعاااا ده رأيك يا أستاذ عبود وأنت حر فيه

لكن أنا أرى أن فترة الخطوبة هي للدراسة والتحليل وهذا رأيي وأنا حر فيه

وكل من كان صاحب رأي يحترم طبعاااا

​

 

[Samir poet]

طبعاااا ده رأيك يا أستاذ عبود وأنت حر فيه

لكن أنا أرى أن فترة الخطوبة هي للدراسة والتحليل وهذا رأيي وأنا حر فيه

وكل من كان صاحب رأي يحترم طبعاااا

​

اعطينى امثالة ياريت لانى مقبل برضو
على الخطوبة

 

[عبود عبده عبود]

مش متابع النقاش السابق ​

بس عندى حاجة كدة على جنب
هو لامؤاخذة يعنى فيه حد خاطب مش بيبوس خطيبته ؟ ولا بيبوسها فى حفل الخطوبه بوسه على راسها على اساس الواد مؤدب يعنى وكدة ​

دة كان محور سؤالى يا أوسى ..وجرجس زعل منى ​

 

[عبود عبده عبود]

طبعاااا ده رأيك يا أستاذ عبود وأنت حر فيه​

لكن أنا أرى أن فترة الخطوبة هي للدراسة والتحليل وهذا رأيي وأنا حر فيه​

وكل من كان صاحب رأي يحترم طبعاااا​

شئ أكيد مؤكد ...فترة الخطوبة بالفعل لمزيد من التعرف على بعضهما البعض
بالأضافة الى انها فترة تجهيز للعُرس والأتفاقيات المادية عليه
لأنه من غير المعقول أنهم هيتفقوا على ماديات دون ان يكون هناك أرتباط رسمى مُعلن .
لكن صدقنى ياجرجس ..مهما بلغ الشاب أو الشابة من الحصافة والفطنة والذكاء ..
ستبقى فترة الخطوبة هى تلك الفترة الحالمة المنمقة المزوقة ...الدراسة ( على أساس أن الأتنين مايعرفوش بعض قبل كدة ) - جوازة صالونات يعنى - شئ
والحياة العملية شئ آخر مختلف تماماً ...مثلها مثل فترة الدراسة الجامعية ( الكليات النظرية ) - ماتدرسه شئ
وما تطبقه فى الشغل العملى شئ آآخر
نسيت اقولك : إن فيه بنات بتترعب أصلاً من مجرد فكرة ( فسخ الخطوبة ) على أعتبار أنها ستكون وصمة عار عليها

 

[حبو اعدائكم]

هو الحقيقه عايزا اقول شىء----- معرفش يمكن الموضوع ده بيفرق فى الثقافات و البيئه...
اعتقد إنه من الطبيعى إن الرجل يحاول يقرب لخطيبته ده لإنه راجل !!مش قديس!!
اكيد لاذم يحاول ياخد قبله ولو حتى خلسه و ينتظر ضربه بعدها..
و اكيد هى حتى لو ضربته هتكون فرحانه من داخلها لإنه ده تعبير عن حب و مشاعر مش قلت ادب و مش معرفش إيه الى الاغلب عمال يحكى عنه..
ارض الواقع غير الكلام--

و غير كدا بئا عندى قصص كثيره...
اقول لكم قصه -- واحده قريبه ليا كانت مخطوبه و جت والدتها بعد فطره سئلتها هل حاول تقبيلك او الإقتراب--
فقالت لها لا يا ماما ده مؤدب جدا جدا-- ده بيخاف عليا زى اخته قمه فى الإحترام.
و قبل الجواز عرفم إن القمه فى الإحطرام ده طلع عنده مشاكل و بيتعالج لعجز جنسى!!
فزى ما البنت عايزا تعرف هتتوافق معاه فكريا و إجتماعيا و اسلوبا -- لاذم بردو تعرف إن فى اشياء اخرى و تعطبر لو فاشله بالتالى كل الجوازا و كل الدراسات الى عملتها هتبقا فاشله ---
طبعا دى ربنا وفقها و كشفه قبل الزواج-- فى غير كدا بئا مبيكتشفوش الادب الزياده اوى ده سببه إيه غير بعد الزواج--
و بتبقا كارثه و دمار حياه...
انتظر تفهمكم لرأيى-- مثل تفهمى لرأيكم...

 

[عبود عبده عبود]

هو الحقيقه عايزا اقول شىء----- معرفش يمكن الموضوع ده بيفرق فى الثقافات و البيئه...
اعتقد إنه من الطبيعى إن الرجل يحاول يقرب لخطيبته ده لإنه راجل !!مش قديس!!
اكيد لاذم يحاول ياخد قبله ولو حتى خلسه و ينتظر ضربه بعدها..
و اكيد هى حتى لو ضربته هتكون فرحانه من داخلها لإنه ده تعبير عن حب و مشاعر مش قلت ادب و مش معرفش إيه الى الاغلب عمال يحكى عنه..
ارض الواقع غير الكلام--

الله عليك يا حوبوا لما تقول كلام زى الدُرر
ولأول مرة تنصفى عبود ..:smile02
أرض الواقع غير الكلام ....
لأ وأية
من غير ولا غلطة مطبعية !!!!:smile01

 

[white.angel]

من غير ولا غلطة مطبعية !!!!:smile01

قر على البنت بقى :budo:
​

 

[حبو اعدائكم]

من غير ولا غلطة مطبعية !!!!:smile01

لا بجد؟؟ هههههههههههههههههه:ura1:

سجل التاريخ ده عندك يا عبود--

اصل الحكايه دى ممكن متتكررش كتير

 

[oesi no]

دة كان محور سؤالى يا أوسى ..وجرجس زعل منى [/CENTER]

لا مزعلش ولا حاجة بيتهيئلك بس
كل الحكايه انه ازاى البنت تقبل بكدة
وعلى كدة لو حد هيخطب واحدة كانت مخطوبه فهو متاكد مليون فى الميه انها اتباست قبل كدة :smile02

 

[Critic]

على كدة لو حد هيخطب واحدة كانت مخطوبه فهو متاكد مليون فى الميه انها اتباست قبل كدة

ولو انت كنت خاطب قبل كدة هى هتكون متأكدة مليون فى المية انك بوست قبل كدة :smile01

 

[عبود عبده عبود]

ولو انت كنت خاطب قبل كدة هى هتكون متأكدة مليون فى المية انك بوست قبل كدة :smile01

نتمنى أنه يكون " باس " بس :smile02

 

[Critic]

نتمنى أنه يكون " باس " بس :smile02

هى اللى تتمنى بقا احنا مش كسبانين حاجة :smile02

 

[عبود عبده عبود]

هى اللى تتمنى بقا احنا مش كسبانين حاجة :smile02

لأطبعا
هنكسب "فاسق" فى وسطينا ...:smile01
يعنى يبقى عبود بس هو اللى بيخرف ؟؟:smile02

 

[oesi no]

يا جدعان دى مصطبتنا احنا
يعنى منفضحش روحنا
ههههههههههههههههه

 

[حبو اعدائكم]

طيب ممكن اكمل تطفل على المصطبه دى و اسئل سؤال---
لو انت شاب من الى هما اشقيا -- يعنى الى مقطعين السمكه و ديلها مثل ما بيقولو--
او مش لاذم تكون مقطع .. يعنى حبيت إنسانه اوى قبلها.
-- هل هتقول لخطيبتك او الإنسانه الى هتبقا خطيبتك.. انت عملت إيق قبل كدا...
و لا الموضوع ده مش هتتكلم فيه و تخاف هى تاخد فكره وحشه عنك-؟؟

 

[عبود عبده عبود]

او مش لاذم تكون مقطع .. يعنى حبيت إنسانه اوى قبلها.
-- هل هتقول لخطيبتك او الإنسانه الى هتبقا خطيبتك.. انت عملت إيق قبل كدا...
و لا الموضوع ده مش هتتكلم فيه و تخاف هى تاخد فكره وحشه عنك-؟؟

عملت أية فى أية ياحوبوا ؟؟:smile01
يعنى أصارحها انى كنت باحب واحدة قبلها ؟؟
والله دة حسب النتاية اللى قدامى ...لو متفهمة هقولها
لو مش متفهمة ودة أغلب حال البنات ( 99.999999%) منهم يعنى
مش حنبُث ببنت شفة
يعنى مش هتندلق فى الكلام
مش دة كان سؤالك ؟
وألا سؤالك ( أخبث ) من كدة ؟؟:smile02

 

[عبود عبده عبود]

فيه أتنين أنفزباليون جوة الموضوع
واحد أنا عارفه
التانى مين بقى ؟؟؟؟؟

 

[حبو اعدائكم]

عملت أية فى أية ياحوبوا ؟؟:smile01
يعنى أصارحها انى كنت باحب واحدة قبلها ؟؟
والله دة حسب النتاية اللى قدامى ...لو متفهمة هقولها
لو مش متفهمة ودة أغلب حال البنات ( 99.999999%) منهم يعنى
مش حنبُث ببنت شفة
يعنى مش هتندلق فى الكلام
مش دة كان سؤالك ؟
وألا سؤالك ( أخبث ) من كدة ؟؟:smile02

ايون ده كان سؤالى-- و مش اخبث من كدا :t23:
(ممكن اكون عايزا اوصل لحاجه فى الاخر)
النتايه: مش الكلمه دى بتستخدم مع الحيوانات بس؟؟
حنبث ببنت شفه !! هههههههههههههه لو سمعتنى و انا بحاول اقرا التلات كلمات دول اعتقد هتلاقى نفسك مش قاعد على الكرسى....
و تعرف منين لو متفهمه او لاء-- هتديها الاخبار بالتدريج-- من التقيل إلى الاتقل؟