المصريين , رصد للشخصية المصرية

[هيفاء الهاشمي]

بئى كده يا ست انجل فاكرينا لسه بنركب جمال ليه يا اوختي شايفيني داخله عليكو جملي وبما حمل ههههههه... تصدقي مابنزعلش من حكاية الجمال والخيام اصل ده الماضي ومش عيب وزي ماقال الشيخ زايد اللي مالوش ماضي مالوش حاضر...
راجعه لموضوعك حقولك على الاوهام اللي بنشترك فيها اصل اللي بتقوليه ده من سمات كل المجتمعات مش انتم بس

 

[Desert Rose]

على الرغم ان الموضوع ده فيه حاجات صحيحة بالفعل

لكن مش عارف ليه كل حالات الرصد الموجودة في الموضوع ده هي عن السلبيات فقط ؟؟!!!

مش لسبب معين وهى فعلا مش مقصودة هى جات بالصدفة كده وانا قولت فى اول الموضوع ان كلامى مش هيكون مترتب ترتيب معين انما على حسب ما بتيجى الفكرة فى بالى مش اكتر
وبالنسبة للايجابيات فهى موجودة لكننا بنتكلم عنها كتير احنا اكتر ناس بنتكلم عن ايجابياتنا
​

طبعاااا أنا مسافرتش وعارف ان مسألة التعذيب دي موجودة

لكن موضوع فقد الانتماء أو الهوية في الغربة ده ممكن يكون بسبب ان المصري المهاجر ده جاي للبلد دي طفشان من بلده يعني مش بارادته يبعد عن أهله وناسه ويجي يعيش في بلد غريبه لوحده​

اه طبعا انا متفقة معاك فى النقطة ديه , لكن ساعات الموضوع بيكون بزيادة لدرجة التعالى على الناس اللى عايشين فى مصر وكأنه مكانش عايش فيها فى يوم من الايام

طيب مهو كون اللغة الفرنسية تكون شبه رسميه في دول المغرب العربي ده في حد ذاته تشويه للانتماء والهوية

أعتذر لدول المغرب الشقيق على كلامي

مرة واحد قريبي سافر فرنسا ورجع وقالي لو واحد عربي سافر فرنسا وكلم مواطن فرنساوي بالانجليزية مثلاااا فهيرد الفرنساوي بالفرنسية في الأول ولو معرفش العربي يرد عليه فهيقوله المواطن الفرنسي بالانجليزية (روح انجلترا طالما تعرف اللغة الانجليزية لماذا جئت هنا ؟)​

موضوع الاحتلال والمغرب العربى ده انا جبته للهزار مش اكتر انما كمان لتوضيح قوة الشخصية المصرية ورفضها للتأثر
وانا وضحت فى ردى على سيكرت انى مش قصدى الانسان يفقد هويته تماما طبعا ده غلط لكن ممكن يحتفظبهويته كما هى ويكتسب من الاخرين خبرات جديدة لو كانت الخبرات ديه جيدة وهتفيده وده مش هيضر هويته فى شئ

ابسلوتلي :99: دي بقى وسعت منك شوية

طيب بالزمة لو كان مش عارف لغة البلد اللي هو فيها يبقى ازاي هيعيش ويتعامل مع الناس ويشتغل ويصرف على نفسه في البلاد الغريبة دي ؟؟

لا صدقنى موسعتش ولاحاجة انا بكلمك عن تجربة وناس شوفتها وعايشتها , هو بعد سنين من الهجرة بيتعلم يتصرف فى البلد ويعمل مصالحه لكن ممكن يكون بردو غير قادر الى فهم اللغة واتقانها بشكل سليم وده ساعات بيوقف عائق بينه وبين بعض الاشغال اللى بتتطلب فهم للغة والقدرة على اقامة حوار بيها
بعكس اللبنانى مثلا اللى غالبا بيكتسب اللغة بسرعة وبيتقنها كمان وعلشان كده اللبنانيين من الجاليات الناجحة فى الخارج اللى عندها قدرة انها تندمج مع المجتمع الجديد بسهولة
​

مش شرط يكون تفكير قديم عنده ولكن هو حاطط في دماغه فكرة ان قعدته في بلاد الغربة مهما طالت فهي لازم تنتهي بسرعة ويرجع بخميرة كويسة من الفلوس لبلده فيما بعد يعمل مشروع مثلاااا ويعيش بيهم

بص ياجرجس حكاية انه يحوش علشان يرجع مصر تانى ديه ممكن تتقال على العمل فى دول الخليج , اما الدول الغربية فديه بقا مشوفتش ولا سمعت عن حد راحلها علشان يحوش وبعد كده قدر يرجع منها حتى لو هو عايز يرجع فمش هيعرف لاسباب كتيرة لان البلاد ديه عندها القدرة انها تربطك بيها غير دول الخليج اللى مثلا مش بتدى جنسية لحد حتى لو قعد فيها 100 ولا ولاده يقدروا ياخدو الجنسية هناك علشان كده هو بيفضل الرجوع لمصر
لكن الدول الغربية بتديك جنسية وبتعاملك زى ابن البلد الاصلى تقريبا وده بشكل اوبأخر بيربطك بيها وبيربط ولادك بالبلد اللى صعب انك تنقلهم من ثقافة هما اتولدوا فيها لثقافة تانية خالص حتى لو انت كنت عايز فولادك لا يمكن يوافقوا
الحاجة التاينة وديه خدها منى ثقة , الدول الغربية الرأسماليه مش بتاعت تحويش اصلا هى متعملتش لكده لان الدولة لما بتعرف ان دخلك ذاد مش هتسيبك لان مصدر الدخل الرئيسى ( او واحد من الصادر الرئيسية ) هى الضرايب وكل مادخلك زاد كل ما الضرايب عليت والدولة غالبا بتعتمد فى الخدمات اللى بتقدمها للشعب على الضرايب اللى انت بتدفعها
ده غير التأمينات , خد عندك تأمين صحى ( وده غالى ) تأمين عربية ( وده اجبارى ) ديون البيت او السكن ,ديون التعليم الجامعى ( مفيش حد غالبا بيتعلم من غير ماياخد دين من لدولة الا المليونرات بس )
تأمين على الشغل , الدولة بتاخد منك جزء من المرتب فى نظام كده شبه المعاش
فواتير الكهربا والميه والتليفون وغيره
الدولة كلها تقريبا مديونة كل الناس بتعيش مديونة على السلف من الدولة او القروض علشان التعليم والسكن وغيره وغيرة والناس كلها عايشة كده وده نظام الدول الرأسمالية غالبا اللى بتخلي الانسان طول النهار بيلف فى ساقية
​

أعتقد دي حاجة مش بتميز المصريين وبس لكن في أي شعب تاني هتلاقي برضة اللي معندهوش ضمير وبيتحايل على القانون وبيعتبر ان ده ذكاء وشطارة

اه طبعا بس انا مقدرش اتكلم عن الشعوب الاخرى
بس بجد الحكاية ديه فى المصريين بشكل كبير اكبر من اى حد شوفته ومشكلتهم انهم مش بيعتبروها غلط خالص لكن بيعتبروها شطارة وهى ديه الكارثة الحقيقية ومش هما بس لا هما واللى حواليهم كمان
​

​

 

[Desert Rose]

جميل يا نانسى بجد .. متااااااااااااابعه

نفسى اعلق تعليق كبير ... بس لما اروق كدة ...
وسعى بقى وخدينى جنبك D:
​

وايت عندنا ؟ يامرحبا يامرحبا , تعالى فى اى وقت
منورة :flowers::flowers:

 

[Desert Rose]

بئى كده يا ست انجل فاكرينا لسه بنركب جمال ليه يا اوختي شايفيني داخله عليكو جملي وبما حمل ههههههه... تصدقي مابنزعلش من حكاية الجمال والخيام اصل ده الماضي ومش عيب وزي ماقال الشيخ زايد اللي مالوش ماضي مالوش حاضر...
راجعه لموضوعك حقولك على الاوهام اللي بنشترك فيها اصل اللي بتقوليه ده من سمات كل المجتمعات مش انتم بس

عندك حق ولا تزعلى من موضوع الجمال ده واللى قاله الشيخ زايد صحيح المهم المستقبل دلوقتى
واكيد بنشترك فى حاجات كتير بس انا اتكلمت عن المصريين لانى مقدرش اتكلم عن اى جنسيات تانية علشان الحساسية

 

[Desert Rose]

المصرى والخصوصية

للاسف كتير من المصريين مش بيحترموا خصوصيات الناس ولا اصلا يعترفوا بحاجة اسمها خصوصية

فتلاقى اسئلة كتير من نوعية : مرتبك كام ؟ , وزنك كام , كنت بتكلم مين على التليفون ؟ ( وانت مالك طيب ولو قولتلك هتعرف ؟ ) انتى حامل ؟ طيب ليه مش حامل لحد دلوقتى ؟ طيب هتخلفوا امتى ؟
طيب اتجوزتى ؟ اتجوزت ؟ طيب ليه ما اتجوزتش لغاية دلوقتى ؟

وهكذا , والكارثة انه بيستغرب لما انت ترد رد عليه تحاول توضحله ان ديه حاجات خاصة ومش ينفع تسأل فيها
يستغرب جدا منك ويعتبرك شايف نفسك ومعقد وشخص متكبر وماله ولا مالها عامله كده ليه ؟ فاكر نفسه اجنبى يعنى ؟

لدرجة ان المصرى نفسه مش عنده احترام لخصوصياته هو شخصيا فمثلا تلاقيه لما يتكلم فى التليفون يسمع الشارع كله كأنه بيتكلم فى علبه كانز مخرومة

وعلى الفيس بوك مثلا ناس اصحابى بتورينى حاجات حاطينها الناس على الفيس بوك من صور خاصة جدا مينفعش تتحط وحتى ال status كلام خاص جدا واوقات حتى مش مفهوم و very cheesy يعنى مبالغ فيه زى مثلا تلاقى واحد كاتب انا بحبك اوى
طيب احنا مالنا ؟ وهى مين اساسا ؟ بتحب المجهول ولا بتحب على نفسك ؟

مفيش احترام لخصوصيات الناس ابدا ولا حتى بيحترم خصوصياته هو شخصيا ما هو لو كان بيحترم خصوصياته هو كان احترم خصوصيات الناس
وعجبى :smile02
​

 

[R.O.R.O]

يا عينى عليكى يا انجل كلامك حكم يا اوختى
فعلا احنا مبنحترمش خصوصياتنا
علشان كدا مش عارفين نحترم خصوصيات غيرنا من الناس
للاسف بقينا مبنحبش نحتفظ بخصوصياتنا لنفسنا عاوزين نشارك الكل فيها
وناس كتير برده مش هعمم مش بتحب حد يدخل فى خصوصياتها
موضوع جميل يا انجل
​

 

[Desert Rose]

يا عينى عليكى يا انجل كلامك حكم يا اوختى
فعلا احنا مبنحترمش خصوصياتنا
علشان كدا مش عارفين نحترم خصوصيات غيرنا من الناس
للاسف بقينا مبنحبش نحتفظ بخصوصياتنا لنفسنا عاوزين نشارك الكل فيها
وناس كتير برده مش هعمم مش بتحب حد يدخل فى خصوصياتها
موضوع جميل يا انجل
​

ميرسى ياقمر ديه حقيقة فعلا لو احنا بنحترم خصوصياتنا هنحترم خصوصيات غيرنا
انا بقا من النوع اللى يعشق الخصوصية وعلشان كده فيه ناس بتزعل منى

 

[R.O.R.O]

ميرسى ياقمر ديه حقيقة فعلا لو احنا بنحترم خصوصياتنا هنحترم خصوصيات غيرنا
انا بقا من النوع اللى يعشق الخصوصية وعلشان كده فيه ناس بتزعل منى

وانا زيك يا انجل وده بيخلى الناس تاخد منك موقف وتقول عليكى متكبرة وواخدة مقلب فى نفسك
​

 

[Desert Rose]

وانا زيك يا انجل وده بيخلى الناس تاخد منك موقف وتقول عليكى متكبرة وواخدة مقلب فى نفسك
​

بالظبط كأن المفروض ابقا ماشية بميكروفون اقول للناس كل حاجة عنى

 

[Desert Rose]

المصرى والمشاعر (1)

حد لاحظ مشاعر المصريين عامله ازاى ؟
دكتور احمد عكاشة الطبيب النفسى المعروف وصف مشاعر المصريين انها زى القرص الفوار اللى بيفور بسرعة جامد اوى وبعدين يهدا تماما وينزل على مفيش فى الاخر

احنا كده , مشاعرنا تطلع تطلع والدم يضرب فى دماغنا على الاخر وتقول دول هيكسروا الدنيا وفى الاخر ولا اى حاجة تحصل

سمعت مرة تعبير عن المصريين بيقول عنهم انهم مهولاتيه
يعنلا بيهولوا الامور والمشاعر لدرجة الغليان والفوران
لكن الغليان ده بيروح بسرعة بعد فترة قليلة وتيجة تبص على رد الفعل او على اى حاجة اتعملت نتيجة للغليان والفوران ده تلاقى النتيجة صفر مفيش حاجة اتعملت غير شوية غليان مشاعر مش اكتر

احنا غير قادرين على تحويل المشاعرالى افعال او حتى لو ابتدينا افعال فأحنا غير قادرين على الاستمرار فيها

اوقات بحس ان كل دول حوض البحر الابيض المتوسط كده
هيجان مشاعر وصوت عالى دون افعال
فتلاقى اليونانيين والاتراك كده واحنا كمان زيهم .
​

 

[Desert Rose]

المصريين والمشاعر 2

لان مشاعرنا دايما هايجة وفى حالة فوران فأحنا بنحب نعبر عنها كتير
فأحنا من الشعوب اللى بتعرف تعبر عن مشاعرها اوقات بشكل مبالغ فيه
وعلشان كده بنتهم الشعوب الاخرى اللى مش بتعرف تهول مشاعرها زينا انها شعوب باردة وعديمة الاحساس ومش بتعرف تحب

طيب تعالوا نشوف
احنا فعلا شعب بيعرف يعبر عن مشاعره اوى وزى ما قولت قبل
ان اوقات التعبير يكون مبالغ فيه او زى مابيقولوا الكلام بيبقا cheesy اوى , بمعنى انه مبالغ فيه لدرجة انك صعب تصدقه

فمثلا اول ما نقابل حد مش شوفناه لينا فترة كبيرة ناخده بالاحضان ووحشتنى موت يافلان وانت فى بالى على طول وانا كنت بجد بجد عايز اكلمك ولسه جاى على بالى حالا وطبعا لا يخفى عليكم ان ممكن يكون الشخص المشتاق اوى كده ده مفتكرش صديقه ده غير لما شافه وهو ولا على باله ولا اشتاقله ولا اى حاجة من ديه

وطبعا لاننا كلنا بنعمل كده مع بعض فمع الوقت بتبقا غير قادر على التفريق بين الحقيقة والمبالغة

فأنت بتعمل كده مع الناس بتبالغ فى مشاعرك معاهم وهما ولا على بالك اصلا وهما بيعملوا كده معاك فكل الناس بتوصل فى النهاية انها بتشك فى حقيقة الكلام ده اللى بيتقالها وحقيقة مشاعر الناس ناحيتها
لانهم عارفين انهم بيقولوا كده من باب المجاملة والمبالغة وانت بتعمل نفس الشئ

فحتى لو كانت المشاعر حقيقية فكتر الكلام عنها بالشكل ده بيفقدها معناها مع الوقت

والمشكله اننا رغم شكنا فى حقيقة المشاعر اللى بتتقالنا الا اننا بنزعل اوى ونتضايق لو قابلنا حد وسلم علينا عادى من غير ما يقول قصايد الغزل ديه يبقا الشخص ده بارد وعديم الاحساس ومش عنده ذوق ومش بيحبنا
مع انى شخصيا افضل ان حد لما يكون مش مشتاقلى وانا ولا فى باله انه ميقولش حاجة خالص علشان لما يكون مشتاقلى فعلا ويقولى كده اقدر اصدقه .




​

 

[Desert Rose]

المصريين والمشاعر 3

وبالرغم من اننا شعب عاطفى ومشاعرة تغلب عليه الا اننا فى نفس الوقت لا نعترف ابدا بالمشاعر الانسانية الحقيقية
لدرجة انى ابتديت اصدق ان هيجان المشاعر اللى عندنا فى التعبير عن حبنا للاخرين مثلا ماهو الا مجرد ادمان للمجاملات الاجتماعية ليس الا

وبينما احنا بنقول على نفسنا شعب طيب وبنتهم الشعوب الاخرى بالتبلد وعدم الاحساس وعدم الطيبة وكل الصفات الجميلة ديه

الا اننا لانعترف بالمشاعر الانسانية العميقة اللى بيعترف ويعتنى بيها باقى الشعوب اللى احنا بنتهمها بالتبلد

فمثلا نحن لا نعترف بالضغوط النفسية والعصبية ولما حد يجى يحكى قد ايه موقف معين اثر فيه وعلى نفسيته ومشاعره بشكل كبير نتجه على طول الى السخرية من هذة المشاعر وكمان نتهم صاحبها بالدلع وعدم النضوج

مثلا نحن لا نعترف ابدا ان فيه كائنات تانية عايشة معانا على نفس الكوكب فمثلا من يدافع عن حقوق الحيوان ويتعاطف معه هو اهبل وفاضى ومتدلع وتافهه , لكن احنا ناس ناضجة وبتفهم علشان كده عادى جدا الراجل يضرب الحمار فى الشارع ضرب مبرح والناس شايفه وساكته ومعتادة على المنظر ومحدش بيقول حرام عليك

علشان كده عادى الاب والام يشوفوا ابنهم بيضرب الكلاب والقطط فى الشوارع بالطوب بدون سبب وعادى محدش يقوله عيب وحرام مينفعش تعمل فى الكائنات ديه اللى لا حول لها ولا قوة الهمجية ديه

بنقول اننا شعوب طيبة وعاطفية ولكننا لانفهم معنى العمل الاجتماعى والتشارك والتكافل بين افراد المجتمع فى المصائب ولا معنى الجمعيات الخيرية والانسانية ولا معنى التبرع بالاموال والدم مثلا

بينما ان الشعوب اللى احنا بنقول عليها متبلدة المشاعر لانها مش بتعبر عن مشاعرها عمال على بطال بسبب وبدون سبب هى اللى علمتنا معنى العمل الخيرى , بصوا على اي مصيبة ولا اى زلزال بيحصل فى اى حته فى العالم مين اللى بينهض ( اقصد من الشعوب نفسها مش الحكومات ) لمساعدة ومساندة الضحايا والمنكوبين ؟ احنا اصحاب المشاعر الفياضة ام اصحاب المشاعر المتبلدة ؟ :dntknw:

يوجد تناقض بين ما نقوله عن فيضان وهيجان مشاعرنا وطيبتنا وبين افعالنا التى تنفى تماما طيبة القلب ورقة المشاعر .




​

 

[Strident]

انا مش هاشارك في الموضوع ده عشان ماتفصلش

معلش مع ان ايدي بتاكلني....بس موضوعك رائع بصراحة...

 

[Desert Rose]

انا مش هاشارك في الموضوع ده عشان ماتفصلش

معلش مع ان ايدي بتاكلني....بس موضوعك رائع بصراحة...

ههههههه ميرسى ياجونى , ولو المشاركة فيها فصلك يبقا بلاش :kap:خلينا كويسين احسن