تم تعطيل الجافا سكربت. للحصول على تجربة أفضل، الرجاء تمكين الجافا سكربت في المتصفح الخاص بك قبل المتابعة.

الرد على الموضوع

الرسالة: [QUOTE="amgd beshara, post: 3709042, member: 114661"] [COLOR="Black"][FONT="Times New Roman"][SIZE="5"] كيو مجرد نظرية وهي أصلاً إفتراض من العلماء بوجود أصل أولي بسيط أقتبست منه الأناجيل عند تدوينها. وكيو مش مجرد مصدر واحد انما عدة مصادر فبيقسمها العلماء ل Q1, Q2, Q3 ... وغيرها، والتقسيم ده قائم علي التفرقه بين اللي اتنقل في الأناجيل من التقليد الشفوي، واللي اتنقل من تقليد قديم كان عبارة عن مجموعة اقوال ليسوع أشبه في شكلها لنص انجيل توما اللي اكتشفوه في مصر، مجموعة اقوال فقط مفيهاش اي سرد قصصي. والعلماء قدروا يتخيلوا شكل الوثيقة كيو دي من تجميعهم ل 200 قول ليسوع متشابه بين الاناجيل الأزائية. لا مش شرط، ممكن يكون الكاتب إستخدم الوثيقة كيو مباشرة، وممكن يكون هو كتب الجماعة اللي نشأ فيها النص اضافت للي هو كتبه مستخدمه الوثيقة كيو، وفي كل الأحوال دي مجرد فرضيات وجوه كل فرضيه منها مجموعة اختلافات عن ايه قبل ايه، وهل ده كان مكتوب ولا الرسول مثلاً كرز وبعد كده الماعة صاغت كرازته في كتاب، وكلها في الآخر فرضيات حديثة العهد وغير مؤكده بأي دليل.. لا طبعاً لأكتر من سبب.. أولاً: المسيحية مش ديانة نص، إنما إيمان مبني علي شخص يسوع المسيح نفسه، وتعليمة اللي سلمه للرسل والرسل ثبتوه في الكنائس اللي كرزوا فيها وفي اللليتوررجيات (القداسات) الللي كتبوها. ثانياً: الكنيسة هي اللي اختارت الكتب دي وقالت لنا هو ده الكتاب المُقدس اللي بيعبر عن الإيمان المسيحي، طبعاً من خلال تفسيره كنسياً. (طبعاً الإختيار ده كان قائم علي عدة إعتبارات منها ان النص نفسه كان مُستخدم وراسخ في الكنائس قبل مرحلة التقنين دي، وكمان يكون النص من عصر الرسل اي رسولي، ده علي سبيل المثال لا الحصر).[/SIZE][/FONT][/COLOR] [/QUOTE]

التحقق