القضاء والقدر وماتش الكورة

[Desert Rose]

طبعا انا مشوفتش الماتش بتاع مصر وغانا
مش لسبب غير انى اساسا مش بحب الكورة ولا بستحمل سيرتها ولما بشوف اى ماتش قدامى بيركبنى 600 عفريت معرفش ليه ؟ :spor2::spor2:

بس سمعت طبعا عن النتيجة المبهرة بتاعت الماتش leasantrleasantrحاجة تشرف حقيقى :t31::t31:
الغريب فى الموضوع ان الناس زعلانة اوى قال يعنى احنا كنا هنروح كاس العالم هناخد الكاس خلاص
ولا ان كل حاجة فى مصر اتصلحت مفاضلش بس غير كاس العالم
احنا اساسا شعوب مش رياضية ومفيش عندنا تفوق رياضى
وهى ديه اول مرة نخرج من كاس العالم ؟ ايه بقا اللى حصل المرة ديه ؟

المهم مش ديه القضية , اللى لفت نظرى اكتر وانا بشوف التعليقات على الانترنت , ان فيه ناس عماله تقول معلش قضاء وقدر , ده قضاء ربنا :t13::t13: , ومحدش عارف اذا كنا كسبنا غانا وروحنا كاس العالم كان ايه اللى هيحصل فربنا اكيد منعها للخير

كان ايه اللى هيحصل لو روحنا كاس العالم ؟ الهرم هيتهد ؟
كان هيغتصبو اللعيبة فى المونديال ؟
ايه المصايب ديه ؟؟؟؟؟؟؟؟
ايد دخل قضاء ربنا بالفشل بتاعنا ؟
كل حاجة كده حتى الكورة نرميها على ربنا ؟؟؟؟؟؟
شوفتو بقا النيلة اللى احنا فيها كشعوب سببها ايه ؟ leasantrleasantr
احنا مش هنطلع خطوة لقدام غير لما نبطل النغمة ديه ونشتغل ونبطل كسل ونرمى كل فشلنا على ربنا
ده ربنا مظلوم معانا اوى بجد

 

[واثقه فيك يارب]

الغريب فى الموضوع ان الناس زعلانة اوى قال يعنى احنا كنا هنروح كاس العالم هناخد الكاس خلاص
وهى ديه اول مرة نخرج من كاس العالم ؟ ايه بقا اللى حصل المرة ديه ؟

لا مش اول مر نخرج من كاس العالم
بس اللي بيبقا نفسه يحقق هدفه
بيفضل وراه حتي لو خسر مليون مره
وفي كل مره بيحاول يحققه بيحس كأنه اول مره يحاول وبينسي هزيمته .

ولا ان كل حاجة فى مصر اتصلحت مفاضلش بس غير كاس العالم
احنا اساسا شعوب مش رياضية ومفيش عندنا تفوق رياضى

ماهي لان في حاجات كتير في مصر متصلحتش .وربنا قادر انه يصلحها.
الناس بيدورا علي اي حاجه تفرحهم حتي لو كانت اخرها مش فرحه زي ماحصل في الماتش امبارح !

المهم مش ديه القضية , اللى لفت نظرى اكتر وانا بشوف التعليقات على الانترنت , ان فيه ناس عماله تقول معلش قضاء وقدر , ده قضاء ربنا :t13::t13: , ومحدش عارف اذا كنا كسبنا غانا وروحنا كاس العالم كان ايه اللى هيحصل فربنا اكيد منعها للخير

شوفي ياروز طبعا انا مش مع كلام الناس دول خالص
لان الموضوع مالوش علاقه بربنا هنا
الموضوع له علاقه بأجتهاد , بنشاط, بذكاء, بحرفنه
للكن للاسف مكانش فيه ولا حاجه من دي
سوء في اختيار التشكيل وسوء في اختيار الخطة اللي بيلعبوا بيها
وسوء في اختيار اللعيبه نفسهم

بس عايزة اقولك ان الناس اللي بتعلق كدا عالانتر نت وفي اي مكان تاني
دول ناس صدقيني بيهونوا علي نفسهم الخيبة اللي حصلت
يمكن انتي زي ماقولتي ان الكورة مش بتحبها
ومش بتفرق معاكي وبتعصبك
لكن فيه ناس كتيرررررر غيرك الكورة بالنسبالها زي الهوا اللي بتتنفسه
وفيه ناس ممكن يتخانقوا والخناقه توصل لقتل بسبب الكوره
تقدري تقولي هووس يعني

ده ربنا مظلوم معانا اوى بجد

لا ربنا مش مظلوم معانا
لانه هو الوحيد اللي عالم بالنيات
وعارف الناس دي بتقول الكلام دا
وفي تفكيرها ايه وجوه قلبها ايه
​

 

[Desert Rose]

ياوثوقة , طبعا كل واحد عنده هدف لازم يفضل وراه لغاية ما يحققه وكل الناس بتتعرض للفشل مهما كانو ناجحين
لكن الفكرة ان مفيش اصلا خطوات معينة بتتاخد علشان نوصل للهدف ده
يعنى ايه اللى اتعمل زيادة للرياضة عموما فى مصر علشان نتوقع اننا ممكن ندخل كاس العالم

ممكن فعلا ناس بتكون بتواسى نفسها من الخيبة التقيلة ديه
لكن معرفش ليه حسيت ان فيه ناس مقتنعة فعلا ان ده قضاء ربنا
وهى ديه المشكلة

 

[aymonded]

القضاء انك تكون ماسك طبق فيه اكل حلو كتير يقع منك فجأة
والقدر بقى لو الأكل نفسه قبل ما تحطة في الطبق اتحرق تقعد تعيط ومش تعرف تاكل هههههههههههه
تععالوا كلوا احسن ...............................

وحلوا كمااااااااااااااااااااااااان

​

 

[Desert Rose]

طيب ليه كده ؟ ليه التجويع ده يا استاذ ايمن ؟؟؟؟؟
انا هروح انفجر فى التلاجة دلوقتى :smile01:smile01:smile01

 

[aymonded]

طيب ليه كده ؟ ليه التجويع ده يا استاذ ايمن ؟؟؟؟؟
انا هروح انفجر فى التلاجة دلوقتى :smile01:smile01:smile01

ههههههههههههههههههه بحاول اخليكوا تعملوا رجيم

​

 

[Desert Rose]

الرحمة شوية يا استاذ ايمن
واثقة بالذات مش قد الكلام ده , البنت لسه مفاقتش من صدمة نتيجة الماتش
لما تشوف الاكل ده قلبها هيوقف حرام عليك :smile01:smile01
اما انا بقا هروح اشوف اى حاجة اعض فيها هههههههههه

 

[soul & life]

انا دخلة الموضوع ومعتقدة انه الكلام على الخيبة القوية بتاعت ماتش غانا
لقيت اكل ومش اى اكل اكلات تجوع اللى مش جعان يميميم
ههههههه

عموما انا مش متفاجئة خالص بالخسارة حزنانة اه كنت اتمنى اننا نوصل اه لكن كنت بصراحة متوقعة الخسارة
لكن بالشكل دا صعبة دى مهزلة صدقونى دى مهزلة لانها خسارة فاضحة وفضيحة هههههههه
عموما يا جماعة لازم نصدق ان بلادنا ليها سنين وسنين بتوقع مننا واحنا كنا نايميين ومش حاسيين بتوقع فى الفن فى الرياضة فى الادب فى الاقتصاد السياسة
الاحوال فى كل المجالات مش ولابد منين بقا هتتوقعوا بقدرة قادر كده هوبا مرة واحدة تطلعوا كاس العالم ؟؟؟
شعبنا شعب طيب ومتوكل وكلمة تجيبه وكلمة بتوديه شعب عاطفى واغنيتين من الاغانى الوطنية خلونا نحس اننا خلاص ممكن نوصل لكاس العالم ونسينا الفشل والخيبة اللى احنا مغموسين فيها لينا سنين
ربنا قادر ينفخ فى صورتنا علشان نصحا ونقوم نغير ونبدل حالة الفشل لنجاح ونقدر نعمل حاجة نثبت بيها ان بلادنا ام الدنيا فعلا افعال وليست كلمات وبس خلاص

 

[عبود عبده عبود]

طبعا ما فيش قضاء وقدر فى الكورة ...الا لو الطيارة بقى وقعت بالفريق قبل ما يوصل
ولا رياضى واحد أو برنامج واحد قال بالكلام الفارغ دة
دى شوية عيال متدروشة وعندهم صدمة من الهزيمة لا أكثر ...
بيعزوا روحهم بشوية كلام فارغ ...فيه لعيبة كبرت فى السن ولازم تعتزل اللعب الدولى
ولعيبة مش فى الفورمة لأسباب كتيرة ...لا علاقة لها بقضاء أو بقدر
ومدير فنى من أغبى ما جادت به الملاعب الخضراء
وفريق غانى مُحترف درس الفريق المنافس جيداً وعرف كيف يقضى على خطوط الدفاع والوسط
بس كدة
​

 

[هشام المهندس]

القضاء والقدر في كرة القدم هي تخضع لمزاج اللاعبين وهذا حال اغلب المنتخبات العربيه بشكل عام فلا يوجد مستوى ثابت لهم
والمنتخب المصري وقع بالقاضيه نتيجة غرور لاعبيه
هذا والله اعلم
بس كده


...

​

 

[soul & life]

القضاء والقدر في كرة القدم هي تخضع لمزاج اللاعبين وهذا حال اغلب المنتخبات العربيه بشكل عام فلا يوجد مستوى ثابت لهم
والمنتخب المصري وقع بالقاضيه نتيجة غرور لاعبيه
هذا والله اعلم



...

​

اومال فين ال بس الخاصة بيك يا استاذ هشام
لازم تنهى مشاركتك ببس اختار بقا
بس كده
بس خلاص
بس بس
كده يعنى:thnk0001:

 

[soul & life]

القضاء والقدر في كرة القدم هي تخضع لمزاج اللاعبين وهذا حال اغلب المنتخبات العربيه بشكل عام فلا يوجد مستوى ثابت لهم
والمنتخب المصري وقع بالقاضيه نتيجة غرور لاعبيه
هذا والله اعلم
بس كده


...

​

ايون كده هههههههه الله ينور يا استاذ هشام

 

[عبود عبده عبود]

تعريف القضاء والقدر فى ( كرة القدم )
إذا دخلت الكرة هدفاً على ( يسار ) عبد الواحد السيد فهذا هو القضاء والقدر الكرُوىّ
لأن ( الأصل ) هو دخول الهدف على ( يمينه )
وإذا أمسك شريف أكرامى الكرة العرضية المرفوعة من ( الكورنل ) فهذا من القضاء والقدر
لأن ( الأصل ) أن تتزفلط منه
هذا والله أعلم
​

 

[+KiMO+]

هو لو كنا كسبنا ... كنا قلنا ربنا السبب بردو ... ولا نسبنا الفوز ده لنفسينا !!!!

يعني اذا كسبنا نبقي احنا السبب مش ربنا ...

و لما نخسر ,,, نرميها علي ربنا ... و نقول قداء و قدر


تصدقي ... ربنا مظلوم أوي

بس بردو احنا معذورين ,,, الصدمة كانت كبيرة أوي ^_^

 

[Desert Rose]

انا دخلة الموضوع ومعتقدة انه الكلام على الخيبة القوية بتاعت ماتش غانا
لقيت اكل ومش اى اكل اكلات تجوع اللى مش جعان يميميم
ههههههه

عموما انا مش متفاجئة خالص بالخسارة حزنانة اه كنت اتمنى اننا نوصل اه لكن كنت بصراحة متوقعة الخسارة
لكن بالشكل دا صعبة دى مهزلة صدقونى دى مهزلة لانها خسارة فاضحة وفضيحة هههههههه
عموما يا جماعة لازم نصدق ان بلادنا ليها سنين وسنين بتوقع مننا واحنا كنا نايميين ومش حاسيين بتوقع فى الفن فى الرياضة فى الادب فى الاقتصاد السياسة
الاحوال فى كل المجالات مش ولابد منين بقا هتتوقعوا بقدرة قادر كده هوبا مرة واحدة تطلعوا كاس العالم ؟؟؟
شعبنا شعب طيب ومتوكل وكلمة تجيبه وكلمة بتوديه شعب عاطفى واغنيتين من الاغانى الوطنية خلونا نحس اننا خلاص ممكن نوصل لكاس العالم ونسينا الفشل والخيبة اللى احنا مغموسين فيها لينا سنين
ربنا قادر ينفخ فى صورتنا علشان نصحا ونقوم نغير ونبدل حالة الفشل لنجاح ونقدر نعمل حاجة نثبت بيها ان بلادنا ام الدنيا فعلا افعال وليست كلمات وبس خلاص

صدقينى معرفش هما ازاى كان متوقعين اننا هنروح كاس العالم ؟
على اى اساس ؟
ما هو لازم يكون فيه هدف للفرق الرياضية فى مصر
مفيش هدف رياضى فى البلد اصلا وبالتالى مفيش خطة محددة لتحقيقه يبقا ازاى هننجح فى اى حاجة اصلا من غير هدف ومن غير خطة
حاجة تحزن
ميرسى على مرورك

 

[واثقه فيك يارب]

الرحمة شوية يا استاذ ايمن
واثقة بالذات مش قد الكلام ده , البنت لسه مفاقتش من صدمة نتيجة الماتش
لما تشوف الاكل ده قلبها هيوقف حرام عليك :smile01:smile01
اما انا بقا هروح اشوف اى حاجة اعض فيها هههههههههه

اه ياروز قوليله حاجه
لانه عمال يبعت اكلات فظيعه في كل الموضوعات
وانا مش قادره وقربت اقدم استقالتي من المنتدي بسبب الاكلات دي:smile01

لكن الفكرة ان مفيش اصلا خطوات معينة بتتاخد علشان نوصل للهدف ده
يعنى ايه اللى اتعمل زيادة للرياضة عموما فى مصر علشان نتوقع اننا ممكن ندخل كاس العالم

اخص عليكي ياروز
يخونك نجيب اللي كان بيلعب ومقطع الملعب من كتر اللعب
طب دا لوحده كان سبب انه يدخل فينا اكتر من هدفين
ولا وائل جمعه الله علي جمعه
دا جاب حته هدف في نفسه حاجه كدا متتوصفش يابنتي
كل دا وتقوليلي مفيش خطوات معينه بتتاخد ياظالمه:smile01

فيه لعيبة كبرت فى السن ولازم تعتزل اللعب الدولى
ولعيبة مش فى الفورمة لأسباب كتيرة ...لا علاقة لها بقضاء أو بقدر

صح كلام استاذ عبود صح
فيه لعيبه كتير كبرت جدا ومابقتش عارفه تجري حتي
زي وائل جمعه مثلا الراجل مابقاش عارف هو بيجيب اهداف في انهي مرمي ياعيني:smile01
وكمان ابو تريكة انا شايفه انه كفياه علي كدا
​

 

[عبود عبده عبود]

صح كلام استاذ عبود صح
فيه لعيبه كتير كبرت جدا ومابقتش عارفه تجري حتي
زي وائل جمعه مثلا الراجل مابقاش عارف هو بيجيب اهداف في انهي مرمي ياعيني:smile01
وكمان ابو تريكة انا شايفه انه كفياه علي كدا
​

شفتى الواد ( الأسمرانى ) بتاع غانا ؟
نيم التلاتة وأدها لأبو قرعة يحطها بنفسه

​

 

[واثقه فيك يارب]

شفتى الواد ( الأسمرانى ) بتاع غانا ؟
نيم التلاتة وأدها لأبو قرعة يحطها بنفسه

​

انا شوفت بلاوي

طيب شوفت حضرتك الواد الاسوداني
اللي جاب جون من نص الملعب تقريبا
والشناوي عمال يقول "هي الكوره فين"

​

 

[هيفاء الهاشمي]

ليه تستغربي انهم يحلمون يوصلون للمونديال
دام ماشاء الله جبتم كأس افريقيا اكثر من مره؟
اللي يقولون قضاء وقدر عارفين بس يواسون نفسهم وعارفين لو رجعو للي كانو يعملو ايام انتصاراتهم
في بطولة افريقيا كانو حيفوزو ويوصلو للمونديا

ان شاء الله خير.. وخيرها بغيرها..عساكم تعوضون في المباراة الجايه

 

[واثقه فيك يارب]

ليه تستغربي انهم يحلمون يوصلون للمونديال
دام ماشاء الله جبتم كأس افريقيا اكثر من مره؟
اللي يقولون قضاء وقدر عارفين بس يواسون نفسهم وعارفين لو رجعو للي كانو يعملو ايام انتصاراتهم
في بطولة افريقيا كانو حيفوزو ويوصلو للمونديا

ان شاء الله خير.. وخيرها بغيرها..عساكم تعوضون في المباراة الجايه

ان شاء الله ياهيوف ربنا يسمع منك يارب
احنا جبنا كاس افريقيا 7 مرات تقريبا
معرفش منحسه معانا ليه في كاس العالم
​