الغش فى الامتحانات

[artamisss]

الغش فى الامتحانات

عاوزة افتح معاكو نقاااااااش هام وحيوى النهارده
احنا معظمنا طلبه هنا فى المنتدى وكلنا وقت الامتحان نلجا لربنا وبعدها ولا كاننا نعرفه اصلا
مش مهم دة بقى شيئ عاااااااااادى عندنا كمسيحين

لكن سؤالى الاهم عن الغشششششششش:scenic:

ليه بنغش فى الامتحان ؟
ليه اصبح الاب والام يقولول0نا ابقى شوف اللى جنبك ؟؟؟ظ:smil14:
ليه اصبحت عااااااااااده عندنا انننا نغش فى الامتحان ؟
هل ده بسبب اننا مش واثقين فى نفسنا ولا فى ربنا ولا فى ايه بالظبط ؟
الغريب فعلا ان اصبح اللى مابيغشش ده انسان وحش ومش متعاون بالمرة فى اللجنه وصديق غير وفى
حتى بينا كامسيحيين
لييييييييييييييييييييييييييييييييييييييييييييييييه وصلنا للمرحله دى ليه فعلا

ياررررريت نتقانش فى الاسباب يمكن نعرف نلاقى حل:dntknw:

 

[ميرنا]

اه صح يا ديانا انا باخد شتايم فى اللجنه من الى جنبى او المرقبين احيانا علشان مش بغش او اغشش واحيانا بشيل مواد لسبب دا لانى طبعا بيكون معانه ناس مهما ازاى انا احل وهما ميحلوش


بس دا مش عدم ثقه ولا حاجه دا الموضه او لانى محدش بقى يزاكر اصلا لانه واثق انى فى غش

 

[artamisss]

يا جماعه لو سمحتم اهتمو بالموضوع ده شويه من فضلكو
احنا مش كل حاجه فى حياتنا حب وبس فى حاجات افضل من ان انا نهتم بالمشاعر والحب وبس
لو سمحتم

 

[الرائحة الذكية]

عاوزة افتح معاكو نقاااااااش هام وحيوى النهارده
احنا معظمنا طلبه هنا فى المنتدى وكلنا وقت الامتحان نلجا لربنا وبعدها ولا كاننا نعرفه اصلا
مش مهم دة بقى شيئ عاااااااااادى عندنا كمسيحين

لكن سؤالى الاهم عن الغشششششششش:scenic:

ليه بنغش فى الامتحان ؟
الشخص اللى بيغش اكيد علشان معندوش امانة مع نفسه ومذكرش.
ليه اصبح الاب والام يقولول0نا ابقى شوف اللى جنبك ؟؟؟ظ:smil14:
غريبة قوى ان الاب و الام هما اللى بيقولوا كده ولو ده صحيح يبقى العيب مش على الاولاد ..العيب على الكبير اللى بيغرس فى ابنه او بنته قيم سلبية ... لكن اظن ان لسه الدنيا بخير وفيه اباء كتير بتربى اولادهم بشكل مسيحى مضبوط ..
ليه اصبحت عااااااااااده عندنا انننا نغش فى الامتحان ؟
قلنا عشان مفيش امانة و مفيش مذاكرة ويمكن تعود او زى ما بتقولى الاباء بيشجعوا الولاد على الغش ..
هل ده بسبب اننا مش واثقين فى نفسنا ولا فى ربنا ولا فى ايه بالظبط ؟
هو نقص فى ثقة الشخص بذاته لانه مذكرش فطبيعى هايبقى قلقان وشاكك فى نفسه..
الغريب فعلا ان اصبح اللى مابيغشش ده انسان وحش ومش متعاون بالمرة فى اللجنه وصديق غير وفى
ده صحيح لكن الشخص اللى عنده مبادئ و قيم وثقة بالنفس متأثرش فيه الاشياء دى ..
حتى بينا كامسيحيين
لييييييييييييييييييييييييييييييييييييييييييييييييه وصلنا للمرحله دى ليه فعلا

ياررررريت نتقانش فى الاسباب يمكن نعرف نلاقى حل:dntknw:

لو الناس عرفت ان الغش خطية كبيرة مش بس تعتبر عدم أمانة لا دى تعتبر سرقة لانك بتاخد حاجة مش بتاعتك و كمان بتسرق مجهود غيرك ..
وبما انها تعتبر سرقة يبقى لازم نعرف أن الشخص الغشاش مش هايدخل ملكوت السموات لان من ضمن الناس اللى قال عنهم الكتاب انهم مش هايدخلوا الملكوت هم السارقون ((الغشاشون ))..

كمان الشخص اللى بيغش فى الامتحانات هتلاقيه بيغش فى كل امور حياته ..شخص لا يؤتمن على شئ ..

وعلى فكرة الشخص الناجح بعرقه وبمجهوده بيفرح فرحة خاصة جدا غير تلك الشخص اللى نجح بطريقة الغش.

أما السبب الأساسى للغش هو ان الناس مش بتذاكر وعايزة وسيلة سهلة تريحها وخلاص وده معناه ان مفيش امانة .. ولا ثقة بالنفس ..



شكرا على موضوعك واعذرينى على الرد المتأخر لكن انا لم ارى الموضوع :Love_Letter_Send: :Love_Letter_Send:

 

[artamisss]

ولا يهمك يا حبيبتى المهم انك شاركتى فى الاخر وده عشمى من كل الناس اللى هنا

 

[artamisss]

انا عاوزة افهم حاجه هو احنا حولنا اسم منتدى الاجتماعيات ده لا انا والنجوم وهواك
وانا اسامه منير ولا ايه

المواضيع المهمه اللى زى دى محدش يرد عليها ويشوفها 30 و40 بنى ادم وميردش غير 3
فين الناس
ماتتناقشوا
ولا كله حب حب حب لازم ندى مساحه للحاجات الهامه برضه

 

[Yes_Or_No]

ما احلي الغش يا اخت ديانا انا كتير ما بغش بس في حاله واحده بس


لما المراقب يقول اللي عاوز حاجه ياخدها في السر من صاحبه
هههههههههههههههههههههههه

وبصراحه الواحد ما بيصدق

 

[><)))))*>]

فوائد الغش انك لو مش مذكرة
تقدري تغشي:t33:
المهم يكون الي جنبك مذاكر كويس:new6:

 

[blackguitar]

الاول قبل ما اتكلم على الغش .............بحب اشكرك يا ديانا لانك طعتينا من مود الحب واسامه منير والكلام ده وفتحتى معانا موضوع مهم فعلا للمناقشه ..........بالرغم ان البعض شايفه بسيط

ليه بنغش فى الامتحان ؟

الغش فالامتحانات فى وجهه نظرى ليه سببين
1- عدم المذاكرة : وده يا بيكون عدم المذاكرة التامه - او عدم مذاكرة معلومه معينه
2- زياده تأكيد المعلومه

ليه اصبح الاب والام يقولول0نا ابقى شوف اللى جنبك ؟؟

بصراحه انا مش عارف ........... بس معتقدش ان فيه اب وام ممكن يشجعوا ولادهم على الغش

ليه اصبحت عااااااااااده عندنا انننا نغش فى الامتحان ؟
هل ده بسبب اننا مش واثقين فى نفسنا ولا فى ربنا ولا فى ايه بالظبط ؟
الغريب فعلا ان اصبح اللى مابيغشش ده انسان وحش ومش متعاون بالمرة فى اللجنه وصديق غير وفى

انا رأيى الشخصى ان الغش بكل انواعه غلط وخطيه .......... حتى لو كان غش امتحان
لان الغش هنا فيه نوع من انواع سلب مجهود شخص آخر ...... وأخذ معلومات او اشياء بغير وجه حق
بمعنى ان واحد تعب وطلع عينيه فالمذاكرة الليل كله ......وواحد تانى كا نايم فالبيت او عى الاقل مهنش عليه يدوس على نفسه فالمذاكرة
يبقى هنا بأى وجه حق الشخص التانى .... يجاوب زى الانسان اللى تعب؟؟؟؟؟؟؟؟؟؟؟

يبقى هنا فيه نوع من انواع السلب والسرقه
لان السرقه هى أخذ أشياء لا تمتلكها ودون وجه حق.....والاشياء دى يا ماديه يا معنوية
اذن الغش يعتبر سرقه معنويه

ومن رايى ان الانسان اللى بيغش .... يعتبر بيغش نفسه قبل ما يغش اى حد تانى فالامتحان ....وده لانه سمح لنفسه ان يأخذ ما ليس له حق فيه
وان كان هذا الغش سبب لنجاحه بل سبب لتقديره فى يوم ..... ولكن عدل ربنا يستقصى انه فيوم سوف يدفع ثمن هذا الغش

بالغش نرفض المعونه الالهيه مفضلين الطرق الارضيه والشيطانيه للحصول على ما نريد ...وبالتالى نفقد النعمه والبركه الالهيه
لاننا بالغش ...........نعتمد على الشيطان اولا لانه بيزرع جوانا الفكرة دى وبنعتمد على ذراع البشر ثانيا وهو الشخص اللى هيغششنا ونرفض معونه ربنا انه يساعدنا .... بل ولم نحاول ان نطلب مساعدته لنا

هنا ممكن اقول ان فالغش لعنه على الانسان
"هكذا قال الرب.ملعون الرجل الذي يتكل على الانسان ويجعل البشر ذراعه وعن الرب يحيد قلبه."(أر 17 :5)

وواضحه الآيه جدا ..... ان الاعتماد على ذراع البشر يعتبر عنه على الانسان لانه فيه فقد الثقه فالخالق والثقه فالمخلوق

وفالنهايه ........ احصل على مقبول بمجهودى له فرحته اكثر من الحصول على جيد بمجهود غيرى

 

[artamisss]

طيب يعنى احنا كلنا تقريبا متفقين على انه غش وتدليس وسرقه
طب هل حسينا بكدة يعنى احنا حطينا ايدنا على الوجعيه لكن هل حاولنا نغير من نفسنا
وايه اللى عمالناه علشان نبقى كدة


وبعيدن الثقه فى ربنا نقطه مهمه جداااااااااااااااااااااااااااا

 

[blackguitar]

طيب يعنى احنا كلنا تقريبا متفقين على انه غش وتدليس وسرقه
طب هل حسينا بكدة يعنى احنا حطينا ايدنا على الوجعيه لكن هل حاولنا نغير من نفسنا
وايه اللى عمالناه علشان نبقى كدة


وبعيدن الثقه فى ربنا نقطه مهمه جداااااااااااااااااااااااااااا

بالنسبه ليا انا شخصيا اكره الغش واعتبره احد مبادئى وهو عدم الغش ....بالرغم انى بضعف كثيرا واضطر الى الغش ....وأغش حيانا ولكن هذا ليس من طبعى

يمكن بحس ان اللى يطلب الغش بيرفض معونه ربنا ....الى لو كان استنى شويه صغيرين قبل الغش كان ربنا هيديه الحل

ورايى الشخصى هو الاعتماد على ربنا فى كل شىء وعدم الاهمال فى المذاكرة .....وان نقتنع تماما ان على قدر ما نذاكر يجب ان نكافأ ......ولا نستحق اكثر من ذلك الا اذا كان من الرب