الطريق الزراعي القاهرة الاسكندريه الجديد بعد التجديد - وهذا ما أضحكني

[aymonded]

على الفيس حيث التأليف أي حاجة في أي حاجة آل يعني الناس هاتصدق
والمصيبة أن فيه ناس صدقت فعلاً وعماله تمدح في الحكومة وما تم عمله في عهد السيسي
حسسوني اني عايش في بلد الواء الواء واول مرة اشوف الطريق الزراعي
يقولك انشر كل ما هو إيجابي وناشرين الصورة دية
وبيدَّعوا انها صورة الطريق الزراعي بعد التجديد

طبعاً مع البحث في جوجل طلع ده أوسع طريق في العالم وهو
موجود في الولايات المتحدة الأمريكية في ولاية تيكساس
وهو Katy Freeway مكوّن من 16 مسار
ممكن الدخول هنــــــــــــــــا​

 

[+ماريا+]

طيب ليه بتفضحهم يا استاذ ايمن هو انت اخوان ولا ايه
هههههههههه
للاسف دى اللغه السايده الفتره دى اللى يقول الحقيقه
يبقى اخوان وعميل ومندس ومتأمر
لكن هو اللى مقتنع بحد او وجهة نظر يغش ويكذب كده

وبعدين ده طريق فى مصر ولا دوله من العالم التالت

انا كمان شوفت صور القمح اللى تم حصاده فى الفرافره باين
بس قولت مش هصدق حاجه من ده غير لما القمح يرخص
وبرضوه قايلين انشر كل ما هو ايجابى

 

[grges monir]

خلى الناس تعيش فى حلم انة ممكن يحصل كدة
بس فية فرق ان تحلم وتبقى فى غيبوبة

 

[aymonded]

مهو الواحد يحلم زي ما هو عايز، أو ممكن يقولوا جاري تطوير الطريق الزراعي
لكن مش يجيبوا صورة مسروقة من بلد تانية ويقولوا ده الطريق الزراعي
يعني الناس عميت والا عايشه في كوكب تاني
يعني مش عارفين ان الصورة ممكن الواحد يجبها بسهولة
ويعرف مسروقة منين وايه تفاصيلها
وعجبي
​

 

[aymonded]

طيب ليه بتفضحهم يا استاذ ايمن هو انت اخوان ولا ايه
هههههههههه
للاسف دى اللغه السايده الفتره دى اللى يقول الحقيقه
يبقى اخوان وعميل ومندس ومتأمر
لكن هو اللى مقتنع بحد او وجهة نظر يغش ويكذب كده

وبعدين ده طريق فى مصر ولا دوله من العالم التالت

انا كمان شوفت صور القمح اللى تم حصاده فى الفرافره باين
بس قولت مش هصدق حاجه من ده غير لما القمح يرخص
وبرضوه قايلين انشر كل ما هو ايجابى

ههههههههههههههه الصور دية من موقع صيني موجودة في الفيديو اللي عارضاه الصين
هاتلاقي الفيديو هنا بس لو داخله من الموبايل بلاش تشغليه هايخلص الباقة
الموقع من هنا:

http://www.yiledao.com/201510/49009.html
​

 

[aymonded]

أخدت لكم صورة من الفيديو المعروض في الموقع الصيني

​

 

[ناجح ناصح جيد]

الناس بتكتب وتفتى علشان اللايكات والكمونتات
لكن هل نشر هذه الصور موقع اخبارى او رسمى يعبر عن الحكومة
ما الفيس مليان اكاذيب وكله حسب الهوى

 

[+إيرينى+]

:big4::big4:
​

الطريق الزراعى ؟؟

دا طريق يا ساترررررررررررررررر​

 

[geegoo]

للأسف المبالغات من النوع ده أثرها سيئ جدا
بس علشان تعرفوا مجهود الهيئة الهندسية للجيش
في تطوير بيتم من ناحية محافظة الدقهلية - مدينة المنصورة
الرابط الاساسي بين المنصورة و القاهرة هو الزراعي
تم انجاز كوبري ميت غمر في وقت قياسي
تم انجاز كوبري أجا في وقت قياسي
جاري العمل في كوبري سندوب _ مدخل المنصورة من الزراعي - و اللي ببركة ربنا هيكون علامة تاريخية لجهد الجيش لأنه بيخدم ثلاث محاور و بيتعمل علي مستويين
الباقي ان المحافظين و المحليات يشدوا حيلهم شوية في الرصف و الاصلاحات

 

[aymonded]

هو فيه فعلاً تطورات واضحه وواضح العمل فيها لكن الأكاذيب والمبالغات هي المشكلة
طيعاً انا مش عايز اقول جبت الخبر منين ومين اللي منزله لكن باقول عيب ان الناس تستمر
تخدع الآخرين لأن مش فيه حاجة اسمها النهاردة حد يقدر يكذب في حاجة زي كده
الناس مش عبيطة لأن فيه مناطق مهما ما كذبنا بشأنها
بتبقى واضحة وظاهرة قدام الكل
وربنا يهدي
​

 

[soul & life]

انا واحده من الناس اللى اتلغبطت ومبقتش عارفة السيسى صح ولا غلط الحكومة الحالية حكومة بتنجز فعلا وبتحقق انجازات على ارض الواقع ولا لا

الراجل بسمعه وبشوف كلامه بحس انه شخص وطنى وحابب بلده وبيتقدم بيها بكل عزمه وقدرته لكن الخراب كبير كبير اوى صعب يتنهى عليه فى سنة او اتنين ولا عشرة حتى

ودبابير الغش والتهويل موجودين فى كل مكان صحرا ان كان او بستان ههه يعنى اللى بيتعمل ده لو اتعمل فعلا تلاقى الاعلام يا اما بساذجة وعبط يهولوا فيه فبالتالى احنا او فئة معينة من الشعب تشعر انه كله كدب وده تهويل ملهوش اى صحة او انهم يقولوا ان ده كدب وان الكلام ده مش حقيقى ويحاولوا يظهروا كل ما هو سىء للناس وفى الحالتين الاعلام مفيهوش مصدقية يعنى اللى المفروض يكون مصدر نلجىء ليهم لمعرفة الحقيقة هما اللى بيضللوا الناس وبعتقد ان اللى احنا فيه ده بيظلم ناس كتير شغالة صح لانه فى الاخر احنا اصبحنا شعب مبيصدقش شكاك ومتشائم وحاسس انه مهما اتعمل مفيش حاجة عدلة بتتعمل

 

[aymonded]

مهي دية المشكلة، هو فيه انجازات وشغل حقيقي، لكن للأسف الشديد الإعلام مش بيقول الحقائق كما هي بل يا إما يبالغ فيها جداً يا إلما يلغي تماماً وظيهر سلبيات مبالغ فيها، للأسف لا يوجد إعلام صادق لدرجة ان انا عن نفسي مش بيقت باتابعه ولا باصدق اي حاجة يقولها، وللأسف وصلُّوا الناس أنها مش تصدق اي حاجة حتى لو حصل إنجاز حقيقي مش بقى حد بيصدق، فالكل بقى بيتشكك والبركة حقيقي في الإعلام، حتى الإعلام المسيحي اتخذ نفس ذات الدور عينه في المبالغات والأفورة.. وعجبي
​

 

[paul iraqe]

صدقني يا استاذي الفاضل

في الوهلة الاولى - صدقت بأن هذا الطريق هو فعلا موجود عندكم

وقلت مع نفسي - هو ليه الاستاذ ايموند مش عاجبه الطرق دة - هو فيه ايه ؟!

ههههههههههههههههههههههه

لكن بعد ان قرأت المكتوب اسفله - بصراحة ضحكت كثيرا


ربي يحفظكم ويخليكم

تحياتي ومحبتي

 

[aymonded]

صدقني يا استاذي الفاضل

في الوهلة الاولى - صدقت بأن هذا الطريق هو فعلا موجود عندكم

وقلت مع نفسي - هو ليه الاستاذ ايموند مش عاجبه الطرق دة - هو فيه ايه ؟!

ههههههههههههههههههههههه

لكن بعد ان قرأت المكتوب اسفله - بصراحة ضحكت كثيرا


ربي يحفظكم ويخليكم

تحياتي ومحبتي

ههههههههههههههههههه يا ريت كان عندنا
كنت أول واحد اهيص واقلبها فرح وزيطة واعلق زينة ووزع حاجة ساقعة على حسابي
بس بقى طلع للأسف مش عندينا خااااااالص، وربنا يخليك ويفرح قلبك على طوووول
​

 

[عبود عبده عبود]

[FONT=&quot]شوف يا "أيمن"​

​

[FONT=&quot]أزاى نعرف لو كان الطريق دهون هو الزراعى بتاع مصر ​

​

[FONT=&quot]وألا لأءة ... ومن غير " جوجل " ؟!!![/FONT]​

[FONT=&quot]
لو لقيت بتاع "يوسفندى" أو " بطيخ" أو "جوافة" على جنب الطريق[/FONT]​

[FONT=&quot]يبقى أنت فى مصر

[/FONT]​

[FONT=&quot]ولو لقيت واحد واقف وأدام منه صندوق وفى أيده ميكرفون بيجعر فيه[/FONT]​

[FONT=&quot]( تبررعوااااا لبناء مسجد النور بالعباسية )

[/FONT]​

[FONT=&quot]يبقى أنت أكيد ...أكييييد فى مصر[/FONT]​

[FONT=&quot]تيكي لآم تيكي لآم لآم ...

[/FONT]​

[/FONT][/FONT]

 

[aymonded]

[FONT=&quot]شوف يا "أيمن"​

​

[FONT=&quot]أزاى نعرف لو كان الطريق دهون هو الزراعى بتاع مصر ​

​

[FONT=&quot]وألا لأءة ... ومن غير " جوجل " ؟!!!​

​

[FONT=&quot]
لو لقيت بتاع "يوسفندى" أو " بطيخ" أو "جوافة" على جنب الطريق[/FONT]​

[FONT=&quot]يبقى أنت فى مصر

[/FONT]​

[FONT=&quot]ولو لقيت واحد واقف وأدام منه صندوق وفى أيده ميكرفون بيجعر فيه[/FONT]​

[FONT=&quot]( تبررعوااااا لبناء مسجد النور بالعباسية )

[/FONT]​

[FONT=&quot]يبقى أنت أكيد ...أكييييد فى مصر[/FONT]​

[FONT=&quot]تيكي لآم تيكي لآم لآم ...

[/FONT]​

[/FONT][/FONT]

هههههههههههههههههههه تصدق صح
ده غير ان الصورة لغت القطر خالص اللي كان في الطريق الزراعي
​

[/FONT]

 

[+ماريا+]

بجد نفسنا نلمس التغيرات لكن لا فى تطورات
او تقدم فى البلد البطاله زى ما هى
الدولار بيزيد والجنيه بينزل وكل ماله فى النازل
والاسعار غاليه جدا
اقرب حاجه هدوم العيد اسعار
خياليه وحاجات مش حلوه
ونسال ايه السبب يقولك الجنيه نزل
والخامات مستورده بسعرالدولار
عندنا نفق بقاله 3 سنين بيعملوه
والله واعلم هيخلص بعد كام سنه تانى
​

 

[aymonded]

بجد نفسنا نلمس التغيرات لكن لا فى تطورات
او تقدم فى البلد البطاله زى ما هى
الدولار بيزيد والجنيه بينزل وكل ماله فى النازل
والاسعار غاليه جدا
اقرب حاجه هدوم العيد اسعار
خياليه وحاجات مش حلوه
ونسال ايه السبب يقولك الجنيه نزل
والخامات مستورده بسعرالدولار
عندنا نفق بقاله 3 سنين بيعملوه
والله واعلم هيخلص بعد كام سنه تانى
​

أضربي لايك وقولي سبحان الله
ههههههههههههههههههههههه
​

 

[aymonded]

بجد نفسنا نلمس التغيرات لكن لا فى تطورات
او تقدم فى البلد البطاله زى ما هى
الدولار بيزيد والجنيه بينزل وكل ماله فى النازل
والاسعار غاليه جدا
اقرب حاجه هدوم العيد اسعار
خياليه وحاجات مش حلوه
ونسال ايه السبب يقولك الجنيه نزل
والخامات مستورده بسعرالدولار
عندنا نفق بقاله 3 سنين بيعملوه
والله واعلم هيخلص بعد كام سنه تانى
​

إيه ده انتِ ضربتي لايك بجد والا ايه
هههههههههههههههههههههههههه
​

 

[+ماريا+]

يا استاذ ايمن احنا صعايده مفيش عندنا هزار
ههههههه