الزوج المصرى والاجنبى

[+GOSPEL OF TRUTH+]

ما هو أنا متفقة معاكى

و لو فتحنا أسباب الموضوع دا .....ح يتقفل بعد نصف ساعة

عشان ح نجيب سيرة اللى بالى بالك .....و دا ممنوع فى المنتدى:flowers:

ما فهمتش مين الي بالي بالك و ايه الممنوع هنا لاني غايبه بقالي وقت بس ما علينا ههههههههههههه

قولت الي عندي يا زمن و مش هقول تاني

و اهو.... قولت الي في نفسي كله و شتت لننوستي موضوعها غصبن عني لانه موضوع متشابك

خلاص...نرجع للموضوع تاني و اراهنك انه الشباب الي بيقروا يا بيضحكوا و بيقولوا كلمه و انتوا فيكوا ايه يستاهل يا شرقيات(نظريه لا تعايرني ولا اعايرك) يا اما هيتهمونا بالمبالغه الفارغه و اننا سبب الهم كله و مش حاسين ههههههههههههههه

 

[R.O.R.O]

ما فهمتش مين الي بالي بالك و ايه الممنوع هنا لاني غايبه بقالي وقت بس ما علينا ههههههههههههه

قولت الي عندي يا زمن و مش هقول تاني

و اهو.... قولت الي في نفسي كله و شتت لننوستي موضوعها غصبن عني لانه موضوع متشابك

خلاص...نرجع للموضوع تاني و اراهنك انه الشباب الي بيقروا يا بيضحكوا و بيقولوا كلمه و انتوا فيكوا ايه يستاهل يا شرقيات(نظريه لا تعايرني ولا اعايرك) يا اما هيتهمونا بالمبالغه الفارغه و اننا سبب الهم كله و مش حاسين ههههههههههههههه

ده الطبيعى يا ثروت هتلاقى الشباب بيقولوا
مطلعين فينا كل العيوب كانكم خالين من العيوب كالعادة هيظلمونا احنا ويقولوا اننا معقدين الامور وانها ابسط من كدا
لكن علشان ميقولوش علينا مبالغين اكيد مش كل الرجالة المصريين كدا احنا بنقول جزء هو يمكن الاغلبية لكن مش الكل
وكمان علشان ميقولوش اننا مفناش عيوب وكمان فى بنات بتعشق النكد وهى اللى مسئولة عن جو البيت وبرده جزء مش الكل
​

 

[Strident]

1- للامانة هو معظم الرجال المصريين نظرتهم للمرأة دونية وOppressive فعﻻً
2- الاجنبي بالتأكيد في العموم يحترم المرأة كانسان كامل مساوي له اكتر من المصري
3- اللي تﻻقي اجنبي ومتفقة معاه في منظومة القيم (مثﻻً: مفيش طﻻق) تتجوزه طبعاً وماتعيشش في مصر...هو انتي متجوزة اجنبي عشان تفضلي قاعدة في نفس ال******** ؟

4- جوسبل اوف تروث....انا متفق معاكي في كلللل حاجة عن الرجالة المصريين

5- فيه استثناءات فينا كرجالة....بس كل المنفتحين واللي بيفهموا اللي اعرفهم قرفوا من البلد ومن باقي "الرجالة" الناقصين...ومش طايقين يقعدوا في البلد ومعظمهم سافر او بيحاول...

 

[Strident]

كنت لسه باقول لانجل امبارح....ان الرجل الشرقي ظلم المرأة الشرقية مرتين...مرة لما قمعها وخﻻها اقل منه...والتانية لما اقنعها ان كده طبيعي وانها المفروض تبقى مبسوطة...

فبقت الست تطلع ومتخيلة المعاناة اللي هي فيها دي قمة النعمة...
ودي اسوأ حاجة ممكن تعملها في بني ادم...


وعشان تعرفي ان معظم الشباب ﻻ يحتمل مساواة المرأة به كانسان حقيقي...

اسأليهم الاسئلة دي:

1- هل المرأة ناقصة بدون زواج؟ هل هي اقل من المرأة المتزوجة؟ طب وهل الرجل غير المتزوج اقل من الرجل المتزوج؟

2- لو هتاخد قرار مهم....هل مستعد تسمع راي مخالف من زوجتك، خصوصاً لو طلعتك غلطان؟ وﻻ الكلمة الاخيرة ﻻزم ليك، او على الاقل، بسماح منك؟

 

[girgis2]

بالرغم اني كاره أكتب أي حاجة في موضوع زي كدة لأنه مليء بالعصبية والاهانات والنرفزة على الراجل المصري دا غير انه أصبح موضوع مش محدد على حاجة معينة دلوقتي !!

لكن أنا عايز أعلق على حاجة يا أخ جوني
وسبب تعليقي انك حددت حاجة معينة وهي:

وعشان تعرفي ان معظم الشباب ﻻ يحتمل مساواة المرأة به كانسان حقيقي...

اسأليهم الاسئلة دي:

1- هل المرأة ناقصة بدون زواج؟ هل هي اقل من المرأة المتزوجة؟ طب وهل الرجل غير المتزوج اقل من الرجل المتزوج؟

لا ثم لا فلا
المسألة مش مسألة أقل ولا ناقص ولا زائد
المسألة مسألة ان المجتمع بيحكم على الانسان (سواء راجل أو ست) مش متجوزين على انهم فيهم حاجة غلط لأن دي احتياجات ولازم تتسدد في اطارها الشرعي وفي النقطة دي المجتمع مش غلطان
بس طبعاااا اطارها الشرعي ده أصبح مش بالسهل نظرااا للظروف أو ممكن نظرااا لطموح الشخص نفسه الله أعلم
الا بقى لو كان انسان طالب رهبنة دي حاجة تانية
وكل واحد ودماغه بقى


2- لو هتاخد قرار مهم....هل مستعد تسمع راي مخالف من زوجتك، خصوصاً لو طلعتك غلطان؟ وﻻ الكلمة الاخيرة ﻻزم ليك، او على الاقل، بسماح منك؟

أيوة طبعاااا
أمال هتكون سندي ازاااي ؟؟
الموضوع مش موضوع أنا غلطان ولا مين صاحب الكلمة الأخيرة

الموضوع كله في طريقة كلامها أو اسلوبها لأن المرأة الحكيمة تعرف ازاي تحاور صح بدون أن تفرض الندية وكأنها داخلة حرب ومين فينا هيكسب !!

آدي اجاباتي لكن هرجع وأقولك ان المسألة مش مساواة بس
المسألة مسألة حرية كمان
والمسئولية الحقيقية لابد يكون معاها حرية (ولكن مقيدة بنسبة)
وبتختلف النسبة دي من شخص لآخر ومن جيل لآخر ومن مجتمع لآخر وهكذا

ومش شرط ان فيه اختلاف في النسبة دي يبقى الاختلاف ده هو سر تقدم أو تخلف الشعوب
لأن السر في التعليم ونظامه
هل هو نظام مش بيبخل بالمعلومة وبيكتشف القدرات والكفاءات اللي في كل دارس وبيعرف يستغلها صح وبيبدع فيها ولا لأ ؟؟
سعتها العلم نفسه هيكون متعة
الموضوع معقد جدااا

هديلك مثال للحرية...........
أنا - ولله الحمد - لسه ماتجوزتش
لكن تخيلت نفسي اني أب وشايف ابني أو بنتي كبر وعايز ياخد قرار مصيري لحياته وأنا بحكم خبرتي شايف انه مش صح (وقد أكون مخطيء)
فلو حكموا رأيهم وطلعوا مخطئين وجات العواقب على دماغهم
هتقولي طبعاااا انهم أحرار طالما هما كبروا ونضجوا يتحملوا العواقب
موافقك بس تفتكر أنا هل هكون مبسوط ؟؟
طبعاااا أنا معرفش الغربيين هما بيربوا أبنائهم ازاي بس دا ممكن يكون منظومة كاملة داخل فيها ثقافة المجتمع والنظام الحاكم نفسه مش الأسرة بس

خد مثال تاني .........
بالنسبة لحرية اللبس (بالنسبة للست)
أي ست ماشية في الشارع أنا مليش دعوة بيها
لكن لو الست دي مراتي فهل مغيرش عليها ؟؟
هتقولي مثلاااا مينفعش تخلي الغيرة مبرر عشان تتحكم في لبسها
هقولك المسألة مش مسألة تحكم ولكن دي مشاعر ناتجة عن حب واهتمام متبادل ومينفعش تقولي أنسى الغيرة

بس طبعاااا في النهاية بسبب ان الغرب آخر حاجة عندهم بيفكروا فيها هي اللبس فممكن لا تقتنع برضة بكلامي
أوممكن تأفور معايا في الكلام وتقولي: لبسها نقاب أو متنزلهاش من بيتك أحسن (وطبعاااا دا كلام بالنسبة ليا مش مظبوط ومش في دماغي أصلاااا وسعتها هتكون اهانة لتفكيري)

طبعاااا أنا بفترض الحوار عشان عارف الأفكار أو بعضها بتقول آيه بالظبط

​

 

[Critic]

طيب يا جماعة الراجل المصرى متنيل بستين نيلة اوى كدة , واجعين دماغكوا ليه ؟
ما تتجوزا واحد اجنبى من غير ما تقطعوا فروته بالشكل المبالغ فيه ولا التعميم ده !

 

[Strident]

جرجس:

انا عندي رد لكﻻمك على فكرة

بس انا هاسيبك لانجل بقى هي هترد كويس

هو بس النقطة الاولى اللي ﻻزم اعلق عليها انا....انت ليه خلطت نظرة المجتمع والاحتياجات الجنسية...بان المرأة ناقصة او كاملة بدون زواج؟

خﻻص هاسيبك لانجل بقى بس نصيحة راجع تعليقك

 

[girgis2]

جرجس:

انا عندي رد لكﻻمك على فكرة

بس انا هاسيبك لانجل بقى هي هترد كويس

هو بس النقطة الاولى اللي ﻻزم اعلق عليها انا....انت ليه خلطت نظرة المجتمع والاحتياجات الجنسية...بان المرأة ناقصة او كاملة بدون زواج؟

خﻻص هاسيبك لانجل بقى بس نصيحة راجع تعليقك

يعني أنا بجاوب عليك أنت وبتكلم معاك أنت وأنت تقولي أنجل هترد كويس ؟؟!!!

طيب والله كويس منك !!!

على فكرة أنا علقت على كلامك لأني حسيت ان كلامك محدد وهادي شوية ولو كنت عايز أرد كنت رديت على أي حد تاني

بس واضح ان حتى دي أنا كنت فيها غلطان ومكنش المفروض أدخل نفسي في مهاترات زي كدة أصلاااا

هو الموضوع ده واضح انه أحادي

بالنسبة لسؤالك أنا مش بخلط لكن المجتمع ده مش راجل وست برضة ونظرتهم للي مش متجوز بتكون كدة ؟؟

شكرااا لذوقك
تسجيل خروج من الحوار معاك ومن الموضوع كله
​

 

[Desert Rose]

ياجماعة بقولكوا ايه انا بجد تعبت
انا اصلا مش عامله الموضوع علشان نقارن بين المصرى والاجنبى انا عاملاه علشان اتكلم فى نقطة وهى الطلاق
وقولت اكتر من مرة مش بقاااااااااااااااااااااااااااارن
لكن ازاى ؟ لازم ندخل المواضيع فى بعضها ونتخانق والموضوع يتقفل
انا سايبه الموضوع اعملو فيه اللى انتو عايزينه
سلام

 

[Strident]

يعني أنا بجاوب عليك أنت وبتكلم معاك أنت وأنت تقولي أنجل هترد كويس ؟؟!!!

طيب والله كويس منك !!!

على فكرة أنا علقت على كلامك لأني حسيت ان كلامك محدد وهادي شوية ولو كنت عايز أرد كنت رديت على أي حد تاني

بس واضح ان حتى دي أنا كنت فيها غلطان ومكنش المفروض أدخل نفسي في مهاترات زي كدة أصلاااا

هو الموضوع ده واضح انه أحادي

بالنسبة لسؤالك أنا مش بخلط لكن المجتمع ده مش راجل وست برضة ونظرتهم للي مش متجوز بتكون كدة ؟؟

شكرااا لذوقك
تسجيل خروج من الحوار معاك ومن الموضوع كله
​

انا مش فاهم خدت الموضوع على اعصابك ليه...

ارحم اكاونتي....انا حاولت ابعد عن المناقشة عشان الاكونت ورم من الفصل خﻻص بسبب التعبير عن رايي....

 

[Strident]

انا معرفش ايه اللي ضايقك بصراحة بس امام الجميع اعتذر عنه مهما كان...

 

[Strident]

وملحوظة: انا كنت اقصد بنظرة المجتمع لغير المتزوجة انها "بايرة" وبيمارس عليها ضغوط....وماجاش في بالي احتياجات جنسية خالص!

 

[Desert Rose]

جونى انا مزعلتش منك اساسا علشان تعتذر
ولازعلت من تروث بردو علشان تفهمش انى زعلانة منها
اوكى ؟
معلش بعد اذنكوا هقفل الموضوع لانه اخد منحنى تانى خالص
وشكرا على حسن تعاونكم :Love_Letter_Send:

 

[Dona Nabil]

يغلق بحسب رغبة صاحبة الموضوع
سلام ونعمه​