هههههه هكلمك باللغة اللى بتحبها وتفهمها
بص ياسيدى , عارف ال DNA عارف الجينات؟ دلوقتى انا جبت شخص او كائن وعملت فيه مجموعة طفرات جينية بأى طريقة وغيرت الخريطة الجينية بتاعته , مثلا عينيه كانت بنى خليها ازرق اى حاجة
دلوقتى ده لما يتجوز ويخلف الولاد اللى هيجيبهم هيكونو مشابهين لاى خريطة جينية , لخريطته الاصلية ولا للجينات الجديدة اللى استحدثت فيه ؟ اى لطبيعته الجديدة بعد الطفرات الجينية ؟
اكيد لطبيعته لجديدة
ده نفس اللى حصل مع ادم ونسله
ادم اتخلق فى حالة براءة وعلاقة مباشرة مع ربنا ديه كانت طبيعته الاصلية الاولى
هو بقا حب يجرب حاجة جديدة , زى ما الشيطان قال لحواء ان لما تاكلو من الشجرة هتصيرو مثل الله
قال وماله نجرب
اكل من الشجرة وكسر الوصية وسقط فى الكبرياء والميل للانفصال عن الله
طبيعته اتغيرت تماما واصبح منفصل عن الله ومش ممكن يتواجد فى محضر الله وهو منجس بالخطية
تفتكر لما يخلف نسله هيكون على اى طبيعة ؟
طبيعة البراءة الاولى ؟ ولا طبيعته الجديدة الميالة للفساد اللى اصبح عليها بعد السقوط ؟؟؟؟؟؟؟؟
اكيد الطبيعة التانية , وده اللى احنا اخدناه
مثلا , احنا بنقول ان الاطفال ملايكة وعندهم براءة وشفافية وده فيه جزء من الحقيقة مش كلها
تعرف ليه ؟ لان الاطفال مش عندهم براءة كاملة
هاتلى طفل مش بيعند مع والديه , العند ده جابه من فين ؟ من الطبيعة الميالة للسقوط اللى هو وراثها
هاتلى طفل بيسمع الكلام على طول , مفيش
طيب ده جاله من فين رغم ان عمره ممكن ميتعداش السنة
من الطبيعة الفاسدة اللى موجودة جواه
