( الحب من أول حرف) !!!!!!!!

[بنت الفادى]

هو انا عملت حاجه الفكره فكرتك يا راامووو:16_4_10: :16_4_10:
بص كده يا رامى هتلاقيهم كلهم متفقين معانا
وانا كمان معاكم فى ان لو اتعرفوا على النت وكملوا علاقتهم على الطبيعى
ممكن تنجح!!!:dntknw:
لكن احنا بنتكلم على الحب الكامل اللى على النت
يعنى مع بعض معظم الوقت بس لا صوت ولا صوره
ولو فى صوت وصوره بالكام والميك تفتكرى هتقدرى تحددى مدى صدقه بيلعب ولا جد
الكام حاجه وانه يبقي قدام منك حاجه شايفه نظراته حركاته رد فعله
ده مش هيبقي حب
يمكن يكون تعود اه (( انا بكلم الانسان ده كل يوم وبقينا فاهمين بعض وحاسه بمشاعر ليه))
بس كل ده وهم ليييييييه؟؟؟ لان هو بيدكى صوره عنه يمكن مش فيه لكن الطبيعى مفيش
احسن منه على رأى هيما لانكوا بتنزلوا من الوهم((واقصد على علاقات الحب بس لكن الصداقه ممكن تكونى صداقات بجد على النت)) لأرض الواقع وتخيلى بقي لو الموضوع جد
وكلم عائلتك هنا بقي الاصددام بالحياه واحد فاضي وقاعد كل وقته على النت هترتبطوا ازااااى
بس يا جماعه فيه ناس جد وبتقعد على النت وممكن ترتبط وتحب بجد وبكل صدق بس زى ما
ميريت قالت 5% ودى مش نسبه قليله
فياريت نطبق نظام ((حرص ولا تخونش)) لان الحب ده لو مفهوش الأسس اللى قولناها ودى كبدايه
يبقي مش حب
وشكرا لمشاركتكم كلكم واحد واحد:36_3_11: ​

كلامك صح مليون الميه يا جيرل
لازم نفكر كويس قوى ونفهم الموضوع دا كويس قوى
ونخلى بالنامن نفسنا
لانى كتير بقولو ويعيدو عن نفسهم ويطلع الكلام غلط
دا مش كدا بس
لا دا فى شبابا بتعد على النت مخصوص علشان تقنع البنات انها بتحبها وانها على دينها كمان
ويطلع بيلعب لغرض معين فى دماغه
الموضوع دا مهم قوى للبنات خصوصا انهم يفهمو كويس قوى
مش اى حد تتكلم معاه وتصدقه
مش اى حد تديه معلومات خاصه عنك وعن عائلتك ومشاكلك
معلش انا اسفه خرجت عن الموضوع بس انا افتكرت موضوع مهم قوى كان موجود فى موقع الاقباط متحدين
بنت من اسكندريه اتعرفت على واحد من شرم الشيخ وحبو بعض والواد جاى اسكندريه يقابلها البنت مرجعتش البيت تانى
والشاب دا كان مفهمها انو من دينها مسيحى يعنى
بعد كدا اكتشفو العكس
ربنا يحافظ علينا ويرحمنا​

 

[girl_in_jesus]

صح يا بنت الفادى كتير من الشباب الغير

مسيحين بنتهزوا الفرصه دى وبيكلموا البنات المسيحين علشان كده

وده مش فى النت ده كمان فى الحقيقه بيقولوا انهم مسيحين

علشان يوقعوا بنات فلاااااااااااااااازم نخلى بالنا

احنا بنتكلم مع مين وهنقول ايه

بس علشان منطلعش من موضوعنا لازم تتأكدى من ديانته كمان

ودى كمان من اسس الحب يعنى الصدق انه يقولك انا مسيحى

او غير كله بيرجع للصدق وده مش هتقدرى تحدديه من الشات​

 

[Badr]

برافو عليك يا رامي بجد موضوع هايل ,
و المشكله دي منتشره بصوره تحسسك ان الشات او النت اتعمل عشان الاخوه الحبيبه , تلاقي ياعيني الواد من دول داخل ع النت بيتلكك لاي بنت عشان يحبها ( يعني م الاخر كده بيحب على نفسه ) .. و لما يلاقيها يروح راسم نفسه و يفتح لها الكاميرا بقى و يعمل نفسه بيتكلم في الموبايل و يمسك الموبايل بايده الشمال عشان يوريها انه لابس الساعه ,,, و هي بقى تروح عايشه في دور باكينام بنت الاكابر , ولما الوقت يسرقها و تلاقي ان الفلوس اللي معاها مش هاتكفي تستأن منه عشان ميعاد درس البيانو ... بجد والله حاجات غريبه شباب ماعندوش عقل ,, بس برضه عشان مانظلمش في شباب صادق و محترم و انا كان ليا زميله ايام الجامعه اتجوزت شاب سوري اتعرفت عليه من ع النت ,,
بس هل الجواز بالطريقه دي ممكن ينجح من غير الشروط اللي رامي حطها ؟؟؟؟؟ ما اعتقدش .

 

[artamisss]

انا بعتبر ان الشات بين المسيحين والحب على النت بين الشباب المسيحى عامل زى الجواز العرفى مع الاختلالالالالاف طبعا بس النظريه فى ايه ان الاتنين مابيقدروش يعيشوا فى الواقع ومابيلاقوش الحب ولا الاهتمام فى اواقع وفى نفس االوقت هما اصلا طالعين ضعفاء ميعرفوش ازاى اخختار شريك حياتى
يعنى ايه حب
يعنى ايه جواز يعنى ويعنى ويعنى ؟؟؟؟؟؟؟ فاتلاقي البنات تجرى ورا الواد اللى بيهتم بيها ويرن عليها وراحه جايه يكلمها والواد نفسه كذلك لما يلاقى اخر اليوم واحده ترن عليه تكلمه عملت ايه فى شغلك ومعرفش ايه وهما الاتنين ماشااااااااافوش بعض اصلا
بس مجرد تعود انتج عنه تعلق بسبب شعور بالاحتياااج فى الاصل

شكرا يا رامى انت وجيرل على الموضوع ربنا يباركو وتنزلوا كمان

 

[ramyghobrial]

هو انا عملت حاجه الفكره فكرتك يا راامووو:16_4_10: :16_4_10:

​

عيب تقولي كدة
الفكرة كانت عندي بس انتي اللي حولتيها لنقاط كدة
ثانكس ياجيرل:36_3_11:​

 

[ramyghobrial]

برافو عليك يا رامي بجد موضوع هايل ,
و المشكله دي منتشره بصوره تحسسك ان الشات او النت اتعمل عشان الاخوه الحبيبه , تلاقي ياعيني الواد من دول داخل ع النت بيتلكك لاي بنت عشان يحبها ( يعني م الاخر كده بيحب على نفسه ) .. و لما يلاقيها يروح راسم نفسه و يفتح لها الكاميرا بقى و يعمل نفسه بيتكلم في الموبايل و يمسك الموبايل بايده الشمال عشان يوريها انه لابس الساعه ,,, و هي بقى تروح عايشه في دور باكينام بنت الاكابر , ولما الوقت يسرقها و تلاقي ان الفلوس اللي معاها مش هاتكفي تستأن منه عشان ميعاد درس البيانو ... بجد والله حاجات غريبه شباب ماعندوش عقل ,, بس برضه عشان مانظلمش في شباب صادق و محترم و انا كان ليا زميله ايام الجامعه اتجوزت شاب سوري اتعرفت عليه من ع النت ,,
بس هل الجواز بالطريقه دي ممكن ينجح من غير الشروط اللي رامي حطها ؟؟؟؟؟ ما اعتقدش .

ههههههههههههه حلوة الحتة بتاعه باكينام دي
وشكرا يابدر بجد انت منور
وبعدين سيبك انت على راي هيما مفيش احسن من الحب الطبيعي

 

[ramyghobrial]

انا بعتبر ان الشات بين المسيحين والحب على النت بين الشباب المسيحى عامل زى الجواز العرفى مع الاختلالالالالاف طبعا بس النظريه فى ايه ان الاتنين مابيقدروش يعيشوا فى الواقع ومابيلاقوش الحب ولا الاهتمام فى اواقع وفى نفس االوقت هما اصلا طالعين ضعفاء ميعرفوش ازاى اخختار شريك حياتى
يعنى ايه حب
يعنى ايه جواز يعنى ويعنى ويعنى ؟؟؟؟؟؟؟ فاتلاقي البنات تجرى ورا الواد اللى بيهتم بيها ويرن عليها وراحه جايه يكلمها والواد نفسه كذلك لما يلاقى اخر اليوم واحده ترن عليه تكلمه عملت ايه فى شغلك ومعرفش ايه وهما الاتنين ماشااااااااافوش بعض اصلا
بس مجرد تعود انتج عنه تعلق بسبب شعور بالاحتياااج فى الاصل

شكرا يا رامى انت وجيرل على الموضوع ربنا يباركو وتنزلوا كمان

شكرا ليكي انتي ياديانا انك شاركتي في الموضوع
وبعدين انتي برضة مش وضحتي
هل النقط اللي احنا حطيناها دي
ناقصة نقطة مهمه ولا انتي معانا في ان هما دول اللي يترجمو لحب حقيقي ؟؟؟

 

[girl_in_jesus]

ثانكس ايه بس:new2: انت الخير والبركه
وعلى العموم العفو يا راامو
وفعلا بدر بيأكد وجهت النظر اللى قولناها بتاعت انه يكون بواب او شغال فى سايبر بيقولك انا فى الفيلا والكلام ده انا شايفه ان كله بيرجع للصدق
وشكرا لمرورك يا دودو
بس ايه المانع ان يكون تعارفهم على النت كبدايه لكن الحب الحقيقي لازم بدايه تكون كده​

 

[ميرنا]

اخيرااااااااااااااااااااااااااااااااااااااااا يا رامى نزلته بس بجد رائع انتا وجيرو

المهم طبعا رائى مش هيختلف كتير عن كل الاراء اللى بجد كلها واقعيه وصح
وعجبنى رائى ميريت جداا

انا مش مع الحب علي النت بس انا مع الحب عن طريق النت

بس يجماعه الانسان الجد بيبان حتى لو على النت بيبان طريقه كلامه طريقه اهتمامه للموضوع عاوز فعلا يتعرف عليكى اكتر حجات كتير بتوضح ده

 

[ramyghobrial]

اخيرااااااااااااااااااااااااااااااااااااااااا يا رامى نزلته بس بجد رائع انتا وجيرو

المهم طبعا رائى مش هيختلف كتير عن كل الاراء اللى بجد كلها واقعيه وصح
وعجبنى رائى ميريت جداا



بس يجماعه الانسان الجد بيبان حتى لو على النت بيبان طريقه كلامه طريقه اهتمامه للموضوع عاوز فعلا يتعرف عليكى اكتر حجات كتير بتوضح ده

معلشي بقة اخد وقت علشان يطلع بالشكل دة
بس خلي بالك ياميرنا سهل اوي ان واحد يمثل دور الجد وانة صادق ويلعب على بنت ويعلقها بية
والصدق من ورا الشاشة مش بيبقى واضح اوي

 

[ارووجة]

ارووجة الرائعه دايما بكتابتها
اولا بحييكي وبشكرك جدا على ردك المطول دة
بس انتي واضح من كلامك حاجة
انك موافقة عن الحب عن النت بتوافر الصدق بس
هل انتي شايفة ان الميزة دي بس اللي تنفع وخلاص لنجاح علاقة بدايتها تعارف من النت ؟؟؟؟؟؟

مرسي ليك اخي...

طبعا الميزة دي لوحدها مش هتنفع ...بس هي من الاساسيات المهمة في هناك اشياء كمان تانية مهمة
العلاقة بين طرفين والمحبة مبنية على الصدق والتفاهم وتشابه بين الطرفين والتصرف والاخلاق ......

يعني كان شخص صادق وبيكلم بصدق
ممكن تحبه او ممكن لا...عشان حاجات تانية ماتنطبقش عليك
او ممكن تعتبره متل اخ...
يعني مو اساس بس للحب هو كمان احدى الاساسيات للصداقة اخوة وكده يعني
الصدق حاجة تمينة جدااااا
منفتقدها كتيررر بهالايام
بكل المجالات بالحياة الاجتماعية والسياسة....
لو كانت بكل انسان اكيد مع المحبة ماكان في مشاكل بالدنيا

 

[artamisss]

اكيد طبعا دى اسس طبيعيه لاى حب وبعدين يارامى انا موقفى باين من كلامى
ان مفيش حب على النت دى حييييييييييييطه بينى وبين اللى قدامى هاحبه ازاى

ده يبقى تعلق علشان الشباب مش لاقى الحب فى الواقع فابيعيش الحاجات اللى ناقصاه فى حياته على النت وتعتبر ارخص وسيله اتصال بين الناس

 

[girl_in_jesus]

مرسيي يا ميرنا
و فعلا زى ما رامى قال ممكن اى حد يمثل الصدق
لكن هو بيلعب ومش صادق ولا بيحب بجد
وعلشان البنات طيبين مش بيعرفوا الصادق وبيحبوا كده:new2:

الصدق حاجة تمينة جدااااا
منفتقدها كتيررر بهالايام
بكل المجالات بالحياة الاجتماعية والسياسة....

صح يا اروجه انا معاكى فى دى جداااا
بس بنقول لو متوافق فى كل ده يبقي ساعتها اهم حاجه الصدق بقي

ان مفيش حب على النت دى حييييييييييييطه بينى وبين اللى قدامى هاحبه ازاى

ده مختصر مفيد لان مفيش اى تواصل بينهم وبين بعض​

 

[ميريت]

لكن احنا بنتكلم على الحب الكامل اللى على النت

يعنى مع بعض معظم الوقت بس لا صوت ولا صوره
ولو فى صوت وصوره بالكام والميك تفتكرى هتقدرى تحددى مدى صدقه بيلعب ولا جد
الكام حاجه وانه يبقي قدام منك حاجه شايفه نظراته حركاته رد فعله
ده مش هيبقي حب
يمكن يكون تعود اه (( انا بكلم الانسان ده كل يوم وبقينا فاهمين بعض وحاسه بمشاعر ليه))
بس كل ده وهم ليييييييه؟؟؟ لان هو بيدكى صوره عنه يمكن مش فيه لكن الطبيعى مفيش
احسن منه على رأى هيما لانكوا بتنزلوا من الوهم((واقصد على علاقات الحب بس لكن الصداقه ممكن تكونى صداقات بجد على النت)) لأرض الواقع وتخيلى بقي لو الموضوع جد
وكلم عائلتك هنا بقي الاصددام بالحياه واحد فاضي وقاعد كل وقته على النت هترتبطوا ازااااى
بس يا جماعه فيه ناس جد وبتقعد على النت وممكن ترتبط وتحب بجد وبكل صدق بس زى ما
ميريت قالت 5% ودى مش نسبه قليله
فياريت نطبق نظام ((حرص ولا تخونش)) لان الحب ده لو مفهوش الأسس اللى قولناها ودى كبدايه
يبقي مش حب​

بصي يا بسمه حتي لو فيه ناس جد
بس انا مش مع
long distance relationship ​

انا مش بفضل النوع دا من العلاقات
فيه حجات كتير اوي مش بتبان غير في المواجهه
حتي لو الانسان الي معايا دا صادق بس مينفعش تنحصر العلاقه علي النت وبس
حتي لو مقابلات كل فتره
بس المهم تحصل مواجهه وتكون العلاقه في حدود الادب وتكون بعلم الاهل​

النت ممكن يطور العلاقه او يكون سبب فيها
لكن يكون حاجه اساسيه فيها مينفعش​

 

[ميريت]

انا بعتبر ان الشات بين المسيحين والحب على النت بين الشباب المسيحى عامل زى الجواز العرفى مع الاختلالالالالاف طبعا

يلاهوي يا ديانا علي التعابير ايه يابنتي دا
انتي عممتي الحكايه الشات عامه بين المسيحين مع الحب علي النت
وقارنتيهم بالجواز العرفي

هنخالي التعبير جايز
يعني معني كدا انك بتقولي اي علاقه يبقا النت سببها بتفشل ؟؟؟؟؟ ومينفعش تعيش في الواقع
ولا ايه رايك؟؟؟؟؟

مابيلاقوش الحب ولا الاهتمام فى الواقع وفى نفس االوقت هما اصلا طالعين ضعفاء ميعرفوش ازاى اخختار شريك حياتى
يعنى ايه حب
يعنى ايه جواز يعنى ويعنى ويعنى ؟؟؟؟؟؟؟ فاتلاقي البنات تجرى ورا الواد اللى بيهتم بيها ويرن عليها وراحه جايه يكلمها والواد نفسه كذلك لما يلاقى اخر اليوم واحده ترن عليه تكلمه عملت ايه فى شغلك ومعرفش ايه وهما الاتنين ماشااااااااافوش بعض اصلا
بس مجرد تعود انتج عنه تعلق بسبب شعور بالاحتياااج فى الاصل

طيب ماهو اي حب ممكن يتكون عن طريق النت او عن طريق الواقع بيبقا الاهتمام عنصر اساسي فيه يعني ممكن اي علاقه تبتدي سواء من النت او من بره النت عن الطريقه دي
بس الاهم بقا هيستخدموا عقلهم بعد كدا ولا لاء
يعني لو حصل واتقابلوا ولقوا مفيش كيمياء
هل هيكملوا ولا لاء
هل هيكملوا عيشه في الوهم ولا لاء
هل لو فيه فروق اجتماعيه هتتلاشي ولا لاء
هل وهل وهل وهل
حجات كتير اوي
المفروض تتحسم
عشان العلاقه تكون ناجحه
سواء اساسها النت او مش اساسها النت
المهم واهم شي انه يحصل مواجهه
صح يادودو ولا انتي رايك ايه؟؟؟؟

 

[ميريت]

اخيرااااااااااااااااااااااااااااااااااااااااا يا رامى نزلته بس بجد رائع انتا وجيرو

المهم طبعا رائى مش هيختلف كتير عن كل الاراء اللى بجد كلها واقعيه وصح
وعجبنى رائى ميريت جداا



بس يجماعه الانسان الجد بيبان حتى لو على النت بيبان طريقه كلامه طريقه اهتمامه للموضوع عاوز فعلا يتعرف عليكى اكتر حجات كتير بتوضح ده

مرسي يا ميرنا
بس دي حاجه ميختلفش عليها 2
انه النت مفيش منه اي مشكله انه يكون سبب في التعارف
لكن انك تحصري كل العلاقه عليه دي حاجه مرضيه

 

[ميريت]

معلشي بقة اخد وقت علشان يطلع بالشكل دة
بس خلي بالك ياميرنا سهل اوي ان واحد يمثل دور الجد وانة صادق ويلعب على بنت ويعلقها بية
والصدق من ورا الشاشة مش بيبقى واضح اوي

ماهو عشان كدا يارامي بقول انه لازم تحصل مواجهه ومش مره او 2 لا كتير

هنا هيبان اذا كانت المشاعر صح ولا غلط هتزيد ولا هتقل

 

[ramyghobrial]

تمام ياشباب وانا مش معترض عليكي ياديانا
انا موافق على كلامك جدا

 

[girl_in_jesus]

بصي يا بسمه حتي لو فيه ناس جد
بس انا مش مع
long distance relationship
انا مش بفضل النوع دا من العلاقات
فيه حجات كتير اوي مش بتبان غير في المواجهه
حتي لو الانسان الي معايا دا صادق بس مينفعش تنحصر العلاقه علي النت وبس
حتي لو مقابلات كل فتره
بس المهم تحصل مواجهه وتكون العلاقه في حدود الادب وتكون بعلم الاهل
النت ممكن يطور العلاقه او يكون سبب فيها
لكن يكون حاجه اساسيه فيها مينفعش​

كده انتى متفقه معانا وده اللى احنا قولناه مختلفناش كتيرر
وانا اقصد فى مشاركتى انه ممكن يكون صادق معاها انه يبتدى علاقتهم نت
ومقصدش كل العلاقه نت لانها كده مش جد اكيد لازم الاسس اللى حطناها
​

 

[ميريت]

كده انتى متفقه معانا وده اللى احنا قولناه مختلفناش كتيرر
وانا اقصد فى مشاركتى انه ممكن يكون صادق معاها انه يبتدى علاقتهم نت
ومقصدش كل العلاقه نت لانها كده مش جد اكيد لازم الاسس اللى حطناها​

ماهو ممكن يكون داخل مش جد في الاول بس رجله تقع في الخيه قصدي يحبها
مش شرط برضه
بس اهم حاجه انه يتكسر حاجز النت