- إنضم
- 10 نوفمبر 2010
- المشاركات
- 8,448
- مستوى التفاعل
- 1,987
- النقاط
- 113
من 3 سنين تقريبا , ماما تعبت شوية , مش كنا عارفين ايه السبب , عملنا تحاليل, وفى اليوم اللى جبنا فيه نتيجة التحليل , كان اصعب وابشع يوم مر عليا
كان تحليل دم , وكان فيه حاجة فى التحليل بتقول ان ممكن يكون فيه حاجة مش كويسة عند ماما , احنا لسه مش متأكدين , بس لما قرينا التحليل اخويا وانا شكينا فى الموضوع , وتقريبا كنا عمالين نبص لبعض واحنا بنقول هى اكيد هتطلع حاجة وحشة , لان مفيش سبب تانى للنتايج ديه غير كده
المهم , طبعا مش قولنا اى حاجة لماما وقولنا نستنى لغاية ما نعمل تحاليل اكتر ونعرف سبب المشكلة
اليوم ده , دخلت اوضتى انام ( اصلا منمتش ) وجوايا جبل من الاحزان والافكار عماله تودى وتجيب , وكل اللى كان شاغل بالى , انه معقول هى ديه النهاية ؟ وقعدت مع نفسى وكل حاجة مرت قدامى كأنها شريط سينما , وانا ببكى بس بصوت مكتوم علشان محدش يسمعنى وخصوصا ماما طبعا
عماله افتكر كل المرات اللى اختلفت معاها فيها , وبالاكتر وديه يمكن كانت اكتر حاجة كاسرة قلبى وقتها , المرات اللى ضيعت فرص كتير اوى مقولتش فيها انا بحبك ياماما , او وحشتينى , واكتشفت انى اصلا تقريبا عمرى ما قولتها , يمكن بقولها لاصحابى ومش بقولها ليها
يمكن لاننا بناخد حب الاهل , حاجة كده عادية اتعودنا يكونوا موجودين فمش بنهتم نظهر حبنا ومشاعرنا , بالعكس بالاكتر بنظهر غضبنا واحباطنا منهم اكتر من الحب
وكل اللى شغل بالى الليلة ديه وانا ببكى , لو طلع فيه حاجة وحشة ( بعد بعد الشر ) ياترى هلحق اعبر عن حبى ؟هل هيسعفنى الوقت اعوض كل السنين والوقت اللى ضيعته من غير ما اقولها انا قد ايه بحبها ؟
المهم , نشكر ربنا عملنا تحاليل اكتر , والحمد لله اشكر الرب يسوع , الرب خيب ظنونا السوداء وطلع مفيش اى حاجة وحشة عند ماما , وعرفنا سبب التعب ومكانش حاجة خطيرة واتعالج وماما بقت كويسة اشكر الرب يسوع
بس من الوقت ده , بقيت بحاول , اقولها بحبك ياماما اكتر من الاول , واعبرلها عن حبى وتقديرى ليها ولكل اللى عملته وبتعمله علشانى
فى الايام اللى فاتت , حصلت حاجات معايا وقدامى خلتنى افتكر ( لاننا بننسى اوقات ) ان الحياة قصيرة اوى اوى اوى
ممكن اللى بنحبهم مش نلاقيهم فجأة , ونفضل نندم ليه مقولتش بحبك مع ان كان فيه فرص كتير اقولها فيها ؟
متضيعوش الفرصة , قولوا بحبك لكل حد بتحبوه , ولكل حد اختلفتوا معاه , ولكل حد فهمتوه غلط او فهمكو غلط او حصل سوء تفاهم
الموضوع مفتوح لاى حد عايز يدخل يعبر عن حبه لاى حد فى حياته او هنا فى المنتدى
انا بعبر عن حبى لكل حد هنا فى المنتدى ,و الاشخاص اللى اختلفت معاهم وكان فيه بينا سوء تفاهم , انا بعتذر , معرفش مين اللى غلطان , بس كلمة انا أسفة حتى لو مش انا اللى غلطانة , مش هتضرنى لو هتخلينى اكسب شخص , انا اسفة
بحب الكل , وفيه اشكال كتيرة من الحب , ممكن يكون فيه مسافات بينا , ممكن منكونش بنتكلم مع بعض , ممكن منكونش نعرف بعض او اتعرفنا على بعض بالشكل الكافى هنا , لكن يكفى نكون بنحمل مشاعر ايجابية لبعض , والمشاعر ديه بتوصل حتى لو كانت المسافات بعيدة ووقتنا ضيق , يكفى اننا نكون فى صلاة بعض وفى فكر بعض بالخير
الانسان اهم حاجة فى الحياة
كان تحليل دم , وكان فيه حاجة فى التحليل بتقول ان ممكن يكون فيه حاجة مش كويسة عند ماما , احنا لسه مش متأكدين , بس لما قرينا التحليل اخويا وانا شكينا فى الموضوع , وتقريبا كنا عمالين نبص لبعض واحنا بنقول هى اكيد هتطلع حاجة وحشة , لان مفيش سبب تانى للنتايج ديه غير كده
المهم , طبعا مش قولنا اى حاجة لماما وقولنا نستنى لغاية ما نعمل تحاليل اكتر ونعرف سبب المشكلة
اليوم ده , دخلت اوضتى انام ( اصلا منمتش ) وجوايا جبل من الاحزان والافكار عماله تودى وتجيب , وكل اللى كان شاغل بالى , انه معقول هى ديه النهاية ؟ وقعدت مع نفسى وكل حاجة مرت قدامى كأنها شريط سينما , وانا ببكى بس بصوت مكتوم علشان محدش يسمعنى وخصوصا ماما طبعا
عماله افتكر كل المرات اللى اختلفت معاها فيها , وبالاكتر وديه يمكن كانت اكتر حاجة كاسرة قلبى وقتها , المرات اللى ضيعت فرص كتير اوى مقولتش فيها انا بحبك ياماما , او وحشتينى , واكتشفت انى اصلا تقريبا عمرى ما قولتها , يمكن بقولها لاصحابى ومش بقولها ليها
يمكن لاننا بناخد حب الاهل , حاجة كده عادية اتعودنا يكونوا موجودين فمش بنهتم نظهر حبنا ومشاعرنا , بالعكس بالاكتر بنظهر غضبنا واحباطنا منهم اكتر من الحب
وكل اللى شغل بالى الليلة ديه وانا ببكى , لو طلع فيه حاجة وحشة ( بعد بعد الشر ) ياترى هلحق اعبر عن حبى ؟هل هيسعفنى الوقت اعوض كل السنين والوقت اللى ضيعته من غير ما اقولها انا قد ايه بحبها ؟
المهم , نشكر ربنا عملنا تحاليل اكتر , والحمد لله اشكر الرب يسوع , الرب خيب ظنونا السوداء وطلع مفيش اى حاجة وحشة عند ماما , وعرفنا سبب التعب ومكانش حاجة خطيرة واتعالج وماما بقت كويسة اشكر الرب يسوع
بس من الوقت ده , بقيت بحاول , اقولها بحبك ياماما اكتر من الاول , واعبرلها عن حبى وتقديرى ليها ولكل اللى عملته وبتعمله علشانى
فى الايام اللى فاتت , حصلت حاجات معايا وقدامى خلتنى افتكر ( لاننا بننسى اوقات ) ان الحياة قصيرة اوى اوى اوى
ممكن اللى بنحبهم مش نلاقيهم فجأة , ونفضل نندم ليه مقولتش بحبك مع ان كان فيه فرص كتير اقولها فيها ؟
متضيعوش الفرصة , قولوا بحبك لكل حد بتحبوه , ولكل حد اختلفتوا معاه , ولكل حد فهمتوه غلط او فهمكو غلط او حصل سوء تفاهم
الموضوع مفتوح لاى حد عايز يدخل يعبر عن حبه لاى حد فى حياته او هنا فى المنتدى
انا بعبر عن حبى لكل حد هنا فى المنتدى ,و الاشخاص اللى اختلفت معاهم وكان فيه بينا سوء تفاهم , انا بعتذر , معرفش مين اللى غلطان , بس كلمة انا أسفة حتى لو مش انا اللى غلطانة , مش هتضرنى لو هتخلينى اكسب شخص , انا اسفة
بحب الكل , وفيه اشكال كتيرة من الحب , ممكن يكون فيه مسافات بينا , ممكن منكونش بنتكلم مع بعض , ممكن منكونش نعرف بعض او اتعرفنا على بعض بالشكل الكافى هنا , لكن يكفى نكون بنحمل مشاعر ايجابية لبعض , والمشاعر ديه بتوصل حتى لو كانت المسافات بعيدة ووقتنا ضيق , يكفى اننا نكون فى صلاة بعض وفى فكر بعض بالخير
الانسان اهم حاجة فى الحياة
