التفاهم بين الطرفين (رؤيه خاصه)

[marcelino]

سلام ونعمه ,

التفاهم .. علشان اوضح اللى اقصده هبتدى الموضوع بقصه صغيره قالها لى أب كاهن
من أحدى كنايس اسكندريه ..

بنت خادمه كويسه جدا واخلاقها عاليه وجميله بيتقدم لها شاب خادم من نفس الكنيسه
وهو محترم جدا وشخصيه مثاليه وتتمناه اى بنت .. البنت وافقت طبعا لانه شخص كويس .. المهم بعد الخطوبه حصل الاتى :

1 _ يوم العيد هى لابسه فستان العيد ومظبطه نفسها .. هو ركبها الاتوبيس العام فى الزحمه !!!
2_ مشيوا كتير طول النهار مجبلهاش لقمه تاكلها فى الاخر جاب سندوتش واحد ليها واخد منه حته !!!
2_ وهما راجعين بليل افتكرت انهم عايزين عيش فى البيت سابها تقف فى طابور العيش لا واداها فلوس تجيبله معاها :smil12:

محدش يضحك بجد الكلام دة بالحرف ابونا (مش فاكر اسمه للاسف) هو اللى حكاهولى

وكان الهدف من الكلام يوضح لى نقطه مهمه اوى وهى التفاهم بين الطرفين .

يعنى فى القصه دى البنت كبنت على المستوى الشخصى كويسه جدا والولد كولد على المستوى الشخصى كويس جدا ومشهود لهم من اللى حواليهم

لـــــــــــكن لما ارتبطوا محصلش توافق بينهم او تفاهم .. !!!

يبقى فى حاجات المفروض انها مهمه بس ساعات بتعجز عن صُنع التفاهم المطلوب والحاجات دى على سبيل المثال وليس الحصر :

1_ تقارب المستوى التعليمي
2_ تقارب المستوى الاجتماعى
3_ تقارب المستوى المادى
4_ مستوى روحى عالى

الحاجات اللى ذكرتها دى وكما هو معروف انها لو موجودة بتعمل علاقه ناجحه

لكن stop ممكن كل دة واكتر منه متوافر لكن العلاقه بتفشل فشل ذريع !

انا بطرح المشكله ومش عارف على وجه الدقه ممكن يكون الحل ايه !!

هل ممكن نشوف اتنين من مستويين مختلفين ونجد بينهم تفاهم ؟
طب هل لو موجود التفاهم دة يصلح لوحده انهم يستمروا فى العلاقه؟
طيب هل نهتم بالعوامل الاخرى كمستوى التعليم والاجتماعى ... الخ والتفاهم دة مش مهم يتعالج او ينمو مع الوقت ؟؟


انا مش عارف احدد اجابه محددة بس ممكن اقول ان عدم التفاهم ممكن يقضى على
مميزات وعوامل كتير ويهدم علاقات ناجحه كتير !
​

 

[روزي86]

موضوع مهم اوي يا ميلو

بس بصراحة اول التصرفات اللي حصلت دي صعبة اوي ومحدش يتحملها حتي لو كان في تفاهم بينهم متبادل لكن تصرفات في الامور دي وفي البداية كده امال بعدين ولما يقربوا اكتر والظروف تكون اقوي هيعمل ايه هو كويس وكل حاجه لكن معندوش رجوله زي ما بيقولوا وده لوحده كفيل انه ينهي العلاقة حتي لو كانوا متفاهمين

بالنسبة بقي للاسئلة

هل ممكن نشوف اتنين من مستويين مختلفين ونجد بينهم تفاهم ؟
اهااااااااا ممكن اوي عشان الاختلاف ده بيكون مكمل لكل شخصية يعني محدش بيحب يرتبط بحد نفس طباعه واللي بيحب كده بيكون قليل اوي لانك بتحس برتابه وملل في العلاقة انما لو مختلف هتنجذب لاشياء معينة انت كنت بدور عليها وكملتها بوجوده في حياتك



طب هل لو موجود التفاهم دة يصلح لوحده انهم يستمروا فى العلاقه؟
مش دايما التفاهم هو اللي بيخلي العلاقة تستمر لا لازم اشياء تانية ومن اهمها انها تشعر بحنانه ورجولته وتحس انه بيحتويها ومطمنه في وجوده

طيب هل نهتم بالعوامل الاخرى كمستوى التعليم والاجتماعى ... الخ والتفاهم دة مش مهم يتعالج او ينمو مع الوقت ؟؟
بص المستوي التعليمي والاجتماعي في اشخاص بيهتموا بيه اوي هما والعائلة وفي ناس لا تهتم بالمرة تحب اللي ترتبط بيه يكون راجل وقادر يعيشها في مستوي معقول ويكون في بينهم حب وتفاهم بكل العوامل دي هيقدروا يستمروا والعلاقة تبقي اقوي ومحدش بيفضل علي حاله بالجهد والتعب ناس كتير بتوصل وربنا بيكون معاها وبيرفعها لانهم اجتهدوا وبالتالي وصلوا

لان المستوي الاجتماعي ده مكنش بايده لكن اللي بأيده انه يتعب واكيد ربنا بيكمل بس في ناس بتهتم اوي بالمظاهر دي وممكن تضحي بحبها عشان كلام الناس او عشان المستوي مش عالي زي ما كانت عايزه وده بيبقي صعب اوي لان اللي بيحب بيضحي في الاول بس لازم تكون التضحية دي لشخص هو يستحقها عشان ميبقاش في ندم في النهاية
وهي اكيد كانت عارفه من البداية مستواه التعليمي والاجتماعي وكونها استمرت يبقي عن اقتناع بأنه مش سبب لنهي الحب

انا رغيت اوي بس الاسئلة عجبتني جدا واتكلمت من وجهة نظري وبكل صراحة

​

 

[Kerlos-love-Jesus]

ان كان في حب ، هيكون في رغبة ف التغيير عشان العلاقة توصل لأكبر مستوى من التفاهم + بعض التضحيات + منهملش دور الواقع ونحترمه ، لان مش بسهولة هنضحي بعادتنا ولا نتغير تغييرات جذرية عشان العلاقة تمشي

ملخص كلامي لو اتنين بينهم اختلاف كبير ، ظهر مع الوقت ، بس في حب ورغبة ف ان العلاقة تكمل ، هيكون في فرصة للتغيير وتوصيل الموضوع لأقرب شكل يكون في تفاهم ..

بس لو علاقة تقليدية
زي شاب بيدور ع بنت يتجوزها وخلاص ، فياخد باله وهي تاخد بالها ان العيوب اللي شافتها هتفضل موجودة حتى لو قلت ، والعكس صحيح
ومن هنا يكون ف بالهم انو لازم يعملوا Stop لو لقوا العيوب او قلة التفاهم زيادة ......

شكرا مارس
موضوع حلو

 

[الراعي الصالح88]

ان كان في حب ، هيكون في رغبة ف التغيير عشان العلاقة توصل لأكبر مستوى من التفاهم + بعض التضحيات + منهملش دور الواقع ونحترمه ، لان مش بسهولة هنضحي بعادتنا ولا نتغير تغييرات جذرية عشان العلاقة تمشي

ملخص كلامي لو اتنين بينهم اختلاف كبير ، ظهر مع الوقت ، بس في حب ورغبة ف ان العلاقة تكمل ، هيكون في فرصة للتغيير وتوصيل الموضوع لأقرب شكل يكون في تفاهم ..

بس اسمحلي يا كيرلس اقولك ان التغير اللي بيكون عشان الاخر تغير وقتي وبيرجع تاني
لكن التغير الحقيقي الدائم لما يكون تغير الشخص عشان نفسه يعني هو مش راضي ع اللي هو فيه فبيحاول يغير من نفسه
فمن الاولمينفعش يكون في حاجه ف اعتبار احد الطرفين ان ممكن الاخر يتغير
اما كل واحد يرضي بالاخر كما هو اما بلاش منه الارتباط ده ...... ولا ايه رأيك؟؟؟

​

 

[حبيب يسوع]

التفاهم يكون فى كل شىء تكافؤ فى جميع المحالت

 

[marcelino]

الكلمتين دول عجبونى :

لان المستوي الاجتماعي ده مكنش بايده لكن اللي بأيده انه يتعب واكيد ربنا بيكمل بس في ناس بتهتم اوي بالمظاهر دي وممكن تضحي بحبها عشان كلام الناس او عشان المستوي مش عالي زي ما كانت عايزه وده بيبقي صعب اوي لان اللي بيحب بيضحي في الاول بس لازم تكون التضحية دي لشخص هو يستحقها عشان ميبقاش في ندم في النهاية
وهي اكيد كانت عارفه من البداية مستواه التعليمي والاجتماعي وكونها استمرت يبقي عن اقتناع بأنه مش سبب لنهي الحب

بس مش كله بيفكر كدة او نسبه قليله اوى اللى بتفكر كدة
​

 

[marcelino]

ان كان في حب ، هيكون في رغبة ف التغيير عشان العلاقة توصل لأكبر مستوى من التفاهم + بعض التضحيات + منهملش دور الواقع ونحترمه ، لان مش بسهولة هنضحي بعادتنا ولا نتغير تغييرات جذرية عشان العلاقة تمشي

ملخص كلامي لو اتنين بينهم اختلاف كبير ، ظهر مع الوقت ، بس في حب ورغبة ف ان العلاقة تكمل ، هيكون في فرصة للتغيير وتوصيل الموضوع لأقرب شكل يكون في تفاهم ..

بس لو علاقة تقليدية
زي شاب بيدور ع بنت يتجوزها وخلاص ، فياخد باله وهي تاخد بالها ان العيوب اللي شافتها هتفضل موجودة حتى لو قلت ، والعكس صحيح
ومن هنا يكون ف بالهم انو لازم يعملوا Stop لو لقوا العيوب او قلة التفاهم زيادة ......

شكرا مارس
موضوع حلو

مش فاهمنى يا كيرو

دلوقتى هما كويسبن وزى الفل وعايزين بعض بس التفاهم بينهم مش موجود .. يعنى مافيش انسجام فى العلاقه مع انهم عايزين بعض وممكن يكون فى حب

بس مفتقرين لحته التفاهم وفهم بعض صح
​

 

[marcelino]

بس اسمحلي يا كيرلس اقولك ان التغير اللي بيكون عشان الاخر تغير وقتي وبيرجع تاني
لكن التغير الحقيقي الدائم لما يكون تغير الشخص عشان نفسه يعني هو مش راضي ع اللي هو فيه فبيحاول يغير من نفسه
فمن الاولمينفعش يكون في حاجه ف اعتبار احد الطرفين ان ممكن الاخر يتغير
اما كل واحد يرضي بالاخر كما هو اما بلاش منه الارتباط ده ...... ولا ايه رأيك؟؟؟

​

هو مش بالظبط بردو اللى بتقوليه لان فى ناس كتير بتتغير علشان الاخر وفى امثله حوالينا كتير

هو يمكن اة الاحسن ان الواحد يتيغر علشان نفسه فى الاول بس دة قليل لما بيحصل ومش عيب اتغير علشان الطرف التانى ليه لا ؟

ومع ذلك بردو زى ما قولتى ساعات بيكون التغيير وقتى بس مش كله فى ناس بتتغير فعلا لانهم هما عايزين كدة من الاول و وجود الطرف التانى شجعهم
​

 

[sparrow]

مش فاهمنى يا كيرو

دلوقتى هما كويسبن وزى الفل وعايزين بعض بس التفاهم بينهم مش موجود .. يعنى مافيش انسجام فى العلاقه مع انهم عايزين بعض وممكن يكون فى حب​

بس مفتقرين لحته التفاهم وفهم بعض صح​

طالما في حب يبقي الجانب العاطفي موجود
وبما ان مفيش تفاهم يبقي الجانب العقلي مش موجود
وللاسف الجواز واستمرار الحياه بنجاح يحتاج الي الجانب العقلي والجانب العاطفي
وربما يحتاج ان يكون ايضا الجانب العقلي اكبر من العاطفي
في ظل ضغوط الحياه ومشاغلها

 

[الراعي الصالح88]

هو مش بالظبط بردو اللى بتقوليه لان فى ناس كتير بتتغير علشان الاخر وفى امثله حوالينا كتير
هو مش تغير عشان الاخر هو عباره عن تجنب مواقف وتصرفات معينه بتضايق الطرف الاخر ولكن مش تغير
هو يمكن اة الاحسن ان الواحد يتيغر علشان نفسه فى الاول بس دة قليل لما بيحصل ومش عيب اتغير علشان الطرف التانى ليه لا ؟
انا معاك في دي انه مش عيب خاااالص ان حد بتغير عشان حد بالعكس ده حب بس ده لو حصل فعلا تغير
ومع ذلك بردو زى ما قولتى ساعات بيكون التغيير وقتى بس مش كله فى ناس بتتغير فعلا لانهم هما عايزين كدة من الاول و وجود الطرف التانى شجعهم
​

هو ده التغير فعلا بجد لما الواحد يكون من جواه عايز كده والاخر عايز منه كده وبيشجعه
لكن مينفعش ان حد يضغط ع نفسه طول العمر في حاجه هو شايف انها مش عيب فيه والاخر بيقوله ده عيب فيك ولا ايه