البسكلته البسكلته

[Michael mourad]

أزمة ماليه عالمية وبنك في امريكا فلس وطبعا لازم ينوبنا من الحب جانب واطربقت علي دماغنا نص البلد علي خط الفقر والنص التاني شويه فوق خط الفقر وشوية تحت خط الفقر وشوية محدش يعرف عنهم حاجه تحت خط الحياه ومفيش حاجه ابداً هاترخص غير الكومبيوتر والموبايل بيرخصوا لما تيجي موديلات احدث والحديد طلع ونزل بس حاجه واحده عرفت اعملها مع كل الي بيحصل حواليا ده
البسكلته
وكانت البسكلته حل جزري لعدة مشاكل الواحد بيواجهها وبطلت اتزنق في المترو ونسيت الملل والخنقه ومبركبش تاكسي يتنك عليا السواق ويتفق علي الاجرة وعلي المشوار قبل ما افتح باب العربية وللعلم مش بتضيع وقت ولا حاجه تقريبا نفس الوقت الي كنت بستغرقه وبدل ما الواحد يركب عربيه يغلو البنزين ولا يركب كارته يغلو البرسيم انا ركبت بسكلته ولو غلو الهوا مش هانفخ الكاوتش بس مش هاتنازل عن البسكلته وهيا بصراحه رياضه مفيده جدا يعني بدل ما الواحد يقوم الصبح يمشي لمدة ساعه وبعدين يرجع يركب عربيته ويروح الشغل هايركب البسكلته ويروح الشغل في منتهي النشاط وفل الفل وكده ما يبقاش فاضل غير حاجه واحده بس السفر انا بصراحه لسه بدرس الموضوع لكن لا مفر هاسافر بيها يعني هاسافر بيها انا واتشجعت اكتر بعد ما قرأت مقال عن واحد معوق لف العالم بالبسكلته كان عادي بالنسبالي اني اشوف حد لف العالم بعجله لكن معوق هو ده الي مش عادي علشان كده انا بجهز البسكلته بالتجهيزات اللازمة وبدرس الموضوع بجد وعملت جروب علي الفيس بوك اسمه ( البسكلته البسكلته ) وشعاره ( لو مركبتهاش وأنا شباب هاركبها لما يكون شعري شاب! ) علشان اقدر الاقي كام واحد مجنون يرافقوني الرحله لأني نواي اسافر بها مسافه اكتر من 800 كيلو متر ربنا يخليلي البسكلته
:fun_lol::fun_lol::fun_lol:

 

[MIKEL MIK]

مرسي مايكل


وربنا يباركك​

 

[kalimooo]

شكرا" Michael mourad

 

[Michael mourad]

شكراً ليك يا كوكو وأنت يا كليمو بس انا مستغرب مش ممكن يكون الي قرأه الموضوع اتنين بس انا مش فاهم ليه الناس بتكسل ترد علي مشاركاتي
عموما متشكر للي ردوا

 

[Dona Nabil]

فى فتره من الفترات عشت حوالى 5 سنين فى مدينة الاقصر وهناك وعلشان الناس عايشين فى وسط الاجانب بالنسبه لهم ركوب البسكلته عادى جداا رغم اختلاف مستوياتهم وبيستعملوها حتى وهما عندهم سيارات بس مفتكرش مثلا فى القاهره ده ينفع
ميرسى على موضوعك يا مايكل​

 

[Michael mourad]

شكراً دونا علي مرورك
بس بصراحه عندك حق المشكله هي ان الناس في القاهره ثقافتهم فيها شئ من الكبرياء أسمه المنظرة وبيهتموا دايماً عكس أهتمام ربنا بيهتموا بس بالخارج لكن مش عمليين بالمرة المشكله الاكبر هي ممكن لو بنت حبت تركب بسكلته يكون دا مقبول من المجتمع المحيط ولا كمان الناس هاتطرك ماتستعمليش البسكلته ؟!

 

[Dona Nabil]

تعرف يا مايكل كنت بستغرب جدا لما اشوف فى الافلام العربى القديمه البنات بتستعمل البسكلته وهما رايحين المدرسه مثلا أو فى خروجهم العادى مش عارفه بقى ده سببه ايه بساطه الحياه وقتها ولا عدد السكان القليل بيخلى فى حريه زياده ولا علشان وقتها كان فى اجانب كتير عايشين فى مصر .. الحقيقه مش عارفه السبب ولا سبب ان الظاهره دى تقريبا مبقتش موجوده نهائى وميررسى مره تانيه يا مايكل

 

[Michael mourad]

طبعا يا دونا الموضوع مرتبط ارتباط وثيق بالثقافه والثقافه العامة طبعا بتتفير بمرور الزمن مع تغيير عوامل كتير جداً كفيلة بأنها تمحي ثقافة الماضي لكن خليني اقولك علي حاجه حلوه لسه في ناس بتركب البسكلته وبتستخدمها هما صحيح مش كتير لأن السايد في ثقافتنا حالياً هو العجرفه والتكبر والمنظرة ( أظن ده المانع من انتشار البسكلته ) لكن مثلا في حاجه انا حلمت بيها وفجأه لقيت الي انا لسه بحلم بيه في غيري حققوا في ناس في اسكندرية بتعمل كرنفال كل اسبوع بيخرج فيه ناس كتير من فئات مختلفه ممكن يوصل عددهم 2000 شخص طبعا فيهم كتير جداً بنات , في الحقيقه أفتكر أن الي خلاه الموضوع يبدأ في اسكندرية قبل القاهره رغم حاجة شوارع القاهره للبسكلته أن اسكندرية بلد ساحليه والناس غالباً بيروحوا هناك علشان يصيفوا وبيركبوا عجل فقط للتسليه لكن دا ساعد في انه يخلي منظر البسكلته مألوف في شوارع اسكندرية ,
حالياً أنا لسه الفكرة جوايا ومنتظر بس الاقي مجموعه ولو صغيرة تتحمس للفكرة وفعلاً هابدأها أفتكر انها هاتغير من شكل شوارع القاهره​

 

[monmooon]

موضوع جميييييييييييييل جداً يامايكل
ربنا يباركك ​

 

[Michael mourad]

شكرا لك يا monmooon علي ردك
بس بجد يا جماعه نفسي الاقي كام واحد مجانين بالفكرة لأن انا لازم أبدأها قرريب
أنا بجد بأمل ان علي الاقل 20 % من سكان القاهره الي عندهم عربيات أة بيركبوا تاكس يستخدمو البسكلته​