البابا وهو شباب كان دمه خفيف ومازال طبعا

[sosa_angel2003]

وهى قصيده القاها البابا فى أحد احتفالات الطلبه اثناء دراسته فى الكليه وهو يتكلم فيها عن الجغرافيا واللى يقراها يفتكر ان البابا كان يكره الجغرافيا ولكنه أ:د فى مره فى حديث تليفزيونى انه لا يكرهها ولكن من روح الدعابه فقد هجاها وكلامه فى القصيده يدل على معرفته الجيده والواعيه بالجغرافيا
حاجه غـريبه بدخلها بالعافيه فى مخى ماتدخلشى
بنشوف فى الاطلس امريكا وألمانيا وبلاد الدوتشى
ماتقوللى بأى فوتوغرافيا وتقول ماتقول ماهاصدقشـــى
حـاجة غـريبة بدخـلها بالعافية فى مخى ماتدخلشـى
ورياح مبلــولة تجــيب مـيه ورياح جافه ماتمطرشـى
ورياح بتساحل فى الساحل تتبع تعريجه وتمشــى
وريـاح بتـغير وجـهتها ورياح تمشــى ماتحودشتـى
أنا عقلى أتلخبط فين ديا وديا وبين ديا وديا ما أفرقشـى
حـاجه غـــريبة بدخلها بالعافية فى مخى ماتدخلشى​

 

[sosa_angel2003]

رد على: البابا وهو شباب كان دمه خفيف ومازال طبعا

هذه القصيده كتبها البابا شنوده لوداع احد اصدقائه فى الكليه عندما تخرج من معتقل غوانتنامو (كليه الاداب قسم الجغرافيا )
يا من ستـتركنا كم بـدي أهديـكا
طبلــه وكمـنجه وزماره ومـزيكـا
حتى تزمر فى لهـو وفى طرب وترقص الجو فوقيكا وتـحتيكا
فاليوم تخرج من لوماننا فرحا ونحن نترك للتأبيد عاديكا
انى عجبت لقسـم لانصيب له احترت لاخير لي فيه ولا ليكا
وقد بصـرت لباب النحس منفتحا بضلفتيه وباب الحظ مسكوكا
كـم بدى مـبخرة حتى ابخرك من عين هيئة تدريــس تعاديكا
من عين نصحى وعواد ومن بدوي ومن خفاجه ومن قوم تحدوكا
جماعة يهلك التلميذ بينهم مهما اشتغلت لهم شغل البلوتيكا​

 

[esambraveheart]

رد على: البابا وهو شباب كان دمه خفيف ومازال طبعا

انت جبت الكلام ده منين؟؟؟؟
بصراحه انا مااصدقش ان سيدنا البابا يقول كلام زى ده
ممكن تذكر المصدر اللي جبت منه هذا الكلام

 

[sosa_angel2003]

رد على: البابا وهو شباب كان دمه خفيف ومازال طبعا

أولا الكلام مش وحش وكمان لم يسئ لسيدنا فى حاجه
ثانيا المصدر شريط قديم جدا عندى فى البيت بصوته فى تسجيل مع أحدى المذيعات
وكمان أنا قلت وهو شباب فى الكليه وده واضح ولا مش واضح فى الموضوع
ولو انا مش متأكده من الكلام مكنتش كتبته طبعا ​

 

[sosa_angel2003]

رد على: البابا وهو شباب كان دمه خفيف ومازال طبعا

ياريت اكون وضحتلك
الرب يبارك حياتك​

 

[محامي مسيحي]

رد على: البابا وهو شباب كان دمه خفيف ومازال طبعا



هههههههههه

جميل جدا

وفعلا انا سمعت الاتنين على فم قداسة البابا شخصيا في التليفزيزن..وتم اذاعتهم اكثر من مره

الرب يبارك حياتك

 

[فراشة مسيحية]

رد على: البابا وهو شباب كان دمه خفيف ومازال طبعا

ههههههههههههههههههههههههه

جميل خالص خالص

عسل البابا على طول روحة خفيفة و جميلة​

 

[sosa_angel2003]

رد على: البابا وهو شباب كان دمه خفيف ومازال طبعا

هههههههههه

جميل جدا

وفعلا انا سمعت الاتنين على فم قداسة البابا شخصيا في التليفزيزن..وتم اذاعتهم اكثر من مره

الرب يبارك حياتك

ميرسى كتير لمرورك يا محامى
وكلامك اللى أكد للأخ esambravehear أن ده شعر البابا
الرب يبارك حياتك​

 

[sosa_angel2003]

رد على: البابا وهو شباب كان دمه خفيف ومازال طبعا

ههههههههههههههههههههههههه​

جميل خالص خالص​

عسل البابا على طول روحة خفيفة و جميلة​

فعلا البابا طول عمره روحه خفيفه وجميله
الرب يبارك فيه ويعينه على مسئوليته

وأنا كان هدفى أن أقول برساله غير مباشره أن الحياه مع يسوع مش معناه أكتئاب

لأن كتير من الناس بيفتكره أن معنى أن أعيش مع رب المجد أن أنا أفضل طول النهار حزين ومكتئب

بس أنا بعتقد عكس كده انا شايفه أن الواحد لما بيكون عايش مع رب المجد أنه دايما فرحان

ومبسوطه وبهجته بتفرح ناس كتير

ميرسى لمرورك يا فراشتى يا قمر
الرب يبارك حياتك​

 

[شروق الشمس]

رد على: البابا وهو شباب كان دمه خفيف ومازال طبعا

ههههههههههه

الحمد لله انكم لا تحتاجون الى الجغرفيا في الكنيسة

 

[Dona Nabil]

رد على: البابا وهو شباب كان دمه خفيف ومازال طبعا

ميرررسى يا sosa_angel2003 على الاشعاار ومن المعرووف طبعا حب سيدنا البابا لكتابة الشعر وذلك لا يعيبه ابداً ...... ربنا يعوض تعب محبتك .

 

[sosa_angel2003]

رد على: البابا وهو شباب كان دمه خفيف ومازال طبعا

ميرررسى يا sosa_angel2003 على الاشعاار ومن المعرووف طبعا حب سيدنا البابا لكتابة الشعر وذلك لا يعيبه ابداً ...... ربنا يعوض تعب محبتك .

طبعاً يا دونا وحد يقدر يقول غير كده
الرب يبارك حياتك
ونورتى الموضوع يا قمر​

 

[sosa_angel2003]

رد على: البابا وهو شباب كان دمه خفيف ومازال طبعا

ههههههههههه

الحمد لله انكم لا تحتاجون الى الجغرفيا في الكنيسة

قصدك ايه يا غروب الشمس
سورى:t32: يا شروق الشمس ​

 

[الملك العقرب]

رد على: البابا وهو شباب كان دمه خفيف ومازال طبعا

اه فعلا يا جماعة القصيدتان دول مشهورين اوي و قلهم في اسكندرية كتير و في القاهرة كمان بس مرسي يا حبي علي الكلام الحلو الي جبتهلنا ده ربنا يون معاك

 

[عاشقة دجلة]

رد على: البابا وهو شباب كان دمه خفيف ومازال طبعا

ههههههههههههههه حلوووووووووووووووو

دمه خفيف .. شي مهضوم كتير

شكرا سوسو اينجل .. مكنتش بعرف ههههه كيوت

 

[تونى 2010]

رد على: البابا وهو شباب كان دمه خفيف ومازال طبعا

هههههههههه حلوه ياسوسه مواضيعك جامده قوى ودمها خفيف

 

[تونى 2010]

رد على: البابا وهو شباب كان دمه خفيف ومازال طبعا

ههههههههههه

الحمد لله انكم لا تحتاجون الى الجغرفيا في الكنيسة

يظهر ياشروق الشمس انت مفهمتيش الموضوع برجاء قبل الرد ابقى اقرأى الموضوع كويس

 

[sosa_angel2003]

رد على: البابا وهو شباب كان دمه خفيف ومازال طبعا

اه فعلا يا جماعة القصيدتان دول مشهورين اوي و قلهم في اسكندرية كتير و في القاهرة كمان بس مرسي يا حبي علي الكلام الحلو الي جبتهلنا ده ربنا يون معاك

ميرسى كتير يا ملك لمرورك ونورت الموضوع
وشكرا لتصديقك عليه يارب الأخ esambravehear يصدقك أن شعر للبابا ​

 

[sosa_angel2003]

رد على: البابا وهو شباب كان دمه خفيف ومازال طبعا

ههههههههههههههه حلوووووووووووووووو

دمه خفيف .. شي مهضوم كتير

شكرا سوسو اينجل .. مكنتش بعرف ههههه كيوت

عاشقه دجله عندنا يا مرحبا با مرحبا :999:
نورتى الموضوع يا حبيبتى
وشكرا على ردك الجميل

 

[sosa_angel2003]

رد على: البابا وهو شباب كان دمه خفيف ومازال طبعا

هههههههههه حلوه ياسوسه مواضيعك جامده قوى ودمها خفيف

ميرسى تونى على مرورك وردك الجميل
الرب يبارك حياتك ​