الادوات المستخدمة فى الرسم

[+febronia+]

ادوات الرسم بالألوان الزيتيه...


1 فرش زيتيه (و منها الصغير و الكبير و الناعم و الخشن و بالطبع كل حاجه ليها استخدامها) و دى صوره لأنواع الفرش المستخدمه

وممكن ان نستخدم هذه الفرش(فرش الدهان الكبيره (بالبوصا)) و بيكون اغلب استخدامها فى الـتحضير(Underpainting)

2 التوال(قماش مدهون بالغيرا و السانيتون) موجود جاهز فى مكتبات الفنون و ممكن اننا نعمله بإيدينا (لو حد عاوز الطريقه يقول و انا حعرفهاله)

3 الحامل (الاستاند) و منه خشبى و منه معدن -منه ثابت و منه بيتفكك و بيصغر علشان يحمل لو فى لانداسكايب او غيره
الافضل هو الثابت الكبير
ودى صوره لنوع منه و لكن بالطبع فيه انواع كتير تانيه

4 الوسيط المستخدم فى الرسم بالالوان الزيتيه هو(زيت بذر الكتان النى(اللى هو الزيت الحار بتاع الاكل يعنى

)) و معه تربانتين نباتى(فرنساوى) بنسبه 8 زيت الى 1 تربنتين (و ممكن نزود التربانتين شويه لو عاوزين اللوحه تنشف بسرعه)ودى صوره للزيت (طبعا المصريين اكتر ناس يعرفوا الزيت ده((بتاع الفووووول)) تقدروا تشتروا زيت حار من السرجه العاديه مش لازم اللى فى مكتبات الفنون يعنى

5 نفط او تربانتين معدنى (اللى هو الجاز يعنى او ممكن تنر بداله) علشان ننضف الفرش و احنا شغالين و ننضف هدومنا بيها كمان علشان لو الوان عليها و لا حاجه

6 نحتاج لقطع قماش علشان لو حصل اى اخطاء فى اللوحه نمسحها بالقماشة

7 باليته خشبية او اى قطعه خشب

8 طبعا الوان زيتية

9 ممكن سكينة باليته و هى ليها اسلوبها فى الرسم بها بدون الفرش او بها...لكن مقدرش افيدكوا فى طرقها لانى لم استخدمها بعد

10 سكينة معجون علشان ننضف بيها البالته بعد الانتهاء من اللوحه ​

 

[+febronia+]

ادوات الرسم بالرصاص و الفحم...

اولا الرصاص

1 افلام رصاص و تكون نوع كويس زى ا لFaber castel او الاستيدلار..و هى متدرجه بأرقام من H -Hp الى 6B وانا انصح بعدم استخدام اى قلم رصاص فيه H يعنى يكون اخف قلم نشتغل بيه هو الـ B و نقدر نزود من بعد البى الى 6B ..وفيه 9 كمان..

وفيه اقلام جرافيت و بتكون مفيش خشب فى القلم و لكن كله بيترسم بيه و لكنا انا اقضل الاقلام الرصاص العادية

2 ممحاة عاديه

3 ممحاة فحم و هى بتكون طرية زى اللبانة

4 ورق كانسون ناعم او ممكن مشدود او فبريانو براحتنا يعنى

5 كاتر علشان نبرى القلم بيحث يكون السن 3 و الخشب 1 يعنى السن يكون طويل عن الخشب علشان يكون فيه مساحه كبيره من السن نقدر نظلل بيه

6 شاسه خشب او اى حاجه خشب مسطحه نسند عليها يعنى...

وبس

فى الفحم نفس الادوات بس حنستخدمم الفحم النباتى اللى بيبقى شكل جزع الشجر على صغير و بيكون محروق ..فحم يعنى

و طبعا فيه اقلام الفحم بس الشغل بيها يعتبر شغل سوق مش شغل فنى..الفحم النباتى نتيجته احلى و اوقع من الاقلام ​

</B></I>

 

[+febronia+]

ادوات الرسم بالباستيل الجاف

1 الوان سوفت باستيل و هى عباره عن حاجه شكل الطباشير الملون بس طبعا خامه مختلفه
دى صورته

2و ورق كانسون او فبريانو ..ابيض او ملون

3 ممحاه فحم و ممحاه عاديه

4 قلم رصاص لو عاوزين نحدد الاوت لاين بيه ..لاكن الافضل بدونه

5 مثبت ..اسبراى(فيه منه مخصص للرسم و هو غالى) و فيه ممكن نستخدم اسبراى مثبت الشعر او الدوكو الشفاف و هو ارخص و ليه نفس النتيجه

6 شاسيه خشب برضه علشان نسند عليه

و ممكن نستخدم الاستاند زى بتاع الزيت برضه علشان يكون الشغل اسهل..​

</B></I>

 

[+febronia+]

الالوان الجواش او البوستر كولور​

تعتبر نفس خامه الالوان المائية و تكون على شكل انابيب او برتمانات ...

نوع الفرش المستخدمه (هى نفس فرش الالوان المائية)

و الوسيط فى الرسم بالالوان الجواش هو الماء و لكن فى الشغل هو عكس الالوان المائية فيكون كميه اللون اكبر من الماء
فيكون اللون غير شفاف و لكنه يكون تقيل و لا يظهر ما خلفه
يستخدم ايضا الورق الكانسون المشدود...​

</B></I>

 

[MIKEL MIK]

صور ومعلومات حلوه

تسلم ايديكي فوفو​

 

[+febronia+]

مرسي لمرورك الجميل mikel​

 

[marcelino]

ثانكس على الموضوع الشامل
​

 

[النهيسى]

موضوع
ومعلومات
وصور
( روعه )
شكرا جدا
ربنا يبارك مجهودك​

 

[kalimooo]

معلومات مصورة ومهمة جدا يا فوفو

جزيل الشكر لمجهودك

 

[+febronia+]

شكراً لمروك marcelino​

 

[+febronia+]

مرسي لمرورك الجميل النهيسى​

 

[+febronia+]

شكراً لمروك الجميل كليمو​

 

[حبيب يسوع]

شكرا لك

 

[+febronia+]

مرسي لمرورك saed_sad25​

 

[dodo jojo]

حلويييييييين خالص بس انا اخري القلم الرصاص العادى ده..ههههههههههههه.شكرا يا عسل

 

[كوك]

تسلم ايدك يا فوفو

روعه جداا
​

 

[KOKOMAN]

شكرا على الصور يافوفو
​

ربنا يبارك حياتك​