الاتيكيت والمتواضعه

[ميراى البرنسيسه]

واحده بقى اتيكيت تاكل باشوكه والسكينه

والتانيه بتاكل بايدها

الواحده الاتيكيت تلبس فساتين اشكال والوان

والتانيه تلبس هدوم مقطعه

الواحده الاتيكيت تلعب فى النادى

التانيه تلعب فى الشارع او فى مدخل البيت


الواحده الاتيكيت تحط ميك اب علطول حتى وهى فى البيت

والتانيه علطول مبتحطش ميك اب

الواحده الاتيكيت تجيب خدامه تنظف البيت وتعمل الاكل


التانيه تعمل بنفسها كل حاجه

الواحده الاتيكيت تسيب جوزها قاعد فى البيت وهى تروح النادى

والتانيه تاخد جوزها ويروحوا عند مامتها

فا انا عايزة اعرف رايكوا مين هى الاتيكيت ومين هى المتواضعه وكل واحده عايزاها تقولى مين احسن الاتيكيت ولا المتواضعه​

 

[MIKEL MIK]

رغم ان الموضوع حريمي بحت
بس عجبني طريقه كلامك
وانسي ان حد يرد عليكي
ماشاء الله عليكم كلكم متواضعين ​

 

[magedrn]

كان فى زمان مثل بيقوله البلدى يؤكل مهما كانت اتيكيت او لا
بس اللى فيه المواصفات دى مش بيكون اتيكت دا بيكون تينك
ومغرور واسف على الراى وزى ما قال كوكو انسى حد يرد عليكى

 

[tasoni queena]

ليه يا جماعة كده .... كبسة يا مايكل وماجد

انا هرد عليكى يا ميراى

انا مزيج من الاتنين لان

المقارنة اللى عملتيها فيها حاجات مش مضبوطة

يعنى افرضى انى متواضعة هل معناه انى البس هدوم مقطعة ؟؟؟

مين احسن الاعتدال حلو فى كل حاجة

 

[magedrn]

يا عم كوكو ماحدش هيدخل يطلع عيوب فى البنات
كله اللى هيدخل هيرد نفس الرد بردوا دبلوماسى علشان يحاول
يغيظ الرجالة

 

[Critic]

على فكرة الاتيكيت مش ضد التواضع !
وانك تلبس هدوم مقطعة او تاكل بأيدك او تلعب فى الحتة الفلانية ده مش اللى يحدد انت متواضع ولا لأ
التواضع ملوش علاقة بالمظاهر

 

[tasoni queena]

مايكل وماجد بيقولوا عليا دبلوماسية

وانا بقول الحقيقة

جوبونى لو انا هدومى مقطعة ده معناه انى متواضعة ؟؟؟؟؟

 

[tasoni queena]

على فكرة الاتيكيت مش ضد التواضع !
وانك تلبس هدوم مقطعة او تاكل بأيدك او تلعب فى الحتة الفلانية ده مش اللى يحدد انت متواضع ولا لأ
التواضع ملوش علاقة بالمظاهر

قولهم يا عم

عايزينا نلعب فى الشارع ونلبس هدوم مقطعة عشان نبقى متواضعين

غير كده نبقى متنكين على رأى ماجد

 

[AL MALEKA HELANA]

فا انا عايزة اعرف رايكوا مين هى الاتيكيت ومين هى المتواضعه وكل واحده عايزاها تقولى مين احسن الاتيكيت ولا المتواضعه​

اختى الحبيبة

لقد إختلط عليكى الأمر بين المفهومين

وغلط إنك تقارنى بين سلوك وفضيلة ........ لإن المفروض كلنا نعيش حياة التواضع ونسلك سلوك الإتيكيت

الإتيكيت والتواضع ...

لإن فن الإتيكيت يعبر عن ...............السلوك

أما التواضع يعبر عن ......................الفضيلة

و كلنا محتاجين نعيش بسلوك الإتيكيت ونكتسب أيضاً فضيلة التواضع


تعالى أعرفك عليهم

​

الإتيكيت هو

آداب وسلوك وتنظم اصول التعامل بين فرد وآخر بمعنى حسن المعاملة او الاداب السلوكية


وهو يعبر عن بعض اللياقات والاداب الإجتماعية بين الافراد والمجتمعات لكى ترتقي بحياتنا ولها علاقة غير مباشرة بصحتنا النفسية


و تشمل مجال كبير في حياتنا وتعاملاتنا اليومية وهي قواعد من الصعب كثيرا وضع حدود لها

+
+
+

وببساطه شديدة فأن فن الاتيكيت هو نسيج متواصل من القواعد والسلوكيات اللبقة التى توضح طريقه التصرف ازاء المواقف المختلفة التى نتعرض لها فى حياتنا اليوميه وحياتنا الخاصه.​

+
+

التواضع هو


ليس مجرد مظهر خاجى يظهر به الإنسان

ولكنه

حياة يحياها الإنسان بين نفسه وبين الله وفيها يشعر بأنه لا

شىء وان كل ما فيه من حسن وخير هو من الله

وأنه بدون الله تراب وظلمة وشر

والاتضاع هو الثوب الجميل الذى ارتداه رب المجد واظهر لنا ذاته

وفى نفس الوقت كان سلوكة يتحلى بالإتيكيت والذوق والرقة فى

كل مواقف حياته على الأرض

وأبسط مثال فى معاملته مع الخطاة .. فكان يبدأ كلامه معهم بالمدح أولاً

ومع ذلك سلوكه الرقيق لم يتعارض مع تواضعة








​

 

[MIKEL MIK]

تم حذف ردي لسوء فهم حصل
واسف لكوينا لسوء الفهم
بس انا وضحتلك كل حاجه​

 

[MAJI]

انا من رأي تاسوني
يعني الي تلبس هدوم مقطعة لو عندها مش مقطعة كانت لبست المقطعة؟
ولو عندها امكانية اشتراك في نادي مكنتش اشتركت؟
ومين الوحدة الي مبتزورش اهلها (بس جوزها خلي يرضى يزورهم)
في رأيي نحترم الاثنين لان كل انسان هو ناتج للبيئة الي نشأ فيها.
وشكرا للموضوع الحلو

 

[magedrn]

اسف انا مش قصدى كدا يا تاسونى انا اقصد لما واحدة تكون كل وقتها لوضع الميك اب
وعمل مانيكير وباديكير عايزها تبقى متواضعة ازى
والتواضع عمره ما كان بالملابس المقطعة
بالعكس ممكن اكون لابس لبس مقطع وتنك
او اكون لابس لبس فى منتهى الشيكة واكون متواضع الموضوع له علاقة بشخصية الواحد او الواحدة
واسف على سوء الفهم تاسونى

 

[ميراى البرنسيسه]

رغم ان فى تعليقات كتير معجبتنيش وزعلت منها بس انا هادخل فى الموضوع علطول على فكره دى مجرد حاجه صغيره يعنى ده مش حقيقى بس انا عرفت ان الموضوع معجبكمش شكرابس انا فعلا غلطانه بعد كده يا جماعهلوفى حد مش عجبه موضوع انا بعمله يبقى الاحسن متعملوش تعليق عليه وشكرا على التعليقات اللى معجبتنيش

 

[ميراى البرنسيسه]

مدام بتقولوا انسى ان حد يرد عليا مكنتوش رديتوا انتم كده حرقتم دمى عالعموم شكرا

 

[oesi no]

ولا تحرقى دمك ولا حاجة
الطبيعى انك تلاقى بعض الردود متعجبكيش
مش معنى كدة انك تتعصبى
الاتيكيت فن والتواضع فضيله
ممكن انسان متواضع يكون بيتعامل بايتكيت عالى جدا
بالنسبه ليا بفضل البنت المتواضعه اللى مالهاش فى الاتيكيت اوى
عن البنت المغرورة اللى بتتعامل باتيكيت عالى

 

[ميراى البرنسيسه]

بس المفروض كانوا هما مدام مش عاجبهم ميردوش وبعدين اساس ده مجرد موضوع بس فعلا حاجه تدايق

 

[lo siento_mucho]

مين قالك مش عاجبهم
اصلا موضوعك في اختلاف
وانتي قارنتي حاجات بحاجات مش متوافقه
ولازم تتقبلي اراء الاعضاء طالما مفيهاش اي غلط لشخصك

انا مع التواضع اكيد وبحب اكون متواضعه جدااا وف نفس الوقت مش اكون
مهمله بنفسي ولا نايمه ومش داريه بالدنيا وبالجديد اللي فيها
احب امشي مع مع الوقت والتغييرات
ميرسي للموضوع
ومنورانا اكيد

 

[lo siento_mucho]

بس المفروض كانوا هما مدام مش عاجبهم ميردوش وبعدين اساس ده مجرد موضوع بس فعلا حاجه تدايق

بعد كده بعد اي موضوع ليكي
قولي اللي مش عاجبو مش يرد ع موضوعي
المهم انتي مش تدايقي

 

[ميراى البرنسيسه]

ميرسى ليكى

 

[MIKEL MIK]

مدام بتقولوا انسى ان حد يرد عليا مكنتوش رديتوا انتم كده حرقتم دمى عالعموم شكرا

ع فكره ردي كان هزار مش اكتر
ووضحت لكوينا كده وحذفت رد ليا
واعتقد ردي واضح انه هزار مش جد
بس عندك حق مكنتش رديت افضل
سوري ليكي ان حرقت دمك بهزاري​