"الأنامالية" خاص بـ "جمعيه المخنوقين المحدودة"

[marcelino]

ليه بطلنا ناخد بالنا من بعض ؟!

يمكن عشان مش عارفين حتى ناخد بالنا من نفسنا​

​

ليه شقة جارى تتسرق ادام عينى وانا ساكت ؟!! ​

يمكن بيخافوا على عمرهم مع انه ملوش لازمة يتخاف عليه​

​

ليه بقينا بنقول وانا مالى
وهى كانت بلد ابويا

اغتراااااااااااااب

عايز تولع فى كل الى بيقولو كلمة انا مالى ..؟!

لاء ساعات بعذرهم من اللى بشوفه حواليا

شكرا مارووو للموضوع الجميل

​

ثانكس مرورك ومشاركتك يا تاسونى
​

 

[marcelino]

ايه الجمااال ده

مارسيلينوا

الكل يفضفض
ويطلع اللى جواة

بس اوعى يفطس
من الضحك
هههههههه
​

ده واقع الحياة المعاصرة

الجار متغرب عن جارة

مافيش مشاركات و لا سلام عابر

بينهم

دول اليوم من الصبح حتى أخر النهار

مخنوقين من الشغل و من مشاكله

مشتفرغين يزيدوا مشاكل الجيران عليها
أصبح المفهوم هم حرين
أنا مالى بيهم
ابقى حشرى و ادخل فى حياتهم
اقفل الباب على نفسى
انا و التليفزيون سوا
لحد ميعاد النوم
و الصحيان الصبح
روتين الحياة
جامد
مافيش و قت لزيارة الأهل
و الأصدقاء و القعاد معاهم
كفايه كلمتين فى التليفون
ونقولهم كل حاجة تمام
و احنا مخنوقين و مهمومين

مش كدة و ايه
؟؟؟!!!!
​

عندك حق

ثانكس مرورك ومشاركتك
​

 

[نفرتاري]

هو الظاهر كلمة انا مالى دى بقت موضة او عدوة
كله بقى يقولها وفرحان بيها وعايزين اى حاجة تخرب
وبيئولك عايزين البلد تبقى كويسة ومتقدمة
طب ازاى والانانية بتنتشر بطريقة غير طبيعية

ميرسى يا مارسلينو بجد موضوع حلو اوى
ربنا يباركك

 

[Alexander.t]

سمعت فى مؤتمر ان التفكير قى الموضوع دة وصل لحد اتهام الحكومة فية
بيقول المحاضر ان المواطن لو استريح فى بلدنا دى هايبص على حاجات تانية الحكومة مش عاوزة يبص عليها
زيى الديمقراطية وحقوق الانسان فخلية مطحون احسن كدة لينا

دى رأئى فى الموضوع

دى حقيقه فعلا مش كلام مؤتمرات هو ده الواقع الى احنا بنعيشه وللتأكيد على كلامى

اقتبس هذه المشاركه من الرائع أ / علاء كامل

فى صباح صيفى خانق كالعادة،صحوت مبكرا وحمدت ربى على إننى إستطعت أن اغفو لساعتين دون سماع لأى رنين فى ملفات الذاكرة،وكالمعتاد شربت كوب الشاى المخلوط بنشارة الخشب على عجالة وأعددت أوراقى وحقيبتى الجلدية وهممت فى الخروج من منزلى،وكان اليوم يبدو عاديا جدا بكل ما تحمله الكلمة من معنى ولا شىء يلفت الأنظار فى الطريق سوى أن الناس أصبحوا أكثر شرودا وخمولا وصمتا وإستكانة،فالجميع يسير فى طريقه وعيناه إلى أسفل وكأن هناك أمرا غريبا حدث ليلة الأمس،وكانت أولى الخطوات فى جدولى اليومى هى شراء علبة السجائر من الكشك الخشبى المغروس على قارعة الطريق،وعندما توجهت للبائع والذى اعرفه ويعرفنى من سنوات عديدة مضت،حتى أصبح مؤشر عبوسته هو معيارى الوحيد لتحديد ما سيؤول إليه اليوم من أزمات أو إنفراجات.
أنا: صباح الخير يا عم سيد
البائع: يا صباح الورد
أنا: طيب عال شايفك مبسوط النهاردة
البائع: وهو فيه حد يشوفك ومايتبسطش
أنا: ربنا يخليك يا عم سيد،ادينى روثمان أزرق وحياتك
البائع: اتفضل
أنا: شكرا يا عم سيد
البائع: أى خدمة يا حمار
سمعت الكلمة مدوية تخترق أذنى وكأنها الرعد،ولوهلة شردت بذهنى و سألت نفسى هل ما سمعت حقيقة وهل تجرأ البائع على مناداتى بهذا الإسم أم إنها تهيؤات ما بعد الغفوة،ولذلك قررت أن أطلب منه أن يعيد على مسامعى ما قاله مرة أخرى.
أنا: بتقول إيه؟
البائع: بقولك أى خدمة يا حمار
أنا: حمار يا ابن ال.....
لم أدرى بشىء من حولى ولم أفيق من غيبوبة الصدمة إلا وعم سيد يغرق فى دمائه التى تغطى رأسه ووجهه والجزء الأعلى من جذعه،والناس تحاول تهدئتى وعم سيد يتوعدنى ويهددنى بحبسى،وما هى إلا لحظات قليلة وعلى غير العادة حتى أتت سيارة الشرطة مسرعة وفى نشاط بالغ لم ألحظه قبل هذا اليوم،وأخذتنا السيارة إلى قسم الشرطة التابعة له المنطقة،وهناك تم التعامل معى بكل جفاء ووقاحة وتم صرف عم سيد لعمل تقرير طبى بإصاباته،وتم إلحاقى بغرفة الحجز وهناك دار الحديث بينى وبين الصول الموكل بباب الحجز.
أنا: أنا عايز اخرج من هنا
الصول: أنت متهم وده مكانك
أنا: أنا راجل محامى والقانون بيقول إن المحامى ما يترميش فى الحجز
الصول: ده كان زمان وحياة والدك،دلوقتى كله سواسية
أنا: يعنى إيه كله سواسية،أنا هوديكوا فى داهية أنا هابلغ النائب العام
الصول: مش لما تخرج الأول من المصيبة اللى عملتها،وكمان هو النائب العام فاضى للوبش اللى زيك
أنا: اتكلم بأدب وأعرف انت بتكلم مين
الصول: نعم... تكونشى ناوى تبطحنى أنا كمان
أنا: أنت البطح قليل عليك،أنت مقامك تاخد بالجزمة
الصول: طيب حاضر وشرف أمى لأكون رافق بالمحضر أنك بتسب موظف عمومى أثناء تأدية وظيفته،خليها بدال التهمة تبقى اتنين
أنا: انا عايز أقابل المأمور
الصول: سعادة الباشا المأمور لسه ماجاش،لما ييجى نبقى نبلغه أن سعادة البلطجى عايز يقابله.
وبعد ساعتين من الشد والجذب مع هذا الصول الجلف القروى والذى يكاد شاربه ان يطال أذنيه،وبعد محاولات مستميتة منى من صراخ بصوت عالى أزعج كل من فى القسم من عاملين ورواد،أضطر الضابط النوبتجى لعرضى على المأمور،وعندما دخلت للمأمور رأيته رجلا هادئا وديعا يبدو أن سنوات العمل الطويلة قد أضفت عليه الكثير من الحكمة،ولمحت فوق رأسه لوحة زجاجية معلقة على الحائط وعريضة جدا لا يفوقها عرضا إلا عرض قفاه ومكتوب عليها بالبنط العريض هذا من فضل ربى،وكان الحوار كالتالى.
المأمور: خير بقى يا أستاذ عامل غلبة ليه
أنا: أنا مش عامل غلبة أنا بطالب بحقى،أنا راجل محامى ومش من حقكم أنكم ترمونى فى الحجز،والمفروض أنى أقعد فى غرفة التحفظ
المأمور: حق إيه اللى بتتكلم عليه مش كفاية أنك عامل جنحة ومسيح دم الراجل
أنا: ده راجل قليل الأدب وخد جزاءه لأنه سبنى
المأمور: سبك قالك إيه؟
أنا: احم قاللى يا حمار
المأمور: طيب وهو كده يبقى غلط فيك؟
أنا: نعم!! تقصد إيه؟
المأمور: أقصد ان الراجل ما قالشى حاجة غلط
أنا: لاحظ انك مامور قسم وأنا مش عايز اخد ضدك إجراء قانونى
المأمور: إجراء قانونى بإيه بس،يظهر إن حضرتك كنت مسافر برة بقالك فترة طويلة
أنا: انا ما سافرتش
المأمور: أمال حضرتك كنت نايم ومش دارى باللى بيحصل فى البلد
أنا: أنا فعلا نمت ساعتين،هو إيه اللى حصل
المأمور: ساعتين إيه يا أستاذ،هو فى نظام بلد بيتغير فى ساعتين
أنا: أنا مش فاهم حاجة هو إيه بالظبط اللى حصل
المأمور: اللى حصل إن حكومتنا الحكيمة قررت إنها تستورد حقنة لكل مواطن تمنها 100 ألف جنيه للحقنة الواحدة
أنا: ليه هو فيه مرض انتشر لا قدر الله
المأمور: مرض إيه وبتاع إيه،الحكومة قررت تحقن كل مواطن بالحقنة دى عشان يتحول لحمار
أنا: يتحول لحمار!!!؟
المأمور: أيوة هو أنت مش واخد بالك من الناس
أنا: هو بصراحة أنا لاحظت النهاردة إن الناس سلوكها غريب شوية وبعدين شكلها متغير حبتين
المأمور: شكلها متغير إزاى يعنى؟
أنا: يعنى لا مؤاخذة شايف إن ودانهم طولت شوية وقفاهم أحم عرض
المأمور: طيب ما انت صاحى أهو،أمال زعلت ليه لما عم سيد قالك يا حمار
أنا: بس انا مش فاهم ليه الحكومة تدفع التمن الباهظ ده وتجيب 80 مليون حقنة عشان تحول الناس لحمير
المأمور: يا أستاذ دى سياسة و حكمة من الحكومة، لما الناس تبقى حمير هتريح وتستريح،شوف بقى الحكومة شايلة هم الناس إزاى وعايزة تريحهم
أنا: وإيه الراحة فى كده؟
المأمور: عمرك شوفت حمار بيشتكى أو يعترض على صاحبه
أنا: بصراحة لاء
المأمور: يبقى الحمار مرتاح
أنا: طيب بدال ما الحكومة تدفع فى الحقنة الواحدة 100 ألف جنيه ما كانت تديهم للمواطن احسن وساعتها عمره ما هيشتكى
المأمور: يا أستاذ الفلوس لو الناس مسكتها فى إيديها هتصرفها فى كلام فاضى وترجع تشتكى من جديد،لكن الحقنة مفعولها مستمر وهيضملنا ان الاجيال الجاية كمان هتكون حمير ولاد حمير.
أنا: ويا ترى الحكومة خدت هى كمان من الحقنة دى؟
المأمور: أخرس...الحقن دى للشعب وبس،لكن الحكومة دى الصفوة
أنا:أيوة بس لو الشعب اتحول لحمير يبقى لازم الحكومة تكون حمير برضه، على الأقل عشان تحس بيه
المأمور: الحمار محتاج اللى يسوقه يا أستاذ ومفيش حمار بيسوق حمار
أنا: فى دى عندك حق
المأمور: لكن تعال هنا قوللى هو أنت مخدتش الحقنة ولا إيه؟
أنا: ها ؟ لا يا فندم خدتها خدتها،بس انا برضه مش حمار
المأمور: طيب تعال نتناقش بالعقل عشان أثبتلك أنك حمار
أنا: أتفضل
المأمور:حضرتك بقالك كام سنة معاك بطاقة إنتخابية وسواء بتقول نعم او لا .. كلام الحكومة هو برضه اللى بيمشى
أنا: بقالى كتير
المأمور: تبقى حمار
بقالك كام سنة بتدفع ضرايب وانت عارف ومقتنع إن الفلوس دى مش هترجعلك فى صورة خدمات
أنا: بقالى كتير
المأمور: تبقى حمار
بقالك كام سنة بتقول الحال هيتغير فى الخطة الخمسية الجاية،وكل خطة تقول نفس الكلام ومفيش حاجة بتتغير
أنا: بقالى كتير
المأمور: تبقى حمار
بقالك كام سنة رافض تمد إيدك فى جيب غيرك ومصمم متبقاش زى الناس اللى فوق
أنا: بقالى كتير
المأمور: تبقى حمار
بقالك كام سنة بتقرا الجرايد الرسمية ورغم إنك عارف انها كدب فى كدب لكن مازلت بتقراها
أنا: بقالى كتير
المأمور: تبقى حمار
بقالك كام سنة بتصدق إن فيه معارضة حقيقية فى البلد وإن الناس دى مطحونة زيك
أنا: بقالى كتير
المأمور: تبقى حمار
بقالك كام سنة عارف إن البلد فيها خير يخليها دولة عظمى لكن بتحاول تقنع نفسك إننا دولة مديونة وفقيرة وإن المشكلة فى الزيادة السكانية
أنا: بقالى كتير
المأمور: مش بقولك حمارررررر
إنتهى كلام المأمور معى وإنتهت المشكلة مع عم سيد بالصلح وتقبيل الرأس والأيادى والأقدام ايضا لو كان تطلب الأمر بعد ان أكتشفت انى حمار ابن حمار وكلام عم سيد على حق وانا على باطل.
تركت القسم وخرجت وتركت خلفى تعب اليوم كله،ولكنى لم استطع ان انسى حوارى مع المأمور الحكيم،ولم تفلح محاولاتى اليائسة بالتدخين وشرب الشاى فى نسيان كلماته التى ستغير مجرى حياتى فى السنوات القادمة.

 

[marcelino]

عندك حق مارو
كل واحد بيقول انا ومابعدى الطوفان
مش مهم اى حد تانى غير نفسى وبس
ولو حد عايز مساعده يشوف المساعده ديه هتفيده هو شخصيا ولا لأ
وإلا الرد هيكون على طول
وانا مالى
بجد انا قبلت الناس ديه كتير فى شغلى
وبتخنق منهم جدا ومش بحب اتعامل ماهم​

ثانكس مرورك ومشاركتك يا سور
​

 

[marcelino]

السبب :
ان كل واحد فيه اللى كفيه و محدش بيسال عليه فده يسببله احباط و ياس و غضب و يقول مش هسأل على حد و لا هراعى حد زى ما انا مش فارق مع حد !!!

ثانكس يا جميل مرورك ومشاركتك
​

 

[marcelino]

الاغلبية بقا ماشى على مبدأ
انا ثم انا ثم انا ثم انا برضو
وغيرى فى دهاية ولا يهمنى اصلا
المهم نفسى وراحتها
ومش مهم غيرى يولع بقا يموت يزعل يتخنق يضايق
كله مش يخصنى وانا مالى المهم راحتك يابنفسى​

ثانكس سندريلا مرورك ومشاركتك
​

 

[marcelino]

متهيالى ياجماعة
اننا فعلا بنفقد روح المشاركة الجماعية وبتغلب علينا الانا
دة عصر الانا والايمان الشكلى
وطالما اى وجع بعيد عنى مش بيهمنى يصيب مين
الغيرة_الحسد_حب الذات_حب المظهرية والمجد الشخصى
عناصر الحياة اليومية فى اى مجتمع
الوصية التاكيدية اللى تركها ربنا لينا قبل الصعود (حبوا بعضكم بعضا كما احببتكم)
هل ليها اى محل اعراب فى حياتنا الواقعية
مجرد تساؤل

ثانكس يا باشا رايك ومشاركتك الجميله
​

 

[marcelino]

موضوع جميل ومهما قولت فيه حغرق الموضوع كلام بقى

لان فعلا مبقاش حد بيخاف على حد
كله بقى يالا نفسى

ثانكس ديدي مرورك ومشاركتك
​

 

[marcelino]

ارد ليه وانا مالي

امشى يابت من هنا بدل ما اكسرلك دراعك التانى :hlp:
​

 

[marcelino]

موضوع مهم مارسلينو
اول كلامى ان كلمة انا مالى دى هااتبقى فى ازدياد مستمر خلينا واقعيين
الظروف كلها والحال العام ماشى ضد كلمة الاهتمام بالاخرين وبينمى شعور الللامبالاة
بصراحة الموضوع خارج عن ارادة الناس شوية
زيى مقال كريتك كدة طحن الحياة اليومية والجرى ورا لقمة العيش والقلق المستمر من كيفية ازاى يوفرها يوميا خلقت شعور من التعب النفسى لكتير مننا هو انا قادر اظبط حال نفسى وبيتى لما ابص على حد تانى عامل اية؟؟؟
دة الشعور الاهم بقى ان الناس كرهت البلد اسااسا من الى شايفنية
نسمع عن كلمة ان شاللة تولع وانا اعملها اية كلمة ظهرت كرد فعل على الحال العام
الخلاصة ان الجرى ورا الحجات الاساسية خلى الناس تقول يالا نفسى
عارف انا سمعت فى مؤتمر ان التفكير قى الموضوع دة وصل لحد اتهام الخكومة قية
بيقول المحاضر ان المواطن لو استريح قى بلدنا دى هايبص على حاجات تانية الحكومةمش عاوزة يبص عليها
زيى الديمقراطية وحقوق الانسان فخلية مطحون احسن كدة لينا
متابع للموضوع ولاراء الاعضاء

ضلمتها يا جرجس خالص هههههه

بس كلامك صح الى حد كبير

ثانكس يا باشا مشاركتك ومرورك
​

 

[marcelino]

سورى بس التقييم ادتهولك انت متخافش والشكر ليك برده يا مارش

ثانكس مرورك يا جميل
​

 

[marcelino]

هو الاغلبية بقيت كده مش مهتمة بحد الاهم مصلحتي اولا لكن في ناس بتسال ويهمها الجار وكل حاجة بس النسبة دي قليلة جدا
​

ثانكس مرورك ومشاركتك يا روكا
​

 

[grges monir]

ضلمتها يا جرجس خالص هههههه

اى خدمة يا باشا
عشان تعرف ان الواحد مش مشترك اونطة وخلاص ههههه
بس هودة الحال ( التجميل ودفن الرأس فى الرمال زيىالنعامة لن يجدى مارسلينو ولا اية)
متابع ارائك صديقى

 

[marcelino]

متابعة
وليا عودة​

فى انتظار العودة
​

 

[marcelino]

لانه دي بقت طبيبعه الحياه والناس كده
هيخدموا ليه البلد او الناس اللي فيها
وهو مش حاسين بانتماء داخل بلدهم بالعكس كارهينها
وبعدين كل واحد بيفكر انه حتي لو ساعد اي حد عمره ما هيلاقي اللي قف جنبه ويساعده
ويردله وقوفه جنبه
فعلا مبقاش فيه وفاء من اي حد ولا حد
يبقي الناس هتحب بعض ليه
موضوع جامد يا مارسلينو
ميرسي

ثانكس مرورك ومشاركتك يا ميرو
​

 

[Dona Nabil]

ليه بطلنا ناخد بالنا من بعض ؟!
تقريبا بقت حاله عامه
ليه بطلنا نخاف على مشاعر بعض ؟!
حقيقى بقت فى مشكله كبيره فى الذوق العام
ليه شقة جارى تتسرق ادام عينى وانا ساكت ؟!!
خوف اصبح متملكنا من حتى النطق بكلمة حق
ليه بقينا نشوف البنت بتصرخ وتطلب النجده واحنا بنقول وانا مالى
سلبيه ولا مبالاه اصبحوا اهم ما يميز المجتمع والامثله حوالينا كتير
ليه بقينا بنقول وانا مالى
الانانيه احيانا واحيانا تانيه عقاب وانتقام من مجتمع ظالم
وهى كانت بلد ابويا
عدم الانتماء شىء بشع بيخلى الانسان يبيع كل القضايا للى يدفع اكتر
ويعنى هى جت عليا
مفيش تطبيق لمبدأ ابدأ بنفسك بس لسه بنادى بيه كشعار متجمد لوقت الاحتياج ليه وده لما بنطالب بيه غيرنا بس
امتى هنبطل نقول كده ؟!
لما المجتمع كله يتغير ومش هيتغير الا بهزه او زلزال يهده من الاساس والحكايه تبدأ من الاول يعنى من الاخر الامل فى بكره لان النهارده خلاص قرب يحصل امبارح ويندفن جنبه
امتى هنبطل نبقى جنب بعض ومش حاسين ببعض ؟!
لما الاحساس يرجعلنا من تانى ..تفتكر سهل ده يحصل ؟؟
امتى هنبطل نبقى جنب بعض ومنعزلين عن بعض ؟!
الدنيا بقت مطحنه اللى بيحاول يقف ولو للحظه يبص فيها وراه او على اللى جنبه ويشوف بيحصله ايه بيروح فى الرجلين ... مش بدافع عن غلط بس بحكى واقع عايشينه وحاسينه
الأنامالية خانقاك ..؟!
اكيييييييد زى ما خانقه الكل حتى اللى بينادوا بيها
عايز تولع فى كل الى بيقولو كلمة انا مالى ..؟!
لا مش للدرجه دى هههههه
مش جايز اكون واحده منهم
مضايق من الموضوع نفسه ..؟!
لا ابدااااااااا
مضايق منى أنا شخصيا ..؟!
اكيد هههههههه
الموضوع ببساطه مش مشكلة فرد أو مجموعه مشكلة مجتمع أصبح بتحكمه الماده ولا شىء سواها
الماده هى اللى بتتكلم وبتحكم حتى على عواطفنا ومشاعرنا اللى مبقيناش نشوفها الا وقت المصلحه
الاحلام والطموحات كلها بقت ماديه
تعرف انت حد لما بتسأله عن حلمه بيتكلم عن اى حاجه مش بمقابل مادى؟؟
حتى التعليم هدفه مادى
الحب اصبح ذليل للماده
حتى الدين اصبح فى مجتمعنا تجاره والتجاره شطاره ويا سلام بقى لما التاجر يبقى بدقن وذبيبه ومراته خمارها مجرجر وراها يبقى ثقه وامان وفى الاخر الهدف من المظاهر الدينيه مادى بحت
المال اصل لكل الشرور ولسه يا عالم هياخدنا لفين اكتر من كده
الفقر المطارد دائماً بتهديد بعبارة لو كان رجلاً لقتله الكثيرين بيفرض على الناس انهم يعيشوا بقانونه هو وبحكمه هو لانهم مجبرين على التعايش باقل القليل والستر من الفضايح وقلة الدخل بيوطى الصوت وبيحنى الضهر وبيعمى العين
يعنى من الاخر الانسانيه بتختفى وبتظهر كل المظاهر البشعه اللى بتتكلم عنها
ميرررررررسى وووووواسفه جدااا على الاطاله

 

[marcelino]

حلو اوى وليا عودة
​

فى انتظار العودة يا جون
​

 

[marcelino]

هو الظاهر كلمة انا مالى دى بقت موضة او عدوة
كله بقى يقولها وفرحان بيها وعايزين اى حاجة تخرب
وبيئولك عايزين البلد تبقى كويسة ومتقدمة
طب ازاى والانانية بتنتشر بطريقة غير طبيعية

ميرسى يا مارسلينو بجد موضوع حلو اوى
ربنا يباركك

ثانكس يا نفرتارى مشاركتك ومرورك
​

 

[marcelino]

دى رأئى فى الموضوع

دى حقيقه فعلا مش كلام مؤتمرات هو ده الواقع الى احنا بنعيشه وللتأكيد على كلامى

اقتبس هذه المشاركه من الرائع أ / علاء كامل

ثااانكس مينا مشاركتك نورت الموضوع يا زعيم
​