احلام بسيطة وجميله ياامي ربنا يحققهالك وتفرحي ببنوتك ياااربانا ربنا ادانى وزنتين ولد وبنت واشكر ربنا الولد اتخرج مهندس كمبيوتر واتجوز ومراته زى بنتى تماما وقرب يكون اب
والبنت دكتوره تحاليل اتخرجت اشكر ربنا بس مطلعه عينى كل ما حد يتقدم تاخد وقت تفكر والاخر ترفض ربنا يهديها
زوجى اشكر ربنا انسان طيب جدا
ربنا يخليهم ويحافظ عليهم
حلمى الكبير بقى لبلدى الغاليه مصر كنت حاسه لما شفيق هيكون الرئيس ان البلد هتكون ديمقراطيه
ومش هيكون فى فرق بين مسيحى ومسلم وهتكون بلد الامن والامان لما تمشى بنتى فى الشارع
مش هكون قلقانه زى زمان يعنى مصر السهرانه المنوره كل شوارعها لما كنت برجع بعربيتى متأخره مع اولادى مكنتش بخاف او بقلق ده كان حلمى او املى
لما عرفت ان مرسى ده كان بالنسبالى امر مستبعد خالص انهرت من العياط وحسيت ان البلد باظت
وللاسف ده اللى بنعيشه حاليا النقيض تماما لما كنت اتمناه الحياه كلها اكتئاب
نفسى ترجع ام الدنيا من تانى
اما حضرتك قولتي الجمله دي شوفت ماما قدام عيني وهي بتكلم اي حد عليا بالطريقه دي وبتقوله مطلعه عيني ومش راضيه بحد .والبنت دكتوره تحاليل اتخرجت اشكر ربنا بس مطلعه عينى كل ما حد يتقدم تاخد وقت تفكر والاخر ترفض ربنا يهديها
صدقيني ياامي انا عارفه ان اي ام نفسها تفرح ببنوتتها والنهارده قبل بكره وده من حقكم علينا كااولادكم
بس من حقنا برضو اننا نحس برااحه وقبول واقتناع بالعريس اللي بيتقدم عشان تبقي جوازة ناجحه مش فاشله بعد الشر
بس اللي انا واثقه فيه ان ربنا اكيد شايل لكل انسان فينا نصيبه وهياخده يعني هياخده مهما حصل
ولكن ....... "لكل شئ تحت السموات وقت "
ربنا يفرحك بيها ياارب وكمان تفرحي بأولادها .
بالنسبه للحم التاني ..
انا لسه عندي بصيص امل ان مصر ترجع بلد الامن والامان زي زمان .
ربنا يباركك ياامي ويحقق كل اللي بتتمنيه
واسفه لو كنت اتكلمت كتير .
التعديل الأخير: