اقتراح نعمل قسم خاص لمرحلة ابتدائى واعدادى

[soul & life]

سلام ونعمة



عندى اقتراح ..


منتدى الكنيسة بالنسبة لينا كنيسة صغيرة فى بيوتنا وعلى اجهزتنا

ليه منفكرش نعمل قسم خاص لمرحلة ابتدائى واعدادى بعتقد كل الاولاد

فى الايام دى مرتبطين جدا بالنت ويمكن كمان مبيفضلوش ينزلوا من البيت

بسبب ارتباطهم بالجهاز ..

فلو قدرنا نعمل قسم لاولادنا اللى هم تحت سن 17 سنة يكون فيه ترانيم

وقصص مختصرة من الانجيل مسابقات مواضيع تخصهم وقريبة منهم

زى مدارس الاحد لكن بشكل متطور يتناسب مع جيلهم واهتمامتهم

بعتقد كده هنقدر نجذب الاولاد للمشاركة فى منتدى دينى


لو الفكرة نالت الموافقة نشوف مين من الاعضاء مقتنع بيها و افكاره ايه للقسم

لكن نشوف الاول الادارة هتوافق او لا

 

[aymonded]

أنـــــــــــــــــــا عن نفسي موافق يكون هناك قسم خاص للأولاد، بس هانتتظر نشوف الإدارة والناس هاتقول ايه واقتراحهم ايه !!!!

 

[soul & life]

جميل الاطفال احباب الله يا استاذ ايمن
واكيد لو الادارة وافقت حضرتك مش هتبخل ابدا على القسم يكون تحت اشرافك

 

[aymonded]

مين بيكح هنا مين برشاف ده وفين/ معلشي سمعي تقيييييييييييل
​

 

[soul & life]

مين بيكح هنا مين برشاف ده وفين/ معلشي سمعي تقيييييييييييل
​

هههههههههههههه

 

[حبيب يسوع]

اقتراح جيد سوف يقيد الاطفال والمسيحين الجدد
هم فى حاجة ماسة الى كل الموضوعات البسيطة
كى تسهم فى نموهم الروحى

 

[soul & life]

كمان احنا عندنا هنا خدام فى كنايسهم وبيكونوا نفسهم يطوروا من مستوى الخدمة لكن فى الكنيسة الامر بيكون صعب هنا ممكن ينفذوا التطوير ده بافكار مبتكرة وجديدة فى عرض القصص وحفظ الولاد للايات عن طريق قصة قصيرة وافكار كتير ممكن ننفذها بس لو لقينا تعاون من الاعضاء مش هينفع واحد يشتغل لوحده لازم يكون فى مشاركة و تعاون بين الكل

وطبعا موافقة الادارة

 

[+بنت الكنيسة+]

فكره حلو جداااا
بس هو احنا عندنا هنا اصغر من 17
انا معاكم طبعاااااا
ربنا يبارك خدمتك حببتي
حلوه الفكره دي
​

 

[soul & life]

احنا بالفعل قليل اللى بيكونوا اقل من 17 لكن دا لان المواضيع كبيرة عليهم وبعيدة جدا عن تفكيرهم
لو اتعمل القسم ده و عرفنا ننفذها بشكل ظريف ومتطور هنلاقى كتير هينجذبوا
يعنى مثلا ابناء الاعضاء هيسجلوا وبعدها دول هيجيبوا اصحابهم لو عجبهم القسم
الاولاد الايام دى طول الوقت اعدين على النت
وهتكون فايدة الاباء والامهات كمان

 

[ابن يسوعنا]

الادارة مش هتمانع طول ما احنا اللي بنكتب المواضيع للاطفال واحنا اللي نسجلهم من طرفنا
المهم الللي بيخدم في مدارس الاحد مين هنا
اماالاشراف دة مش مشكلة كلنا هنرد علي مشاركاتهم
بس المفروض خدام مدارس الاحد هم اللي يساهموا بالمواضيع
فكرة ممتازة جدا
وانا موافق وهجيب اطفال تشارك بس بعد ما اسافر
يعني قريب خالص كمان
علي بركة الله
​

 

[+KiMO+]

يعني يكون زي مدارس احد او اجتماع للي تحت سن ال17

انا معاكم و مشارك انشألله ... فكرة حلوة

 

[soul & life]

الادارة مش هتمانع طول ما احنا اللي بنكتب المواضيع للاطفال واحنا اللي نسجلهم من طرفنا
المهم الللي بيخدم في مدارس الاحد مين هنا
اماالاشراف دة مش مشكلة كلنا هنرد علي مشاركاتهم
بس المفروض خدام مدارس الاحد هم اللي يساهموا بالمواضيع
فكرة ممتازة جدا
وانا موافق وهجيب اطفال تشارك بس بعد ما اسافر
يعني قريب خالص كمان
علي بركة الله
​

تمام جميل الحماس ده وادى رمسيس كمان مقتنع ومتحمس للفكرة
بالفعل احنا محتاجين الخدام اللى معانا يشاركوا الفكرة مش هتنفع تتنفذ غير لو لقينا عدد كويس من الخدام والاعضاء يشاركوا
والادارة طبعا

 

[soul & life]

يعني يكون زي مدارس احد او اجتماع للي تحت سن ال17

انا معاكم و مشارك انشألله ... فكرة حلوة

ايوة بالظبط يا كيمو زى مدارس الاحد كده

احيانا فى ولاد وبنات بيدخلوا المنتدى فى المرحلة دى من 12 سنة ل 17 تقريبا

المواضيع فى الاقسام كبيرة عليهم لو ليهم قسم خاص بيهم بمواضيع تهمهم

قصص من الانجيل مختصرة وبشكل متطور هيكونوا مرتبطين بالمنتدى اكتر

 

[النهيسى]

الأخت نيفيان
عجبتنى الفكره جدا ومميزه
وعجبنى أصرارك وردودك وأقتناعك
لو الاداره وافقت هكون مشارك جدا
ربنا يفرح قلبك
​

 

[soul & life]

الأخت نيفيان
عجبتنى الفكره جدا ومميزه
وعجبنى أصرارك وردودك وأقتناعك
لو الاداره وافقت هكون مشارك جدا
ربنا يفرح قلبك
​

اشكرك استاذى اسعدتنى جدا مشاركتك وتشجيعك للفكرة ومنتظرين نشوف الفكرة هتتنفذ او لا

 

[tamav maria]

فكرتك جميله يانيفيان
وبكده احنا ممكن نشغل اولادنا في المنتدي
بدل ما يشغلوا وقتهم في مواقع او منتديات مش مسيحيه
وانا معاكم

 

[soul & life]

فكرتك جميله يانيفيان
وبكده احنا ممكن نشغل اولادنا في المنتدي
بدل ما يشغلوا وقتهم في مواقع او منتديات مش مسيحيه
وانا معاكم

بالظبط ماريا دا الهدف الاول انهم يلاقوا زى مدارس احد على الجهاز لان مدارس الاحد فى الكنايس حاليا مش بتجذبهم بالقدر الكافى واعدتهم على الكمبيوتر بالنسبة ليهم امتع
فلو قدرنا نسجلهم فى منتدى مسيحى واثقين فى المواضيع والمحتوى اللى هيتقدملهم هيكون شىء رائع وهيعود علينا ببركة كبيرة
لو بس نبتدى باولادنا واولادنا بالطبع هيجيبوا اصحابهم وهكذا
مبسوطة خالص ان الفكرة عجبتك

 

[واثقه فيك يارب]

اقتراح رائع جداا بجد
عجبتني الفكرة كتير
وبتمني انها تتنفذ

واكيد فيه كتير هيستفادو من الاقتراح دا
وخصوصا اللي تحت 17 سنه اللي انا منهم طبعا : )
​

 

[أَمَة]

الفكرة كويسة ويمكن تبدأ صغيرة وتنمو مع الوقت ويصبح المنتدى ملجأ لأولادنا في عمر المراهقة يستفيدون منه علما ومعرفة في إيمانهم.

ولكن هل من متطوع ليشرف على القسم ((((أنا بسمع ايمنننننننن))))

هذا لو الإمكانيات الفنية سهله - فأنا لا خبرة لي في هذه الجزئية
لنرى ماذا يقول روك.​

 

[soul & life]

الفكرة كويسة ويمكن تبدأ صغيرة وتنمو مع الوقت ويصبح المنتدى ملجأ لأولادنا في عمر المراهقة يستفيدون منه علما ومعرفة في إيمانهم.

ولكن هل من متطوع ليشرف على القسم ((((أنا بسمع ايمنننننننن))))

هذا لو الإمكانيات الفنية سهله - فأنا لا خبرة لي في هذه الجزئية
لنرى ماذا يقول روك.​

شكرا يا امى لمشاركتك .. انا صدقينى قولت كده مفيش احسن من استاذ ايمن فى الجزئية دى علشان له خبرة فى النواحى التربوية ومدارس الاحد
نشوف بس الادارة الاول رايها ايه ؟؟ واستاذ ايمن بعدين .. الاطفال احباب الله يا استاذ ايمن:smile01