- إنضم
- 10 نوفمبر 2010
- المشاركات
- 8,448
- مستوى التفاعل
- 1,987
- النقاط
- 113
كلامك صحيح جدا وعجبني جدا ، كلامنا كمسيحيين شرقيين باللغة لعربية ده نعمه فعلا ، لان بيها نقدر نوصل للناس المتحدثين بالعربيه ونفهمهم وتوصلهم رسالة الخلاص باللغة اللي يفهموها ، وكلامك عن انتشار اللغة اليونانية قبل مجيء المسيح صحيح ، وهو ترتيب الهي فعلا ، وإلا كان هيبقا فيه صعوبه في فهم البشارة ونقلها بلغة الناس كلها تفهمها
الأرمن بيتكلمو عربي بردو ، زينا بالظبط ، لو تعرف المذيع اللبناني نيشان ، ده ارمني ، لكنه بيتكلم العربي باللهجة اللبنانيه بطلاقة ، لانه أتربي في لبنان ، لكن ده لا يمنع انهم بينهم وبين بعض بيتكلمو الأرمني ، وبيعملوا ويحرصوا علي ان ولادهم يتعلمو الأرمني ، ده مش عيب أبدا
انا اصدق جدا ان اللغة جزء من الهويه ، بل انها كمان بتغير طريقة تفكيرك وبتشكلها ، جرب كره تفكر بلغة تانيه غير ألعربيه ، هتلاقي في اختلاف في التفكير ، سبب كبير من وجهه نظري ان المسيحيين المصريين بقو مصبغوين بثقافة عربيه لا تمت للمسيحية بصله ، هو اللغة ، اعتقد لو كانو احتفظو ببعض من لغتهم الأصلية ، كانو افتكرو كل مرة يتكلّمو بيها انهم مياخدوش من ثقافة مش بتاعتهم ، ولا حتي بتاعت المصريين المسلمين ، ثقافة المصري تختلف عن ثقافة شبه الجزيرة ، لكن للأسف هما اثرو فينا اكتر
وده مش كره ليهم ، ولكن الصح ان كل واحد يحتفظ بهويته مع انه يفضّل منفتح علي الآخرين وياخد منهم الجيد فقط
