اشمعنا الرجالة ؟؟؟

[white.angel]

لأ مش معناه كدة ..أنا نفسى أبطل الهبابة دى
باحاول ..ابطل شوية وارجع لها تانى
لذيذة بنت اللذينة :smile01

بصى ...هو مش هينفع اقولك لية لأنها حاجات رجالى ماتتقالش ...أو ماينفعش تتقال فى المنتدى دة
أتفقنا ؟​

خلونا ياجماعة نكون صادقين مع نفسنا شوية
سيبكم من المجتمع اللى ( كلنا ) بنرمى بلاوينا عليه ...
الولد لما يرجع فى وقت متأخر مش بنقلق عليه ...البنت بنخاف عليها
أعتقد انك بتقرى عن حوادث أغتصاب لبنات راجعة بالليل من شغلها وفى حالها
ودة مش عندنا بس ..دة فى كل دول العالم
غير كدة وكدة ...الولد لما بيرجع متأخر أقصى حاجة بتتقال عليه ( واد صايع ) ...بتحصل طبعاً
البنت بقى بيتقال عليها لفظ تانى خالص :smile01
أنا عن نفسى كراجل مسئول وأب لبنت وولد لا أسمح انه يتقال على بنتى اللفظ دة
وفى نفس الوقت فيه حاجة أسمها نظام للبيت ...بيكون مسئول عنه كل رب أسرة
عمرك شفتى ( رب ) سايب الدنيا من غير نظام وشعبه يعيش سبهللة من غير " تعاليم " ؟؟؟

بخصوص ان البنت تتأخر بره البيت
لو اديتها مساحة حريه انك لو حابه تتأخرى اتأخرى بس هنقلق عليك لان حال البلد زفت وممكن يغتصبوك او تتخطفى ... هتلاقى البنت "من نفسها " رجعت بدرى والتزمت بكلامك من غير ما تقولها

ماما فى البيت بتخلينى انفذ كل اللى فى دماغها من غير ما تقوله

انا فاهمه قصدك ومقدره مشاعرك كأب ... بس النصيحه لو جت ان دايركت كمفهوم محبه ... هتأثر احسن ما تيجى دايركت كأمر

فهمت قصدى
​

 

[elamer1000]

ده موضوع كبير

والنت مش مساعدنى اظبطه وارجع

+++
​

 

[+GOSPEL OF TRUTH+]

اقولكم علي حاجه في متاهه ان البنت تدخن ولالا و تسافر ولالا و الولد يصيع قبل الجواز و لالا

اقولكم علي جمله واحده تلخص كل دا من غير ما تفهموني غلط؟

اقول؟

هقول جاتنا سبعين نيله في خيبتنا و قرفنا فالحين نناقش المواضيع المتخلفه دي و احنا في سنه 2012 و امريكا سنه 1969 طلعت القمر و بدات في اختراع الطائره الكاسره لحاجز الصوت سنه 1967 و اكتشفوا في سوسيرا الجين المسئول عن التوحد الشهر دا و احنا ستات و رجاله لسه بنناقش التدخين و الجونله القصيره و الجلابيه و الزبيبه و الفروق بين البنات و الولاد

اقولكم علي شئ

صنعوا فوانيس رمضان زي الصين الاول و اكتفوا ذاتيا من القمح و اتطوروا و بعدين ناقشوا السفاسف دي

افلحوااااااااااااا الاول انكم ما تبقوش عاله علي الغرب المنحل الداعر العاهر و بعدين ابقوا كلموني

سؤال؟ ليه بقالنا اكتر من 500 سنه و احنا عاله علي الانجاس المنحلين دول ليه و تقدموا هما؟ و اليابان و الصين و الهند اتقدموا؟ اكيد فيه سر معين في البشر و ارجوكوا محدش يقولي دي مؤامره منهم لانهم ما كانوش عايزين الهند تتقدم و الصين و تقدموا غصبن عن انف الغرب يبقي العيب في ميييييييييييين؟ اكيد العنصر البشري الشرق اوسطي

انا قولت الكلمين الي عندي و الله يحرق نظره الناس للي بكتبه بجاز غير نقي الي مش عاجبه كلامي ما يقراهوش و خلاص

المره الجاييه ابقوا ناقشوا دخول الحمام بالرجل اليمين و ناقشوا هل يجوز البنت تبص من الشباك ولالا

سلام يا اهل الكهف​

 

[Desert Rose]

غير كدة وكدة ...الولد لما بيرجع متأخر أقصى حاجة بتتقال عليه ( واد صايع ) ...بتحصل طبعاً
البنت بقى بيتقال عليها لفظ تانى خالص :smile01

هى ديه المشكلة اللى بنقول عليها مسيو عبود ليه الكيل بميكيالين ؟ ليه الولد يتقال عليه كده والبنت يتقال عليها كلام افظع ؟
وليه يتقال على الاتنين اصلا ؟ شو خصنا احنا اذا رجعو متأخر ولا مرجعوش خالص
ما كل واحد stick to himself وخلاص مش عارفه منين جبنا فكرة اننا لينا الحق اننا نقيم الاخرين اخلاقيا ونراقب اخلاقياتهم ونقولهم يعملو ايه ومش يعملو ايه ؟
هو كده لمجتمع هيتصلح يعنى ؟ لا بالعكس طول ما كل واحد مشغول بالتانى عمل ايه ومعملش ايه هينسى نفسه تماما
انما لما اكون مخليه نفسى فى حالى وببدأ بنفسى بأنى اكون انا الكويسة وكل واحد عمل كده ساعتها المجتمع فعلا هيبقا احسن [/COLOR]

 

[إيمليــآ]

,.

آلموضوع كبر قوووى

آلبنت لآزم فعلاً تبقى حرهـ
آللى عندهآ قدرة تقتنص آلحرية دى كآن بهآ .. لكن آللى مآبيسعآش ولآ يقدرش يحرر نفسهـ يبقى لآ يستحق حريتهـ ..!

كل وآحدة تعيش معركتهآ وثقتهآ فى نفسهآ تخليهآ تتخلى عن رضآ مجتمع ترفض فكرهـ
( مآ دآمت مآبتغلطش ولآ بتتجآوز مآ يحل لهآ )

غير كدهـ إحنآ بنلف حوآلين نفسنآ (



.،​

 

[sha2awet 2alam]

مبسوطة بيكو انا استمرو :smile01

 

[+GOSPEL OF TRUTH+]

علي فكره بعض ( و ليس كل للتوضيح) بعض الرجاله هبل اوي اوي اوي اوي اوي اوي

يبقوا فارضين قددددددددددددد كدا قيود و قيود غير معقوله و البنت او الزوجه تجري تكسرها من وراه

يكره ان الست تدخن و تدخن بعد اما يخرج او في مكان لا يراه فيها

يرغمها علي النقاب (للمسلمين) فتخلعه رغم عنه من وراه

يمنعها تخرج فتخرج عندما يخرج

و في الاخر بتنفذ هي الي دماغها مهما كان الرجل متسلط هههههههههه

حتي تصل الامور بالمرأه في بعض الاحيان والعياذ بالله ( ربنا يكفينا الشر) بالخيانه بعد خروج الزوج من المنزل

المهم ان تفعلي ما تريدي في الظلام من وراء رجلك سواء كان اب او اخ( رغم ان الاخ المفروض مالوش كلمه عليكي اصلا) او زوج

بس انا موافقه استاذي الكبير عبود في مسئله السهر برا نظرا لخوفه علي البنات من تردي الوضع الامني ....

نحن من المدن التي معدل الجريمه فيها عالي اوي اوي

يبقي لازم اي اب يخاف علي بنته

انا مسموح ليا التاخير لو حد هيوصلني من اهلي او لو انا مع اهلي بتاخر ... يعني ابقي في صحبه امنة لان اهلي وضحولي انهم مش شاكين فيا بس خايفين عليا و انا متقبله دا و اختي بتتاخر لو صحابها وصلوها و كدا و عادي متقبله دا بصدر رحب

و احب اقول لكم ان الاسر المحترمه لا تسمح لصبيانها بالتاخير عن 12 واحده بالكتير عشان انزلاقه في الجريمه و لان البلطجي الي بيسرق بالاكراه لا يفرق بين رجل و امرأه و كانت جدتي الله يرحمها بتحاسب اخوات ماما الصبيان علي دخولهم و خروجهم عشان ما ينزلقوش في الصياعه فينبغي في المدن الاقل امنا فعل هذا للولد و البنت

احنا مش في ستكوهولم او هلسنكي حيث الامان عالي جدا و الشعب نفسه طيب اوي

دا حتي في لندن فيه مناطق لا تتاخر فيها لان معدل الجريمه عالي اوي و الجريمه ذروه نشاطها بالليل طبعا

انا موافقه علي تحديد مواعيد الخروج بس موافقه بدافع الخوف الامني مش بدافع كلام الناس عشان الناس لما بتحط حد في دماغها كدا بتتكلم و كدا بتتكلم و مش عاتقين حد في حاله فسيبكم من كلامهم نهائي لانه اساسا ياما خرب بيوت بالباطل

سلام...​

 

[عبود عبده عبود]

يكره ان الست تدخن و تدخن بعد اما يخرج او في مكان لا يراه فيها​

دة على أساس أنه طفل رضيع مش واخد باله يعنى ؟؟؟
ولا هيشم ريحتها لما يرجع ؟ ولا هيعرف ؟!!!
على العموم زى ما فيه رجالة لا تفضل الست المدخنة
فيه برضه ستات بتشترط فى الراجل انه يكون غير مُدخن
مالهاش اى علاقة بالمجتمع
وماهياش قيود بتُفرض ولاحاجة ...دى ميول وامزجة
فمن شاء فليدخن ومن شاء فليُقلع ...
أحبائى كل أفراد الأسرة سعدت بلقائكم :smile01

 

[فادي الكلداني]

فمن شاء فليدخن ومن شاء فليُقلع ...

هو الموضوع ليه علاقة بالقسم الاسلامي؟! :smile01

 

[عبود عبده عبود]

هو الموضوع ليه علاقة بالقسم الاسلامي؟! :smile01