اشمعنا الرجالة ؟؟؟

[sha2awet 2alam]

فى مجتمعنا الشرقى العريق فيه حقوق محفوظة للرجال فقط ... و ممنوعة على البنات منعًا باتًا ... نذكر بعضها على سبيل المثال:scenic: :
1- البيه حقه يدخن براحته .. لكن البنت عييييييييب .
2- الباشا يقدر يسهر للفجر برا البيت و محدش يقدر يكلمه .. لكن البنت آخرها 10 و لو اتأخرت دقيقة يتفتحلها محضر و س و ج و احتمال تتحرم من الخروج فترة محترمة كنوع من انواع العقاب و التأديب .
3- الأستاذ حقه جدًا يشتم و بأقذر الألفاظ .. لكن البنت عييييب تبقى قليلة التربية لو مجرد لمحت عن شتيمة مش قالتها !!!:act23:
4- ياسلام بقا لو الولد بيعرف يعمل كام حركة قذرة على كام كلمة تلميح فيها قباحة و دلالات جنسية ياااااة يبقى ولد مخلٌص و مقطٌع السمكة و ديلها . لكن البنت ...... !!!
5- من حق الولد فى الترام او المترو او الأتوبيس يتحرش بالبنت عادى جدا و مفيش شحط يقوله انت بتعمل ايه ... لكن البنت متنطقش و حتى لو عملها حاجة لازم تفضل واقفة زى الصنم .. و متقولش حاجة .. اصل اسهل كلمة هيقولهالها انا معملتش حاجة و انتى بتتلككى و يفضحها و حتى لو فيه راجل تانى شايفه هيعمل عبيط !!!:a82:
6- برضه من الحقوق المكفولة للولد ( و اللى مفيش ولد بيفرط فيها بصراحة ) انه يكونله ماضى و عامل علاقات مع نص بنات البلد .. لكن يوم ما يجى يتجوز البيه لازم بنت مبتطلعش من بيتهم ولا عمرها لمحت راجل قبله !!
7- البيه حقه يسافر و يبات عند صحابه أو يخرج و يقفل موبايله بالساعات و لو جدع ابقى لاقيه .. لكن لو البنت بالصدفة موبايلها فصل شحن تبقى كارثة و هى اكيد قفلاه و بتعمل مصيبة !!:act31:


الحاجات دى مجرد امثلة مش حصر كامل لكل حقوق الشباب المحرمة على البنات تمامًا . و أظن من حقى كأنثى انى أطالب بالمساواة ( هى جت عليا يعنى ) بس انا عايزة مساواة من نوع آخر .يعنى انا مش عايزة البنات تعمل زى الشباب .. تؤ تؤ .. انا عايزة العكس !!!! ... يعنى زى ما بنحرم السهر و التدخين و الشتيمة و الخروج و القباحة على البنات .. نحرمها على الشباب كمان ( ولا هى خيار و فقوس ) .. لان الضرر واحد للجنسين .. يعنى التدخين زى ما بيضر البنت بيضر الولد .. و الشتيمة قلة تربية سواء للولد او للبنت .. و الولد اللى بيتسلى ببنات الناس لازم يكونله سمعة زيه زى البنات ....:t32:

عزيزى الراجل متحرمش على البنات اللى انت محلله لنفسك .. الغلط غلط ليك و لغيرك .. و الرجولة مش حصانة تحميك من العقاب على أى غلط تعمله ... الرجولة بجد انك تمنع نفسك من الوقوع فى الغلط قبل ما تنتقد غيرك فيه

 

[Critic]

انا موافق بالمساواه , بس بصي بقا من زاوية تانية
وقت الجد انتى وكل البنات مش هتوافقوا بالصفقة !
لا حد فيكوا هيرضى يدخل جيش , ولا حد فيكو هيشتغل علشان يجيب شبكة وشقة بألافات مؤلفة (لدرجة انه ممكن يتغرب ويقضيها مرمطة فى سبيل كدة) ,ولا هتشيلوا مسئولية والتزام الرجال تجاه الامور المالية, ده حتى لما يجيلك ابن الحلال باباكى هو المتكفل بكل مالياتك ! الشغل بالنسبة لكم تحقيق ذات مش اكتر _اختيارى يعنى ونزاهة ههههه ولو حبيتى تقعدى فى البيت محدش هيقولك حاجة _بالنسبة للراجل الموضوع مختلف تماما , بامانة اشكرى ربنا انك بنت ,بغض النظر عن السلبيات الكتير اللى محدش يقدر ينكرها لكن كونك بنت فى مجتمع شرقى مديكى برضو مميزات كتير مش هتحسى بيها الا لو كنتى راجل

 

[+Sameh+]

3- الأستاذ حقه جدًا يشتم و بأقذر الألفاظ .. لكن البنت عييييب تبقى قليلة التربية لو مجرد لمحت عن شتيمة مش قالتها !!!:act23:
4- ياسلام بقا لو الولد بيعرف يعمل كام حركة قذرة على كام كلمة تلميح فيها قباحة و دلالات جنسية ياااااة يبقى ولد مخلٌص و مقطٌع السمكة و ديلها . لكن البنت ...... !!!
5- من حق الولد فى الترام او المترو او الأتوبيس يتحرش بالبنت عادى جدا و مفيش شحط يقوله انت بتعمل ايه ... لكن البنت متنطقش و حتى لو عملها حاجة لازم تفضل واقفة زى الصنم .. و متقولش حاجة .. اصل اسهل كلمة هيقولهالها انا معملتش حاجة و انتى بتتلككى و يفضحها و حتى لو فيه راجل تانى شايفه هيعمل عبيط !!!:a82:
6- برضه من الحقوق المكفولة للولد ( و اللى مفيش ولد بيفرط فيها بصراحة ) انه يكونله ماضى و عامل علاقات مع نص بنات البلد .. لكن يوم ما يجى يتجوز البيه لازم بنت مبتطلعش من بيتهم ولا عمرها لمحت راجل قبله !!



عزيزى الراجل متحرمش على البنات اللى انت محلله لنفسك .. الغلط غلط ليك و لغيرك .. و الرجولة مش حصانة تحميك من العقاب على أى غلط تعمله ... الرجولة بجد انك تمنع نفسك من الوقوع فى الغلط قبل ما تنتقد غيرك فيه

هااااار اسود
دا انتوا طلعتوا فاهمين كل حاجة وانا اللى كنت فاكرك انكم طيبين ولا فى دماغكوا

بس مش كله كدا :love34:
​

 

[sha2awet 2alam]

انا موافق بالمساواه , بس بصي بقا من زاوية تانية
وقت الجد انتى وكل البنات مش هتوافقوا بالصفقة !
لا حد فيكوا هيرضى يدخل جيش , ولا حد فيكو هيشتغل علشان يجيب شبكة وشقة بألافات مؤلفة (لدرجة انه ممكن يتغرب ويقضيها مرمطة فى سبيل كدة) ,ولا هتشيلوا مسئولية والتزام الرجال تجاه الامور المالية, ده حتى لما يجيلك ابن الحلال باباكى هو المتكفل بكل مالياتك ! الشغل بالنسبة لكم تحقيق ذات مش اكتر _اختيارى يعنى ونزاهة ههههه ولو حبيتى تقعدى فى البيت محدش هيقولك حاجة _بالنسبة للراجل الموضوع مختلف تماما , بامانة اشكرى ربنا انك بنت ,بغض النظر عن السلبيات الكتير اللى محدش يقدر ينكرها لكن كونك بنت فى مجتمع شرقى مديكى برضو مميزات كتير مش هتحسى بيها الا لو كنتى راجل

على فكرة بقا انا كنت محددة جدا ... انا بطالب بالمساواة فى الحاجات اللى قولتها بس ... ماليش دعوة بالباقى .. و المساواة هنا مش بغرض فرض السيطرة او الروس تتساوى و الكلام الفاضى دة كله ... بس انا شايفة ان لو الولد كان بيعمل زى البنت فى الحاجات دى بالذات هيكون ارقى و اكتر احتراما .. مش هدفى ان واحدة بواحدة و العين بالعين و الكلام الفاضى دة ... فهمتنى يا كريتك

 

[Critic]

لى فكرة بقا انا كنت محددة جدا ... انا بطالب بالمساواة فى الحاجات اللى قولتها بس

ايوووووووووووة جيبى ل ورا بقا اول ما سمعتى سيرة جيش وشقة وشبكة ههههههههههه

 

[sha2awet 2alam]

ايوووووووووووة جيبى ل ورا بقا اول ما سمعتى سيرة جيش وشقة وشبكة ههههههههههه

عيب عليك ياراجل انا جايبة لورا من قبلهم اصلا :fun_lol: لا كلام جد ... الراجل راجل و الست ست ... و مؤمنة جدا بحدود كل واحد فيهم ... بس ايه الغلط فى كلامى ان الراجل يعمل كدة ؟؟؟ ايه اللى هيضره لو بطل يشتم او يدخن او يسهر بدون اسباب ؟؟؟

 

[Samir poet]

بالظبط كدا اخى الحبيب كريتك
بس انا ليا ملحوظة صغيرة
من ناحية الشباب
طبعا الشباب عشان هما رجال فغصب عنهم برضو بسبب المشاكل
العائلية رايح فين وجاى من فين ومشاكل الداراسة الثانوية العامة والكلية
يعنى شوية مشاكل ممكن من النوع مخنوق جدا وانتو عارفين الثانوية عامة
شى طبيعى الراجل بيبقا عاوز حد يحس بة بتعبو حد يشجعة يقف جانبو وطالما مفيش حد جانب فعقل الشاب
بيتج طريق غلط مثلا شرب السجاير من وراء اهلة
كمان لو هو لو بغير مثلا من اصاحبو انهم بيمشو مع بنان فى بالطريقة دى بيعمل زيهم
بس فى النهاية احب لازم يكون الرجل زى المراة
وعلى الاقل ياريت البانات تقدر الشباب لانكم متمتعين بنعمة الرجل نفسو ياخدهااااااااا لان المسؤلية كلها فوق دماغوووووو
انا الحمدلله مش بشرب ساجاير وديما فى حالة مش بعكاس بنات
بالعكس بيحصل البنات بيعكسونى هههههههههه..الخ
​

 

[عبود عبده عبود]

- البيه حقه يدخن براحته .. لكن البنت عييييييييب .

(1) البنت حقها تمضغ لبانة ...الراجل عييييييب 0 يبقى توتو

2- الباشا يقدر يسهر للفجر برا البيت و محدش يقدر يكلمه ..

(2) ما هى فعلا ما بتتكلمش لكن نهاره أبوه طين لمدة شهرين على الأقل لو كانت ست عاقلة ...أما العينة أياها أحتمال تفتكرها له سبع سنوات

3- الأستاذ حقه جدًا يشتم و بأقذر الألفاظ .. لكن البنت عييييب تبقى قليلة التربية لو مجرد لمحت عن شتيمة مش قالتها !!!

(3) الأستاذ لو ماشتمتش واحد بيعاكسها هتقوله بقى انت راجل انت ؟ يعاكسنى ولا أنت هنا ولا كأن ؟!!!:t19:

4- ياسلام بقا لو الولد بيعرف يعمل كام حركة قذرة على كام كلمة تلميح فيها قباحة و دلالات جنسية ياااااة يبقى ولد مخلٌص و مقطٌع السمكة و ديلها . لكن البنت ...... !!!

(4) جرى يا شقاوة ...ترضى تاخدى واحد قفل ؟؟:shutup22:

5- من حق الولد فى الترام او المترو او الأتوبيس يتحرش بالبنت عادى جدا و مفيش شحط يقوله انت بتعمل ايه ... لكن البنت متنطقش و حتى لو عملها حاجة لازم تفضل واقفة زى الصنم .. و متقولش حاجة ..

(5) ماهى لو أعترضت وقالت له : جرى أية يا أستاذ مش كدة !!!
هيقولها : أمال أزاى ؟!!!!!:new6::new6::new6:

6- برضه من الحقوق المكفولة للولد ( و اللى مفيش ولد بيفرط فيها بصراحة ) انه يكونله ماضى و عامل علاقات مع نص بنات البلد .. لكن يوم ما يجى يتجوز البيه لازم بنت مبتطلعش من بيتهم ولا عمرها لمحت راجل قبله !!

(6) ولأن ماضى الرجل كان سيئاً فهو لايريد أن يصطدم مرة أخرى بخلقة هذا الماضى :fun_lol:

7- البيه حقه يسافر و يبات عند صحابه أو يخرج و يقفل موبايله بالساعات و لو جدع ابقى لاقيه .. لكن لو البنت بالصدفة موبايلها فصل شحن تبقى كارثة و هى اكيد قفلاه و بتعمل مصيبة !!

(7) ولية ما تكونشى قافلاه عشان مش عايزة تسمع صوت أمه ؟:flowers:

الحاجات دى مجرد امثلة مش حصر كامل لكل حقوق الشباب المحرمة على البنات تمامًا . و أظن من حقى كأنثى انى أطالب بالمساواة ( هى جت عليا يعنى ) بس انا عايزة مساواة من نوع آخر .يعنى انا مش عايزة البنات تعمل زى الشباب .. تؤ تؤ .. انا عايزة العكس !!!!

يعنى عايزة الولاد يعملوا فيها بنات ؟!!!!!!!
مصايب أية السودة تييى ؟؟:t19:

... يعنى زى ما بنحرم السهر و التدخين و الشتيمة و الخروج و القباحة على البنات .. نحرمها على الشباب كمان ( ولا هى خيار و فقوس ) .. لان الضرر واحد للجنسين .. يعنى التدخين زى ما بيضر البنت بيضر الولد ..

لو حرمتيه من السهر هيلزق لك فى البيت وقعدة الرجالة فى البيت وحشة صدقينى
على رأى المثل ( اية جاب الشجار والنقار قالت قعدة الراجل فى الدار )
الراجل بيدخن ويبوظ صدره لأنه ما بيرضعش !!!!:fun_oops:
أما الشتيمة بتبقى ونس فى البيت وبتحسى أن معاكى راجل له ( حس ):bomb:

و الولد اللى بيتسلى ببنات الناس لازم يكونله سمعة زيه زى البنات ....

ههههههههههههه ( سمعة ) أتشال بحكم اللجنة الرئاسية ...:new6:

عزيزى الراجل متحرمش على البنات اللى انت محلله لنفسك ..

خلاص تعالى نسهر مع بعض ...ونروح السيما ونقعد ع القهوة
( سورى ) نقعد فى كافية :t17:وأعزم عليكى بسوجارة
وأحتمال نحود على غرزة عطيطو وأحنا راجعين :fun_lol:

 

[Samir poet]

عيب عليك ياراجل انا جايبة لورا من قبلهم اصلا :fun_lol: لا كلام جد ... الراجل راجل و الست ست ... و مؤمنة جدا بحدود كل واحد فيهم ... بس ايه الغلط فى كلامى ان الراجل يعمل كدة ؟؟؟ ايه اللى هيضره لو بطل يشتم او يدخن او يسهر بدون اسباب ؟؟؟

تبقا معجزة ودا بجد نفسى فية
على الاقل الشاب لما يجى يتجوز البنت والولد
ايكد هيقربو من بعض هيفهم بعض
​

 

[sha2awet 2alam]

تبقا معجزة ودا بجد نفسى فية
على الاقل الشاب لما يجى يتجوز البنت والولد
ايكد هيقربو من بعض هيفهم بعض
​

ماشى بس انا بدات انى بدن فى مالطة :scenic: انا اتمنى الولد يكون كدة ... اظن ان دة رقى للولد .. لكن واضح كدة ان مفيش فايدة على رأى المرحوم سعد :blush2:

 

[عبود عبده عبود]

بس فى النهاية احب لازم يكون الرجل زى المراة

ياجدع عيب عليك ....
راجل أية اللى زى المرأة دة ؟؟؟
يعنى أتحجب ؟ :new6::new6::new6:

 

[Samir poet]

اهى عيشة وبنعاشها هنعمل اية دلوقتى يعنى
ادى الراجل وادى السن بس اقلك لو الشاب فعلان ابن المسيح فعلان
طبعا بينفذ كلام المسيح اكيد بكل تاكيد
مش هيعمل معظم اللى قولتى يعنى اكيد مش هكس بنات
الناس واكيد كملن مش هيشرب سجاير ولا يقعد على قهاويى
خدينى على سيبل المثال انا البنات عليا طوابيرررررررررررررر
​

 

[Critic]

بس ايه الغلط فى كلامى ان الراجل يعمل كدة ؟؟؟ ايه اللى هيضره لو بطل يشتم او يدخن او يسهر بدون اسباب ؟؟؟

يا بنتى ما هو محدش بيقول ان ده صح حتى اللى بيعمل كدة
ومتعمميش برضو
الدنيا لسا بخير ,خليكى مع النحية الكويسة اللى بيؤمنوا بالمساواه ومتركزيش مع الاغلبية لأنك هيبقى قدامك طريقين :
1-انك تفضلى تغلى فى نفسك وتحاولى تغيرى العالم وده مش هيحصل فهتغضبى ثم هيجيلك احباط ويأس
2-انك تكبرى دماغك وتريحى اعصابك وتتعاملى بس مع النوع الكويس بالنسبة لك وتعرفى ان النوع الوحش ده لا مفر من وجوده

انا بيجى عليا وقت افضل انتقد كل ظواهر قلة الاخلاق والتخلف الثقافى والاجتماعى فى مجتمعنا ! وببقا فاضلى شوبة وارمى نفسى من البلكونة ,بس برجع لنفسى وافكر نفسى انى مش مسئول عن حل مشكلات العالم وتقويمه وانا اولى براحتى العصبية

وخلى بالك مجتمعنا كل حاجة حلوة فيه "ظاهرية" بس وده نتيجة التدين الظاهرى , يعنى لو فاكرة ان البنات مش بيعملوا كدة فى العلن اقدر اقولك ان فيه نسبة مش صغيرة بتعمل العن من الولاد فى الخفاء او كلما سنحت الفرصة

فلو فضلتى تقولى : هيخسروا ايه ؟ وليه مش بيتعدلوا ؟ وليه مش بيتصلحوا ؟ طب ليه السلفيين متخلفين ؟ طب هما عارفين انهم متخلفين ؟
اقدر اجزملك ان مفيش حاجة هتتغير غير انك هيجيلك ضغط هههههههه

 

[sha2awet 2alam]

هااااار اسود
دا انتوا طلعتوا فاهمين كل حاجة وانا اللى كنت فاكرك انكم طيبين ولا فى دماغكوا

بس مش كله كدا :love34:
​

ههههههههههه شوفت عارفين و مدكنين احنا :new6:

مش كله فعلا بس اغلبه نقول 99 % ماشى :smil15:

 

[oesi no]

هو كل حاجة اشمعنا

 

[sha2awet 2alam]

ربى لا اسالك رد القضاء و لكنى اسالك اللطف فى :shutup22:

(1) البنت حقها تمضغ لبانة ...الراجل عييييييب 0 يبقى توتو


لا يا سيدى فيه رجالة كتير بياكلو لبان عادى جدا و رجالة بشنبات صحيح مش من اللائق و مش من الاتيكيت بس بيعملوها و مش بيتقالهم عيب ولا حاجة ... الراجل فى مجتمعنا فوق حدود العيب و الكلام دة

(2) ما هى فعلا ما بتتكلمش لكن نهاره أبوه طين لمدة شهرين على الأقل لو كانت ست عاقلة ...أما العينة أياها أحتمال تفتكرها له سبع سنوات
انا بتكلم عن البناويت و الشباب الصغيرين مش المتجوزين قبل ما يدخلو القفص حضرتك .. القفص له قوانينه الخاصة بيه :smil15:


(3) الأستاذ لو ماشتمتش واحد بيعاكسها هتقوله بقى انت راجل انت ؟ يعاكسنى ولا أنت هنا ولا كأن ؟!!!:t19:

لا انا بتكلم عن الشتيمة اللى بياخدوها بدل الصباح و المسا كدة ..مش فى المواقف المعينة .. الشباب دلوقتى بيصبحو على كدة صباح الخير يا كذا يقوله صباح زى وشك يا ابن كذا و كأن الشتيمة هى الفاصل بين كل كلمة و التانية .. دة اللى اقصده



(4) جرى يا شقاوة ...ترضى تاخدى واحد قفل ؟؟:shutup22:
اديك حضرتك راجل مثقف و زى الفل و قولت على واحد انه قفل لمجرد انه محترم مالهوش فى الكلام اللى مالهوش لازمة ... امال الناس العامية تقول ايه يا استاااااااااذ


(5) ماهى لو أعترضت وقالت له : جرى أية يا أستاذ مش كدة !!!
هيقولها : أمال أزاى ؟!!!!!:new6::new6::new6:

و ايه السعادة اللى انت فيها دى بالرد اللى مايعلم بيه الا ربنا .. بس فعلا متوقع جدا بيبقو مسحوبين من لسانهم و بيقولو كل حاجة :ranting:


(6) ولأن ماضى الرجل كان سيئاً فهو لايريد أن يصطدم مرة أخرى بخلقة هذا الماضى :fun_lol:
و كان ايه لازمته الماضى من اساسه .. هو لازم يخرب الدنيا يعنى و بعدين يقرر يتهد و يتجوز ماهو لو محترم من الاول مكنش له ماضى يخاف يتخبط فى واحد شبهه



(7) ولية ما تكونشى قافلاه عشان مش عايزة تسمع صوت أمه ؟:flowers:


هرجع و اقولك المقصود البنات مش المتزوجات .. المدام محدش بيعرف ينطق معاها :new6:

يعنى عايزة الولاد يعملوا فيها بنات ؟!!!!!!!
مصايب أية السودة تييى ؟؟:t19:
لا عايزة الولاد يبقو مهذبين شوية ايه المصايب اللى فى تييي :a82:


لو حرمتيه من السهر هيلزق لك فى البيت وقعدة الرجالة فى البيت وحشة صدقينى
على رأى المثل ( اية جاب الشجار والنقار قالت قعدة الراجل فى الدار )

ههههههه ميقعدش فى البيت مقيم لا يخرج براحته بس مش يسهر لوش الفجر ولا يسافر و يبات برا يرجع فى بيته تانى ايه الغلط فيها دى ؟؟؟

الراجل بيدخن ويبوظ صدره لأنه ما بيرضعش !!!!:fun_oops:

هار اسوح ... هو انت كنت عايز الراجل يرضع كمان !! و بعدين هى الست بترضع من الرئة يعنى ؟؟ التدخين بيعمل سرطان رئة غير سرطان الثدى .. طب و الستات اللى فى سن اليأس يدخنو عادى بيس يعنى ؟؟

أما الشتيمة بتبقى ونس فى البيت وبتحسى أن معاكى راجل له ( حس ):bomb:

و هو الحس مبيطلعش غير بطولة اللسان مينفعش يتكلم زى البنى ادمين الطبيعيين ؟؟


ههههههههههههه ( سمعة ) أتشال بحكم اللجنة الرئاسية ...:new6:

ماهو اتشال بسبب عمايله السودة ... زى ماسمعة الشباب اتنست اصلا من كتر مصايبهم

خلاص تعالى نسهر مع بعض ...ونروح السيما ونقعد ع القهوة
( سورى ) نقعد فى كافية :t17:وأعزم عليكى بسوجارة
وأحتمال نحود على غرزة عطيطو وأحنا راجعين :fun_lol:

طب ماتيجى انت تبطل تدخين و تقعد فى بيتكم و تبطل سهر و متشتمش ... بذمتك مش كدة اوفر :smil15:

 

[sha2awet 2alam]

اهى عيشة وبنعاشها هنعمل اية دلوقتى يعنى
ادى الراجل وادى السن بس اقلك لو الشاب فعلان ابن المسيح فعلان
طبعا بينفذ كلام المسيح اكيد بكل تاكيد
مش هيعمل معظم اللى قولتى يعنى اكيد مش هكس بنات
الناس واكيد كملن مش هيشرب سجاير ولا يقعد على قهاويى
خدينى على سيبل المثال انا البنات عليا طوابيرررررررررررررر
​

بالنسبة لحوار الطوابير دى !! مايشكر فى نفسه الا ابليس :smil15:

هو كل حاجة اشمعنا

الله يعنى عايزين تعملو الغلط و احنا منقولش اشمعنا ايه الظلم دة :shutup22:

 

[sha2awet 2alam]

يا بنتى ما هو محدش بيقول ان ده صح حتى اللى بيعمل كدة
ومتعمميش برضو
الدنيا لسا بخير ,خليكى مع النحية الكويسة اللى بيؤمنوا بالمساواه ومتركزيش مع الاغلبية لأنك هيبقى قدامك طريقين :
1-انك تفضلى تغلى فى نفسك وتحاولى تغيرى العالم وده مش هيحصل فهتغضبى ثم هيجيلك احباط ويأس
2-انك تكبرى دماغك وتريحى اعصابك وتتعاملى بس مع النوع الكويس بالنسبة لك وتعرفى ان النوع الوحش ده لا مفر من وجوده

انا بيجى عليا وقت افضل انتقد كل ظواهر قلة الاخلاق والتخلف الثقافى والاجتماعى فى مجتمعنا ! وببقا فاضلى شوبة وارمى نفسى من البلكونة ,بس برجع لنفسى وافكر نفسى انى مش مسئول عن حل مشكلات العالم وتقويمه وانا اولى براحتى العصبية

وخلى بالك مجتمعنا كل حاجة حلوة فيه "ظاهرية" بس وده نتيجة التدين الظاهرى , يعنى لو فاكرة ان البنات مش بيعملوا كدة فى العلن اقدر اقولك ان فيه نسبة مش صغيرة بتعمل العن من الولاد فى الخفاء او كلما سنحت الفرصة

فلو فضلتى تقولى : هيخسروا ايه ؟ وليه مش بيتعدلوا ؟ وليه مش بيتصلحوا ؟ طب ليه السلفيين متخلفين ؟ طب هما عارفين انهم متخلفين ؟
اقدر اجزملك ان مفيش حاجة هتتغير غير انك هيجيلك ضغط هههههههه

هو لسة هيجيلى الضغط .. ماجه و اللى حصل حصل ... اانا فى الغالب مش بركز مع حد بس الموضوع بيزيد و ياريتهم بيعملو كدة على استحياء لا دة فيه بجاحة غير طبيعية كمان و كأنه حق يكفله لهم القانون :scenic:

 

[عبود عبده عبود]

اديك حضرتك راجل مثقف و زى الفل و قولت على واحد انه قفل لمجرد انه محترم مالهوش فى الكلام اللى مالهوش لازمة ... امال الناس العامية تقول ايه يا استاااااااااذ

لالالالالالالالالالا
أنا ما جبتش سيرة الأحترام ...أنا باتكلم عن الماضى بصفة عامة ...الراجل ( بلاش دى ) الشاب لما بيخرج
بيخرج مع نفسه ؟؟؟؟
وألا مع واحدة بنت برضه ؟؟؟؟:fun_lol:
جابها منين ؟؟؟ أستوردها م الصين ؟:new6:
يبقى هو له ماضى وهى كمان ...ومش فاهم اية الماضى فى كدة يعنى ؟؟؟

 

[sha2awet 2alam]

لالالالالالالالالالا
أنا ما جبتش سيرة الأحترام ...أنا باتكلم عن الماضى بصفة عامة ...الراجل ( بلاش دى ) الشاب لما بيخرج
بيخرج مع نفسه ؟؟؟؟
وألا مع واحدة بنت برضه ؟؟؟؟:fun_lol:
جابها منين ؟؟؟ أستوردها م الصين ؟:new6:
يبقى هو له ماضى وهى كمان ...ومش فاهم اية الماضى فى كدة يعنى ؟؟؟

يا سبحانك ياربى هو لو خرج مع صحابه الشباب هيجراله ايه ؟؟؟ هو لازم الخروج مع بنات ؟؟؟ عجيب امرك ... و لو الخروج مع بنات حتى فى مجموعات ماشى ... انا اقصد الانتمة الاشتغالات تحت مسمى الحب يا عبود ... انت هتموتنى بالضغظ قريب و ذنبى هيبقى فى رقبتك