اسمعو حكايه قلب حب........

[Nemoo]

اسمعو حكايه قلب حب​

قلب اخلص يوم محب​

قلب اتظلم من كتر الحب​

اكيد عرفتو من هو القلب؟​

قلبى انا كان هو نفس القلب​

قلب كان كل مشكلته انه قلب​

قلب مكنش بيسمع​

قلبى نديتله يرجع​

قالى معدش ينفع​

قولته مليش غيرك​

قالى بادور على غيرك​

قولتله بكرة تتعب​

قالى لوحدى هتعذب​

قولتله بكرة تتألم​

قالى مقدرش اتكلم​

قولتله بكرة هتضحى​

قالى فوء انت و اصح​

قولتله متبعدش عنى​

قالى مبقاش هاممنى​

قولتله بكرة تندم​

قالى الله اعلم​

قولتله خلاص هسيبك!​

قالى هدورلك على حبيبك​

قلبى جرحته بايدى​

قلبى داق منى وعيدى​

قلبى بكيته فى يوم عيدى​

قلبى مشى ورا دقاتى وتنهيدى​

يستاهل قلبى ممشيش ورا عقلى وتقاليدى​

شوفت بقى ادى كل حكايته ياسيدى​

 

[tina_tina]

جميلة اوى بجد
ربنا يبارك تعبك

 

[Nemoo]

شكرا تينا على مرورك ويارب تكون عجبتك

 

[BITAR]

لى سؤال ممكن اعرف قلبك طبيعى ولا صناعى ؟؟؟

 

[Nemoo]

ممكن اسالك سؤال

انت شايف ايه ؟

 

[ارووجة]

مع ان الكلمات خفيفة بس جميلة اووووي
ربنا معاك اخي ^_^

 

[Nemoo]

شكرا اروج على مرورك

 

[merola]

اية يا نيمووووووووووو بقة حرام عليك كل دة اية كل الاحزان دية

 

[Nemoo]

معلش بقى يا ميرولا

شكرا على مرورك يا قمر

 

[dream2010]

رائعة يا نيمو......دا انت فنان يابنى

 

[Nemoo]

شكرا دريم باشا على تعليقك

 

[emy]

حلوه اوووى الموضوع ده يا نيمو
ربنا يعوض تعبك​

 

[Nemoo]

شكرا ايمى على مرورك

ربنا يبارك حياتك