ما هو علشان نتكلم عن تطبيق القانون لازم نطبقه بطريقه صحيحه وبدون ظلم
احنا كل اللى عملناه اننا جبنا مبارك ولبسناه اخطاء الشعب كله بكل طوايفه ومستوياته
بتتهموه انه فاسد ومرتشى طيب هو مين فى مركز سلطه ومسؤوليه مش كده
من اصغر موظف ف البلد لاكبر راس مغموسين ف الفساد
الشعب صبر ليه 30 سنه ؟؟؟؟؟
علشان الجزور ف الارض مرويه فساد وميه متعكره والعين مبقتش تميز الغلط لانه بقى عادى وطبيعى
مبارك مش لازم يتحاكم لوحده ولا حتى المنظومه السياسيه اللى ورا القضبان دلوقتى الموضوع اكبر بكتييييييير من الاشخاص دى
عاوز تتهم وتحاسب هات الشعب كله وحاسبه
اصلاحات مبارك مش قليله وعلاقات مصر بالخارج ف عهده ف نظرى كانت ع احسن ما يكون
النهارده مفيش بلد طايقه المصريين ع ارضها
ف حالة نفور رهيبه من المصرى بسبب اننا ف نظرهم ناكرين للجميل ومتمردين بلا داعى
مصر حالها افضل من غيرها بكتير اقصد كانت يعنى
كنت هكون معاكوا لو كانت الثوره دى حقيقيه وهتصلح مسار البلد وهتقضى ع الفساد وتعمر البيوت
لكن للاسف الاقتصاد بينهار والبورصه كل يوم ف النازل والبطاله بتزيد بسبب العماله اللى بترجع والاستثمارات اللى بتتسحب من البلد
فى مليارات بتتسحب كل شهر من عندنا باحصائيات رسميه
ولسه لما هتبتدى حرب الانتخابات هنسيب شغلنا ونجرى ع التورته علشان نخطف منها حته
ده غير بقى العصر الاسلامى اللى داخلين عليه ده لوحده يطول عليه الكلام
هنعيش بقى الاضطهاد ع اصوله وبدال الحادثه والاتنين هنبطل نمشى ف الشارع من اساسه
حال البلد بقى يحزن بجد محدش يقدر ينكر ده