اذاعة منتدي الكنيسة((متجدد))

[روزي86]

هههههههههههههههههههههههههههههههه
هههههههههههههههههههههههههههههه
زي مقلتلك روزي
استوييييييييييييييييييييت خلاااااااااص

ههههههههههههههههههههههههههههههه

ههههههههههه لا يا حبيبتي بعد الشر عنك

 

[روزي86]

ومازلنا في انتظار

زاما


لتكملة الحوار الممتع​

 

[aned]

اسكن في منطقات المرج اعاني من شي غريب هو عدم افتقاد الكاهن مع العلم بان الكنيسة علي قرب 100 قدم انا انسان مسيحي ارثوذكسي كهنة كنيسة السيدة العذراء مريم و ابو سيفين ارض الجنينه عزبة النخل يقولون الصعقة هي نحن غير تبعين الي الكنيسه ماذا نفعل

 

[+Roka_Jesus+]

منور يا زاما

​

 

[zama]

عدنااااااااااااا مره اخري مع

زاما

عايزه اعرف امتي دموعك تنزل؟

بعد فترة كبيرة تقدر بالسنين من جفاف الدموع نزلت وقت مذبحة نجع حمادى و الكشح

لأنى أستحالة أنساهم ، بالرغم من كدا أستحالة دموعى تنزل أدام حد ..

ايه المكان اللي دايما بتحب تكون فيه؟

كل الأماكن اللى روحتها طول حياتى بتهتم بالشكليات الديكور لكن روح مفيش ،

لما أأجر قارب فى النيل (( مكان هادئ و روعة ، بحب المكان دا جداً )) ..

ايه المكان اللي نفسك تزوره لاول مره؟

فى مصر ما أعتقد ، بحس إن معظم الأماكن شبه بعض ،

نفسى أزور الصين حيث الأنتاج و فرنسا حيث الجمال و الأناقة و الموضة ..

ياتري بتحب اللي ينصحك والا مش بتتقبل ذلك؟

أة عادى اللى فى نفسوا حاجة يقولها (( ما خاب من استشار )) ، بس اللى يخنقنى بجد اللى ألاقيه يقولى

" خلى بالك من نفسك " كلمة مستفزة مفيهاش أى جملة خبرية ، طبيعى هكون مظبط

نفسى ، كمان ياريت اللى ينصحنى محسش أنه محسسنى أنى لا أفقه شئ فى الحياة ..

كمان اللى عايز ينصح عموماً مش أدام الناس عشان ما تبان أنها إظهار عيوب ،

كمان يكون بشوش فى النصيحة مش كأنه بيوجهى أنذار إطلاق النيران هههههههههههههههههههههه أو تتحول نصيحته لتحذير ..

ولو بتحب النصيحة قولي ايه اكتر نصيحة افادتك في حياتك؟

حديثاً لما بحب أخد نصيحة أمينة كاملة أقرا فى الأمجيل عامة و الأمثال خاصة ..

أتذكر أول مرة أتعلمت فيها السباحة كنت جبااااااااان جداً و بخاف أنزل المايا ،

أفتكرت أية من الأنجيل (( سلمنا فصرنا نحمل )) سيبت نفسى لقيت نفسى بحالة الطفو

الطبيعية ..

مرة زمااااااااااااااان بردو على التهور فى التصرف لقيت أية مـُعبرة جداً

(( مدينة منهدمة بلا سور الرجل الذى ليس له سلطان على روحه )) ..

أمثال 25 : 28

لمن تهدي هذه الكلمات:

وحشتني

أختى ..

مقدرش انساك

صديقى و أخواتى كلهم ..

شكرا

ربنا أولاً ، حبيبتى الأولى و الثانية ..

ربنا معاك

أخويا ..

بلاش تغيب

أختى اللى هنا فى المنتدى ..

امتي زاما يحس بالحزن؟

بشعر بالحزن لأى موقف سلبى بعمله أو أى موقف حزين أتعرض له ، لكن الحزن ما بخليه يستمر كتير بتحكم فى عواطفى كويس جداً ، لأن الأسترسال فى الحزن ما بيرجع المفقود بل بالأستمرار بنفقد حاجات تانية زى الوقت و الصحة النفسية السليمة ..

وامتي زاما يحس ان قلبه سعيد؟

لو ع السعادة دا أسهل شئ (( أى حاجة تحصلى حلوة تفرحنى ، أو أى حاجة حلوة تيجى لأى حد بحبه ، أو أى حاجة حلوة تيجى للناس اللى فهمونى غلط قبل كدا أنتزها فرصة عشان أباركلهم عليها لما أشاركهم فرحتهم يمكن الأمور تتصلح ، لكن لوشاركتهم حزنهم يمكن الذكاء بوقتها ميكونش متوافر عندهم و يعتقدوا أنى فرحان لمصيبتهم ..

ايه اكتر المواقف اللي جرحتك في حياتك؟

أى موقف سلبى بمر به بيكون بعد أنتهائه كذكرى ، لكن عديم التأثير بأحساسى لأنى مش بحب أعيش حزين أبداً ..

هل زاما ظلم شخص في يوم من الايام؟

مجرد أنى أعتقد بشئ بشخص ما و يتضح لى الأمر أن أعتقادى خاطئ ، فأنا بكدا ظلمته ..

ليس شرطاً أن الظلم يكون بالأسلوب المتعارف عليه ..

بالتالى أنا حالياً بتمهل ، لكن لم أكن مشوش الرؤية ،

زى ما قلتلك (( باخد أنطباع مبدئى و ليس حكم نهائى )) ..

كمان عايزه اعرف انت ظلمت شخص في يوم من الايام؟

قصدك حد ظلمنى بئا ،

أة فى مرة و أنا فى السنتر بتاع درس و أنا فى ثانوى دخلت من الباب ورا و البنش كان فى كام واحد أعدين يهزروا فعاملين زيطة شوية قبل المستر ما يدخل فجيت أعد ورا أصحابى كعادتى عشان هخضهم _ ما أنا كنت متعود بعمل مقالب فيهم _ و ألاقى واحد منهم بيحكى مع اللى جنبه و بيقوله

" دا مينا دا بينحر فى المذاكرة و لما بيتصل يسأل على حاجة قصده يعطلنا "

فروحت على طول قولتله " خلاص يا حبيبى ولا هزعجك تانى " فهو أندهش لأنه مكنش متوقع أنى هسمعه ، جينا بعد الدرس بيقولى " أنا أسف " أسفك مقبول ، لكن أعتبر نفسك متعرفنيش أساساً ..

في انتظار الرد​

جاوبت ..

 

[zama]

منور يا زاما

​

متشكر يا روكا : دا نورك ..

 

[zama]

منور الاذاعه يا زاما
انا عارفه انهم متوصيين بيك كالعاده
ربنا معاك ويقويك
ردودك كلها تحفه
ربنا يباركك
بحييكي يا روزي علي اختيارك الجميل ​

مـُتشكر يا جوفانى ، دا نورك ..

مـُتشكر جداً لذوئك ..

 

[zama]

منور يا زاما صدقني
انا عارفه انهم متوصيين بيك
وقايمين بالواجب
قلبي معاك هههههههههههه

أشكرك جداً جداً يا ميرو ربنا يخليكى ..

هما الحقيقة قايمين بواجبهم هما بيسألوا ،

أما واجب الضيف فييييييييين ؟؟ يعنى كأس عصير ولا حتى مايا ..

 

[+Bent El3dra+]

منور يا زاما
ربنا يقويك وتطلع من الاذاعة على خير

وسورى يا روزى ياسكرة النت فصل عندى بعد ما كلمتينى ونشكر ربنا زاما اتدبس هههههههه
​

 

[HappyButterfly]

منور يا زاما الاذاعة
واجباتك حلوة اوى
يسوع معاك ويعينك
​

 

[zama]

منور يا زاما
ربنا يقويك وتطلع من الاذاعة على خير

وسورى يا روزى ياسكرة النت فصل عندى بعد ما كلمتينى ونشكر ربنا زاما اتدبس هههههههه
​

مـُتشكر يا بنت العدرا ، دا نورك ..

..

 

[zama]

منور يا زاما الاذاعة
واجباتك حلوة اوى
يسوع معاك ويعينك
​

مـُتشكر جداً يا ديدى ربنا يخليكى دا نورك ..

 

[روزي86]

منور يا زاما ​

ربنا يقويك وتطلع من الاذاعة على خير​

وسورى يا روزى ياسكرة النت فصل عندى بعد ما كلمتينى ونشكر ربنا زاما اتدبس هههههههه​

ههههههههههه ولا يهمك يا حبيبتي

بس انتي في القائمه مش تقلقي ههههههههههه

 

[روزي86]

عدناااااااااااااااا للمره الاخيرة مع المميز

زامااااااااااااااا

عايزه اعرف امنياتك واحلامك للمستقبل؟

ياتري كان ليك حلم معين ولم يتحقق حتي الان؟

الحب من وجهة نظرك بيمثلك ايه؟

لو معاك ثلاثة وردات لمن تهديهم يعني ثلاثة اشخاص بردو؟


ايه اكتر الترانيم المحببة لقلبك؟

ياتري ايه اخبار حياتك الروحية؟

هل زاما مواظب علي الصلاة والصوم؟

اخر مرة اعترفت فيها كانت امتي؟

بتتناول كام مره في الشهر؟

ما هو المزمور المحبب لقلبك؟

ازاي اتعرفت علي منتدي الكنيسة؟

وبقالك كام سنة فيه؟

وياتري مشترك في منتديات اخري؟

ايه اكتر الاقسام المحببه ليك في المنتدي؟

اول لما بتفتح المنتدي بتعمل ايه اول حاجه؟

مين اكتر اصحابك من منتدي الكنيسة؟

ياتري وقت فراغك بتقضية ازاي طبعا بعيدا عن النت؟

ايه اكتر مكان في البيت بتحب دايما تكون فيه اطول وقت ممكن؟

وفي النهاية يا زاما احب اقولك نورت الاذاعة كلها

ومبسوطين اننا اتعرفنا عليك اكتر

وعايزه اعرف رأيك في اذاعة منتدي الكنيسة؟

نورت يا زاما ويارب الاسئلة تكون عجبتك

واسيبك تختم الحلقة بكلمة منك للمستمعين اللي نورونا

شكرا ليك يا زاما وبالتوفيق دايما في حياتك​

 

[zama]

عدناااااااااااااااا للمره الاخيرة مع المميز

زامااااااااااااااا

عايزه اعرف امنياتك واحلامك للمستقبل؟

أول أمنية أنى أكون مستعد بالقدر اللى يرضى ربنا ..

(( طبعاً بحاول أقوم مرة و بسقط كتير )) ..

كمرحلة أولى a+ أخد شهادة الـ

بعد كدا كله سهل ..

ياتري كان ليك حلم معين ولم يتحقق حتي الان؟

الشهادة دى ، أى أحلام قبل كدا سقطت بالتقادم زى ما بيقول أهل القانون ..

الحب من وجهة نظرك بيمثلك ايه؟

الحب هو تشابك كل الإيجابيات معاً ،

بأختصار هو التوازن ..


لو معاك ثلاثة وردات لمن تهديهم يعني ثلاثة اشخاص بردو؟

الحقيقة اللى بيهدى الورد بيكون ناوى ع الرحيل ..

ايه اكتر الترانيم المحببة لقلبك؟

أتذكر ترنيمة (( أنا لم أرى حباً )) لأيمن كفرونى على ما أعتقد ..

ياتري ايه اخبار حياتك الروحية؟

أنا اللى حاسه أنى مرتاح جداً ، لو إن بعدى عن التدين الشكلى أثار مخاوف البيت و الأباء الذين بصلة تربطنا بهم ، لكن أنا مقتنع باللى بعمله و الدليل المادى عطانى ثقل و أحساس بالأمان أنى فعلاً غيرت من نفسى ..

الأهم الهدف ، لكل واحد طريقة بالوصول لبر النجاة ..

هل زاما مواظب علي الصلاة والصوم؟

الصلاة بالمعنى التقليدى (( كنيسة و أجبية و سجود و مطانيات )) لا مش بعملهم كتير ،

أما أقدر أقلك الوقت اللى أنا فيه مع نفسى بتكلم مع ربنا شوية مش شرط يرد بأسلوب محسوس ، مجرد الفضفضة ضرورية ، دا يومياً ..

أة بصوم عن الأكل أحياناً ..

اخر مرة اعترفت فيها كانت امتي؟

أعتراف بالمعنى التقليدى للكاهن من أبتدائى تقريباً ، أما حالياً كل يوم فيه خلوة بنفسى

لمراجعة السلوكيات و تقييم أدائى خلال اليوم اللى خلص ..

رصد السلبيات و محاولة التحسين ، إيثار الأيجابيات ..

بتتناول كام مره في الشهر؟

مش بالعدد ، المهم أنا بهدف ناحية مين ؟؟

مع ذلك أتذكر كانت يوم جمعة تسبق جمعة ختام الصوم الكبير ..

مش بروح كتير ، من وقت ما سيبت الخدمة ، معجبنيش الوضع ، ولا التفكير ، أختلفت مع قيادات الكنيسة

فلقيت إن أفضل حاجة أسيبلهم الخدمة كلها يتصرفوا فيها زى ما هما عايزين لأنهم ما قبلوش أنى أختلف

معاهم أصلاً ، أشتريت راحة بالى بالبعد عنهم ، بعدين القرب من ربنا له مليون سكة تانية غير الخدمة ..

أى حد يدعونى لحاجة بعد كدا بعتذر بكل هدوء و أقلهم أن معلوماتى و تفكيرى على أدى ما تصلحش ،

طبعاً أول ما يسمعوا منى الكلمتين دول مش بتتكرر الدعوة تانى (( بكدا أنا ريحت دماغى من غير ما أزعل حد منى )) ..

ما هو المزمور المحبب لقلبك؟

151 هههههههههههههههههههههههه

الــمـــــــ 91 ـــــزمـــــــور

ازاي اتعرفت علي منتدي الكنيسة؟

الحقيقة بالصدفة ..

وبقالك كام سنة فيه؟

2

وياتري مشترك في منتديات اخري؟

طبعاً ، (( راديو محطة مصر ، راديو نجوم أف أم ، موالى )) ..

ايه اكتر الاقسام المحببه ليك في المنتدي؟

الشبابيات ..

اول لما بتفتح المنتدي بتعمل ايه اول حاجه؟

لو فى تنبيهات ، مدونتى بعد كدا الشبابيات أغلب الوقت و الأخبار ممكن ..

مين اكتر اصحابك من منتدي الكنيسة؟

كلهم حبايبى و أخوة أفاضل ..

ياتري وقت فراغك بتقضية ازاي طبعا بعيدا عن النت؟

بالقرايا لو كنت مهيأ لكدا ، أو بالرياضة تمارين منزلية ، أنزل حمام السباحة لو

الوقت مناسب ، ألعب شوية جيمز ، أنزل كافيه هادئ ، أعد أخنق ع السمكة اللى عندى شوية ههههههههههههههههههههههههههه ..

ايه اكتر مكان في البيت بتحب دايما تكون فيه اطول وقت ممكن؟

الصالون بشرط أنه يكون مفيش نور ، النور رغم فايدته لكنه مزعج ..

وفي النهاية يا زاما احب اقولك نورت الاذاعة كلها

مـُتشكر جداً ع اللقاء الجميل ، النور نورك أنتى يا روزى ..

ومبسوطين اننا اتعرفنا عليك اكتر

و أنا مبسوط جداً بردو ..

وعايزه اعرف رأيك في اذاعة منتدي الكنيسة؟

شئ جيد جداً جداً لأنه بيقوى وصال المحبة بالتعارف بين الأخوة ،

ملتقى للأفكار والتجارب التى تبرز من خلال الأسئلة الإذاعية ..

نورت يا زاما ويارب الاسئلة تكون عجبتك

أكيد ، أشكرك جداً ع الوقت اللطيف ..

واسيبك تختم الحلقة بكلمة منك للمستمعين اللي نورونا

أشكركم لكرم ترحيبكم بى ، أتمنى أنى أكون ضيف خفيف عليكم ،

بتمنالكم السعادة و الهدوء ..

شكرا ليك يا زاما وبالتوفيق دايما في حياتك
​

متشكر جداً ..

 

[روزي86]

ميرسي ليك يا زاما

كنت منور الاذاعه وكلامك كله صريح وجميل

 

[روزي86]

كان معانا في الحلقات السابقة

المشرف المميز

توني

http://www.arabchurch.com/forums/showthread.php?t=130054&page=258


وكان معانا ايضا

العضوه المباركه والمتميزة



‏govany shenoda



http://www.arabchurch.com/forums/showthread.php?t=130054&page=265

وكان معانا ايضا

العضو النشيط

dodo jojo

http://www.arabchurch.com/forums/sho...30054&page=278


وكانت معانا ايضا
العسوله

‏tota bent elmaseh

http://www.arabchurch.com/forums/showthread.php?t=130054&page=284


وكان معانا العضو المهذب جدا

zama

http://www.arabchurch.com/forums/showthread.php?t=130054&page=293

بشكركم جدا علي حسن المتابعه

واشوفكم علي خير في حلقة جديدة

وضيف جديد

في


اذاعة منتدي الكنيسة


تحياتي​

 

[+Roka_Jesus+]

كنت منور يا زاما
وفي انتظار الضحية الاخري

 

[روزي86]

اووووووووك يا قمر

ميرسي لمرورك الجميل

 

[روزي86]

​

اهلا وسهلا بيكم في حلقة جديدة​

وضيف جديد​

في​

اذاعة منتدي الكنيسة​

انهارده اختارت ليكم ضيفة عسوله خالص​

بنوته كلها زوق وطيوبه جدا​

اكيد عرفتوها​

ضيفتي اللي هتنور الاذاعة انهارده معايا​

هي​

هي​

هي​

طيب خلاص هقول احسن هضرب ​

هي​

المشرفة الجميلة​

Bent El3dra​

اهلا وسهلا بيكي معانا يا قمر​

يارب تستمتعي معايا في الاذاعة​

منورانا يا عسولتي​

فاصل سريع ونرجع مع​

المشرفة الجميلة​

بنت العدرا​

فتابعوناااااااااااااااا​