كيرلس اعرفه من فترة قريبة فقط ,وانا سعيدة بالتعرف عليه
شخص قوى وليه ارائه الخاصة بيه جدا هو نوع من الشخصيات اللى نقدر نقول عليهم one of a kind مش نسخة من حد انما ليه طابع خاص بيه فيه شخصيات كتير تعدى عليها ومتحسش بيها وفيه شخصيات تانية زى كيرلس تحس فيها بالتميز والاختلاف وانها نسخة خاصة بيها مفيش منها تانى ولا يسعى لتقليد الاخرين حتى لو كان المجتمع كله ضده
يقدر يمشى عكس التيار طالما مقتنع انه صح وده يثبت قوة شخصيته
ناس كتير ممكن تفهمه غلط ولكن انا شخصيا اعتبر شخصية كيرلس شخصية مريحة فى التعامل لانه لما بيقول الكلمة يعنيها, واضح وصريح ال لا هى لا وال نعم نعم ,انت شخص ذكى ياكيرلس ,لكن مشكلة اللى تفكيرهم عميق زيك واللى ماشيين عكس التيار انهم سهل يصابو بالاكتئاب والرغبة فى الانعزال لانه بيحس انه عايش فى عالمه الخاص ومحدش تانى فاهمه او معاه
اتمنى ليك كل الخير وربنا يفرحك
