أقتحام أعماق كاتب ... متجدد "الضيف الثالث Dona Nabil "

[G.a.L.a.x.y]

ايه الموضوع اللى جاى على بالك دلوقتى تكتبى عنه ؟؟

وقوليلنا شوية نقط جواه هتتكلمى عنها

عايزة اتكلم عن معنى الحياه

ودى حاجه بكتبها جديد

شويه نقط جواه مممممممم

هو انسان مهما بيحلم مبياخدش ومهما تعب مبيوصلش
انسان مشفاهم حياته ولا فاهم احتياجاته وحاسس بضيقة الدنيا و بعد الناس
انسان مهما يحقق احلام مهما طال وقتها حاسس انها بلا معنى
شايف الكل غريب عنه حتى نفسه غريبه والدنيا صغيره فى عنيه وشايفه مخيفه
رغم انها مألوفه الكل يفرح وهو حزين الكل حواليه وهو وحيد

ومشعايزة احرقها حرام انا قربت اكتبهالك يابنتى هههههههه
​

 

[Twin]

جلاكسي ... سؤال علي جنب
أنتي ليه غيرتي أسمك من كيريا الي جلاكسي​

 

[G.a.L.a.x.y]

جلاكسي ... سؤال علي جنب
أنتي ليه غيرتي أسمك من كيريا الي جلاكسي​

ينفع ارد على السؤال دة على الخاص ؟

 

[Twin]

جلاكسي بجد أنا بشكرك علي وجودك معانا ال نور الموضوع واداله شكل ولون
طبعاً انا نفسي اكمل معاكي أكتر بس الناس ال أنا أستضفتهم علشان يحوروكي كانوا نيميين
والظروف كمان كانت ضدنا في حاجات كتير

بس بجد أنتي أمتعتينا أوي

وقبل ما نسيبك في طلبين
الأول تقوللنا رأيك في الموضوع من حيث الإيجابيات والسلبيات
والتاني تكتبلنا قصقوصة حلوة منك تهديها للمنتدي وللموضوع​

 

[G.a.L.a.x.y]

انا متعت نفسى بقرايه كل الا كتبته وقارنت بين الا كنت بكتبه فى بدايه كتاباتى والا بكتبه دلوقتى واكيد الخبره بتفرق بالوقت
بغض النظر عن المستضيفين انا انبسطت فى رأى اخواتى فيا يعنى حتى لو مكنش في اقتحام لاعماقى كان فى تشجيع ليا وكان فى مشاعر حلوة من البعض ليا ودة يكفينى انى استمر لقدام

ايجابيات وسلبيات التوبيك ::
هو توبيك زى العثل بس عندى فكرة حلوة ممكن تعمل بيها التوبيك
فى برنامج فى التى فى سمعته كان الاسئله موحدة فى مع كل المستضيفين
وكانت اسئله جريئه جداا وكل واحد بيجاوب بطريقته وحسب فكرة
ودة بيخلى الناس تعرف تقارن وتفهم الا بيتكلم عامل زى اختبار شخصيه
وبتعمله لمجموعه من الناس الاختبار واحد لكن بتختلف افكار الناس ودة بيخلى الاختبار ينجح
لانك عن طريقه بتطلع الا جوة قلب الشخص يبقى الفكرة تعمل اسئله جريئه وحوار مع المستضيف والناس تقراه
وتستمتع بيه وتفهم الكاتب دة بيفكر ازاى على الاقل تكون عملت تكبير للصورة فى عيون الناس للشخص المعين
تانى فكرة هى احترام لاعمال الكاتب بمعنى انك مش بس هتقرب لشخصه ونفسه بل لاعماله الكتابيه
ودة عن طريق انك هتختار قصيده من قصايده اثرت فيك ومحتاج تستفسر فيها من حيث لغويا و معنى و قواعد وغيره
وظروف الكتابه ومعانى الاسطر وهكذا

يعنى هيبقى حوار ثنائى عن الشخص نفسه وعن كتابه له انت بالطريقه دى بتقرب الكاتب لقلوب الناس وتحببهم فى القصايد
بحيث الا يقرا قصيده يقراها بقلبه مش بس بعينه ويدقق فيها عشان يقدر يفهم مشاعر الكاتب فيها


قصفوصه منى بعديهالكم

مش لازم تكون قصقوصه شعر ممكن كلام من قلبى

الوقت الا قضيته معاكم و كل لحظه عيشتها وياكم
ايديكم الا مسكت ايدى فى وقت ضعفى وفى وقت قوتى
لو كانت حكايه خياليه فأنا مستعده اعيش فيها كل لحظه وكل دقيقه
حتى لومش قادرة اوصفها بالكلمات ، انتم مكانى المميز
..لو كنت اقدر احقق امنيه واحده فيارب ارجوك اوقف الوقت عشان اكون معاهم..
حتى وان كنا فى اماكن مفترقه هفضل ضامه محبتكم فى قلبى :*

اما ليك انت يا توين فاحفر نجمه فى قلبك وطير بيها للسما
دايما نظرك يبقى لفوق عشان تطلع قدام ولكل المنتدى ولكل الا
بيكتبوا وووالا بيتعلموا يكتبوا احفروا نجمه فى قلبكم وطيروا بيها


واقولكم بقى باى باى
اختكم كيري ^_^

 

[Twin]

كيريا ... أنت نورتينا بجد
وشكراً ع القصقوصة والكلام الجامد ده

واكيد اي توبيك مها كان فريق العمل بيه قوي ... بيكون في قصور ونقاط ضعف
بس مع الوقت ومع الضيوف نقدر نتلاشها

وال قدمتيه لينا ... نتمني نطبقه
وعلشان كدة وقبل الضيف الجديد ال هيبدأ ع الويك إند ... أحب واتمني لو تقدري تترجمي افكارك لواقع
أعتبري نفسك المستضيفة لتوين مثلاً ... هتكتبي تقولي ايه وهتسأليه أزي ​

 

[G.a.L.a.x.y]

لو انت توين وهستضيفك

الاول .. هبتدى معاك بسؤال عرفنا بيك يا توين بالطريقه الا انت شايف نفسك بيها ( تعتبر المقدمه للحوار )

ثانيا .. امتى بديت تكتب وحسيت انك موهوب بالكتابه وهل بدايتك فى الكتابه كانت خرابيش ولا مميزة وعملت ايه عشان تتقن القرايه

وقريت لمين من الشعراء ؟؟ والطريق الا مشيت فى الشعر عليه وبتحبه اكتر ولا النثر واشمعنى اخترت طريق الكتابه

هل بتعرف تعبر كويس فى الكتابه عن مشاعرك ؟؟ هل بتقدر تكتب فى كل مجالات الشعر وهل بتقدر تكتب فى كل وقت ؟

والشعر بيمثلك ايه ؟؟

( الاسئله المهمه البدائيه الا بتعرفنا بطبيعه حياه وكتابه وبدايه الشعر للكاتب )


ثالثا .. ( اسئله شعريه مهمه عن اهتمامات الكاتب )

ايه اكتر قصيده حبيتها واثرت فيك واشمعنى القصيده دى ياريت تحكيلنا الظروف

مين اقرب حد ليك من الشعراء ومين الا تحب تتبع كتاباته زى انا مثلا بحب اكتب زى صلاح جاهين

رابعا .. ( اسئله تعمقيه )

قولى يا توين امتى تقول على القصيده دى قصيده فى وجهه نظرك

مين اقوى كاتب فى المنتدى من وجهه نظرك

تعمل ايه لو دخلت مسابقه شعر واتقالك قصايدك مش كويسه وقدامك كتير عشان تتعلم

ايه نوع القصايد الا بتفضل تقراها دينى ولا عامى ولا ايه ؟ وهل بتحب القصيده اكتر عاميه ولا فصحى ؟

مين الا تقوله لازم تهتم بالقرايه عشان تكون كاتب كويس ومين الا تقوله انا استمتعت بكتاباتك ومين تقوله انت سئ ومحتاج مجهود لكن فيك الموهبه ومين الا تقوله انت رقم واحد بالنسبالى فى الشعر .

فى المنتدى هنا فى كتاب متخصصين دايما فى الدينى والرومانسى انت تخصصك ايه ولو قلتلك لو حبيت تكتب قصيدة مشتركه هتختار مين ؟؟

بتخاف من انتقاد الناس لقصيدتك رغم محبتك لنقدهم ؟؟

تقول ايه للا بينقلوا قصايد غيرهم وينسبوها لنفسهم ؟؟

تنصح الكتاب الصغننين فى المنتدى ب ايه ؟ والكبار الا ليهم زمان تقولهم ايه ؟؟

ايه الا محتاجه من الناس فى كتاباتك ؟ هل بتهتم بالنقد فقط ولا المديح فقط ولا الاتنين ولا انت بتبقى نفسك او مستنى حاجه تانى منهم زى انا مثلا ببقى مستنيه الشخص الا يقرا الا بكتبه ويحس بيه ويناقشنى على الاقل احس ان الا كتبته وصل لمشاعر غيرى
طيب وانت ؟؟

هل حد قبل كدة انتقد شعرك بطريقه لازعه ؟ وكان رد فعلك ايه لو حصل ؟

هل انت امين وراضى عن ايجابتك على اسئلتى ؟


اخررر مرحله وهى انى امسك قصيده من قصايدك وابتدى احللها معاك
واستفسر عن كل حاجه شدت انتباهى او اسثارت استفزازى ^_^

هتتعصر مفيش كلام طبعا انا جوايا اسئله بالهبل بس مسحتهم عشان المنتدى قالى ردك تجاوز الحد
ههههههههههه
واكيد مع كل رد منك هيثير سؤال جوايا يعنى الحوار هيبقى طويل وممتع

 

[Twin]

تسجيل أعجاب بالأسئلة ... وسيتم تطبقها بالحرف بس علي مراحل مختلفة علي الضيوف
مع المحاورين ال جيين

بس لو قلتلك ... تقدري تجوبي ع الأسئلة دية كلها قبل ما نروح لضيف تاني تقدري ؟
ومش هنقشك فيها ... هنتابع بس​

 

[G.a.L.a.x.y]

،،

مبسوطه لو حبيت اكمل باقى اسئله انا هشترك فى توبيكك الا جاى مع المستضيف الجديد لانى هيبقى عندى فضول اعرف عنه اكتر
اما اجابتى عن الاسئله كدة يبقى انتحار ههههه دى اسئله كتيرة اوى ^_* لكن انا منتظرة بفارغ الصبر المحاور الجديد
عشان اندمج معاه ككُتاب مع بعض واكيد اكتر ناس هيفهموا مشاعر الكاتب لو حد بيكتب زيه : ) شكرا كتير توين لتعبك : )

..

 

[Twin]

بجد بشكرك يا كيريا ... وبنتمنالك التوفيق في كل خطواتك ​

 

[Twin]

كنا مع GaLaxy ال شرفتنا وأمتعتنا كضيف اول في الموضوع ... فشكراً ليها
وبشكر عبود وكوينا ... علي حضورهم المميز

معدنا في الويك أند مع ضيف جديد ... ومحاوريين جدد ​

 

[Twin]

وطبعاً ... بعد أما خلصت حلقتنا مع جلاكسي ... كان ولابد وحتماً :smile01
أننا ندور علي ضحية جديدة ... قصدي ضيف جديد​

وبعد مداولات ومناقشات مع نيفينا -المسؤلة مسؤلية مباشرة عن الموضوع معي- ​

أتفقنا علي العضو الرائع elamer1000
عضو ملوش في وجع القلب واللف في المنتدي ... عضو هادي كتير
محدش بيشوفه كتير غير المهتمين بكتباته طبعاً​

أنا وبكل صراحة أتصدمت بكمية الموضيع ال هو رفعها ع المنتدي
بصراحة كمية حلوة كتير ... من عضو محترم عضو ليه قلمه المميز
رقة أسلوبه بتجبر الكثيرين علي احترام كلماته
أنا بصراحة مقرتش ليه كتير ... وده إنما يدل علي شئ واحد بس هو -كسلي- :thnk0001:​

عامة نتمني نقضي وقت حلو معاه ... وهو يتبسط في التوبيك معانا ​

وطبعاً بنرحب بالأخت جلاكسي -الضيف السابق- ال هتكون محاورة للضيف مع الأخ الحبيب بداية العمر ​

منوريين ​

​

​

​

 

[Twin]

وقبل بدأ الحوار

هذا أجمل ما دونه elamer1000


** الأميــــــــــــــــر **


** أميـــــــر الآلام **


** أميـــــــر السعادة **


** ملك صغير **


** مؤتمر الشياطين **


** كرمالى ... من أجلى ... For me **


سلسلة ألم ع الم ( ألم عالم


** ألم ع الم " 1 " **


** ألم ع الم " 2 " **


ألم ع الم " 3 "

** ألم ع الم " 4 " **

** ألم ع الم ( 5 ) **

** ألم ع الم ( 6 ) **

** ألم ع الم " 7 " **

** ألم ع الم " 8 " **

** ألم ع الم " 9 " **

** ألم ع الم " 10 " **
​

** ألم ع الم " 11 " **



** ألم ع الم " 12 " **


​

** تجربة ** أين الحب **


** اسقينى يا سامرية **



** بنت النار **


** بنت السعادة **

** أميـــــــــــرى **


** حَبَّ ةِ حَبَّ **


** ر م م **


** سَلِم وَثُعْبَان **


** تجربة ** أين الحب **


** يا سيدى الغريب **


** عيون الله .. عيونك .. عيونى **


** ترنيمة : توبى يا نفسى **


** فى عيد الميلاد ( ها صلاتى ) **

** لماذا جئت يا سيدى **

** سأظل **

** مين اللي قال **



** فى عيد الميلاد : لحظات مع نفسى **
سلسلة أنا

** سلسلة أنا جزء (1) **

** سلسلة أنا جزء (2) **

** سلسلة أنا جزء (3) **

** سلسلة أنا جزء (4) **

** سلسلة أنا جزء (5) **

** سلسلة أنا جزء (6) **

** سلسلة أنا جزء (7) ** الجزء الأخير **

** فى عيد الميلاد ( ها صلاتى ) **

** فى ميلادك اعطيتنى من صفاتك يا سيدى الحبيب **

** فى عيد الميلاد : لحظات مع نفسى **

** لماذا جئت يا سيدى **

** دَعْوَةَ حَبَّ **

** الْحُبِّ الْمَزْعُوْمِ للإلَهِ الْمَجْهُوْلِ **

** ياربى ساعدنى **

** الْحَيَاةِ وَالْمَوْتِ **

** عيون الله .. عيونك .. عيونى **


** تأملات فى ترنيمة سوف أنسى **

** معًا فى الجحيم **

** أميـــــــــــرى **

** ترنيمة : توبى يا نفسى **

** ر م م **

** سَلِم وَثُعْبَان **

** يا سيدى الغريب **


** كرمالى ... من أجلى ... For me **

** مين اللي قال **

** سأظل **

** مع السامرية **


** اسقينى يا سامرية **


** الصوم الكبير **

** حَبَّ ةِ حَبَّ **

** محاكمة انجيلوس بسبب ابليس **




** فى عيد ميلادى **

** الراعي الحزين **


** علمنـــــــــى **


أتمني تكون المواضيع أتنقلت بالروابط السليمة​

 

[Samir poet]

متابعين بشوق
ولهفة

 

[+Nevena+]

اولا بشكر توين علي اشتراكي معاه في التوبيك ( التدبيسه )
واتمني اكون قد المسئوليه في فتره غيابه اليومين دول عنا

وبتمني له اجازه سعيده ويرجع بسرعه ينورنا


واحب ارحب بضحيتنا الجديده
اقصد ضيفنا الجديد الامير
واتمني انك تقضي معانا فتره سعيده وممتعه

وارحب كمان بالمحاورين
جلاكسي وبدايه عمر
منورين الموضوع

وفي انتظار حواركم والاسئله الجريئه الذكيه

متابعه ...

 

[+Nevena+]

ايه يا جماعه فين الضيف وفين المحاورين

انتوا خوفتوا مني ولا ايه

انا هتفرج بس مش هاعمل حاجه صدقوني

يالا ابدأ بسؤال علي الماشي كدا لحد ما المحاورين يجيوا


اولا اهلا بيك مره تانيه
وهو كتر السلام بيقلل المعرفه
بس عندنا هيزيدها اكيد ههههههه

1) احب تعرفنا بنفسك في البدايه . وليه اخترت اسم الامير في تسجيلك في المنتدي ؟


2 ) متي بدأت الكتابه واي انواع الكتابه تفضل اكثر ولماذا ؟

دول سؤالين فاتح شهيه بس
لحد المحاورين ما يشرفونا

 

[ABOTARBO]

تيب اسجل متابعة الاول ممكن ههههه

 

[+Nevena+]

اكيد ممكن طبعا دا انت نورتنا

 

[Samir poet]

تسيجل متابعة

 

[+Nevena+]

منور يا سمير